सिंधुदुर्ग Today डिजिटल न्यूज चॅनेल

दिराला दगडाने मारहाण केल्याच्या आरोपातून सोनाली सुनील तांबे हिची निर्दोष मुक्तता. ऍड. मेघना सावंत यांनी पाहीले कामकाज. कणकवली / प्रतिनिधी  मौजे वागदे येथील सोनाली सुनील तांबे हिने आपल्याला दगडाने मारहाण करून गंभीर जखमी केल्याची तक्रार तिचा दीर अनिल तानाजी तांबे याने पोलीस स्टेशन कणकवली येथे दिली होती. त्याप्रमाणे पुढे आरोपपत्र कणकवली न्यायालयात दाखल होऊन केस चालली. परंतु पटलावर आलेले फिर्यादीचे चुकीचे वर्तन व आरोपीविरुद्ध आरोप शाबीत न झाल्याने सबळ पुराव्याअभावी आरोपीची निर्दोष मुक्तता करण्याचे आदेश कणकवली न्यायालयाचे न्या. सोनटक्के यांनी केले. आरोपीच्या बाजूने ऍड. मेघना देऊ सावंत यांनी कामकाज पहिले.

नांदगाव फोंडा महामार्गावर झाडाची तुटून लटकत असलेल्या फांदीला वाली कोण ? येणा - जाणाऱ्या वाहनांवर पडण्याची भिती  कणकवली (ऋषिकेश मोरजकर) कणकवली तालुक्यातील नांदगाव फोंडा महामार्गावर तोंडवली - नांदगाव च्या मध्ये महामार्गावरील असलेले झाडाची फांदी पूर्णतः तुटून रस्त्याच्या अगदी मधोमध वरील भागात लटकत आहे. यामुळे वाहनधारकांमध्ये भीतीचे वातावरण निर्माण झालेले आहे.      या महामार्गावर सतत वाहनांची वर्दळ असते.  देवगड निपाणी हा राज्यमार्ग असल्याने येथून दुचाकीस्वार, फोर व्हीलर बरीच वाहने ये - जा  करत असतात अशावेळी सदर तुटून अर्धवट अडकलेली फांदी जर वाहनांवर कोसळली तर मोठा अपघात घडू शकतो.  तसेच सदर फांदी ही रस्त्याच्या अगदी मधोमध झाडावर लटकत असल्याने धोकादायक स्थिती निर्माण झाली आहे. तरी संबंधित विभाग अपघात घडल्यानंतर जागे होणार आहे का ? असा संतप्त सवाल येथील नागरिकांमधून तसेच वाहनधारकांमधून केला जात आहे.

नांदगाव हाय. मुख्याध्यापक सुधीर तांबे यांना आदर्श शिक्षक पुरस्कार प्रदान   क्रांतीबा ज्योतिबा फुले स्मृतिदिन आदर्श शिक्षक पुरस्कार प्रदान  नांदगाव (ऋषिकेश मोरजकर) कास्ट्राईब शिक्षक संघटना महाराष्ट्र राज्य जिल्हा शाखा कोल्हापूर यांच्या वतीने दिला जाणारा क्रांतीबा ज्योतिबा फुले स्मृतिदिन आदर्श शिक्षक पुरस्कार सरस्वती हायस्कूल नांदगाव चे मुख्याध्यापक श्री सुधीर भास्कर तांबे. यांना नुकताच कोल्हापूर शाहू स्मारक येथे झालेल्या जाहीर कार्यक्रमात प्रदान करण्यात आला. या कार्यक्रमास समाज कल्याण अधीक्षक. महाराष्ट्र शासन श्री सचिन पाटील, करवीर चे गटशिक्षणाधिकारी समरजीत पाटील, संघटनेचे राज्याध्यक्ष श्री आकाश तांबे इत्यादी मान्यवर उपस्थित होते. श्री सुधीर भास्कर तांबे यांनी यावर्षी सावंतवाडी येथे झालेल्या कास्ट्राईब शिक्षक संघटनेच्या राज्य अधिवेशनाची जबाबदारी चांगल्या पद्धतीने पार पाडून, जिल्हाध्यक्ष पदाची जबाबदारी देखील नेताने सांभाळली. या अधिवेशनाच्या आयोजनात राज्याध्यक्ष आकाश तांबे यांच्या मार्गदर्शनाखाली कार्यक्रम यशस्वी करून दाखवला. त्यानिमित्त राज्याच्या वतीने त्यांचा. सन्मानचिन्ह...

लवकरच चिपी विमानतळावरुन पुन्हा विमान झेपावणार : खा.नारायण राणे यांच्या प्रयत्नांना यश  मुंबई-सिंधुदुर्ग-मुंबई सेवेच्या पुनरारंभासाठी नागरी विमान वाहतूक मंत्र्याकडे खा.नारायण राणे यांनी दिले निवेदन   नवी दिल्ली (वृत्तसंस्था)  चिपी येथील सिंधुदुर्ग विमानतळ ते मुंबई अशी विमानसेवा तातडीने सुरु व्हावी यासाठी माजी केंद्रीय मंत्री खा. नारायण राणे यांनी नागरी विमान वाहतूक मंत्री के. राम मोहन नायडू यांच्याकडे मागणी केली आहे. यावेळी त्यांनी सिंधुदुर्ग विमानतळामुळे होणाऱ्या सेवांकडेही मंत्रीमहोदयांचे लक्ष वेधले. सिंधुदुर्गला सेवा देणारी अलायन्स एअर सेवेचे आरसीएस आणखी पाच वर्षांसाठी वाढवण्याबाबत स्पष्ट भुमिकाही मांडली. यावेळी ही सेवा लवकरच सुरु करण्याबाबत नागरी विमान वाहतूक मंत्रालयाकडून  कार्यवाही होईल असे आश्वासन केंद्रीय मंत्री के. राम मोहन नायडू यांनी खा.नारायण राणे यांना दिले.  या भेटी दरम्यान खा. नारायण राणे यांनी दिलेल्या निवेदनात म्हटले आहे की, महाराष्ट्रातील सिंधुदुर्ग जिल्हा हा मूळ समुद्रकिनारे, विपुल नैसर्गिक सौंदर्य, ऐतिहासिक-धार्मिक स्थळे आणि विदेशी खाद्यपदार्थ...

ओसरगांव शाळा नंबर १ मध्ये  संविधान दिन उत्साहात साजरा. विस्तार अधिकारी श्रीमती मांजरेकर, मुख्याध्यापक किशोर कदम यांच्यासह शिक्षक विद्यार्थ्यांचा सहभाग कणकवली/प्रतिनिधी      ओसरगाव जि. प. शाळा नंबर 1 येथे संविधान दिन मोठ्या उत्साहात विविध कार्यक्रमातून आयोजित करण्यात आला. यावेळी संविधान रॅली काढण्यात आली.   हर घर संविधान या उपक्रमांतर्गत आयोजित करण्यात आलेल्या या कार्यक्रमात शिक्षण विस्तार अधिकारी श्रीमती मांजरेकर मुख्याध्यापक किशोर कदम, पदवीधर शिक्षिका शितल दळवी, राजश्री तांबे ,प्रमिता तांबे सर्व विद्यार्थी सहभागी झाले होते .     यावेळी शाळा ओसरगाव नं.१ तर्फे संविधान जागृती रॅली काढण्यात आली. तसेच भारतीय घटनेचे शिल्पकार भारतरत्न डॉ. बाबासाहेब आंबेडकर यांच्या प्रतिमेला पुष्पहार अर्पण करून संविधान प्रास्ताविकेचे वाचन करण्यात आले. यावेळी संविधान प्रास्ताविकेचे लेखन  स्पर्धेचे आयोजन करण्यात आले.  यावेळी बोलताना विस्तार अधिकारी श्रीमती मांजरेकर म्हणाल्या,भारतीय राज्यघटना मानव मुक्तीचा खरा जाहीरनामा आहे कारण यामध्ये  स्वतंत्र भारतातील जात धर्म...

चौथ्या समाज साहित्य विचार संमेलनाच्या अध्यक्षपदी कवी प्रफुल्ल शिलेदार १ डिसेंबर रोजी मालवण येथे संमेलनाचे आयोजन समाज साहित्य प्रतिष्ठान आणि बॅ. नाथ पै सेवांगणचे आयोजन कणकवली/प्रतिनिधी        समाज साहित्य प्रतिष्ठान सिंधुदुर्ग आणि बॅ.नाथ पै सेवांगण मालवण यांच्या संयुक्त विद्यमाने आयोजित करण्यात आलेल्या चौथ्या समाज साहित्य विचार संमेलनाच्या अध्यक्षपदी ज्येष्ठ कवी आणि साहित्य अकादमी पुरस्कार विजेते अनुवादक प्रफुल्ल शिलेदार (नागपूर) यांची निवड करण्यात आली आहे. तर प्रमुख अतिथी म्हणून संत साहित्याचे अभ्यासक ॲड. देवदत्त परुळेकर हे उपस्थित राहणार आहेत. रविवार १ डिसेंबर रोजी स. १० वा.बॅ.नाथ पै सेवांगण मालवणच्या सभागृहात संमेलनाचे आयोजन करण्यात आले आहे.       कोकण बरोबर महाराष्ट्रातील गुणवंत साहित्यिकांना चांगल्या वाचकांसमोर आणण्याच्या दृष्टीने समाज साहित्य प्रतिष्ठान ही संस्था गेली अनेक वर्ष विविध उपक्रम राबवत आहे. याच पार्श्वभूमीवर दरवर्षी समाज साहित्य विचार संमेलन आयोजित केले जाते. 'आधी समाज असतो म्हणून साहित्याची निर्मिती होते" ही धारणा ठेवून समाज साहित्य प्...

नांदगाव महापुरुष सेवा संघाच्या वतीने विद्यार्थ्यांचा गुणगौरव  कै.पार्वती कांदळकर,कै. पुष्पलता कांदळकर कै.निर्मला कांदळकर यांच्या स्मरणार्थ भेट वस्तू देत सत्कार  मोबाईल चा वापर विघातक कामासाठी होवू नये ; मान्यवरांनी व्यक्त केले मत नांदगाव प्रतिनिधी         श्री महापुरुष सेवा संघ नांदगाव च्या वतीने अखंड हरिनाम सप्ताह आज संपन्न होत आहे. यानिमित्त दरवर्षी प्रमाणे याहीवर्षी कै.पार्वती कृष्णा कांदळकर,कै. पुष्पलता आप्पा कांदळकर कै.निर्मला कांदळकर यांच्या स्मरणार्थ 10 वी 12 विद्यार्थ्यांचा भेट वस्तू देत सत्कार समारंभ नुकताच संपन्न झाला आहे.       यावेळी महापुरुष सेवा संघ नांदगाव अध्यक्ष शशिकांत शेटये ,नांदगाव हाय.मुख्या.सुधीर तांबे, वसंत कांदळकर, महापुरुष सेवा संघ मुंबई मंडळाचे मुंबई मंडळाचे अध्यक्ष सुरेश पाटील , ग्रामपंचायत सदस्य विठोबा कांदळकर, सेवानिवृत्त केंद्र प्रमुख संतोष जाधव आदी उपस्थित होते.       यावेळी उपस्थित मान्यवरांनी विद्यार्थ्यांच्या पुढील भविष्यासाठी टक्केवारी वाढावी यासाठी विद्यार्थ्यांनी प्रयत्न केले पाहिजेत हे...

नांदगाव वीज बिल न भरण्याचा टाकलेला बहिष्कार मागे घेण्यात यावा. वीज महावितरण ने नांदगाव सरपंचांकडे पत्राद्वारे केली मागणी वारंवार विद्युत पुरवठा खंडित होत असल्याने ग्राहकांनी बिलांवर टाकला होता बहिष्कार.  कणकवली ( ऋषिकेश मोरजकर) कणकवली तालुक्यातील नांदगाव विभागातील मधील गेले काही महिने विद्युत पुरवठा वारंवार खंडित होत होता. याबाबत आंदोलन तसेच लेखी पत्राद्वारे लक्ष वेधून ही काही सुधारणा होत नसल्याने अखेर सर्व नांदगाव दशक्रोशीतील वीज ग्राहकांनी एकत्र येत सामुदायिक रित्या वीज बिलांवर बहिष्कार टाकला होता. याची गंभीर दखल घेत महावितरण कंपनीने गेले काही महिने विद्युत पुरवठा सुरळीत होण्यासाठी मेहनत घेऊन तो सुरळीत करण्याचा प्रयत्न केला.      आणि आता बऱ्यापैकी समस्या दूर होत असल्याने आपण वीज ग्राहकांनी घेतलेला विज बिल बहिष्कार निर्णय मागे घेऊन वीज बिले भरून महावितरण ला सहकार्य करावे अशी विनंती महावितरण कंपनीचे कनिष्ठ अभियंता यांनी नांदगाव सरपंच रविराज मोरजकर यांना लेखी पत्राद्वारे केली आहे.      तसेच असलदे ते तळेबाजार ही पर्यायी 33 केव्ही लाईनचे काम प्रगतीपथावर अ...

आजच्या दगाबाज काळात अल्पसंख्याक भेद शोधणाऱ्या कवीचा गौरव कवी सफरअली यांना प्रभा प्रेरणा काव्य पुरस्कार प्रदान सोहळ्यात श्रीधर चैतन्य यांचे प्रतिपादन कणकवली प्रभा प्रकाशनातर्फे पुरस्कार सोहळ्याचे आयोजन : कार्यक्रमाला जिल्ह्याभरातून उत्स्फूर्त प्रतिसाद कणकवली/प्रतिनिधी          आजच्या दगाबाज काळात अल्पसंख्याक भेद शोधणारा कवी म्हणून आपल्याला सफरअली इसफ आणि त्यांच्या कवितेकडे पहावे लागते. त्यांची कविता धर्माच्या मदतीने राजकारण केले जाणारी मांडणी टोकदारपणे करते आणि आजच्या धर्मांध राजकारणाला  उघडे पाडते. अशा समकालीन महत्त्वाच्या कवितेला कणकवलीच्या प्रभा प्रकाशनातर्फे प्रभा प्रेरणा पुरस्कार देऊन गौरवण्यात आले ही महत्त्वाची सांस्कृतिक घटना आहे असे प्रतिपादन सुप्रसिद्ध लेखक - अनुवादक श्रीधर चैतन्य यांनी येथे आयोजित केलेल्या प्रभा प्रेरणा पुरस्कार सोहळ्यात केले.    कणकवली - कलमठ गोसावीवाडी येथील अक्षय सभागृहात कवी सफरअली इसफ यांना त्यांच्या दर्या प्रकाशनाने प्रकाशित केलेल्या आजच्या बहुचर्चित 'अल्लाह ईश्वर' या काव्यसंग्रहासाठी प्रभा प्रेरणा पुरस्कार श्रीधर च...

आमदार नितेश राणे आणि महायुतीच्या घवघवीत यशानंतर नांदगावात जल्लोष. डिजेच्या तालावर गुलालाची उधळण करीत धरला ठेका  नांदगाव (ऋषिकेश मोरजकर) कणकवली विधानसभा मतदारसंघातून आमदार नितेश राणे यांनी तिसऱ्यांदा हॅट्रिक करत 58000 मताधिक्याने दणदणीत विजय संपादन केला तसेच राज्यातही भाजपा महायुतीला दणदणीत विजय मिळाल्याने कणकवली तालुक्यातील नांदगाव भारतीय जनता पार्टीच्या वतीने जल्लोष साजरा करण्यात आला .  गुलाल उधळीत महायुतीचा विजय असो...  भारत माता की जय... अशा घोषणांनी नांदगाव परिसर दणाणून गेला.डिजेच्या तालावर गुलालाची उधळण करीत लहान मुलांपासून तर तरुणांनी ठेका धरत मोठ्या प्रमाणात जल्लोष साजरा करण्यात आला.        यावेळी भारतीय जनता पार्टीचे सरचिटणीस पंढरी वायंगणकर, नांदगाव सरपंच भाई मोरजकर, कोळोशी सरपंच गुरुनाथ आचरेकर, असलदे उपसरपंच सचिन परब , नांदगाव माजी उपसरपंच निरज मोरये, प्रदीप हरमलकर, पप्पी सापळे, प्रशांत परब रघुनाथ लोके, मनोज लोके , संतोष जाधव,विजय आचरेकर ,मारुती मोरये, कमलेश पाटील, राजू खोत, रज्जाक बटवाले,आबा बिडये , ग्रामपंचायत सदस्य शंकर मोरये, विठोबा कांदळक...

  जाणून घ्या विधानसभा निवडणुकीमध्ये कोणत्या जिल्ह्यात किती टक्के मतदान झालं? सिंधुदुर्ग today  राज्यात काल विधानसभा निवडणूक पार पडली आहे. या निवडणुकीत राज्यभरात  65 टक्क्यांपेक्षा अधिक मतदान झालं आहे. कोणत्या जिल्ह्यात किती टक्के मतदान झालं? पहा सविस्तर ◼️ * जिल्हानिहाय मतदानाची टक्केवारी : * ▪️ अहमदनगर - ७१.७३ टक्के, ▪️ अकोला - ६४.४५ टक्के, ▪️ अमरावती - ६५.५७  टक्के, ▪️ छत्रपती संभाजीनगर - ६८.८९ टक्के, ▪️ बीड - ६७.७९ टक्के, ▪️ भंडारा - ६९.४२ टक्के, ▪️ बुलढाणा - ७०.३२ टक्के, ▪️ चंद्रपूर- ७१.२७ टक्के, ▪️ धुळे - ६४.७० टक्के, ▪️ गडचिरोली - ७३.६८ टक्के, ▪️ गोंदिया - ६९.५३  टक्के, ▪️ हिंगोली - ७१.१० टक्के, ▪️ जळगाव - ६४.४२ टक्के, ▪️ जालना - ७२.३० टक्के, ▪️ कोल्हापूर - ७६.२५ टक्के, ▪️ लातूर - ६६.९२ टक्के, ▪️ मुंबई शहर- ५२.०७ टक्के, ▪️ मुंबई उपनगर -५५.७७ टक्के, ▪️ नागपूर - ६०.४९ टक्के, ▪️ नांदेड -  ६४.९२ टक्के, ▪️ नंदुरबार- ६९.१५  टक्के, ▪️ नाशिक - ६७.५७ टक्के, ▪️ धाराशिव - ६४.२७ टक्के, ▪️ पालघर - ६५.९५ टक्के, ▪️ परभणी - ७०.३८ टक्क...

नांदगाव येथील वयोवृद्ध १०२ वर्षाच्या आजीने केले मतदान. नांदगाव येथील १८९५ मतदारांनी बजावला मतदानाचा हक्क. नांदगाव (ऋषिकेश मोरजकर)  कणकवली तालुक्यातील नांदगाव येथे आज विधानसभा निवडणुकीच्या मतदानामध्ये चंद्रकांत बिडये यांच्या मातोश्री द्रोपदी तुकाराम बिडये वय १०२ वय वर्षे असलेल्या आजीने ही मतदानाचा हक्क बजावला आहे.       मतदान केंद्र २२४ मध्ये ५०५, २२५ मध्ये ६६९ तर २२६ मध्ये ७२१ असा एकूण १८९५ मतदारांनी आज मतदानाचा हक्क बजावला आहे.

आम्हीही केले मतदान... दिविजा वृद्धाश्रमातील २० आजी आजोबांनी बजावला मतदानाचा हक्क  कणकवली (ऋषिकेश मोरजकर) कणकवली तालुक्यातील असलदे येथील दिविजा वृद्धाश्रमातील 20 आजी आजोबांनी असलदे येथील मतदान केंद्रावर आपला मतदानाचा हक्क बजावला. यामध्ये वय 85 वर्षांपर्यंतचे आजी आजोबा आहेत.  आणि सर्व मतदारांनी मतदान करण्याचे आवाहन केले. त्याशिवाय, वृद्धाश्रमातील एकूण 20 कर्मचाऱ्यांनी कोळोशी येथील मतदान केंद्रावर आपले मतदान केले. 0072

नांदगाव येथे १५०१ मतदारांनी ३ वाजेपर्यंत बजावला मतदानाचा हक्क नांदगाव (ऋषिकेश मोरजकर) विधानसभा निवडणूक साठी सकाळी सात वाजल्यापासून मतदान सुरू झाले असून कणकवली विधानसभा मतदारसंघातील नांदगाव येथे पुरुषी मतदान सुरू आहे सकाळपासूनच तीनही मतदान केंद्रावर मतदारांची गर्दी पहावयास मिळत आहे नांदगाव येथे एकूण २६०० मतदारांपैकी १५०१ मतदारांनी सकाळी सात वाजल्यापासून ते दुपारी तिन वाजेपर्यंत आपला मतदानाचा हक्क बजावलेला आहे. सायंकाळपर्यंत  सदर आकडेवारीत वाढ होईल       केंद्र निहाय आकडेवारी सकाळी ७ ते दुपारी ३ पर्यंत नांदगाव केंद्र क्रमांक २२४ पुरुष -२१५ महिला - २२६ एकूण- ४४१ - टक्के ६१.९३ नांदगाव केंद्र क्रमांक २२५ पुरुष -१९८, स्त्री -३१९ एकूण- ५१७, टक्के ४९.८० तर नांदगाव केंद्र क्रमांक २२६ -पुरुष -२७३ ,स्त्री -२७० - एकूण- ५४३टक्के ५७.४६ अशी आकडेवारी दुपारी ३ वाजेपर्यंत आहे.

नांदगाव येथे १०९९ मतदारांनी स. ७ ते १ पर्यंत बजावला मतदानाचा हक्क नांदगाव (ऋषिकेश मोरजकर) विधानसभा निवडणूक साठी सकाळी सात वाजल्यापासून मतदान सुरू झाले असून कणकवली विधानसभा मतदारसंघातील नांदगाव येथे पुरुषी मतदान सुरू आहे सकाळपासूनच तीनही मतदान केंद्रावर मतदारांची गर्दी पहावयास मिळत आहे नांदगाव येथे एकूण २६०० मतदारांपैकी १०९९ मतदारांनी सकाळी सात वाजल्यापासून ते एक वाजेपर्यंत आपला मतदानाचा हक्क बजावलेला आहे.दुपार नंतर सदर आकडेवारीत वाढ होईल .      केंद्र निहाय आकडेवारी सकाळी ७ ते दुपारी १ पर्यंत नांदगाव केंद्र क्रमांक  २२४ पुरुष -१७६ महिला - १८१ एकूण- ३५७ -  टक्के ५०.१४,  नांदगाव केंद्र क्रमांक  २२५ , पुरुष -१४१ महिला- २२९ एकूण- ३७० - टक्के ३५.६४, नांदगाव केंद्र क्रमांक २२६ पुरुष - १९१, महिला १८१, एकूण- ३७२ - टक्के ३९.३६ असे सकाळी ७ ते दुपारी १ पर्यंत मतदानाचा हक्क बजावला आहे.

माजी आमदार प्रमोद जठार यांनी बजावला मतदानाचा हक्क. कासार्डे : (ऋषिकेश मोरजकर) विधानसभा निवडणूक पार्श्वभूमीवर कणकवली विधानसभा मतदारसंघातील येत असलेल्या माजी आमदार प्रमोद जठार यानी कासार्डे येथे मतदान केंद्रावर मतदानाचा हक्क बजावला

नांदगावात ५५१ मतदारांनी स. ७ ते ११ वेळेत बजावला मतदानाचा हक्क अजून ही लांबच लांब रांगा  कणकवली (ऋषिकेश मोरजकर) विधानसभा निवडणूक साठी सकाळी सात वाजल्यापासून मतदान सुरू झाले असून कणकवली विधानसभा मतदारसंघातील नांदगाव येथे पुरुषी मतदान सुरू आहे सकाळपासूनच तीनही मतदान केंद्रावर मतदारांची गर्दी पहावयास मिळत आहे नांदगाव येथे एकूण २६०० मतदारांपैकी ५५१ मतदारांनी सकाळी सात वाजल्यापासून ते अकरा वाजेपर्यंत आपला मतदानाचा हक्क बजावलेला असून अजूनही मतदान केंद्रांवर लांबच लांब रांगा पाहायला मिळत आहेत.     केंद्र निहाय आकडेवारी सकाळी ७ ते ११ पर्यंत २२४ यामध्ये पुरुष ११६,महिला १०२ एकूण २१८, केंद्र क्रमांक २२५ मध्ये पुरुष ९४, महिला १०१, एकूण १९५, केंद्र क्रमांक २२६ मध्ये पुरुष ६४ महिला  - ७४ एकूण १३८ असे एकूण ५५१ ७ ते ११ पर्यंत मतदानाचा हक्क बजावला आहे.

चाकरमानी मतदार ईले मतदान हक्क बजावूक आपल्या गावात  कणकवली (ऋषिकेश मोरजकर) महाराष्ट्र विधानसभेसाठी आज सर्वत्र मतदान होत आहे . यासाठी मुंबई स्थित असलेल्या चाकरमान्यांचे आपल्या गावातील असलेल्या मतदानाचा हक्क बजावण्यासाठी चाकरमानी आपल्या गावाकडे  दाखल होत आहेत . रात्री उशिरा सुटलेल्या ट्रेनमधून प्रचंड गर्दी पहावयास मिळत होती अगदी मे महिना किंवा श्री गणेश चतुर्थी दरम्यान  गावाकडे येणाऱ्या चाकरमान्यांची गर्दी असते तशीच परिस्थिती रेल्वे स्टेशनच्या ठिकाणी पाहायला मिळत होती. यामुळे एकच चर्चा ऐकायला मिळत होती ती म्हणजे चाकरमानी मतदार ईले गावात आपला मतदान हक्क बजावूक!       रेल्वे च्या मुंबईतून रात्री सुटणाऱ्या सर्व गाड्याना प्रचंड गर्दी होती. तर स्लीपर डबे ओसंडून वाहत होते.

  उद्या मतदान ; प्रचार तोफा थंडावल्या  मतदान कर्मचारी पोहचले मतदान केंद्रांवर. कणकवली (ऋषिकेश मोरजकर)          विधानसभा निवडणूक रणधुमाळी २०२४ प्रचार तोफा काल सायंकाळ पासून थंडावल्या असून उद्या बुधवार दिनांक २० नोव्हेंबर रोजी मतदान होणार आहे. कणकवली विधानसभा मतदारसंघातील सर्व मतदान कर्मचारी केंद्रांवर पोहचले आहेत. उद्या सकाळी ठीक ७ वाजता मतदार सुरू होणार असून सायंकाळी ६ वाजेपर्यंत मतदान सुरू असणार आहे.      कणकवली विधानसभा मतदारसंघात एकूण सहा उमेदवार निवडणूक रिंगणात असून सर्वच उमेदवारांनी आप आपल्या परीने प्रचाराची सांगता काल सायंकाळी केलेली पहायला मिळाली.        आज सकाळी उपविभागीय दंडाधिकारी तथा कणकवली विधानसभा निवडणूक निर्णय अधिकारी जगदीश कातकर यांच्या हस्ते श्रीफळ वाढवून सर्व निवडणूक कर्मचाऱ्यांना रवाना झाले. यावेळी कणकवली तहसीलदार दिक्षांत देशपांडे, वैभववाडी तहसीलदार सूर्यकांत पाटील, कणकवली नायब तहसीलदार  मंगेश यादव, गटविकास अधिकारी चव्हाण,मंडळ अधिकारी तसेच निवडणूक कर्मचारी आदी उपस्थित होते.

प्रभा प्रेरणा काव्य पुरस्कार सोहळा २४ रोजी कणकवलीत:निमंत्रित कवींचे कविसंमेलनही श्रीधर चैतन्य, प्रा.संजीवनी पाटील, ॲड.विलास परब, मधुकर मातोंडकर आणि संध्या तांबे यांची उपस्थिती प्रभा प्रकाशनातर्फे कार्यक्रमाचे आयोजन कणकवली/प्रतिनिधी            कणकवलीतील प्रभा प्रकाशनातर्फे यावर्षीपासून दुर्लक्षित राहणाऱ्या साहित्यिकांसाठी प्रभा प्रेरणा काव्य पुरस्कार सुरू करण्यात आला आहे. सदर पहिला पुरस्कार कवी सफरअली इसफ यांच्या दर्या प्रकाशनाने प्रकाशित केलेल्या आजच्या बहुचर्चित 'अल्लाह ईश्वर' काव्यसंग्रहाला तो जाहीर झाला असून त्याचा पुरस्कार प्रदान सोहळा रविवार 24 नोव्हेंबर रोजी दुपारी ३ वा. कलमठ गोसावीवाडी अभंग निवास येथील अक्षय सभागृहात आयोजित करण्यात आला आहे.     यावेळी प्रमुख अतिथी म्हणून लेखक आणि अनुवादक श्रीधर चैतन्य (कोल्हापूर), समीक्षक प्रा संजीवनी पाटील (वैभववाडी), समाज साहित्य कार्यकर्ते ॲड. विलास परब (कणकवली) आणि समाज साहित्य प्रतिष्ठान सिंधुदुर्गचे अध्यक्ष मधुकर मातोंडकर (सावंतवाडी) यांना निमंत्रित करण्यात आले आहे.तर ज्येष्ठ कवयित्री संध्या तांबे यां...

मुस्लिम समाजाच्या जीवावर दहा वर्षे आमदारकी भोगणाऱ्या नितेश राणे यांना यावेळी पराभूत करणार  अपक्ष उमेदवार बंदेनवाझ हुसेन खानी यांचा विश्वास भाजपाचा १०५ आमदारांमध्ये एकच नितेश राणे मुस्लिम समाजावर टीका का करतात? फेकू आमदार नितेश राणे यांच्या भुलथापाना मुस्लीम समाजाने बळी पडू नये- कणकवली दि.१६ नोव्हेंबर आमच्या मुस्लिम समाजाच्या जीवावर आ. नितेश राणेंनी दहा वर्षे आमदारकी भोगली आहे. नितेश राणेंनी निवडून येण्यापूर्वी आमच्या समाजाकडे येऊन मते मागताना, मी तुमच्या समाजाच्या पाठीशी आहे. मला मतदान करा असे सांगून मागील दोन निवडणुकांमध्ये मते घेतली. मात्र ,गेल्या १० वर्षात आमच्या मुस्लिम समाजांच्या वाड्याना विकासापासून दूर ठेवण्याचं काम या नितेश राणेंनी केले आहे.भाजपाचा १०५ आमदारांमध्ये एकच नितेश राणे मुस्लिम समाजावर टीका का करतात? त्यांना भाजपने कॉन्ट्रॅक्ट दिले आहे का? त्यामुळे फेकू आमदार नितेश राणे यांच्या भुलथापाना मुस्लिम समाजाने बळी पडू नये,असे आवाहन कणकवलीचे अपक्ष उमेदवार बंदेनवाज खानी यांनी केलं आहे. कणकवली येथील जलतरंग हॉटेल येथे आयोजित पत्रकार परिषदेत बोलत होते. यावेळी आरिफ काझी ,आरिफ ...

विधानसभा निवडणुक पार्श्वभूमीवर मतदार केंद्रावर कोकण विभागाच्या सह आयुक्तांनी दिल्या भेटी. कणकवली (ऋषिकेश मोरजकर) विधानसभा निवडणूक पार्श्वभूमीवर आज कणकवली विधानसभा मतदारसंघातील खारेपाटण, तळेरे, कासार्डे, नांदगाव तसेच कणकवली शहरातील मतदान केंद्रावर आज कोकण विभागाचे सह आयुक्त संजीव पालांडे यांनी प्रत्यक्ष भेट देऊन पाहणी केली. तसेच उपस्थित अधिकारी यांना सुचनाही दिल्या आहेत.         यावेळी त्यांच्या समवेत सह महसूल अधिकारी संजय पवार ,नायब तहसीलदार मंगेश यादव मंडळ अधिकारी नागावकर , नांदगाव तलाठी सुदर्शन अलकुटे आदी त्या त्या ठिकाणचे पोलीस पाटील, कर्मचारी उपस्थित होते.

आयनल भाजपच्या वतीने श्री देव नागेश्वर मंदिर येथे श्रीफळ वाढवून प्रचाराला सुरुवात  नांदगाव |प्रतिनिधी  कणकवली विधानसभा मतदारसंघाचे भाजपा महायुतीचे उमेदवार आमदार नितेश राणेंच्या प्रचाराचा शुभारंभ आज आयनल भाजपच्या वतीने श्री देव नागेश्वर मंदिर येथे श्रीफळ वाढवून प्रचाराला सुरुवात करण्यात आली आहे.           यावेळी माजी सभापती भाग्यलक्ष्मी साटम ,भारतीय जनता पार्टी चे सरचिटणीस पंढरी वायंगणकर ,देवस्थान चे प्रमुख साटम,आयनल सरपंच सिध्दी दहिबावकर, उपसरपंच विलास हडकर , भालचंद्र साटम, माजी सरपंच बापू फाटक, मनोहर चव्हाण, संतोष वायंगणकर,मनिष पडवळ, गिता लोके, सागर घाडी , योगीता फाटक, संगीता कुबडे, मारुती तोरसकर,रंजिता पेडणेकर,प्रविण बागडी असंख्य भारतीय जनता पार्टी चे पदाधिकारी व शेकडो कार्यकर्ते उपस्थित होते,

  संदेश पारकर हे खोटे बोलतात ;युनियन बँकेत 1 कोटी 30 लाख  कोणी जमा केले ते सांगावे निनाद कन्स्ट्रक्शन निनाद विखाळे कडून आलेली 35 लाखांची रक्कम कशासाठी ? नीतेश राणे आणि संदेश पारकर एक साथ संदेश पारकर ना मत म्हणजे नितेश राणेंना मत ; नवाज खानी यांचा मुस्लिम मतदारांना धोक्याचा इशारा कणकवली : प्रतिनिधी  संदेश पारकर हे खोटे बोलत आहेत. संदेश पारकर यांच्या युनियन बँक ऑफ इंडिया शाखा कणकवली च्या खात्यात 1 कोटी 30 लाख जमा झाले होते. ही रक्कम त्यांनी सारस्वत बँकेच्या कर्ज खात्यात भरून कर्जफेड केली आहे. पारकर यांनी ही रक्कम कोठून आली याचा खुलासा पुराव्यासह करावा अन्यथा हा ट्रेलर होता 15 नोव्हेंबर ला पिक्चर दाखवेन असे आव्हान कणकवली विधानसभेचे अपक्ष उमेदवार नवाज खानी महाविकास आघाडी चे उमेदवार संदेश पारकर याना दिले. निनाद कन्स्ट्रक्शन च्या खात्यातून संदेश पारकर यांच्या खात्यात 10 लाख रक्कम जमा झाली आहे.तसेच निनाद विखाळे यांच्या खात्यातून 25 लाख रक्कम पारकर यांच्या सारस्वत बँक खात्यात जमा झाले आहेत.या रक्कमेबाबत चा खुलासाही संदेश पारकर यांनी आमच्या मुस्लिम बांधव आणि शिवसैनिकांना करणे गरजे...

असलदे येथे आमदार नितेश राणेंच्या हस्ते करण्यात आला प्रचाराचा शुभारंभ  श्री रामेश्वर मंदिर येथे श्रीफळ वाढवून करण्यात आला शुभारंभ  नांदगाव (ऋषिकेश मोरजकर) कणकवली तालुक्यातील असलदे येथे आज कणकवली भाजपा महायुती विधानसभेचे उमेदवार आमदार नितेश राणेंच्या प्रचाराचा शुभारंभ श्री रामेश्वर मंदिर येथे श्रीफळ वाढवून आज करण्यात आला आहे.       यावेळी आमदार नितेश राणेंच्या समवेत भाजपचे तालुकाध्यक्ष दिलीप तळेकर, तालुका सरचिटणीस पंढरी वायंगणकर, असलदे सरपंच चंद्रकांत डामरे, प्रकाश परब, रघुनाथ लोके, प्रदीप हरमलकर , दयानंद हडकर ,प्रवीण डगरे, संतोष परब, उदय परब, परशुराम परब, शामराव परब ,संतोष घाडी, मनोज लोके ,महेश लोके, विजय आचरेकर ,बाबाजी शिंदे, एकनाथ शिंदे ,सुनील परब, गजानन परब ,प्रकाश शिंदे, कमलाकर परब ,सतीश पांचाळ, नरेंद्र मीठबावकर ,रोहित परब, तुषार घाडी, रामदास डामरे, उत्तम नरे ,जयवंत लोके, वरून लोके ,प्रकाश आचरेकर, सुहास गिरकर, संदेश आचरेकर, गणेश तेली ,कृष्णा वायंगणकर, श्रीराम मोरजकर, आनंद मोरजकर, पप्पी सापळे, सतीश पोकळे, विजय खरात, विठ्ठल खरात, गोविंद तावडे, राजू राणे, अनंत प...

ओटव उबाठा सेनेला धक्का  शाखाप्रमुख, माजी शाखाप्रमुखांसह असंख्य कार्यकर्ते भाजपात दाखल  कणकवली प्रतिनिधी  कणकवली तालुक्यातील ओटव येथील शाखाप्रमुख, माजी शाखाप्रमुखांसह असंख्य कार्यकर्त्यांनी आज आमदार नितेश राणेंच्या उपस्थित भाजपात प्रवेश केला आहे.      यामध्ये उबाठा सेनेचे शाखाप्रमुख उदय बाजीराव ओटवकर ,माजी शाखाप्रमुख रामचंद्र विठ्ठल ओटवकर,  कृष्णा गोविंद ओटवकर ,अशोक दुलाजी ओटवकर ,विष्णू काशीराम ओटवकर, विनोद ओटवकर, संदीप , ओटवकर, रावजी ओटवकर आदी बहुसंख्येने कार्येकर्ते आज आमदार नितेश राणेंच्या उपस्थित भाजपात दाखल झाले आहेत.यामुळे विधानसभा निवडणूकीला काही दिवसच उरले असून हा उबाठा सेनेला धक्का मानला जात आहे.      यावेळी आमदार नितेश राणे यांच्या समवेत भाजपचे तालुकाध्यक्ष दिलीप तळेकर, तालुका सरचिटणीस पंढरी वायंगणकर, ओटव माजी सरपंच हेमंत परुळेकर, दुर्गेश ओटवकर,असलदे सरपंच चंद्रकांत डामरे,रघुनाथ लोके,प्रदीप हरमलकर ,प्रवीण डगरे ,संतोष परब, दयानंद हडकर, विनय यादव, प्रवीण बागडी आदी उपस्थित होते.

  आमदर नितेश राणेंसाठी मातोश्री सौ. निलमताई राणे मैदानात.... आर्थिक समृद्धी व हाताला काम हेच आ. नितेश राणे यांचे ध्येय सौ.निलमताई राणे.! पडेल कॅटींग येथील महिलांचा अभूतपूर्व प्रतिसाद..! देवगड ( ऋषिकेश मोरजकर)  श्री.नारायण राणे साहेब यांच्या जिल्ह्य़ातील विकासकामांचा धडाका नितेश राणे यांनी सातत्यपूर्ण चालू ठेवला असून आर्थिक समृद्धी आणि दोन हातांना काम हे एकच ध्येय्य त्यांनी समोर ठेवलं आहे.त्यामुळे विरोधकांकडून टिका करुन काहीच साध्य होणार नाही असा विश्वास निलमताई राणे यांनी पडेल कॅटींग येथे व्यक्त केला. त्या पूढे म्हणाल्या की, महिलांची एवढी उच्चांकी गर्दी पाहून समोरच्या उमेदवाराचे डिपॉझिट जप्त होणार हे निश्चित झाले आहे. पडेल कॅटींग येथे भाजप पडेल मंडल विभागाचा महिला मेळावा संपन्न झाला. यावेळी उपस्थित महिलांना त्यांनी मार्गदर्शन केलं.   यावेळी व्यासपीठावर भाजप महिला जिल्हा अध्यक्षा श्वेता कोरगावकर, उपाध्यक्षा प्रियांका साळस्कर, माजी जिल्हाध्यक्षा प्रणिता पाताडे, अस्मिता बांदेकर, शिवसेना शिंदे गटाच्या महिला जिल्हाध्यक्षा वर्षा कुडाळकर, पडेल अध्यक्षा संजना आळवे, देवगडच्या नगरसे...

नांदगाव येथे संदेश पारकर यांनी मतदारांच्या घेतल्या गाठीभेटी. कणकवली प्रतिनिधी  कणकवली विधानसभा मतदारसंघाचे शिवसेना उभाठा ठाकरे महाविकास आघाडीचे उमेदवार संदेश पारकर यांनी आज नांदगाव तोंडवली यापरिसरामध्ये मतदारांच्या गाठी भेटी घेतल्या तसेच नांदगाव तिठा येथे व्यापाऱ्यांच्याही गाठी भेटी घेतल्या आहेत. त्यांच्या समवेत स्थानिक शिवसेना उभाठा सेनेचे कार्यकर्ते पदाधिकारी उपस्थित होते.         यावेळी अवधूत मालणकर, निलम सावंत पालव,उबाठाचे अल्पसंख्याक जिल्हाध्यक्ष मस्जिद बटवाले , तात्या निकम ,राजा म्हसकर,राजा नावलेकर, बाळा सातोसे, अनिल बांदेकर, अब्दुल नावलेकर, मुस्ताक नावलेकर ,रहिस बटवाले आदी बहुसंख्येने कार्येकर्ते उपस्थित होते.

भाजपा राष्ट्रीय सरचिटणीस विनोद तावडे १२ नोव्हेंबरला कार्यकर्ते पदाधिकाऱ्यांशी साधणार थेट संवाद. कणकवली-देवगड-वैभववाडी  विधानसभा मतदार संघात संवाद बैठकांचे आयोजन   माजी केंद्रीय मंत्री नारायण राणे असणार विशेष उपस्थितीत  भाजपा विधानसभा प्रमुख मनोज रावराणे यांनी दिली माहिती कणकवली प्रतिनिधी  कणकवली विधानसभा मतदारसंघाचे भाजप महायुतीचे उमेदवार नीतेश राणे यांच्या प्रचारासाठी भाजपाचे राष्ट्रीय सरचिटणीस विनोद तावडे आणि माजी केंद्रीयमंत्री खासदार नारायण राणे यांची कणकवली विधानसभा मतदारसंघात मंगळवार १२ नोव्हेंबर रोजी बैठकांचे आयोजित करण्यात आले आहे.अशी माहिती भाजपा कणकवली विधानसभा प्रमुख मनोज रावराणे यांनी पत्रकार परिषदेत दिली.                  यावेळी भाजपा जिल्हा सरचिटणीस संदीप साटम, कणकवली भाजपा तालुकाध्यक्ष दिलीप तळेकर उपस्थित होते. राष्ट्रीय सरचिटणीस विनोद तावडे , खासदार नारायण राणे हे भाजप महायुतीच्या कार्यकर्ते,पदाधिकारी यांच्याशी थेट संवाद साधणार आहेत.त्यासाठी १२ नोव्हेंबर रोजी  सकाळी ११ वाजता प्रहार भवन येथे ब...

  बबन नारकर यांच्या माध्यमातून हरकुल खुर्द हुलेवाडी येथील ग्रामस्थांनी केला उबाठा सेनेत प्रवेश  संदेश पारकर यांच्या उपस्थितीत तोंडवली येथे झाला केला प्रवेश   कणकवली प्रतिनिधी  बबन नारकर यांच्या माध्यमातून हरकुल खुर्द हुलेवाडी येथील ग्रामस्थांनी संदेश पारकर यांच्या उपस्थितीत तोंडवली येथे उबाठा सेनेत प्रवेश केला आहे.          सर्वसामान्य जनतेच्या पाठीशी उभे राहणाऱ्या संदेश  पारकर यांना १०० टक्के मतदान करण्याचा निर्णय  प्रवेश कर्तेंनी केला.     उमेश हुले,सुनील हुले, अश्विन हुले, ओंकार हुले, रावजी हुले, शुभम हुले, अमित कोलते, सुनील भिसे आदींनी केला प्रवेश.. यावेळी त्यांच्यासोबत राष्ट्रवादी शरद पवार गटाचे तालुकाध्यक्ष अनंत पिळणकर, प्रवीण कुडतरकर, प्रवीण गुरव, समीर तेली ,संजय     बंदरकर, सिद्धेश राणे, तात्या निकम, आबु मेस्त्री आणि तोंडवली गावातील नागरिक मोठ्या संख्येने उपस्थित होते..

कासार्डे येथे आमदार नितेश राणेंच्या प्रचाराचा शुभारंभ. तळेरे : वार्ताहर  कणकवली तालुक्यातील कासार्डे येथे महायुतीच्या वतीने शेकोडो ग्रामस्थ श्री महालक्ष्मी मंदिर येथे भाजपचे उमेदवार आम. नितेश राणे यांच्या प्रचाराचा शुभारंभ पारंपरिक पध्दतीने ग-हाणे व श्रीफळ वाढवून करण्यात आला.यावेळेस आम.नितेश राणे यानी कासार्डे गावात केलेली विकासकामे प्रत्येक मतदारांपर्यंत पोहचवून मतदान करण्याचे आवाहन करण्यात आले.           यावेळी कणकवली भाजपा मंडलाध्यक्ष दिलीप तळेकर,शिवसेना महिला तालुकाध्यक्ष प्रिया टेमकर,माजी जिल्हा परिषद सदस्य संजय देसाई, सुप्रिया पाताडे, माजी सभापती प्रकाश पारकर,भाजपा युवा तालुका मोर्चा अध्यक्ष आण्णा खाडये,सरपंच निशा नकाशे,उपसरपंच गणेश पाताडे, माजी सरपंच संतोष पारकर,शारदा आंबेरकर, खरेदी विक्री संघाचे संचालक श्रीपत पाताडे, सोसायटी चेअरमन दीपक सावंत, श्रीरंग पाताडे, ग्रा.पं सदस्य मिलिंद पाताडे, विजय राणे,बाळा जोशी,अभी धुमाळ,संजय नकाशे,पपी पाताडे,संदेश सावंत, नारायण घाडी, संजय पाताडे,रविंद्र पाताडे,प्रणिल शेटये,बाबल्या कदम, पांडुरंग शेटये, सत्यवान आयरे...

नांदगाव उबाठाचे माजी युवा सेना विभाग प्रमुख प्रफुल्ल तोरसकर व नांदगाव युवा सेना शाखाप्रमुख रिध्देश तेली यांचा भाजपात प्रवेश नांदगाव उ.बा.ठा.सेनेला युवा पदाधिकाऱ्यांनी पाडल खिंडार  कणकवली प्रतिनिधी  कणकवली तालुक्यातील नांदगाव येथील उबाठाचे माजी युवा सेना विभाग प्रमुख प्रफुल्ल तोरसकर व नांदगाव युवा सेना शाखाप्रमुख रिध्देश तेली यांच्या सहीत असंख्य तरुणांनी विकासाच्या व हिंदूत्वाच्या मुद्यावर आज नांदगाव येथील उबाठा सेनेला युवा पदाधिकारींनी ही आज सोडचिठ्ठी देत आमदार नितेश राणेंच्या उपस्थित भाजपात जाहिर प्रवेश केला आहे.        यावेळी कणकवली तालुका भारतीय जनता पार्टी चे सरचिटणीस पंढरी वायंगणकर, नांदगाव भाजपचे शक्ती केंद्र प्रमुख भाई मोरजकर, कमलेश पाटील, माजी उपसरपंच शशी तोरसकर, निरज मोरये,नांदगाव सोसायटी माजी चेअरमन रवींद्र तेली, प्रदीप हरमलकर, नांदगाव बुथ अध्यक्ष आबा बिडये, मारुती मोरये, प्रशांत परब , नांदगाव भाजपचे विभागीय अध्यक्ष रघुनाथ लोके,विनय यादव ,राजू तांबे,बाबू राणे , गोविंद लोके आदी उपस्थित होते.     माजी युवा सेना विभाग प्रमुख प्रफुल तोरस्कर ...

कणकवली विधानसभेत कोणाला पाडणार कोणाला तारणार मनसे ठरवणार मनविसे ची ५७६८ मते ठरवणार पुढील आमदार - जिल्हाध्यक्ष. कणकवली प्रतिनिधी  विधानसभा २०२४ मधे कणकवली विधानसभा निवडणुकीत भाजप आणि उबाठा मधे टक्कर आहे परंतु या विधानसभेत मनसे ची मते निर्णायक ठरणार आहेत .लोकसभा निवडणुकीत खासदार नारायण राणे यांना याच मतदार संघातून मनसेची १०,०००  ते १५,००० मते मिळाली होती त्याच मुळे राणे साहेबांना विजय खेचून आणता आला . परंतु या विधानसभा निवडणुकीत मनसेची मते निर्णायक ठरणार आहेत.      कणकवली विधानसभेत महाराष्ट्र नवनिर्माण विद्यार्थी सेनेची  ५७६८  मते आहेत. हीच मते ठरवतील पुढील आमदार कोण ? असे मत महाराष्ट्र नवनिर्माण विद्यार्थी सेना जिल्हाध्यक्ष अनिकेत तर्फे यांनी व्यक्त केलं आहे .

  तर मुख्यमंत्री लाडकी बहीण योजने विरुद्ध कोर्टात याचिका का दाखल केली याचे उत्तर द्या! भाजप प्रवक्ते आमदार नितेश राणे यांनी काँग्रेस, महाविकास आघाडीला विचारला जाब खिचडी चोरांना लाडकी बहीण योजनेचे  महत्व कळणार नाही ११ दिवसात योजना बंद करणार म्हणाऱ्या उध्दव ठाकरे यांनी प्रथम माता भगिनींची माफी मागावी कणकवली प्रतिनिधी  आमच्या योजना चे नाव बदलून काँग्रेसला जाहीरनामा छापायचा होता तर मुख्यमंत्री लाडकी बहीण योजने विरुद्ध कोर्टात याचिका का दाखल केली ? याचे उत्तर काँग्रेस आणि महाविकास आघाडीच्या नेत्यांनी आधी द्यावे आणि मगच लाडकी बहीण योजनेवर बोलावे. लाडकी बहीण योजनेचे दीड हजार रुपये प्रत्येक महिलेसाठी किती महत्त्वाच्या आहेत याची जाणीव संजय राजाराम राऊत सारख्या खिचडी चोरांना समजणार नाही. किंवा लोकसभेत खटाखट पैसे देणार म्हणणाऱ्या आणि तेवढ्याच पटापट इटलीला पळून गेलेल्या राहुल गांधी यांना ही या योजनेची किंमत कळणार नाही. ज्या उद्धव ठाकरेंनी दसरा मेळाव्यात जाहीरपणे लाडकी बहीण योजना बंद करणार म्हणून घोषणा केली त्यांनाही आधी राज्यातील माता भगिनींची माफी मागावी आणि मगच या विषयी बोलावे...

महायुतीचे उमेदवार नितेश राणे यांनी वैभववाडीतील व्यापाऱ्यांशी साधला संवाद वैभववाडी तालुक्यातील मोठ्या संख्येने व्यापारी बांधव उपस्थित वैभववाडी प्रतिनिधी       होऊ घातलेल्या विधानसभा निवडणुकीच्या पार्श्वभूमीवर कणकवली देवगड व वैभववाडी मतदारसंघाचे महायुतीचे उमेदवार नितेश राणे यांनी वैभववाडी तालुक्यातील व्यापारी बांधवांची भेट घेत संवाद साधला. तसेच तालुक्यातील ज्येष्ठ व्यापाऱ्यांचे आमदार नितेश राणे यांनी आशीर्वाद घेतले.   कोकिसरे येथील महालक्ष्मी हॉलमध्ये वैभववाडी तालुक्यातील व्यापारी बांधवांची बैठक पार पडली. यावेळी आ. नितेश राणे यांनी शहराच्या सर्वांगीण विकासाची जबाबदारी ही माझी आहे. उर्वरित विकास कामे मार्गी लावण्यासाठी आम्ही कटिबद्ध आहोत. २० नोव्हेंबरला विधानसभेची निवडणूक होत आहे. या निवडणुकीत सर्व व्यापाऱ्यांनी मला मतदान करून मतदान करून आशीर्वाद द्यावेत असे सांगितले. यावेळी ज्येष्ठ व्यापारी शांताराम काका रावराणे, व्यापारी मंडळाचे अध्यक्ष तेजस आंबेकर, माजी अध्यक्ष मनोज उर्फ बंड्या सावंत, श्री घोणे मामा, संतोष कुडाळकर, सुरेंद्र नारकर, श्री तुकाराम प्रभू, नितीन कदम, ...

कणकवली विधानसभा निवडणुक रणधुमाळी.  मागोवा कणकवली विधानसभेचा कणकवली (ऋषिकेश मोरजकर)       सिंधुदुर्ग जिल्ह्यातील कणकवली देवगड वैभववाडी या विधानसभा मतदारसंघातून विद्यमान भाजपचे आमदार नितेश राणे तिसऱ्यांदा निवडणूक रिंगणात उतरले असून यांच्या विरोधात महाविकास आघाडीतीडीकडून यावेळी उध्दव बाळासाहेब ठाकरे शिवसेनेकडून जिल्हाप्रमुख संदेश पारकर हे  निवडणूक रिंगणात उतरले आहेत. तर मुस्लिम समाजातील नवाज खानी हे अपक्ष उमेदवार म्हणून निवडणूक रिंगणात उतरले आहेत. दोन्ही बाजूंनी प्रचार रणधुमाळी सुरू झाली असून बाकी अपक्ष उमेदवारांमध्ये पाहता नवाज खानी यांनी भेटी गाठी सुरू केल्या आहेत. शेवटच्या टप्प्यात मात्र दोन्ही कडून कोण कोण मातब्बर मंडळी प्रचार सभेला येतात याची उत्सुकता लागून राहिली असून यातून २३ नोव्हेंबर ला कोण मारणार बाजी ? याबाबत नाक्या नाक्यावर चर्चेला उधाण आले आहे .       २०१९ वेळी आमदार नितेश राणेंच्या विरोधात शिवसेनेकडून सतीश सावंत यांनी निवडणूक लढविली होती.  त्यावेळी विधानसभा निवडणुकीत आम.नितेश राणे भाजपा यांना ८४,५०४ , सतिश सावंत शिवसेना ५६,३८८ या द...

नांदगाव वाघाची वाडी येथील सुमित्रा पांडुरंग खोत यांचे वृद्धापकाळाने निधन  शिवसेना नेते गौरीशंकर खोत यांना मातृशोक  नांदगाव |प्रतिनिधी  कणकवली तालुक्यातील नांदगाव वाघाची वाडी येथील सुमित्रा पांडुरंग खोत वय ९४ यांचे आज पहाटे २.४५ वा .वृध्दपकाळाने निधन झाले आहे. उध्दव बाळासाहेब ठाकरे शिवसेनेचे नेते गौरीशंकर खोत यांच्या त्या मातोश्री होत. त्यांच्या पश्चात मुलगे ,मुली नातवंडे , पतवंडे, सुना ,जावई असा मोठा परिवार आहे. आज दुपारी १२.०० वा. राहत्या नांदगाव वाघाची वाडी येथून अंत यात्रा निघणार आहे .

  आम.नितेश राणेंची विजयी घोडदौड कोणीही रोखू शकत नाही - रज्जाक बटवाले  आम.नितेश राणे हे मुस्लिम समाजाच्या विरोधात नसून ते देशद्रोहीच्या विरोधात बोलतात. कणकवली |प्रतिनिधी  देवगड कणकवली वैभववाडी विधानसभा मतदारसंघ महायुती चे लोकप्रिय उमेदवार व आमदार  नितेश राणे यांची विजयी घोडदौड कोणीही रोखू शकत नाही ते शंभर टक्के हॅट्ट्रिक करणार असे कणकवली अल्पसंख्याक तालुका अध्यक्ष रज्जाक बटवाले यांनी प्रसिध्दीस दिलेल्या पत्रकात म्हटले आहे.   सर्व सामान्य गोरगरिबांना माणसाला आधार देणारे प्रसंगाला मदत करणारे आमदार नितेश राणे यांना सर्व स्तरातील लोकांचा पाठिंबा आहे राणे यांना मुस्लिम समाजाच्या लोकांचा पाठिंबा आहे व राहणार ते कधीच मुस्लिम समाजाच्या विरोधात नसून ते देश द्रोहि च्या विरोधात बोलतात आज पर्यंत त्यांनी मुस्लिम समाजाला भरपूर प्रमाणात मदत केली आहे.    ते जे आज त्यांच्या विरोधात बोलतात त्यांनी या समाजाचा फक्त आणि फक्त उपयोग करून घेतला आहे व आपली पोळी भाजली आहे. या समाजाला पुढे आणले नाही परंतु राणे कुटुंबीय यांनी मुस्लिम समाजातील लोकांना आर्थिक शैक्षणिक, तसेच शस्त्रक्...

  महाराष्ट्र भूषण,पद्मश्री डॉ. आप्पासाहेब धर्माधिकारी यांचे आमदार नितेश राणे यांनी घेतले शुभाशीर्वाद कणकवली (ऋषिकेश मोरजकर)  जनसेवेसाठी संपूर्ण आयुष्य समर्पित करणारे ज्येष्ठ निरुपणकार  आणि नानासाहेब धर्माधिकारी प्रतिष्ठान, रेवदंडा (ता. अलिबाग, रायगड) चे अध्यक्ष महाराष्ट्र भूषण,पद्मश्री डॉ. आप्पासाहेब धर्माधिकारी यांच्या रेवदंडा येथील निवासस्थानी जाऊन भाजप महायुतीचे कणकवली विधानसभेचे उमेदवार आमदार नितेश राणे यांनी शुभाशीर्वाद घेतले. श्री चरणी जावून दर्शन घेत आमदार नितेश राणे यांनी आशीर्वाद घेतले आहेत.

नांदगाव सरपंचाचे ४ नोव्हेंबर रोजी चे आमरण उपोषण लेखी आश्वासनाने मागे   महावितरणचे कार्यकारी अभियंता यांनी नांदगाव येथे येऊन दिले लेखी आश्वासन  ३३ kv लाईन वारंवार बिघाडामुळे होत होता विज पुरवठा खंडित  ऋषिकेश मोरजकर | कणकवली  कणकवली तालुक्यातील नांदगाव येथील विजेचा प्रश्न ऐन दिवाळीतही विज पुरवठा खंडित होणे सुरुच होते .३३ kv लाईन बिघाडामुळे  विज पुरवठा वारंवार खंडित होत असल्याने  जनतेला पाणी पुरवठा कसा करावा ? या अनुषंगाने नांदगाव सरपंच रविराज मोरजकर यांनी महावितरणचे कार्यकारी अभियंता यांना लेखी पत्राद्वारे आमरण उपोषणाचा इशारा दिला होता. या पार्श्वभूमीवर कार्यकारी अभियंता यांनी लेखी आश्वासन दिल्याने सदर ४ नोव्हेंबर रोजी होणारे आमरण उपोषण तात्पुरते स्थगित करत असल्याचे नांदगाव सरपंच भाई मोरजकर यांनी सांगितले आहे.          या पार्श्वभूमीवर महावितरणचे कार्यकारी अभियंता यांनी लेखी आश्वासन नांदगाव सरपंच रविराज मोरजकर यांना दिले.आज नांदगाव ग्रामपंचायत येथे प्रत्यक्ष  येवून उपकार्यकारी अभियंता श्री बगडे यांनी भेट देऊन आंदोलन मागे घेण...

शिडवणे कोणेवाडी फाट्यावर बिबट्या मृत अवस्थेत आढळला.   कणकवली :- (ऋषिकेश मोरजकर)       कणकवली तालुक्यातील शिडवणे या गावातील कोणेवाडी या फाट्यावर एका बागेत जंगली बिबट्या मादी जातीचा वन्यप्राणी मृत अवस्थेत आढळून आल्यामुळे परिसरात एकच खळबळ माजली. सदर मृत बिबट्याला बघण्यासाठी नागरिकांनी गर्दी केली होती.तर  जंगली बिबट्या नागरी वस्तीत येऊन  मृत्यूमुखी पडल्याने स्थानिक नागरिकांमध्ये भीतीचे वातावरण पसरले आहे.           याबाबत अधिक वृत्त असे की,शिडवणे गावातील रहिवासी व सेवनिवृत्त पोलीस अधिकारी श्री विजय टक्के हे सकाळी नेहमी प्रमाणे मोर्निग वॉकला चालले असताना त्यांच्यासोबत असलेल्या त्यांच्या कुत्र्याला वास आल्याने त्याने भूंकायला सुरवात केली. त्यामुळे कोणेवाडी फाटा जवळील ग्रामपंचायत कार्यालयाच्या  इमारतीच्या मागील बाजूस  रिटायर तलाठी श्री कोथिंबीरे यांच्या बागेत जंगली बिबट्या प्राणी मृत अवस्थेत आढळला.याबाबतची माहिती श्री विजय टक्के यांनी स्थानिक पोलीस पाटील समीर कुडतरकर व पोलीस स्टेशन कणकवली व वन अधिकारी याना दिली. सदर घटना आज श...