सिंधुदुर्ग Today डिजिटल न्यूज चॅनेल

दिवाळी सणाच्या पार्श्वभूमीवर सिंधुदुर्गात ४३ हजारांचा संशयास्पद अन्नसाठा जप्त दिवाळी विशेष मोहिमेत १३ तपासण्या; १७ अन्न नमुने संकलित सिंधुदुर्ग, दि. ७ : (ऋषिकेश मोरजकर)  दिवाळी सणाच्या पार्श्वभूमीवर मिठाई, फराळ व अन्य अन्नपदार्थांच्या गुणवत्तेची तपासणी करण्यासाठी अन्न व औषध प्रशासनामार्फत जिल्ह्यात विशेष मोहीम राबविण्यात आली. पाच दिवस चाललेल्या या मोहिमेत एकूण १३ तपासण्या करून १७ अन्न नमुने संकलित करण्यात आले. या कारवाईत संशयास्पद अन्नसाठा जप्त करण्यात आला असून, त्याची एकूण किंमत ४३ हजार ५८५ रुपये आहे. या मोहिमेदरम्यान कुडाळ येथे ९८ किलो मावा, किंमत ३९ हजार २०० रुपये, तर कणकवली येथे ६ किलो खवा, किंमत २ हजार १४५ रुपये जप्त करण्यात आला. याशिवाय कणकवली येथे ३ किलो पोहा चिवडा आणि ५ किलो शेव चिवडा, असा एकूण ८ किलो फराळाचा साठा, किंमत २ हजार २४० रुपये, जप्त करण्यात आला. मोहिमेत मोतीचूर लाडू, बुंदी लाडू, खवा-मावा, मिठाई आणि फरसाण यांचे नमुने घेण्यात आले. जप्त केलेल्या अन्नपदार्थांचे नमुने प्रयोगशाळेत तपासणीसाठी पाठविण्यात आले आहेत. तपासणी अहवाल प्राप्त झाल्यानंतर अन्न सुरक्षा व मानके कायद...

पोलीस शिपाई सचिन मानेला सशर्त जामीन मंजूर. अँड उमेश सावंत यांनी पाहीले काम. कणकवली / प्रतिनिधी पोलीस हवालदार स्मिता सचिन माने हीच्या चारित्र्यावरून संशय घेऊन शारिरीक व मानसिक छळ करत पट्ट्याने मारहाण करत आत्महत्येला प्रवृत्त केल्याप्रकरणी अटकेत असलेल्या पोलीस कॉन्स्टेबल सचिन अशोक माने याला अतिरीक्त सत्र न्यायाधिश एस. एस. इंदलकर यांनी ५० हजार रुपयांचा सशर्थ जामिन मंजूर केला. आरोपीच्यावतीने अॅङ उमेश सावंत यांनी काम पाहिले. मयत स्मिता माने हीची बहिण रेश्मा जाधव हिने दिलेल्या फिर्यादीनुसार स्मिता व सचिन यांचे लग्न दहा वर्षापुर्वी झाले होते. लग्न झाल्यापासून स्मिता हीला पती सचिन कोणत्या ना कोणत्या कारणावरून मारहाण करत असे. अलिकडेच एक महिन्यापासून सचिन हा चारित्र्यावर संशय घेऊन लागला होता. ८ ऑक्टोबर २०२६ रोजी रात्री उभयतांचे भांडण झाले व फिर्यादीला फोन आला. त्यानंतर ९ ऑक्टोबर रोजी सचिन याने सकाळी ७ ते ८ च्या दरम्यान स्मिता बेपत्ता झाल्याचे फिर्यादीला कळविले. तीचे बडिल, भावजी व पती यांनी कोल्हापूर, खेड येथे शोध घेतला. त्यावेळी फिर्यादी घरी गेली असता तीला घरामध्ये लांब केस पडलेले दिसले. त्यांचा...

  वारगाव येथे कै. बाळा वळंजू यांचा सतरावा स्मृतिदिन साजरा. कणकवली : कै. बाळा वळंजू यांचा सतरावा स्मृतिदिन वारगाव येथे श्रद्धापूर्वक साजरा करण्यात आला. यावेळी उपस्थित मान्यवरांनी कै. बाळा वळंजू यांच्या स्मृतींना अभिवादन करून त्यांना आदरांजली अर्पण केली. या स्मृतिदिन कार्यक्रमाला वारगावचे सरपंच नाना शेट्ये, पंचायत समिती सदस्य राजेश जाधव, कुरंगवणेचे सरपंच पप्पू गुरव, शेर्पे ग्रामस्थ विलास पांचाळ, वारगावचे पोलीस पाटील दिलीप नावळे , बाळा वळंजू मित्रमंडळाचे सदस्य विलास तळेकर, विलास मांजरेकर, महेंद्र गुरव यांच्यासह अन्य ग्रामस्थ व मित्रपरिवार उपस्थित होता. उपस्थितांनी कै. बाळा वळंजू यांच्या आठवणींना उजाळा देत त्यांना भावपूर्ण श्रद्धांजली वाहिली.

खून करून अपघाताचा बनाव केल्याप्रकरणी प्रमुख आरोपीला जामीन मंजूर. अँड उमेश सावंत यांनी पाहीले काम.  कणकवली /प्रतिनिधी आर्थिक देवाणघेवाणीतून बारामती येथील अश्पाक उर्फ निहाल मुलाणी (मुळ मारशिरस, सोलापूर) याचा खून करून अपघात झाल्याचा बनाव केला. तसेच मृतदेह फोंडाघाट येथील दरीत टाकल्याप्रकरणी प्रमुख संशयित कामोठे नवीमुंबई येथील मनोज नारायण भडंगे याला प्रमुख जिल्हा व सत्र न्यायाधिश डॉ. सुधीर देशपांडे यांनी ५० हजार रुपयांचा सशर्थ जामिन मंजूर केला. आरोपीच्यावतीने अॅङ उमेश सावंत यांनी काम पाहिले. दि. २८ डिसेंबर २०२१ रोजी फोंडाघाट दाजिपूर खिंड येथील वळणावर पल्सर मोटारसायकल संरक्षण भिंतीला आदळलेली आढळून आली होती. यावेळी दरीत पडून एक इसम म्हणजे अश्पाक मुलानी हा मयत झाला होता. त्याबाबत कणकवली पोलिसांनी तपास करून निष्काळजीपणे वाहन चालविल्याचा गुन्हा मयतावर दाखल केला होता. त्यानंतर १० जून २०२६ रोजी मुंबई क्राईम ब्रैंच युनीट ७ यांनी दिलेल्या माहितीवरून मनोज भडंगे, सुरेंद्र सोनवडेकर, अतिष मोरे, ऋतुराज शेट्टी यांनी दोन सहकाऱ्यांसोबत पैशाच्या देवाणघेवाणीच्या वादातून कुडाळ येथील लॉजवर मयत अश्पाकला दांड...

  सिंधुदुर्ग-चिपी ते नवी मुंबई विमानसेवा आता आठवड्यातील सातही दिवस ; पालकमंत्री नितेश राणे यांच्या प्रयत्नांना यश रविवारसह आठवड्यातील प्रत्येक दिवशी  सिंधुदुर्ग चिपी-नवी मुंबई विमानप्रवासाची सुविधा! दररोजच्या विमानसेवेचे वेळापत्रक जाहीर. महाराष्ट्र विमानतळ विकास कंपनीचे उपाध्यक्ष व व्यवस्थापकीय संचालक दीपक कपूर यांची ट्विटद्वारे माहिती. सिंधुदुर्ग : (ऋषिकेश मोरजकर)  सिंधुदुर्ग चिपी ते नवी मुंबई दरम्यानची विमानसेवा लवकरच सुरू होणार असून, ही सेवा आठवड्यातील सातही दिवस उपलब्ध असणार आहे. त्यामुळे सिंधुदुर्ग आणि नवी मुंबई दरम्यान प्रवास करणाऱ्या नागरिकांना मोठा दिलासा मिळणार आहे. सिंधुदुर्ग पालकमंत्री नितेश राणे यांच्या सातत्यपूर्ण प्रयत्नामुळे ही विमानसेवा सुरु होतं आहे. महाराष्ट्र विमानतळ विकास कंपनीचे उपाध्यक्ष आणि व्यवस्थापकीय संचालक दीपक कपूर यांनी ट्विटद्वारे ही माहिती दिली आहे. दीपक कपूर यांनी आपल्या ट्विटमध्ये दिलेल्या माहितीनुसार, सिंधुदुर्ग ते नवी मुंबईदरम्यान दररोज विमानसेवा सुरू राहणार आहे. हे विमान नवी मुंबई येथून सकाळी ७:५५ वाजता उड्डाण करेल आणि सकाळी ९:०५ वाजता ...

घुसखोरीला थारा नको; लोकशाहीला धोका नको! युरोपातील अस्थिरतेचा दाखला देत मंत्री नितेश राणे यांचा सावधानतेचा इशारा; ‘राष्ट्र चिंतन संवाद’ कार्यक्रमात मंत्री नितेश राणे यांनी घुसखोरी, देशाची अंतर्गत सुरक्षा, मतदार यादी शुद्धीकरण वर भाष्य.  एसआयआर प्रक्रियेचे महत्त्व समजून घेण्याचे आवाहन. ‘रिजीम चेंज’ ची भाषा म्हणजे डॉ. बाबासाहेब आंबेडकर यांनी दिलेले संविधान नाकारण्याची भाषा. कणकवली : (ऋषिकेश मोरजकर) युरोपातील प्रगत देशांमध्ये महागाई, शिक्षण आणि घुसखोरीच्या प्रश्नांवरून आंदोलने होत असताना त्यामागील कारणांचा भारतीय नागरिकांनीही गांभीर्याने विचार करण्याची गरज आहे. आज युरोपमध्ये जे घडत आहे, त्याची पुनरावृत्ती भारतात होऊ द्यायची नसेल, तर देशाची लोकशाही, अंतर्गत सुरक्षा आणि राष्ट्रीय अस्मिता जपण्यासाठी प्रत्येक नागरिकाने जागरूक राहिले पाहिजे. मतदार यादीतील बांगलादेशी आणि रोहिंग्या सारखे घुसखोरांची नावे वगळण्यासाठी एसआयआर प्रक्रिया समजून घेऊन तिला सहकार्य केले पाहिजे, असे परखड प्रतिपादन राज्याचे कॅबिनेट मंत्री तथा सिंधुदुर्गचे पालकमंत्री नितेश राणे यांनी केले. भारतीय जनता पार्टी सिंधुदुर्ग जि...