पोस्ट्स

ऑक्टोबर, २०२६ पासूनच्या पोेस्ट दाखवत आहे

सिंधुदुर्ग today

इमेज
  अपर जिल्हाधिकारी शुभांगी साठे यांची बदली सतीश बागल यांची सिंधुदुर्गच्या अपर जिल्हाधिकारीपदी पदोन्नती सिंधुदुर्ग : (ऋषिकेश मोरजकर)  राज्य शासनाच्या सामान्य प्रशासन विभागाने श्री. सतीश पंढरीनाथ बागल यांना  सिंधुदुर्ग जिल्ह्याच्या अपर जिल्हाधिकारी पदावर पदोन्नती देण्याचा आदेश जारी केला आहे. त्यांची सिंधुदुर्ग येथील अपर जिल्हाधिकारी पदावर नियुक्ती करण्यात आली आहे.  तर अपर जिल्हाधिकारी शुभांगी साठे यांच्या बदलीने रिक्त होणाऱ्या पदावर बागल यांची नियुक्ती होणार आहे. शासनाच्या २४ ऑगस्ट २०२६ रोजीच्या आदेशानुसार, आस्थापना मंडळाच्या शिफारशीनंतर निवडश्रेणी उपजिल्हाधिकारी संवर्गातील पात्र अधिकाऱ्यांना अपर जिल्हाधिकारी संवर्गात पदोन्नती देण्याची कार्यवाही करण्यात आली आहे. त्यानुसार सतीश पंढरीनाथ बागल यांना अपर जिल्हाधिकारी (गट-अ) या पदावर  पदोन्नती देण्यात आली आहे. ही पदोन्नती शासनाने नमूद केलेल्या अटी व शर्तींच्या अधीन राहून देण्यात आली आहे. संबंधित अधिकाऱ्यांना पदोन्नतीच्या पदावर रुजू होण्यासाठी सध्याच्या पदावरून एकतर्फी कार्यमुक्त करण्यात येत असल्याचेही आदेशात नमूद केले ...

सिंधुदुर्ग today

इमेज
नांदगाव स्थानकावर विसरलेली पाच हजारांची बॅग काही तासांत मालकिणीच्या स्वाधीन! वाघेरीचे माजी सरपंच तुकाराम गुरव यांच्या सतर्कतेमुळे बॅग सुखरूप परत. नांदगाव पोलीस पाटील वृषाली मोरजकर यांच्या उपस्थितीत बॅग महिलेच्या ताब्यात.  कणकवली / सिंधुदुर्ग : (ऋषिकेश मोरजकर) प्रवासात स्थानकाचा अंदाज न आल्यामुळे आणि धावपळीत नांदगाव स्टेशन दरम्यान राहिलेली ५ हजार रुपयांच्या रोख रकमेची बॅग, वाघेरी चे कर्तव्यदक्ष माजी सरपंच , विद्यमान सोसायटी व्हा. चेअरमन तसेच तुकाराम गुरव यांच्या सतर्कतेमुळे अखेर सुखरूपपणे संबंधित महिलेच्या हाती लागली आहे. या घटनेमुळे डगमगलेल्या प्रवाशाच्या चेहऱ्यावर पुन्हा आनंद पाहायला मिळाला. नेमकी घटना काय? मिळालेल्या माहितीनुसार, नांदगाव मोरयेवाडी येथील सौ. संतोषी संतोष मोरये या महिला प्रवाशाचा रेल्वे प्रवास सुरू होता. ट्रेनचा स्टॉप आल्यामुळे एक महिला प्रवासी आणि तिचा छोटा मुलगा नांदगाव स्टेशनवर उतरण्याच्या तयारीत असतानाच मुलगा खाली उतरला व बॅग खाली उतरून ठेवली त्यात ट्रेन पुन्हा सुरू होताच खाली उतरलेल्या त्या मुलाला सुखरूप आईच्या स्वाधीन केले परंतु  ५ हजार रुपयांची रोख रक्क...

सिंधुदुर्ग today

इमेज
नांदगाव येथे जल जीवन मिशन अंतर्गत सी.ई.ओ.अपूर्वा बासूर यांनी घेतला आढावा.  पालकमंत्री नितेश राणेंच्या आढावा बैठकी नंतर पहिल्यांदाच नांदगावात पाहणी. नांदगाव : (ऋषिकेश मोरजकर) सिंधुदुर्ग जिल्ह्यातील जल जीवन मिशन च्या कामाबाबत पालकमंत्री नितेश राणे यांनी आढावा घेतल्यानंतर प्रथमच सिंधुदुर्ग जिल्हापरिषद मुख्य कार्यकारी अधिकारी अपूर्वा बासुर यांनी नांदगाव मध्ये भेट देऊन जल जीवन मिशन योजनेअंतर्गत चालू असलेल्या कामांचा आढावा घेतला. नांदगाव गावामध्ये जल जीवन मिशन योजनेअंतर्गत आठ योजना प्रस्तावित आहेत या आठ योजनांपैकी सहा योजनांचे काम जवळपास 80 ते 90 टक्के पूर्ण झालेल आहे आणि असे असूनही एकाद दुसरी योजना वगळता चार योजना अजूनही सुरू करण्यात आलेल्या नाहीत.त्याचबरोबर दोन योजनांचे काम बाकी आहे आणि याबाबत मुख्य कार्यकारी अधिकारी यांनी सरपंच श्री रविराज  मोरजकर यांच्याशी चर्चा केली आणि वस्तुस्थिती जाणून घेण्याचा प्रयत्न केला.कागदोपत्री जरी जलजीवन मिशन योजनेचे काम 80 ते 90 टक्के पूर्ण झाल्याच आपल्याला दिसत असलं तरी प्रत्यक्षात जागेवर जाऊन वस्तुस्थितीची पाहणी करण्यासाठी मुख्य कार्यकारी अधिकारी य...

सिंधुदुर्ग today

इमेज
मत्स्यव्यवसाय विभागाच्या २४ योजनांसाठी आता ऑनलाइन अर्ज सुविधा! मुंबई/प्रतिनिधी  आदरणीय मुख्यमंत्री श्री.देवेंद्रजी फडणवीस यांच्या मार्गदर्शनाखाली राज्यात मत्स्यव्यवसाय विभागांतर्गत ‘मुख्यमंत्री मत्स्यसंपदा योजना’ प्रभावीपणे राबविण्यात येत आहे. या योजनांचे सुलभीकरण करत Government Process Re-engineering (GPR) अंतर्गत लाभार्थींना अधिक सुलभ, पारदर्शक व गतिमान सेवा उपलब्ध करून देण्यात येत आहेत. मा.मुख्यमंत्री श्री.देवेंद्रजी फडणवीस यांच्या हस्ते आज सह्याद्री अतिथीगृह, मुंबई येथे महाडीबीटी २.० प्रणालीवर ‘मुख्यमंत्री मत्स्यसंपदा योजने’अंतर्गत मत्स्यव्यवसाय विभागाच्या २४ लाभार्थीभिमुख योजनांसाठी ऑनलाइन अर्ज स्वीकारण्याचा शुभारंभ करण्यात आला. या उपक्रमामुळे राज्यातील मच्छीमार, मत्स्यशेतकरी, मत्स्यव्यावसायिक व मच्छीमार संस्थांना घरबसल्या ऑनलाइन अर्ज करता येणार असून, अनावश्यक ऑफलाइन कागदपत्रे सादर करण्याची आवश्यकता राहणार नाही. उपलब्ध शासकीय डेटाबेसमधून आवश्यक माहिती सहज उपलब्ध होणार असून, विविध प्रमाणपत्रे ऑनलाइन स्वरूपात मिळणार आहेत. तसेच योजनांचे अनुदान थेट लाभार्थ्यांच्या आधार-सिडिंग खात्...

सिंधुदुर्ग today

इमेज
नांदगाव तिठा येथे बसविण्यात आले सीसीटीव्ही कॅमेरे पं.स.सभापती सौ.हर्षदा वाळके ,जि.प. सदस्य संतोष पारकर यांच्या हस्ते उद्घाटन नांदगाव (ऋषिकेश मोरजकर) ग्राम पंचायत नांदगाव च्या 15 वा वित्त आयोगामधून प्राथमिक शाळा,तसेच नांदगाव तिठा येथे सीसीटीव्ही कॅमेरे बसविण्यात आले. सीसीटीव्ही कॅमेरे बसवल्यामुळे गावामध्ये होणाऱ्या छोट्या मोठ्या चोऱ्या तसेच गुन्हेगारीला आळा बसेल,तसेच यामुळे चोरांना,गुन्हेगारांना एक प्रकारचा धाक बसेल असे मत सरपंच श्री.रविराज मोरजकर यांनी व्यक्त केल.नांदगाव तिठा येथे हायवे प्राधिकरणाच्या माध्यमातून उड्डाणपुलाखाली सुशोभीकरण सुरू आहे आणि संपूर्ण पूल रंगविण्याचे काम सुरू आहे.ग्राम पंचायत नांदगावच्या सरपंच, उप सरपंच,ग्राम पंचायत सदस्य यांच्या पाठपुराव्यातून तसेच पालकमंत्री नामदार नितेश राणे यांच्या आदेशानुसार नांदगाव तिठा उड्डाणपुलाखाली सुशोभीकरणाचे काम सुरू आहे.त्याठिकाणी सुद्धा भेट देण्यात आली            यावेळी कणकवली पंचायत समिती सभापती सौ.हर्षदा वाळके , जि.प.सदस्य संतोष पारकर, नांदगाव सरपंच रविराज मोरजकर, उप सरपंच इरफान साटव...

सिंधुदुर्ग today

इमेज
छत्रपती संभाजीनगरच्या कनिष्काची थेट महाराष्ट्राच्या बास्केटबॉल संघात गरुडझेप!  ४१ व्या राष्ट्रीय युवा स्पर्धेसाठी पत्रकार भाई चव्हाण यांच्या  नातीची निवड कणकवली / ​छत्रपती संभाजीनगर: दि. २६ - छत्रपती संभाजीनगरमधील एम एस डी  अकॅडमीची उगवती बास्केटबॉलपटू कनिष्का तनश्री संतोष गायकवाड हिची १६ वर्षांखालील महाराष्ट्राच्या मुलींच्या बास्केटबॉल संघात निवड झाली आहे. पुण्यात २७ ऑक्टोबर पासून सुरु होत असलेल्या आगामी 'मुख्यमंत्री चषक राष्ट्रीय युवा बास्केटबॉल अजिंक्यपद स्पर्धेत' ती महाराष्ट्राचे प्रतिनिधित्व करणार आहे. ​महाराष्ट्र राज्य बास्केटबॉल असोसिएशन, जिल्हा व तालुका बास्केटबॉल असोसिएशन आणि छत्रपती संभाजीनगर महानगरपालिकेच्या संयुक्त विद्यमाने जुलै महिन्यात गारखेडा येथील विभागीय क्रीडा संकुलात ४१ वी राज्यस्तरीय युवा गट बास्केटबॉल स्पर्धा पार पडली होती. या स्पर्धेत राज्यभरातून ३६ मुलांचे आणि ३१ मुलींचे संघ सहभागी झाले होते. या राज्यस्तरीय स्पर्धेतील कठोर निवड चाचणीच्या जोरावर राष्ट्रीय स्पर्धेच्या खेळाडूंची निवड झाली आहे. ​राज्यस्तरीय स्पर्धेतून सर्वप्रथम उत्कृष्ट २७ खेळाडूंची पह...

सिंधुदुर्ग today

इमेज
नांदगाव वाघाची वाडी येथील १०१ वर्षांचे ज्येष्ठ नागरिक शांताराम लाडोजी मेस्त्री यांचे निधन.  नांदगाव /प्रतिनिधी  कणकवली तालुक्यातील नांदगाव वाघाची वाडीतील शांताराम लाडोजी मेस्त्री यांचे  नुकतेच वृद्धापकाळाने नांदगाव वाघाची वाडी येथील राहत्या घरी निधन झाले. ते १०१ वर्षांचे होते. ते कुटुंबातील आधारस्तंभ प्रमाणे होते. त्यांच्या कुटुंबीयांनी ही त्यांची योग्य प्रकारे काळजी घेतली होती. गेल्या वर्षी त्यांचा १०० वा वाढदिवस मोठ्या उत्साहात साजरा केला होता.      त्यांच्या पश्चात ८ विवाहित मुलगे ,१ विवाहित मुलगी, भाऊ, सुना, नातवंडे,पतवंडे असा मोठा परिवार आहे.

सिंधुदुर्ग today

इमेज
मुख्य निवडणूक अधिकारी एस. चोक्कलिंगम उद्या सिंधुदुर्ग जिल्हा दौऱ्यावर सिंधुदुर्ग, दि. २५ : महाराष्ट्राचे मुख्य निवडणूक अधिकारी एस. चोक्कलिंगम उद्या, दि. २६ ऑक्टोबर २०२६ रोजी सिंधुदुर्ग जिल्ह्याच्या दौऱ्यावर येत आहेत. या दौऱ्यादरम्यान ते इच्छुक नागरिक आणि राजकीय पदाधिकाऱ्यांशी संवाद साधणार असून, विशेष संक्षिप्त पुनरीक्षण कार्यक्रमाच्या कामकाजाचा आढावा घेणार आहेत. तसेच ते नवीन ईव्हीएम गोडाऊनला भेट देऊन पाहणी करणार आहेत. मुख्य निवडणूक अधिकारी एस चोक्कलिंगम हे उद्या दुपारी १ ते २ या वेळेत इच्छुक नागरिक आणि राजकीय पदाधिकाऱ्यांशी संवाद साधणार आहेत. त्यानंतर दुपारी ३ ते ४ या वेळेत विशेष संक्षिप्त पुनरीक्षण कार्यक्रमाच्या अनुषंगाने जिल्ह्यातील कामकाजाचा आढावा घेण्यात येणार आहे. या दौऱ्यात नवीन ईव्हीएम गोडाऊनला भेट देऊन पाहणी केली जाणार आहे.

सिंधुदुर्ग today

इमेज
महात्मा फुले दीर्घ काव्य स्पर्धेत कवी महावीर कांबळे प्रथम अश्विनी दीक्षित,राजेंद्र मुंढे, राजेंद्र पारे,योगिता शेटकर, सायली नारकर यांचाही सन्मान राष्ट्र सेवा दल महाराष्ट्र, समाज साहित्य प्रतिष्ठान सिंधुदुर्गतर्फे स्पर्धेचे आयोजन कणकवली/प्रतिनिधी     महात्मा जोतीराव फुले यांच्या द्विजन्मशताब्दी निमित्त राष्ट्र सेवा दल, महाराष्ट्र आणि समाज साहित्य प्रतिष्ठान, सिंधुदुर्ग यांच्या संयुक्त विद्यमाने आयोजित करण्यात आलेल्या दीर्घ काव्य स्पर्धेत इचलकरंजी येथील कवी महावीर कांबळे यांच्या 'मुक्तीची फुले' या दीर्घ कवितेने प्रथम क्रमांकाचे पाच हजार आणि स्मृतिचिन्ह अशा स्वरूपाचे पारितोषिक प्राप्त केले असल्याची माहिती या स्पर्धेचे प्रमुख संयोजक, ज्येष्ठ कादंबरीकार तथा अखिल भारतीय साहित्य संमेलनाचे माजी अध्यक्ष लक्ष्मीकांत देशमुख, राष्ट्र सेवा दलाचे महाराष्ट्राचे अध्यक्ष राजा कांदळकर आणि समाज साहित्य प्रतिष्ठानचे अध्यक्ष मधुकर मातोंडकर यांनी दिली.या स्पर्धेचे परीक्षक म्हणून समीक्षक प्रा. संजीवनी पाटील यांनी काम पाहिले.           बारामती येथील कवयित्री अश्विनी दीक्...

सिंधुदुर्ग today

इमेज
  समाज साहित्य प्रतिष्ठानचा जयंत पवार कादंबरी पुरस्कार बबन मिंडे यांना  प्रकाश रामचंद्र रसाळ स्मृती भूमी काव्य पुरस्कार कवी सुरेश राघव यांना जाहीर प्रतिष्ठानचे अध्यक्ष मधुकर मातोंडकर, कार्यवाह सुरेश बिले यांची माहिती कणकवली/प्रतिनिधी        समाज साहित्य प्रतिष्ठान, सिंधुदुर्गतर्फे दिल्या जाणाऱ्या २०२६ च्या साहित्यिक पुरस्कारांची घोषणा करण्यात आली आहे. ज्येष्ठ लेखक जयंत पवार यांच्या स्मृतिप्रित्यर्थ दिला जाणारा कादंबरी पुरस्कार कादंबरीकार बबन मिंडे यांच्या 'स्टॅच्यू ऑफ डेमोक्रसी' (विश्वकर्मा पब्लिकेशन) या कादंबरीला, तर प्रकाश रामचंद्र रसाळ स्मृती भूमी काव्य पुरस्कार कवी सुरेश राघव यांच्या 'जरुरी काम पुढील पिढीसाठी'  (ललित पब्लिकेशन) या काव्यसंग्रहाला जाहीर झाला आहे. प्रत्येकी दहा हजार रुपये रोख, स्मृतिचिन्ह असे पुरस्काराचे स्वरूप आहे.ज्येष्ठ कादंबरीकार राजन गवस, समीक्षक प्रा. नितीन रिंढे आणि रणधीर शिंदे यांच्या निवड समितीने ही निवड केली असल्याची माहिती प्रतिष्ठानचे अध्यक्ष मधुकर मातोंडकर आणि प्रमुख कार्यवाह सुरेश बिले यांनी दिली.       ...

सिंधुदुर्ग today

इमेज
पालकमंत्री मंत्री नितेश राणे यांच्या संकल्पनेतून देवगडच्या विकासाला नवा मार्ग! ओरोस-देवगड थेट मार्गाचा राज्याच्या रस्ते विकास आराखड्यात समावेश  दळणवळण, पर्यटन आणि व्यापाराला मिळणार आणखीन चालना  देवगडला जिल्हा मुख्यालयाशी थेट जोडणारा जवळचा मार्ग उपलब्ध होणार दोन तासाचा देवगड ते ओरस मुख्यालय  प्रवास होणार एका तासात  देवगड : (ऋषिकेश मोरजकर) देवगड तालुक्याला सिंधुदुर्ग जिल्ह्याचे मुख्यालय असलेल्या सिंधुदुर्गनगरी (ओरोस)शी थेट जोडणाऱ्या प्रस्तावित रस्त्याच्या विकासाच्या दृष्टीने महत्त्वपूर्ण पाऊल पडले आहे. सिंधुदुर्गचे पालकमंत्री तथा मत्स्यव्यवसाय व बंदरे विकास मंत्री ना. नितेश राणे यांनी या रस्त्याला प्रमुख राज्य मार्गाचा दर्जा देऊन रस्ते विकास आराखड्यात समावेश करण्याची संकल्पना मांडली होती.त्याला सार्वजनिक बांधकाम मंत्री ना. शिवेंद्रसिंहराजे भोसले यांच्याकडे मागणी  केली होती. त्यानंतर राज्य शासनाच्या रस्ते विकास आराखड्यात हा मार्ग नकाशावर प्रस्तावित करण्यात आल्याची माहिती समोर आली आहे.   देवगड ते ओरोस नांदगाव मार्गे प्रवास केला  तर सध्याचा मार्ग हा ८६...

सिंधुदुर्ग today

इमेज
‘गार्गी आणि इतर एकांकिका’ला राज्यस्तरीय साहित्य गौरव पुरस्कार लेखक उदय जाधव यांच्या लेखनाचा सन्मान कणकवली /प्रतिनिधी        मूळ कोकणचे सुपुत्र आणि सध्या मुंबईत नाट्यदिग्दर्शक म्हणून कार्यरत असलेले नाटककार जयंत पवार नाट्य पुरस्कार विजेते लेखक उदय गणपत जाधव यांना आणखी एका मानाच्या पुरस्काराने सन्मानित करण्यात आले आहे. श्री संत किसन महाराज सुडके आश्रमातर्फे देण्यात येणाऱ्या राज्यस्तरीय साहित्य गौरव पुरस्कारासाठी त्यांच्या ‘गार्गी आणि इतर एकांकिका’ या संग्रहाची निवड झाली आहे.       महाराष्ट्रभरातून प्राप्त झालेल्या असंख्य साहित्यकृतींचे पारदर्शक पद्धतीने परीक्षण करून निवड समितीने पुरस्कारांची घोषणा केली. यामध्ये नाट्यवाङ्मय विभागात ‘गार्गी आणि इतर एकांकिका’ या पुस्तकाला राज्यस्तरीय पुरस्कार जाहीर झाला आहे. हे पुस्तक बुक स्टार प्रकाशनने प्रकाशित केले आहे.      लेखक उदय जाधव यांनी आतापर्यंत अनेक नाटकांचे यशस्वी दिग्दर्शन केले असून रंगभूमीवर त्यांचे कार्य उल्लेखनीय आहे. त्यांचे ‘देवन प्रिय अशोक’ हे नाटक विशेष गाजले असून बहुचर्चित ठरले आहे.या पु...

सिंधुदुर्ग today

इमेज
सत्याचा शोध घेणे हेच काम कवीचे असते - अजय कांडर कवयित्री सुगंधा देवरुखकर यांच्या काव्यसंग्रहाचे प्रकाशन   कणकवली / प्रतिनिधी : सत्याचा शोध घेणे हेच काम कवीचे असते.पण डोळ्यांनी दिसणाऱ्या जगापेक्षा मनाच्या डोळ्यांना दिसणारे सत्य अधिक मोठे असते. या सत्याचा शोध कवयित्री सुगंधा देवरुखकर यांनी त्यांच्या 'मनश्चक्षू' या काव्यसंग्रहातून घेतला आहे. जगण्याच्या सर्व स्तरांना स्पर्श करणारे लेखन या काव्यसंग्रहात असून, कवयित्री देवरुखकर यांनी आपल्या लेखनातून माणुसकीला सर्वाधिक महत्त्व दिले आहे, असे प्रतिपादन नामवंत कवी आणि सुप्रसिद्ध स्तंभ लेखक अजय कांडर यांनी येथे केले.         येथील मातोश्री मंगल कार्यालयाच्या सभागृहात अजय कांडर यांच्या अध्यक्षतेखाली प्रभा प्रकाशन, कणकवली प्रकाशित, सुगंधा देवरुखकर लिखित 'मनश्चक्षू' काव्यसंग्रहाचा प्रकाशन सोहळा पार पडला. साहित्य चळवळीतील ज्येष्ठ कार्यकर्ते आणि समाज साहित्य प्रतिष्ठानचे अध्यक्ष मधुकर मातोंडकर यांच्या प्रमुख उपस्थितीत झालेल्या या कार्यक्रमाच्या मंचावर कणकवली नगरपंचायतीचे प्रशासकीय अधिकारी श्री. मगर, ज्येष्ठ नागरिक संघटनेचे गोवि...

सिंधुदुर्ग today

इमेज
नांदगाव विभागातील नवीन उबाठा सेना पदाधिकारी यांचा केला सत्कार. नांदगाव /प्रतिनिधी  सचिन लोके यांची कणकवली उपतालुकाप्रमुख तर सुरेश सुतार यांची उपविभाग प्रमुख  नियुक्ती केल्याने नांदगाव उध्दव बाळासाहेब ठाकरे सेनेच्या वतीने सत्कार करण्यात आला.       नांदगाव शाखेत झालेल्या या कार्यक्रमाला अल्पसंख्यांक जिल्हाध्यक्ष मज्जिद बटवाले, विभाग प्रमुख तात्या निकम, राजा नावलेकर ,अनिल नरे  ,दिलीप डामरे ,संजय डगरे शाखाप्रमुख , लक्ष्मण लोके , सचिन हरमलकर , राधा शिव घाडीगावकर, प्रकाश पाताडे. मोबीन साठविलकर, याकूब नावलेकर , मुराद बटवाले, करीम बटवाले, मुस्ताक नावलेकर ,शेरफुद्दीन नावलेकर ,खुदबुद्दीन नावलेकर आदी उपस्थित होते.

सिंधुदुर्ग today

इमेज
मातृसेवा फाउंडेशनतर्फे झाराप केंद्रशाळेत स्वसंरक्षण अभियान मातृसेवा फाउंडेशनच्या संध्या सामंत सावंत यांची माहिती. कुडाळ प्रतिनिधी -       शिक्षणातून सक्षमीकरण आणि जागरूकतेतून सुरक्षितता या विचारातून कार्यरत असलेल्या मातृसेवा फाउंडेशनच्या वतीने सिंधुदुर्ग जिल्ह्यातील झाराप केंद्रशाळेत विद्यार्थ्यांसाठी स्वसंरक्षण अभियान आणि शैक्षणिक साहित्य वाटपाचा उपक्रम उत्साहात राबविण्यात आला. मातृसेवा फाउंडेशन आणि कुडाळ पोलीस विभागाच्या संयुक्त सहकार्याने हा उपक्रम घेण्यात आला.        या कार्यक्रमाला मातृसेवा फाउंडेशनचे मान्यवर विश्वस्त सुहास सामंत, संध्या सामंत आणि मिलिंद नाईक उपस्थित होते. त्यांनी विद्यार्थ्यांना वयोगटानुसार सुरक्षिततेचे महत्त्व पटवून देत मार्गदर्शन केले. आजच्या काळात मुलांना केवळ शैक्षणिक ज्ञान देणे पुरेसे नसून स्वतःच्या सुरक्षिततेबाबत सजग करणेही तितकेच महत्त्वाचे असल्याचे त्यांनी यावेळी सांगितले.         कुडाळ पोलीस विभागाच्या अधिकाऱ्यांनी पोलिस मित्र या भूमिकेतून विद्यार्थ्यांशी संवाद साधला. चांगला वाईट स्पर्श ओळखणे, अनोळखी ...

सिंधुदुर्ग today

इमेज
कणकवली पत्रकार संघ आणि आर्ट ऑफ लिव्हिंग परिवाराच्या श्रमदानातून वनराई बंधारा. पाणी अडवा , पाणी जिरवाची घोषणाबाजी ; हुंबरट येथे जलसंधारणासाठी दोन्ही संस्थांचा पुढाकार. कणकवली : प्रतिनिधी  सिंधुदुर्ग जिल्ह्यात निर्माण झालेल्या दुष्काळी परिस्थितीवर मात करण्यासाठी आणि पावसाचे पाणी अडवून त्याचा भविष्यात उपयोग व्हावा, या उद्देशाने कणकवली तालुका पत्रकार संघ आणि आर्ट ऑफ लिव्हिंग परिवार, सिंधुदुर्ग यांच्या संयुक्त विद्यमाने हुंबरट येथे श्रमदानातून वनराई बंधारा उभारण्यात आला. सिंधुदुर्ग जिल्हा प्रशासनाने सामाजिक संस्था, संघटना आणि नागरिकांना जलसंधारणाच्या कामात सहभागी होण्याचे केलेले आवाहन लक्षात घेऊन हा उपक्रम राबविण्यात आला.पाणी अडवा, पाणी जिरवा आणि पाण्याचा प्रत्येक थेंब जपून वापरा, हा संदेश घोषणाबाजी करुन देण्यात आला.  कणकवली तालुका पत्रकार संघ आणि आर्ट ऑफ लिव्हिंग परिवार, सिंधुदुर्ग या दोन्ही संस्था सामाजिक बांधिलकी जपत हुंबरट येथे श्रमदानातून शुक्रवारी हा वनराई बंधारा बांधला. यापूर्वीही या संस्थांनी विविध ठिकाणी लोकसहभागातून वनराई बंधारे उभारून जलसंधारणाच्या कार्यात योगदान दिले आह...

सिंधुदुर्ग today

इमेज
कणकवली तालुक्याचे १६०० बंधारे बांधण्याचे उद्दिष्ट पूर्ण. अजून २००० हजार बंधारे बांधण्याचा संकल्प.  नांदगाव येथील नदी काठीच्या बंधार्‍याची केली जिल्हाधिकारी यांनी पाहणी.  नांदगाव (ऋषिकेश मोरजकर) कणकवली तालुक्यातील एकूण १६०० बंधारे बांधण्याचे उद्दिष्ट होते. ते उद्दिष्ट पूर्ण झाले असून अजून कणकवली तालुक्यात २००० हजार बंधारे बांधण्याचा संकल्प केला असल्याचे सभापती सौ हर्षदा वाळके यांनी बोलताना सांगितले आहे.          नांदगाव येथील आरोग्य संवाद यात्रा अनुषंगाने जिल्हाधिकारी तृप्ती धोडमिसे मुख्यकार्यकारी अधिकारी डॉ अपूर्वा बासूर यांनी नांदगाव पावाची वाडी नदी काठी नांदगाव ग्रामपंचायत मार्फत बांधण्यात आलेल्या बंधाऱ्याची पाहणी केली.       यावेळी कणकवली तहसीलदार दीक्षांत देशपांडे, गटविकास अधिकारी अरुण चव्हाण, जिल्हा परिषद सदस्य संतोष पारकर, नांदगाव सरपंच रविराज मोरजकर, पंचायत समिती सदस्य सौ. महेश्वरी चव्हाण,ग्रामपंचायत सदस्या अक्षता खोत, गौरी परब, रमिजान बटवाले आदी उपस्थित होते.

सिंधुदुर्ग today

इमेज
प्राथमिक आरोग्य केंद्र, नांदगाव येथे ‘सिंधू जनसंवाद आरोग्य यात्रे’चा पालकमंत्री नितेश राणे यांच्या हस्ते शुभारंभ. ग्रामीण व दुर्गम भागांतील नागरिकांपर्यंत आरोग्यसेवा पोहोचविण्यावर भर; आरोग्य यंत्रणेने जनतेपर्यंत पोहोचावे – नितेश राणे. कणकवली : (ऋषिकेश मोरजकर)  कणकवली तालुक्यातील प्राथमिक आरोग्य केंद्र, नांदगाव येथे सिंधुदुर्ग जिल्ह्याचे पालकमंत्री तथा राज्याचे मत्स्यव्यवसाय व बंदरे विकास मंत्री ना. नितेश राणे यांच्या हस्ते ‘सिंधू जनसंवाद आरोग्य यात्रे’चा शुभारंभ करण्यात आला. यावेळी जिल्हाधिकारी तृप्ती धोडमिसे यांच्यासह अन्य मान्यवर उपस्थित होते. जिल्हा परिषद आरोग्य विभागाच्या माध्यमातून सुरू करण्यात आलेल्या या उपक्रमांतर्गत जिल्ह्यातील सुमारे ३८ प्राथमिक आरोग्य केंद्रांच्या माध्यमातून आरोग्य यात्रा राबविण्यात येणार आहे. सिंधुदुर्ग जिल्ह्याची भौगोलिक परिस्थिती आणि काही भागांतील दुर्गमता लक्षात घेता ग्रामीण भागातील नागरिकांपर्यंत आरोग्यसेवा पोहोचविणे हे मोठे आव्हान आहे. दुर्गम भागांमध्ये डॉक्टरांची उपलब्धता, आपत्कालीन परिस्थितीत रुग्णवाहिका पोहोचणे तसेच नेटवर्कच्या समस्या अशा विविध अ...

सिंधुदुर्ग today

इमेज
सिंधु जनसंवाद आरोग्य यात्रा ; नांदगाव येथे आज होणार जिल्ह्याचा शुभारंभ. नांदगाव (ऋषिकेश मोरजकर) जिल्हा परिषद सिंधुदुर्ग आरोग्य विभाग यांच्या वतीने माझे गाव आरोग्य संपन्न गाव सिंधु जनसंवाद आरोग्य यात्रेचा सिंधुदुर्ग जिल्ह्यातील पहिला शुभारंभ आज नांदगाव आरोग्य केंद्र येथे सकाळी ११.३० वा. होणार होणार आहे. पालकमंत्री नितेश राणेंची उपस्थित असणाऱ्या या कार्यक्रमात खासदार नारायण राणे, जिल्हा परिषद अध्यक्ष प्रमोद कामत, आमदार प्रमोद जठार, आमदार अँड निरंजन डावखरे, आमदार ज्ञानेश्वर म्हात्रे, आमदार दीपक  केसरकर, आमदार निलेश राणे, आमदार अनिल तटकरे, जिल्हा परिषद उपाध्यक्ष दादा साहील,  जिल्हाधिकारी तृप्ती धोडमिसे, मुख्यकार्यकारी अधिकारी डॉ.अपूर्वा बासूर , जिल्हा पोलिस अधीक्षक मोहन दहिकर, सर्व विषय समित्यांचे सभापती, जिल्हा परिषद सदस्य, पंचायत समिती सदस्य, सभापती पंचायत समिती कणकवली , नांदगाव सरपंच तसेच आरोग्य अधिकारी वर्ग उपस्थित राहणार आहेत.       मुलांच्या आरोग्याची तपासणी यावेळी केली जाणार आहे.तसेच नागरीकांची आरोग्य तपासणी, आयुष्य मान कार्ड ,आभा कार्ड ,वय वंदना कार्डची...

सिंधुदुर्ग today

इमेज
राज्यस्तरीय शिक्षकरत्न पुरस्काराने शिक्षिका मंजुषा चित्रवेकर सन्मानित शिक्षण क्षेत्रातील नाविन्यपूर्ण उपक्रम आणि विविध योजनांच्या प्रभावी अंमलबजावणीबद्दल गौरव डोंबिवली: प्रतिनिधी        शिक्षण क्षेत्रात नाविन्यपूर्ण प्रयोग, विद्यार्थ्यांसाठी राबविलेल्या विविध शैक्षणिक योजना आणि उल्लेखनीय कार्याबद्दल शिक्षिका मंजुषा चित्रवेकर यांना राज्यस्तरीय शिक्षकरत्न पुरस्कार 2026'ने गौरविण्यात आले.         कोकण विभाग पत्रकार संघ, ठाणे टाइम्स आणि श्वास फाउंडेशन यांच्या संयुक्त विद्यमाने, साप्ताहिक 'बातम्यांचे दोनच रंग - ब्लॅक अँड व्हाईट' आयोजित या राज्यस्तरीय पुरस्कार सोहळ्याचे आयोजन करण्यात आले होते.डोंबिवली पूर्व येथील वक्रतुंड सभागृह, गणेश मंदिर संस्थान येथे हा पुरस्कार सोहळा संपन्न झाला.या सोहळ्याला विशेष अतिथी म्हणून कल्याण खासदार श्रीकांत एकनाथ शिंदे उपस्थित होते.आमदार किसन कथोरे, आमदार राजेश गोवर्धन मोरे, आमदार निरंजन वसंत डावखरे, केडीएमसी आयुक्त अभिनव गोयल, महापौर हर्षाली विजय चौधरी यांच्यासह अनेक मान्यवर उपस्थित होते.      मंजुषा चित्रवे...

सिंधुदुर्ग today

इमेज
नवरात्रीतून महिला व बालकल्याण योजनांचा जागर; जिल्हा प्रशासनाचा ‘नवदुर्गा’ उपक्रम नऊ दिवस, नऊ रंग आणि महिला-बालकल्याणाच्या विविध योजनांची माहिती. सिंधुदुर्ग, दि. १० : (ऋषिकेश मोरजकर) शारदीय नवरात्री उत्सवाचे औचित्य साधून महिला व बालकांच्या संरक्षण, सक्षमीकरण आणि कल्याणासाठी शासनामार्फत राबविण्यात येणाऱ्या विविध योजनांची माहिती सर्वसामान्यांपर्यंत पोहोचविण्यासाठी सिंधुदुर्ग जिल्हा प्रशासनाच्या महिला व बाल विकास विभागातर्फे ‘नवदुर्गा’ हा विशेष जनजागृती उपक्रम राबविण्यात येत आहे. नवरात्रीच्या नऊ दिवसांत नऊ वेगवेगळ्या रंगांच्या संकल्पनेतून महिला व बालकल्याणाशी संबंधित महत्त्वाचे कायदे, योजना आणि मदत यंत्रणांची माहिती नागरिकांपर्यंत पोहोचविण्यात येणार आहे. जिल्हाधिकारी तृप्ती धोडमिसे यांच्या मार्गदर्शनाखाली राबविण्यात येणाऱ्या या उपक्रमातून मुलींचे संरक्षण व शिक्षण, मातृत्व लाभ, बालकांचे हक्क, महिलांची कार्यस्थळावरील सुरक्षितता, सायबर गुन्ह्यांपासून बचाव, कौटुंबिक हिंसाचारापासून संरक्षण आणि संकटग्रस्त महिला व बालकांसाठी उपलब्ध मदत यंत्रणा अशा विविध विषयांवर जनजागृती केली जाणार आहे. जिल्ह्यात...

सिंधुदुर्ग today

इमेज
नांदगाव येथे नवरात्र उत्सव निमित्ताने उद्या बाल दशावतार नाट्य प्रयोग.   त्रि नेत्र धारी  आदिमाया आदिशक्ती हा नाट्य प्रयोग सादर होणार. नांदगाव (ऋषिकेश मोरजकर) कणकवली तालुक्यातील नांदगाव येथील श्री देव रवळनाथ श्री पुर्वाई देवी श्री दिर्बाई देवी श्री मुळ आकार गणेश उत्सव समिती नांदगाव येथे नवरात्र उत्सव निमित्ताने रविवार दिनांक ११ ऑक्टोबर 2026 रोजी रात्री ठीक ८ वाजता बाल दशावतार नाट्य मंडळ नेरुर माडाचीवाडी यांचा त्रि नेत्र धारी  आदिमाया आदिशक्ती हा नाट्य प्रयोग सादर होणार आहे.तरी सर्व नाट्य रसिकांनी वेळीच उपस्थित राहावे असे आवाहन करण्यात आले आहे.

सिंधुदुर्ग today

इमेज
आयनल येथील नवरात्रोत्सव साजरा करण्यास पार्टी नंबर १ ला परवानगी पार्टी नंबर १ च्या वतीने ऍड. उमेश सावंत व ऍड. सुहास साटम यांनी केला युक्तिवाद. कणकवली / प्रतिनिधी आयनल येथील श्री देव नागेश्वर पावणादेवी देवालयातील नवरात्र उत्सव पार्टी नंबर १ चे सुर्यकांत साटम बगैरे ५ यांनी ११ ऑक्टोबर ते २० ऑक्टोबर या कालावधीत साजरा करावा. नवरात्रोत्सव साजरा करताना शांतता भंग होणार नाही याची दक्षता घ्यावी. तसेच पार्टी नंबर १ मधील प्रवीण साटम व पार्टी नंबर २ यांना उत्सवात सहभागी होण्यास हरकत नसल्याचे आदेश कार्यकारी दंडाधिकारी दीक्षांत देशपांडे यांनी दिले आहेत. पार्टी नंबर १ च्यावतीने अॅङ उमेश सावंत व अॅङ सुहास साटम यांनी काम पाहिले आयनल येथील येथील श्री देव नागेश्वर पाणादेवीच्या नवरात्रोत्सावरून पार्टी नंबर १ चे सूर्यकांत साटम वगैरे ५, पार्टी नंबर २ चे संदेश साटम बगैरे ९ तसेच पार्टी नंबर १ मधील प्रवीण सामट यांच्यात मानपानावरून वाद आहेत. याप्रकरणी पोलीस निरीक्षक यांनी कार्यकारी दंडाधिकारी यांच्याकडे अहवाल सादर करून कलम १६३ नुसार बंदी आदेश लागू करण्याबाबतची शिफारस केली होती. दरम्यान याप्रकरणी कार्यकारी दंडाधि...

सिंधुदुर्ग today

इमेज
सिंधुदुर्गात ५ हजार वनराई बंधारे पूर्ण. पालकमंत्री नितेश राणे यांच्याकडून जिल्हावासीयांचे आभार. पाणीटंचाई टाळण्यासाठी मोहीम सुरू ठेवण्याचे  आवाहन. कणकवली : (ऋषिकेश मोरजकर)  सिंधुदुर्ग जिल्ह्यात दुष्काळाची परिस्थिती निर्माण झाल्यानंतर भविष्यात पाणीटंचाईचे संकट उद्भवू नये, यासाठी जिल्ह्यातील गावागावांत वनराई बंधारे बांधण्याचे आवाहन करण्यात आले होते. या आवाहनाला जिल्हावासीयांनी उत्स्फूर्त प्रतिसाद दिला असून, आतापर्यंत जिल्ह्यात ५ हजार वनराई बंधारे बांधण्यात आले आहेत. जिल्ह्यासाठी निश्चित केलेल्या १० हजार वनराई बंधाऱ्यांच्या उद्दिष्टापैकी ५० टक्के उद्दिष्ट पूर्ण झाल्याबद्दल पालकमंत्री नितेश राणे यांनी एक व्हिडिओ जाहीर करून सिंधुदुर्गवासीयांचे मनापासून आभार मानले आहेत. भविष्यात पाणीटंचाई आणि दुष्काळाच्या झळा बसू नयेत, यासाठी ही मोहीम यापुढेही अशीच सुरू ठेवण्याचे आवाहन पालकमंत्री नितेश राणे यांनी केले. सिंधुदुर्ग जिल्हा दुष्काळाच्या ट्रिगर वनमध्ये समाविष्ट झाला होता. तसेच जिल्ह्यातील आठही तालुके दुष्काळग्रस्त म्हणून जाहीर झाले होते. या पार्श्वभूमीवर पालकमंत्री नितेश राणे, जिल्हाधिका...

सिंधुदुर्ग today

इमेज
कवयित्री सुगंधा देवरुखकर यांच्या 'मनश्चक्षू' कवितासंग्रहाचे १३ रोजी कणकवलीत प्रकाशन कवी अजय कांडर, प्रांताधिकारी जगदीश कातकर, मुख्याधिकारी गौरी पाटील, मधुकर मातोंडकर यांची उपस्थिती साहित्य संगीत संमेलन समितीतर्फे कार्यक्रमाचे आयोजन. कणकवली/प्रतिनिधी      साहित्य संगीत संमेलन समिती, सिंधुदुर्ग आणि प्रभा प्रकाशन यांच्या संयुक्त विद्यमाने कवयित्री सुगंधा बाळकृष्ण देवरूखकर लिखित 'मनश्चक्षू' या कवितासंग्रहाचा प्रकाशन सोहळा मंगळवार १३ ऑक्टोबर २०२६ रोजी सायं ४ वा.कणकवली मातोश्री मंगल कार्यालय येथे आयोजित करण्यात आला आहे. नामवंत कवी व सुप्रसिद्ध स्तंभ लेखक अजय कांडर यांच्या अध्यक्षतेखाली होणाऱ्या या कार्यक्रमाला प्रमुख अतिथी म्हणून प्रांताधिकारी जगदीश कातकर आणि नगरपंचायत कणकवलीच्या मुख्याधिकारी गौरी पाटील तर प्रमुख उपस्थिती म्हणून समाज साहित्य प्रतिष्ठानचे अध्यक्ष मधुकर मातोंडकर यांना निमंत्रित करण्यात आले आहे.       कवयित्री सुगंधा देवरुखकर या दीर्घकाळ प्रशासनात कार्यरत होत्या. जिल्हा परिषदेच्या प्रशासन अधिकारी म्हणून त्या निवृत्त झाल्या. त्यानंतर त्यांनी आपल्या म...

सिंधुदुर्ग today

इमेज
समाज साहित्य प्रतिष्ठान, सिंधुदुर्ग आयोजित कवी नारायण सुर्वे दीर्घ काव्य स्पर्धेत कवी अविनाश गायकवाड यांची कविता सर्वोत्कृष्ट विजेत्या कवितेला दहा हजार रुपयांचे पारितोषिक संस्था अध्यक्ष मधुकर मातोंडकर,कार्यवाह सुरेश बिले यांची माहिती कणकवली/ प्रतिनिधी   समाज साहित्य प्रतिष्ठान, सिंधुदुर्गतर्फे कवी नारायण सुर्वे जन्मशताब्दी निमित्त आयोजित करण्यात आलेल्या दीर्घ काव्य स्पर्धेचा निकाल जाहीर करण्यात आला आहे. या स्पर्धेसाठी एकूण २१९ कवींनी आपल्या दीर्घ कविता पाठवल्या होत्या.त्यातून ठाणे येथील कवी अविनाश गायकवाड यांची 'उडत्या पाखरांची पिसं' ही कविता सर्वोत्कृष्ट ठरली असून दहा हजार रुपये, स्मृतिचिन्ह, शाल आणि ग्रंथ अशा स्वरूपाचे पारितोषिक या कवितेने पटकावले आहे.तर अन्य 10 कवींच्या कवितांना लक्षवेधी कवितांचे पारितोषक म्हणून सन्मान पत्र देण्यात येणार असल्याची माहिती संस्थेचे अध्यक्ष मधुकर मातोंडकर,प्रमुख कार्यवाह सुरेश बिले यांनी दिली.          या स्पर्धेचे परीक्षक म्हणून नामवंत समीक्षक तथा शिवाजी विद्यापीठाच्या मराठी विभागाचे प्रमुख डॉ. रणधीर शिंदे आणि मराठीतील ज्ये...

सिंधुदुर्ग today

इमेज
  सीमा आणि शशांक मराठे यांना तिसरा 'शारदीय प्रतिष्ठान पुरस्कार' जाहीर शिक्षण, साहित्य व संस्कृती क्षेत्रातील योगदानाचा गौरव; स्व. प्राचार्य शरद विनायक काळे यांच्या जयंतीनिमित्त वेंगुर्ले येथे वितरण कणकवली/प्रतिनिधी   कोकणच्या साहित्य क्षेत्रात महत्त्वपूर्ण योगदान देणाऱ्या कथाकार शरद काळे यांच्या स्मरणार्थ दरवर्षी शिक्षण, साहित्य आणि संस्कृती या क्षेत्रात उल्लेखनीय कार्य करणाऱ्या दाम्पत्याचा सन्मान करण्यासाठी 'शारदीय प्रतिष्ठान,खारेपाटणतर्फे' प्रतिष्ठेचा 'शारदीय प्रतिष्ठान पुरस्कार' दिला जातो. यावर्षीच्या या पुरस्काराने वेंगुर्ले येथील साप्ताहिक 'किरात' चे संपादक  शशांक श्रीधर मराठे व सीमा शशांक मराठे या दाम्पत्याला गौरविण्यात येणार आहे.           ज्येष्ठ साहित्यिक स्व. प्राचार्य शरद विनायक काळे यांच्या जयंतीचे औचित्य साधून हा पुरस्कार वितरण सोहळा येत्या रविवार, दि. ११ ऑक्टोबर रोजी सकाळी १०.३० वाजता वेंगुर्ले येथील साई मंगल डीलक्स हॉलमध्ये होणार आहे.स्व. प्राचार्य शरद विनायक काळे यांनी खारेपाटण परिसरात शिक्षण, अध्यापन, साहित्य लेखन, समीक्षा आणि साम...

सिंधुदुर्ग today

इमेज
मुंबई मराठी साहित्य संघाचा वि. स. पागे पुरस्कार ॲड.देवदत्त परुळेकर यांना जाहीर. रोख १० हजार रुपये आणि सन्मानचिन्ह पुरस्काराचे स्वरुप. कणकवली /प्रतिनिधी         प्रभा प्रकाशनाने प्रकाशित केलेल्या 'आजच्या काळासाठी तुकोबा' या सध्याच्या बहुचर्चित ग्रंथाचे लेखक  तथा सिंधुर्गातील संत साहित्याचे ज्येष्ठ अभ्यास आणि ज्येष्ठ विधिज्ञ ॲड. देवदत्त परुळेकर यांना मुंबई मराठी साहित्य संघाच्यावतीने दिला जाणारा प्रतिष्ठेचा कै. वि. स. पागे अध्यात्मिक वाङ्मय पुरस्कार जाहीर झाला आहे.पुरस्काराचे स्वरूप रोख १० हजार रुपये आणि सन्मानचिन्ह असे असून, दि. ३१ ऑक्टोबर २०२६ रोजी मुंबई मराठी साहित्य संघाच्या वर्धापनदिन सोहळ्यात मान्यवरांच्या हस्ते हा पुरस्कार प्रदान करण्यात येणार आहे.       संत साहित्य, अध्यात्म आणि वारकरी परंपरेचा सखोल अभ्यास आणि विपुल वाङ्मयीन योगदान लक्षात घेऊन निवड समितीने एकमताने त्यांची निवड केली.ॲड. परुळेकर यांचे संत साहित्यावर आतापर्यंत १० हून अधिक ग्रंथ प्रकाशित झाले आहेत. यामध्ये 'एक तरी ओवी अनुभवावी' (प्रस्तावना - पद्मश्री मधु मंगेश कर्णिक), 'तुका म्ह...

सिंधुदुर्ग today

इमेज
हेवाळे-बाबरवाडी येथील जेष्ठ नागरिक आपा कुंभार यांचे निधन. कवी मोहन कुंभार यांना पितृशोक. दोडमार्ग /प्रतिनिधी  हेवाळे बाबरवाडी येथील जेष्ठ नागरिक न्हानु व्यंकटेश कुंभार (वय ८५) यांचे राहत्या घरी निधन झाले. बाबरवाडी येथे आपा कुंभार म्हणून ते परिचित होते.         सिंधुदुर्ग जिल्ह्यातील सुप्रसिद्ध कवी आणि ललित लेखक, प्रा.मोहन कुंभार, पोईप विरण प्रशाळेचे मुख्याध्यापक विकास कुंभार, सामाजिक कार्यकर्ते सुधाकर कुंभार यांचे ते वडील होत.      त्यांच्या पार्थिवावर मूळ गावी हेवाळे बाबरवाडी येथे अंत्यसंस्कार करण्यात आले. त्यांच्या पश्चात ३ मुलगे, मुलगी, भाऊ, पुतणे, नातवंडे असा मोठा परिवार आहे.

सिंधुदुर्ग today

इमेज
  नांदगाव गावामध्ये वनराई बंधारे बांधण्याचा श्रीगणेशा. पालकमंत्री नितेश राणे यांनी केले होते आवाहन. नांदगावात एकूण ३५ बंधारे बांधण्याचे उद्दिष्ट.  नांदगाव/(ऋषिकेश मोरजकर) सध्या दुष्काळी परिस्थितीशी लढा देण्यासाठी सिंधुदुर्ग जिल्ह्यात गावागावात पाणी अडवा पाणी जिरवा बंधारे बांधले जात आहेत. पालकमंत्री नितेश राणे यांनी ही सर्वांना आवाहन केले आहे. याच अनुषंगाने नांदगाव गाव पाहता ३५ बंधारे बांधण्याचे उद्दिष्ट देण्यात आले आहे. या अनुषंगाने  आज नांदगाव पाठवणेवाडी येथे ग्रामस्थांच्या सहकार्यातून तीन ठिकाणी बंधारे बांधण्यात आल्याने नांदगाव येथे बंधारे बांधण्याचा श्रीगणेशा झाला आहे.          दुष्काळाच्या पार्श्वभूमीवर पालकमंत्री नितेश राणे यांनी समस्त सिंधुदुर्ग जिल्हावासियाना आवाहन केल होते आणि त्या अनुषंगाने आज नांदगाव सरपंच श्री रविराज मोरजकर यांनी पुढाकार घेत नांदगाव पाठवणे वाडी येथे ग्रामस्थांच्या सहकार्याने वनराई बंधारे बांधण्याचा प्रारंभ केला आहे.     कणकवली पंचायत समिती सभापती सौ हर्षदा वाळके यांनी ही या बंधारा बांधला त्या ठिकाणी भेट दिली. ...

सिंधुदुर्ग today

इमेज
ओटव येथे दुष्काळ अनुषंगाने बंधारे बांधण्यासाठी नियोजन बैठक संपन्न. कणकवली प्रतिनिधी  कणकवली तालुक्यातील ओटव ग्रामपंचायत येथे नुकतीच दुष्काळ अनुषंगाने बंधारे बांधण्यासाठी नियोजन बैठक संपन्न झाली.         यावेळी समाज कल्याण सभापती सौ रुहीता तांबे, ओटव सरपंच दुर्गेश  ओटवकर, माजी सरपंच हेमंत  परुळेकर, विस्तार अधिकारी पंचायत समिती कणकवलीचे  रामचंद्र  शिंदे ,ग्रामपंचायत सदस्य लता तेली, दीक्षा जाधव, महेश गावकर, असलदे ग्रामपंचायत अधिकारी सुनील तांबे आणि गावातील ग्रामस्थ उपस्थित होते.

सिंधुदुर्ग today

इमेज
ठाणे महानगरपालिकेच्या गुणीजन पुरस्काराने संध्या सामंत सावंत यांचा गौरव. झाराप येथील सामाजिक कार्यकर्त्या आणि लेखिकेचा ठाण्यात सन्मान. कणकवली / प्रतिनिधी       मूळच्या सिंधुदुर्ग जिल्ह्यातील झाराप येथील आणि सध्या ठाण्यात वास्तव्यास असलेल्या सामाजिक कार्यकर्त्या व लेखिका संध्या सामंत सावंत यांना ठाणे महानगरपालिकेच्या वतीने देण्यात येणारा 'ठाणे गुणीजन पुरस्कार' प्रदान करण्यात आला आहे. सामाजिक, शैक्षणिक आणि लेखन क्षेत्रातील त्यांच्या उल्लेखनीय योगदानाची दखल घेत त्यांना हा सन्मान देण्यात आला.          ठाणे महानगरपालिकेच्या ४४ व्या वर्धापनदिनानिमित्त सामाजिक, सांस्कृतिक, कला, क्रीडा, साहित्य आणि विविध क्षेत्रांत उल्लेखनीय योगदान देणाऱ्या ठाणेकरांचा 'ठाणे भूषण', 'ठाणे गौरव' आणि 'ठाणे गुणीजन' या मानाच्या पुरस्कारांनी गौरव करण्यात आला.१ ऑक्टोबर रोजी ठाण्यातील गडकरी रंगायतन येथे हा पुरस्कार सोहळा उत्साहात पार पडला. या सोहळ्याला महाराष्ट्राचे उपमुख्यमंत्री एकनाथ शिंदे, खासदार नरेश म्हस्के, महापौर शर्मिला पिंपळकर, सभागृह नेते हणमंत जगदाळे तसेच नगरसेवक, पदाधिक...

सिंधुदुर्ग today

इमेज
सिंधुदुर्ग जिल्ह्यात आंबा-काजू शेतीला मिळणार ‘AI’ची साथ! पालकमंत्री नितेश राणे यांच्या  संकल्पनेतून  “कृत्रिम बुद्धिमत्तेवर” आधारित होणार शेती.  आठही तालुक्यांत दोन वर्षांचा प्रायोगिक प्रकल्प; ४०० शेतकऱ्यांचा सहभाग कृषी विभागामार्फत कृषी विज्ञान केंद्र आणि     अॅग्रीकल्चरल डेव्हलपमेंट ट्रस्ट, बारामती राबविणार उपक्रम. उत्पादनात  २५ टक्क्यांनी वाढणार, तर पाणी-खत-कीटकनाशकांच्या वापरात  ३० टक्के बचत. सिंधुदुर्गनगरी : (ऋषिकेश मोरजकर) हवामान बदल, अवकाळी पाऊस, तापमानातील चढ-उतार, वाढती आर्द्रता आणि कीड-रोगांच्या प्रादुर्भावामुळे आंबा-काजू उत्पादक शेतकऱ्यांसमोरील अडचणी वाढत असताना आता सिंधुदुर्गातील फलोत्पादनाला अत्याधुनिक तंत्रज्ञानाची जोड मिळणार आहे. पालकमंत्री नितेश राणे यांच्या संकल्पनेतून सिंधुरत्न समृद्ध योजनेंतर्गत जिल्ह्यातील आठही तालुक्यांमध्ये कृत्रिम बुद्धिमत्ता AI आधारित स्मार्ट शेतीचा दोन वर्षांचा प्रायोगिक प्रकल्प राबविण्यात येणार आहे. यामध्ये २०० आंबा आणि २०० काजू उत्पादक अशा ४०० शेतकऱ्यांचा समावेश असून, AI, IoT, उपग्रह तंत्रज्ञान, मृदा सेन...

सिंधुदुर्ग today

इमेज
कणकवलीत भाजप पदाधिकाऱ्यांनी  ‘लव्ह जिहाद’चा डाव  उधळला. अल्पवयीन हिंदू मुलीला प्रेमाच्या जाळ्यात ओढून विवाहाचा केला होता प्रयत्न.  राणेंच्या जिल्ह्यात "लव्ह जिहाद" खपवून घेणार नाही. कणकवली भाजप नगरसेवकांनी पत्रकार परिषदेत दिला इशारा. कणकवली : अल्पवयीन हिंदू धर्मीय मुलीला प्रेमाच्या जाळ्यात फसवून तिच्याशी विवाह करण्याचा मुस्लिम युवकाचा लव्ह जिहादचा प्रयत्न भाजपा पदाधिकात्यांनी कणकवलीत हाणून पाडला. त्या मेहबूब जैनुद्दीन लदाफ (वय २७) या मुस्लिम युवकाने तिला प्रेमाच्या मोहात पाडून तिच्याशी प्रेमसंबंध निर्माण केले. ती अल्पवयीन मुलगी सज्ञान झाल्यानंतर तिच्याशी लग्नाबाबत जिल्हा निबंधक कार्यालयात विवाह नोंदणीसाठी अर्ज केल्याची माहीती भाजपच्या पदाधिकाऱ्यांना मिळाली. याबाबत भाजप पदाधिकाऱ्यांकडे सदर युवतीच्या कुटुंबियांनी तक्रार केली. त्यानुसार सदर विवाह लव्ह जिहादचा प्रकार असल्याने तो उधळल्याची माहीती कणकवली नगरपंचायत चे नगरसेवक राकेश राणे यांनी दिली. तर राणेंच्या जिल्हा असले घाणेरडे प्रकार खपवून घेणार नसल्याचा इशाराही यावेळी त्यांनी दिला. कणकवली येथील खासदार नारायण राणे यांच्या सं...

सिंधुदुर्ग today

इमेज
शेतक-यांच्या डोळ्यात वर्षभराची भातपीकाची बेगमी नष्ट झाल्याची भिती - हर्षदा वाळके. असलदे गावात लोकप्रतिनीधी भातपिक शेतक-यांच्या बांधावर  ; नुकसानग्रस्त शेतक-यांचे पंचनामे तातडीने करा. कणकवली: प्रतिनिधी  अल निनोच्या वादामुळे पावसाचे प्रमाण कमी झाले असून राज्यात दुष्काळाची परिस्थिती निर्माण झाली आहे. त्यामुळे पालकमंत्री नितेश राणे यांच्या सुचनेनुसार तालुक्यातील आम्ही शेतक-यांच्या बांधावर जात आहोत. भातपीक नुकसानग्रस्त गावांमध्ये लोकप्रतिनिधी म्हणून आम्ही असलदे गावातील शेतक-यांच्या बांधावर गेलो. भीषण अशी परिस्थिती दिसून येत आहे. शेतक-यांची वर्षभराची भातपीकाची बेगमी ही पूर्णपणे नष्ट झाल्याची भिती शेतक-यांच्या डोळ्यात दिसत असल्याची प्रतिक्रिया सभापती हर्षदा वाळके यांनी दिली.  दुष्काळग्रस्त परिस्थितीच्या पार्श्वभूमीवर खरीप हंगामात असलदे गावातील भातपीक नुकसाग्रस्त शेतक-याच्या बांधावर सभापती हर्षदा वाळके , जिल्हा परिषद संतोष पारकर, सरपंच चंद्रकांत डामरे, सोसायटी चेअरमन भगवान लोके या लोकप्रतिनिधींनी पाहणी केली. शेतक-यांशी संवाद साधत येत असलेल्या अडचणीबाबत चर्चा केली. यावेळी असलदेत ग...