सिंधुदुर्ग Today डिजिटल न्यूज चॅनेल

  अजय कांडर यांच्या 'युगानुयुगे तूच' दीर्घ कवितेचा पंजाबी अनुवाद प्रकाशित. साहित्य अकादमी विजेते पंजाबी लेखक सत्यपाल भिखी यांचे भाषांतर. पंजाब पटियाला येथे प्रकाशन सोहळा. कणकवली / प्रतिनिधी           मराठी दीर्घ कवितेत महत्त्वपूर्ण योगदान देणारे सुप्रसिद्ध कवी अजय कांडर यांचा बहुचर्चित 'युगानुयुगे तूच' हा दीर्घ कवितासंग्रह हिंदी पाठोपाठ आता पंजाबी भाषेत अनुवादित प्रसिद्ध झाला आहे. पंजाबी भाषेतील साहित्य अकादमी विजेते नामवंत लेखक आणि अनुवादक सत्यपाल भिखी यांनी हा पंजाबी भाषेत अनुवाद केला आहे.  या अनुवाद ग्रंथाचा प्रकाशन सोहळा पंजाब  पटियाला येथे पंजाबी साहित्यातील नामवंत साहित्यिक तथा प्रसिद्ध कथाकार किरपाल कझाक, पंजाब लेखक संघाचे अध्यक्ष सरदार दर्शन बटर, कवी आणि अनुवादक तरसेम बरनाला, प्रा.सुरजित सिंह, प्रकाशक संदीप सिंह यांच्या उपस्थित आयोजित करण्यात आला.       अजय कांडर यांनी 'हत्ती-इलो' या आपल्या लक्षवेधी दीर्घ कवितेनंतर डॉ. बाबासाहेब आंबेडकर सर्वांचे कसे आहेत हा विचार मांडणारी 'युगानुयुगे तूच' ही दीर्घ कविता लिहिली. ही कविता लोकव...

साळीस्ते येथे नुकसानग्रस्त शेतीची सभापती हर्षदा वाळके यांनी केली पाहणी. कणकवली प्रतिनिधी  पंचायत समिती कणकवली यांच्या वतीने कणकवली तालुक्यातील साळीस्ते गावातील नुकसानग्रस्त शेतीची सभापती हर्षदा वाळके यांनी पाहणी केली.      यावेळी जि. प. सदस्य श्रीम. प्राची इस्वलकर तसेच पं. स. कणकवली सदस्य राजेश जाधव यांनी भेट देऊन संपूर्ण गावातील भात नुकसानीची पाहणी केली व शेतकऱ्यांना माहिती दिली.  साळीस्ते सरपंच प्रभाकर ताम्हणकर, उपसरपंच , जितेंद्र गुरव, ग्रामपंचायत अधिकारी , राजलक्ष्मी जाधव, सर्व ग्रामपंचायत सदस्य, पोलीस पाटील, तलाठी, कृषी सहाय्यक, तंटामुक्ती अध्यक्ष गुरव मॅडम तसेच कार्यक्षेत्रातील कर्मचारी व शेतकरी बांधव उपस्थित होते.

नोकरीच्या आमिषाने फसवणूक प्रकरणी विनिता मुंज हिचा अटकपूर्व जामीन फेटाळला. सरकार पक्षातर्फे ऍड. आर.व्ही. देसाई तर फिर्यादी तर्फे  ऍड. उमेश सावंत यांनी पाहीले काम. कणकवली प्रतिनिधी  केंद्र सरकारमध्ये नोकरी लावते, असे आमिष दाखवून सुमारे १ कोटी २० लाख रुपयांची फसवणूक केल्याप्रकरणी आरोपी असलेली विनिता विवेक मुंज हिचा अटकपूर्व जामीन अतिरिक्त सत्र न्यायाधीश एस. टी. त्रिपाठी यांनी फेटाळून लावला. सरकार पक्षातर्फे अॅड. आर. व्ही. देसाई व फिर्यादी सुनील धुरे यांच्यावतीने अॅड. उमेश सावंत यांनी काम पाहिले. फूड कॉर्पोरेशन ऑफ इंडिया तसेच मिनिस्ट्री ऑफ रोड ट्रान्सपोर्ट अँड हायवें ऑफ इंडिया येथे नोकरीला लावण्याचे आमिष दाखवून पाचजणांकडून प्रत्येकी २४ लाख रुपये घेऊन फसवणूक केल्याचा गुन्हा कणकवली पोलीस ठाण्यात दाखल आहे. सुनील दामोदर धुरे (रा. कलमठ गावडेवाडी) यांच्या फिर्यादीनुसार विनिता विवेक मुंज, सुबत्ता माळी, (रा. कणकवली) आणि मनोजकुमार जैन (रा. वाशीम), भागवत यादव, उमेष घोष, जनकराम यादव व निरज श्रीवास्तव यांच्यावर गुन्हा दाखल आहे. या गुन्हयातील आरोपी विनिता मुंज हिने अटकपूर्व जामीन मंजूर होण्यास...

दुष्काळ निवारण मंत्रिमंडळ उपसमितीत मंत्री नितेश राणे यांचा समावेश. अपुरा पाऊस व दुष्काळजन्य परिस्थितीचा आढावा घेण्यासाठी ११ सदस्यीय समिती. मत्स्यव्यवसायाशी संबंधित उपाययोजनांवरही लक्ष. सिंधुदुर्ग : (ऋषिकेश मोरजकर) राज्यातील अपुऱ्या पावसामुळे उद्भवलेल्या दुष्काळजन्य परिस्थितीचा वेळोवेळी आढावा घेऊन उपाययोजना सुचविणे आणि परिस्थितीचे संनियंत्रण करण्यासाठी गठित करण्यात आलेल्या मंत्रिमंडळ उपसमितीत मत्स्यव्यवसाय व बंदरे विकास मंत्री नितेश राणे यांचा सदस्य म्हणून समावेश करण्यात आला आहे. महाराष्ट्र शासनाच्या आपत्ती व्यवस्थापन, मदत व पुनर्वसन विभागाने २९ सप्टेंबर २०२६ रोजी याबाबत शासन निर्णय जारी केला आहे. महसूल मंत्री यांच्या अध्यक्षतेखाली गठित करण्यात आलेल्या ११ सदस्यीय मंत्रिमंडळ उपसमितीमध्ये मंत्री नितेश राणे यांचा समावेश करण्याचा निर्णय २९ सप्टेंबर रोजी झालेल्या मंत्रिमंडळ बैठकीतील निर्देशानुसार घेण्यात आला आहे. यामुळे दुष्काळजन्य परिस्थितीच्या आढाव्यात मत्स्यव्यवसायाशी संबंधित बाबींचाही समावेश होणार आहे. राज्यात अपुऱ्या पावसामुळे निर्माण झालेल्या दुष्काळजन्य परिस्थितीचा आढावा घेणे, आवश्यक ...

नांदगाव भागातील शेतीची पंचायत समिती सभापती यांनी केली पाहणी.  पालकमंत्री नितेश राणेंनी शेती पाहणी साठी दिल्या होत्या सुचना. गटविकास अधिकारी यांनीही केली पाहणी. नांदगाव (ऋषिकेश मोरजकर) महाराष्ट्र राज्याचे बंदरे विकास  मंत्री तथा सिंधुदुर्ग जिल्ह्याचे पालकमंत्री नामदार नितेश राणे यांच्या सूचनेनुसार पंचायत समिती कणकवली च्या वतीने नांदगाव गावातील दुष्काळग्रस्त शेती पिक पाहणी आज पंचायत समिती कणकवली सभापती सौ. हर्षदा वाळके तसेच जिल्हा परिषद सदस्य संतोष पारकर तसेच पंचायत समिती सदस्य  लक्ष्मण गावडे  यांनी नांदगाव  गावातील शेतकरी सरोजिनी तांबे, नितेश म्हसकर,अंजन गुरव, भगवान गुरव ,मधुकर नार्वेकर विजय बांदिवडेकर, गणेश बांदिवडेकर या शेतकऱ्यांच्या शेतावरील बांधावर जाऊन प्रत्यक्ष पाहणी केली यावेळी नांदगाव  सरपंच रविराज मोरजकर, गटविकास अधिकारी अरुण चव्हाण ,तालुका कृषी अधिकारी ओहोळ ,पंचायत समिती कणकवली कृषी अधिकारी शशिकांत भरसट, ग्रामपंचायत अधिकारी राजेंद्र सावंत, ग्रामपंचायत सदस्य विठोबा कांदळकर, तंटामुक्त समिती अध्यक्ष राजू तांबे  उपस्थित होते‌.

प्रतिबंधित गुटखा विक्रीप्रकरणी राजन पारकर व रवींद्र माणगावकर यांना अटकपूर्व जामीन मंजूर. मुंबई उच्च न्यायालयाच्या कोल्हापूर सर्किट बेंच चा निर्णय. कणकवली / प्रतिनिधी प्रतिबंधीत गुटखा घाऊक खरेदी करून आर्थिक लाभ मिळविण्यासाठी किरकोळ विक्री केल्याप्रकरणी येथील राजन शांताराम पारकर व रविंद्र मुकुंद माणगांवकर यांना मुंबई उच्च न्यायालयाच्या कोल्हापूर सर्किट बेंचचे एकल न्यायमुर्ती अश्विन भोबे यांनी ५० हजार रुपयांचा सशर्थ अटकपूर्व जामिन मंजुर केला. आरोपींच्यावतीने अॅङ उमेश सावंत व अॅङ अद्वैत वजराटकर यांनी काम पाहिले. ३० जुलै २०२६ रोजी बांदा येथील तपासणी नाक्यावर बांदा पोलिसांनी आशिफ मेमन (रा. कोलगांव, सावंतवाडी) याच्या ताब्यातील मारूती इको गाडी तपासणी केली. यात ३.५० लाख रुपये किंमतीचा विविध प्रकारचा प्रतिबंधीत गुटखा आढळून आला. म्हणून त्याच्याविरूद्ध भा.न्या.सं. कलम १२३, २२३, २७१, २७५ सह अन्न सुरक्षा अधिनियम ५९ प्रमाणे गुन्हा दाखल करण्यात आला. तपासात हा गुटखा हा आरोपी कृष्णा केळजी, गणेश शिवगण, शिवाजी चव्हाण, राजन पारकर, रविंद्र माणगांवकर, तपर्शी आमोणकर यांना विक्रीसाठी आणला असल्याचे निष्पन्न झाल...

  SIR प्रक्रियेला मुदतवाढ; दावे हरकतींसाठी १२ ऑक्टोबरपर्यंत संधी. सिंधुदुर्ग, दि. २७ (प्रतिनिधी) : महाराष्ट्रात सुरू असलेल्या मतदार याद्यांच्या विशेष सखोल पुनरीक्षणास (SIR) भारत निवडणूक आयोगाने मुदतवाढ दिली आहे. दावे व हरकती दाखल करण्याची मुदत १२ ऑक्टोबर २०२६ पर्यंत वाढविली आहे. प्राप्त नोटिसा, दावे व हरकती निकाली काढण्याची प्रक्रिया १० नोव्हेंबर २०२६ पर्यंत पूर्ण करण्यात येणार असून, महाराष्ट्राची अंतिम मतदार यादी १६ नोव्हेंबर २०२६ रोजी प्रसिद्ध करण्यात येणार आहे. त्यामुळे पात्र नागरिकांना मतदार यादीतील आपले नाव व तपशील तपासून आवश्यक असल्यास विहित मुदतीत दावे किंवा हरकती दाखल करता येणार आहेत. विशेष सखोल पुनरीक्षणादरम्यान ‘जुळणी न झालेले मतदार’ (Unmapped) किंवा ‘तार्किक विसंगती’ (Logical Discrepancies) या कारणांमुळे ज्या नागरिकांना नोटिसा बजावण्यात आल्या आहेत, अशा मतदारांच्या घरी जाऊन मतदान केंद्रस्तरीय अधिकारी आवश्यक कागदपत्रे संकलित करणार आहेत. त्यामुळे संबंधित मतदारांना कागदपत्रे सादर करण्यासाठी मतदार नोंदणी अधिकारी किंवा सहाय्यक मतदार नोंदणी अधिकारी यांच्या कार्यालयात प्रत्यक्ष...

सर्व मिळून दुष्काळावर मात करूया; बाधित शेतकऱ्यांना सरसकट मदतीला प्राधान्य. पालकमंत्री ना. नितेश राणे यांचा दुष्काळसदृश परिस्थितीचा आढावा. जिल्ह्यात १० हजार कच्चे बंधारे उभारण्याचे निर्देश. प्रशासनातील प्रत्येक अधिकाऱ्याने या परिस्थितीचे गांभीर्य ओळखून उपाययोजना कराव्यात. सिंधुदुर्ग : (ऋषिकेश मोरजकर)  जिल्ह्यात निर्माण झालेल्या दुष्काळसदृश परिस्थितीवर लोकप्रतिनिधी आणि प्रशासनाने एकजुटीने काम करून मात करावी. राज्याचे मुख्यमंत्री देवेंद्र फडणवीस यांनी सांगितल्यानुसार बाधित शेतकऱ्यांना सरसकट मदत देण्यास प्राधान्य असून, जिल्ह्यातील प्रत्येक बाधित शेतकऱ्याला मदत मिळेल, यासाठी प्रशासनाने आवश्यक ती कार्यवाही करावी, असे निर्देश पालकमंत्री ना. नितेश राणे यांनी दिले. जिल्हाधिकारी कार्यालयातील जिल्हा नियोजन समितीच्या सभागृहात आयोजित दुष्काळसदृश परिस्थितीच्या आढावा बैठकीत ते बोलत होते. यावेळी पालकमंत्री ना. नितेश राणे म्हणाले की, जिल्ह्यात यंदा पावसामध्ये मोठ्या प्रमाणात खंड पडला असून सरासरीपेक्षा कमी पाऊस झाला आहे. त्याचा परिणाम विविध पिकांवर झाला आहे. त्यामुळे जिल्हा ‘ट्रिगर-१’मध्ये आला आहे. ...

बेळणे खुर्दमध्ये करपलेल्या भातशेतीची पालकमंत्री नितेश राणे यांच्याकडून पाहणी. गावपातळीवर पाणी अडवून साठवणूक व भूजल पुनर्भरणाला प्राधान्य देण्याचे आवाहन. कणकवली : (ऋषिकेश मोरजकर)  पावसाचा प्रदीर्घ खंड आणि पाण्याअभावी भातशेती करपण्याची परिस्थिती निर्माण झालेल्या भागातील बेळणे खुर्द गावातील शेतकऱ्यांच्या बांधावर जाऊन पालकमंत्री नितेश राणे यांनी प्रत्यक्ष पाहणी केली. चेतन चाळके आणि रामकृष्ण चाळके यांच्या शेतातील भात पिकाची पाहणी करून त्यांनी शेतकऱ्यांशी संवाद साधला. पावसाअभावी भात पीक करपण्यास सुरुवात झाली असल्याची माहिती शेतकऱ्यांनी दिली. यावेळी सरपंच अविनाश राजाराम गिरकर यांनी गावातील शेती आणि पाणी उपलब्धतेची सद्यस्थिती पालकमंत्र्यांना सांगितली. बेळणे खुर्द परिसरात धरण असून पूर्वी पाटाच्या माध्यमातून शेतीला धरणातील पाणी मिळत होते. सध्या पाण्याची उपलब्धता नसल्याने शेती अडचणीत आली आहे. धरणातील पाणी कॅनॉलच्या माध्यमातून उपलब्ध करून दिल्यास शेतीसाठी कायमस्वरूपी पाण्याचा पर्याय निर्माण होईल, अशी माहिती शेतकऱ्यांनी पालकमंत्र्यांना दिली.  शेतकऱ्यांच्या बांधावर जाऊन परिस्थितीचा घेतला आढ...

खारेपाटण येथील पादचारीला मागाहून धडक देवून पलायन केलेल्या दुचाकीस्वार अखेर सापडला  कासार्डे बीड चे पोलीस हेड कॉन्स्टेबल चंद्रकांत झोरे यांची कर्तव्य दक्षता. कणकवली/प्रतिनिधी  मुंबई गोवा महामार्गावर खारेपाटण संभाजीनगर गुरव वाडी येथे २० सष्टेंबर रोजी सायंकाळी ५.१५ च्या सुमारास एका अज्ञात दुचाकी ने मागाहून धडक दिल्यानंतर संबंधित दुचाकीस्वार याने पलायन केले होते. त्याचा गेले आठ दिवस सर्वत्र शोध घेतला जात असतानाच कणकवली पोलीस निरीक्षक कमलेश बच्छाव यांच्या मार्गदर्शनाखाली पोलीस हेड कॉन्स्टेबल चंद्रकांत झोरे यांच्या तपासा तो आढळून आल्याने त्यांचे अभिनंदन होत आहे.        याबाबत अधिक माहिती अशी की, प्रकाश विठ्ठल गुरव वय ६८ राहणार खारेपाटण संभाजीनगर गुरव वाडी हे आपल्या घरातून खारेपाटण बाजारात पायी चालत जात असताना मुंबई गोवा महामार्गावर खारेपाटण संभाजीनगर गुरव वाडी येथे टी.व्ही.एस कंपनीची मोटरसायकल ने पादचारी यांना मागाहुन धडक देवून त्यांना जखमी केले होते. अपघाताची कोणतीही खबर न देता त्या ठिकाणाहून मार्गस्थ झाले होते.त्या अज्ञात दुचाकीस्वारा विरुध्द त्यांचा मुलगा...

पालकमंत्री नितेश राणे थेट शेतकऱ्यांच्या बांधावर ; भात नुकसानीची केली पाहणी. शेतकऱ्यांशी संवाद साधत जाणून घेतली कैफियत; शेतकऱ्यांना सर्वांगीण मदतीचा दिला विश्वास. पालकमंत्री नितेश राणे यांच्याकडून मळगाव, होडावडा येथील  विहीर,नदी ची पाण्याची पातळीची केली पाहणी. स्थानिक शेतकऱ्यांशी साधला संवाद, सर्वांगीण मदतीचा दिला विश्वास.  भाताचा "अवा" अपेक्षित वाढला नाही,फुटवे आले नाहीत,पसवलेल्या भातात दाणा नाही. पंचनामे वेगाने पूर्ण करण्याचे अधिकाऱ्यांना पालकमंत्री  राणे यांचे निर्देश. सावंतवाडी : सिंधुदुर्ग जिल्ह्यात दुष्काळ  परिस्थिती निर्माण झाली आहे.याची पाहणी करण्यासाठी सिंधुदुर्ग जिल्ह्याचे पालकमंत्री नितेश राणे यांनी आज सावंतवाडी मळगाव येथून पाहणी दौरा सुरू केला. मळगाव येथे भात शेतीची पाहणी केली. शेतकऱ्यांशी संवाद साधला. शेतकऱ्यांना विश्वास दिला, शासन तुमच्यासोबत आहे याची हमी दिली. मुख्यमंत्री देवेंद्र फडणवीस हे शेतकऱ्यांसाठी काम करत आहेत आणि तुमच्या नुकसानीचा योग्य तो मोबदला तुम्हाला मिळेल. ट्रिगर १ च्या माध्यमातून दुष्काळ परिस्थितीवर मात करण्याचा प्रयत्न आपण करत असल्याचेही...

सांगली येथून चोरीला गेलेली दुचाकी नांदगाव येथे सापडली. नांदगाव येथील दुचाकी घेऊन अज्ञात चोरट्याने केले पलायन . दोन्ही एकाच वेळीच्या घटनेने उडाली खळबळ. नांदगाव /प्रतिनिधी  कणकवली तालुक्यातील नांदगाव येथून शुक्रवार दिनांक 25 सप्टेंबर 2026 रोजी रात्री ९ च्या सुमारास नांदगाव तिठा फोंडा रस्ता लगत पार्किंग केलेली दुचाकी अज्ञात चोरट्यांनी चोरी करून नेली असल्याची फिर्याद नांदगाव खालची मुस्लिम वाडी येथील समीर खुदबुद्दीन नावलेकर यांनी कणकवली पोलिसात दिली आहे.       याच दरम्यान याच रस्त्यालगत एक काळ्या रंगाची दुचाकी बेवारस स्थितीत आढळून आली असल्याची माहिती नांदगाव पोलीस पाटील वृषाली मोरजकर यांनी कासार्डे बिट चे चंद्रकांत झोरे यांना माहिती दिली. मात्र या दुचाकीला दोन्ही बाजूला असलेल्या नंबर प्लेट काढून टाकण्यात आल्याने सदर दुचाकी बाबत संशय बळावला. कासार्डे बिट चे श्री.चंद्रकांत झोरे तसेच श्री जाधव यांनी नांदगाव येथे येत चेस नंबर वरुन मालकाचा शोध घेतला असता. सदर दुचाकी सांगली जिल्ह्यातील बत्तीस शिराळा येथील असून या पोलीस ठाण्यात सदर मालकाने आपली दुचाकी चोरीला गेली असल्याची तक्रार...

दुष्काळसदृश परिस्थितीच्या पाहणीसाठी शेतकऱ्यांच्या बांधावर पोहोचणार पालकमंत्री नितेश राणे; रविवारी २७ रोजी सिंधुदुर्ग जिल्हा दौऱ्यावर. पालकमंत्री नितेश राणे बांधावर जाऊन शेतकऱ्यांच्या अडचणी आणि पिकांच्या नुकसानीची प्रत्यक्ष करणार पाहणी. जिल्हाधिकारी कार्यालयात अधिकाऱ्यांची घेणार आढावा बैठक. कणकवली : (ऋषिकेश मोरजकर)  राज्यातील दुष्काळसदृश परिस्थितीच्या पार्श्वभूमीवर मत्स्यव्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे हे रविवारी, २७ सप्टेंबर रोजी सिंधुदुर्ग जिल्ह्याच्या दौऱ्यावर येणार आहेत. या दौऱ्यात ते जिल्ह्यातील भात शेतीच्या परिस्थितीची तसेच नुकसान झालेल्या पिकांची प्रत्यक्ष पाहणी करणार आहेत.पालकमंत्री नितेश राणे शेतकऱ्यांच्या बांधावर जाऊन अडचणी आणि पिकांच्या नुकसानीची प्रत्यक्ष माहिती घेणार आहे.तर जिल्हाधिकारी आणि सर्व खात्यांच्या प्रमुख अधिकाऱ्यांसोबत आढावा बैठक घेणार आहेत. पालकमंत्री नितेश राणे रविवारी २७ रोजी सकाळी ९ वाजता मोपा, गोवा येथील मनोहर आंतरराष्ट्रीय विमानतळावरून मोटारीने सिंधुदुर्गकडे रवाना होतील. सकाळी १०.३० वाजता सावंतवाडी तालुक्या...

दुष्काळसदृश परिस्थितीच्या पार्श्वभूमीवर नुकसानग्रस्त मच्छीमार व तलावांची पाहणी. मत्स्यव्यवसाय व बंदरे मंत्री नितेश राणे यांचा छत्रपती संभाजीनगर व जालना जिल्हा दौरा. सिंधुदुर्ग /प्रतिनिधी  राज्यातील दुष्काळसदृश परिस्थितीच्या पार्श्वभूमीवर नुकसानग्रस्त मच्छीमारांच्या परिस्थितीची पाहणी करण्यासाठी राज्याचे मत्स्यव्यवसाय व बंदरे मंत्री श्री.नितेशजी राणे हे सोमवार, दि. २८ सप्टेंबर २०२६ रोजी छत्रपती संभाजीनगर व जालना जिल्ह्याच्या दौऱ्यावर येत आहेत. या दौऱ्यादरम्यान मंत्री श्री. नितेश राणे हे सकाळी १० वाजता कन्नड तालुक्यातील शिवणटाकळी तलावाची पाहणी करून स्थानिक मच्छीमारांशी संवाद साधणार आहेत. त्यानंतर दुपारी १२.३० वाजता जालना जिल्ह्यातील बदनापूर तालुक्यातील राजेवाडी तलावाची पाहणी करणार आहेत. तसेच दुपारी १.१५ वाजता सोमाठणा तलावाची पाहणी करून मच्छीमारांशी चर्चा करणार आहेत. दुपारी ३.३० वाजता जिल्हाधिकारी कार्यालय, छत्रपती संभाजीनगर येथे दुष्काळसदृश परिस्थितीच्या पार्श्वभूमीवर शासकीय अधिकाऱ्यांसमवेत आढावा बैठक आयोजित करण्यात आली आहे. या बैठकीत मत्स्यव्यवसायाशी संबंधित परिस्थिती तसेच नुकसानग्रस...

  कवी सुरेश बिले यांना राज्यस्तरीय महात्मा गांधी साहित्य पुरस्कार जाहीर प्रभा प्रकाशनाने प्रकाशित केलेल्या 'बोल अंतरीचे' काव्यसंग्रहाचा गौरव कणकवली/ प्रतिनिधी-    के. एस. आय. पब्लिकेशन, इंगळी, कोल्हापूर यांच्या वतीने ४ ऑक्टोबर २०२६ रोजी कोल्हापूर येथे होणाऱ्या ३१ व्या मराठी ग्रामीण साहित्य संमेलनाच्या निमित्ताने साहित्य क्षेत्रात उल्लेखनीय योगदान देणाऱ्या साहित्यिकांना राज्यस्तरीय महात्मा गांधी साहित्य पुरस्कार जाहीर करण्यात आले आहेत. यामध्ये कणकवलीचे सुप्रसिद्ध कवी सुरेश बिले यांच्या कणकवली प्रभा प्रकाशनने प्रकाशित केलेल्या 'बोल अंतरीचे' या काव्यसंग्रहास राज्यस्तरीय महात्मा गांधी साहित्य पुरस्कार जाहीर झाला आहे.      सुरेश बिले हे कणकवलीतील सांस्कृतिक क्षेत्रातील अग्रगण्य कार्यकर्ते आहेत. सध्या ते समाज साहित्य प्रतिष्ठान सिंधुदुर्ग या संस्थेचे प्रमुख कार्यवाह म्हणून साहित्य क्षेत्रात कार्यरत आहेत. यांच्या 'बोल अंतरीचे' या काव्यसंग्रहातून सामाजिक जाणीव, मानवी मूल्ये, नातेसंबंध, ग्रामीण जीवन आणि संवेदनशील विचारांचे दर्शन घडते. विविध विषयांना प्रभावीपणे मांडण...

सायबर सेक्युरिटी आणि ऑनलाईन गेमिंगबाबत जिल्ह्यात भक्कम यंत्रणा उभारणार – पालकमंत्री नितेश राणे सिंधुदुर्ग, दि. २१ : (ऋषिकेश मोरजकर) जिल्हाधिकारी कार्यालय, सिंधुदुर्ग येथे पालकमंत्री नितेश राणे यांच्या अध्यक्षतेखाली सायबर सेक्युरिटी आणि ऑनलाईन गेमिंगच्या वाढत्या प्रभावाबाबत महत्त्वपूर्ण बैठक झाली. जिल्ह्यातील सायबर गुन्हे तसेच ऑनलाईन गेमिंगच्या दुष्परिणामांना आळा घालण्यासाठी प्रभावी आणि भक्कम यंत्रणा उभारण्याबाबत यावेळी सविस्तर चर्चा करण्यात आली. सिंधुदुर्ग जिल्हा गोवा राज्याच्या सीमेलगत असल्याने तसेच जिल्ह्याची भौगोलिक परिस्थिती लक्षात घेता सायबर गुन्हे आणि ऑनलाईन गेमिंगशी संबंधित गैरप्रकारांवर प्रभावी नियंत्रण ठेवण्याची आवश्यकता आहे. काही आठवड्यांपूर्वी जिल्ह्यात ऑनलाईन गेमिंगच्या आहारी गेलेल्या एका तरुणाने आत्महत्या केल्याची दुर्दैवी घटना घडली. या पार्श्वभूमीवर पालकमंत्री नितेश राणे यांनी चिंता व्यक्त केली. पोलिसांकडून करण्यात आलेल्या प्रभावी कारवाईमुळे मटका आणि जुगाराची अनेक पारंपरिक केंद्रे बंद झाली आहेत. मात्र, अशा गैरप्रकारांचे स्वरूप आता ऑनलाईन माध्यमांकडे वळत असल्याचे निदर्शनास...

सिंधुदुर्ग शासकीय वैद्यकीय महाविद्यालयाच्या ५०० खाटांचे रुग्णालय बांधकामात दिरंगाई नको. दर्जेदार काम मुदतीत पूर्ण करण्यासाठी पालकमंत्री नितेश राणेंच्या कडक सूचना. पालकमंत्री नितेश राणे यांनी घेतला  रुग्णालयाच्या बांधकामाचा मंत्रालयात आढावा. सिंधुदुर्गनगरी : (ऋषिकेश मोरजकर) सिंधुदुर्गनगरी येथे उभारण्यात येत असलेल्या शासकीय वैद्यकीय महाविद्यालयाच्या ५०० खाटांच्या रुग्णालयाच्या बांधकामाला आता अधिक गती देण्याच्या सूचना महाराष्ट्राचे मंत्री तथा सिंधुदुर्ग जिल्ह्याचे पालकमंत्री नितेश राणे यांनी दिल्या. या महत्त्वपूर्ण आरोग्य प्रकल्पाच्या कामात कोणत्याही प्रकारची दिरंगाई खपवून घेतली जाणार नाही. सर्व संबंधित विभागांनी आणि कंत्राटदारांनी समन्वय ठेवून निर्धारित मुदतीत काम पूर्ण करावे, तसेच बांधकामाचा दर्जा उत्तम राखावा, असे स्पष्ट निर्देश त्यांनी दिले. सिंधुदुर्ग जिल्हा शासकीय वैद्यकीय महाविद्यालय आणि ५०० खाटांच्या रुग्णालयाच्या बांधकाम प्रकल्पाचा आज आढावा घेण्यात आला. यावेळी प्रकल्पाच्या सद्यस्थितीची तसेच आतापर्यंत झालेल्या कामातील विलंबाच्या कारणांची सविस्तर माहिती घेण्यात आली. प्रकल्पातील...

सिंधुदुर्गातील आरोग्य सुविधांसाठी आवश्यक मनुष्यबळ व सर्व सुविधा तातडीने उपलब्ध करा -मत्स्यव्यवसाय व बंदरे मंत्री नितेश राणे प्रलंबित विकासकामे वेळ न दवडता पूर्ण करण्याचे निर्देश. सिंधुदुर्ग, दि. १६ : (ऋषिकेश मोरजकर)  सिंधुदुर्ग जिल्ह्यातील नागरिकांना तसेच जिल्ह्यात येणाऱ्या  नागरिकांना दर्जेदार आणि प्रभावी आरोग्यसेवा उपलब्ध होण्यासाठी आवश्यक मनुष्यबळ, रुग्णालयांतील पायाभूत सुविधा आणि सर्व आवश्यक सुविधा प्राधान्याने उपलब्ध करून द्याव्यात. जिल्ह्यातील आरोग्य व्यवस्थेशी संबंधित प्रलंबित प्रश्न वेळ न दवडता मार्गी लावून कामे सुरळीतपणे आणि तातडीने पूर्ण करावीत, असे निर्देश मत्स्यव्यवसाय व बंदरे मंत्री नितेश राणे यांनी दिले. सिंधुदुर्ग जिल्ह्यातील रुग्णालयांमधील विविध प्रलंबित प्रश्नांबाबत मंत्री नितेश राणे यांच्या अध्यक्षतेखाली आढावा बैठक झाली. यावेळी आमदार दीपक केसरकर, आमदार निलेश राणे यांच्यासह आरोग्य विभागाचे अधिकारी आणि संबंधित विभागांचे अधिकारी उपस्थित होते. जिल्हा शल्य चिकित्सक, सिंधुदुर्ग येथे आवश्यक एस-२३ आणि एस-२० विशेषज्ञांची रिक्त पदे भरणे, तसेच जिल्ह्यातील रुग्णालयांमधील...

विवेकाची जागृती करणे म्हणजेच खरे शिक्षण -अजय कांडर. राजापूर मराठे कॉलेज येथे 'शिक्षक आणि विवेकशीलता' विषयाची मांडणी. राजापूर/ प्रतिनिधी :         तंत्रज्ञानाच्या आधुनिक युगात विवेक हरवत चालला आहे. माहितीचा महापूर आला आहे, पण ज्ञानाचा दुष्काळ पडला आहे. अशा सामाजिक व्यवस्थेत विवेक सदैव जागरूक ठेवणे हेच आजच्या शिक्षकांचे आद्य कर्तव्य आहे. विचारनिष्ठा हरवून बसल्याने समाजभान विवेकापासून दूर जात आहे, यासाठी विवेकाच्या मार्गावर चालणे गरजेचे आहे, असे प्रतिपादन सुप्रसिद्ध कवी आणि स्तंभ लेखक अजय कांडर यांनी केले.        रयत शिक्षण संस्थेच्या राजापूर विखारे गोठणे येथील आबासाहेब मराठे कॉलेज,  सांस्कृतिक विभाग व प्राध्यापक प्रबोधिनी यांच्या संयुक्त विद्यमाने आयोजित करण्यात आलेल्या शिक्षकदिन समारंभात 'शिक्षक आणि विवेकशीलता' या विषयावर  अजय कांडर बोलत होते. प्राचार्य डॉ. राजाराम राठोड यांच्या अध्यक्षतेखाली झालेल्या या कार्यक्रमात महाविद्यालयातील प्राध्यापक, प्रशासकीय व शिक्षकेतर कर्मचारी यांचा भेटवस्तू देऊन गौरव करण्यात आला.      कव...

वैश्य वाणी बांधवांच्या हक्कासाठी सातत्याने पाठपुरावा करणाऱ्या आमदार प्रमोद जठार यांचा कासार्डे येथे नागरी सत्कार वैश्यवाणी समाजाला ओबीसी प्रमाणपत्राचा मार्ग सुकर झाल्याबद्दल कृतज्ञता; समाजबांधवांचा उत्स्फूर्त सहभाग. आम्ही या प्रवासाचे सह प्रवासी होतो - आमदार प्रमोद जठार  कासार्डे : (ऋषिकेश मोरजकर)  वैश्यवाणी समाजातील पात्र घटकांना ओबीसी प्रवर्गाचे जात प्रमाणपत्र व जात वैधता प्रमाणपत्र मिळण्याचा मार्ग सुकर करण्यासाठी सातत्याने पाठपुरावा करणारे आमदार प्रमोद जठार यांचा ओबीसी बांधवांच्या वतीने कासार्डे येथे नागरी सत्कार करण्यात आला. वैश्यवाणी समाजातील काही विशेष घटकांना ओबीसी प्रमाणपत्र मिळावे, यासाठी आमदार प्रमोद जठार यांनी आमदार झाल्यानंतर पहिल्याच पावसाळी अधिवेशनात हा प्रश्न सभागृहात मांडला होता. त्यानंतर गेल्या दोन वर्षांपासून त्यांनी शासनस्तरावर सातत्याने पाठपुरावा केला. या पाठपुराव्याला यश मिळत महायुती सरकारच्या माध्यमातून संबंधित अडचणी दूर करण्यासाठी परिपत्रक काढण्यात आल्याने समाजातील पात्र नागरिकांना मोठा दिलासा मिळाला आहे. या पार्श्वभूमीवर अभिषेक मंगल कार्यालय, कासार्डे य...

प्रमोद जठार यांचा उद्या वैश्य समाज करणार सत्कार. कासार्डे येथे होणार सत्कार.  कणकवली/प्रतिनिधी  वैश्य वाणी, हिंदू वैश्य व हिंदू वाणी हा समाज एकच असून ओबीसी दाखला किंवा जातपडताळणी सादर करताना सर्वांना मिळावे यासाठी सुधारणा करुन घ्यावी अशी सुचना अधिवेशनात आमदार प्रमोद जठार यांनी मांडली होती.दरम्यान आता हा शासनाने जीआर प्रसिद्ध केला असल्याने आमदार प्रमोद जठार यांच्या मागणीला यश आल्याने कासार्डे येथील अभिषेक मंगल कार्यालय येथे उद्या रविवार दिनांक १३ सष्टेंबर रोजी सकाळी १० वाजता वैश्य समाज तर्फे सत्कार सोहळा आयोजित केला आहे.      तरी सत्कार सोहळा साठी उपस्थित राहावे असे आवाहन संजय नकाशे, बंड्या मांजरेकर यांनी केले आहे.

मंत्री नितेश राणे यांची "मोदी एक्स्प्रेस" गणेशभक्त चाकरमान्यांना घेऊन सिंधुदुर्गात दाखल;  चाकरमान्यांचे भाजप कार्यकर्त्यांनी केले जल्लोषात स्वागत.! गणेशभक्तांच्या सुखकर प्रवासासाठी मंत्री नितेश राणेंच्याकडून  मोफत रेल्वे सेवेचे हे १४ वे वर्ष प्रवाशांनी मानले मंत्री नितेश राणे यांचे आभार  अजून एक मोदी एक्सप्रेस १३ सप्टेंबर रोजी मुंबई मधून सुटणार. कणकवली : (ऋषिकेश मोरजकर)  गणेश चतुर्थीनिमित्त मुंबईतून कोकणात गावी येणाऱ्या गणेशभक्त चाकरमान्यांसाठी मत्स्य व बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे यांच्या पुढाकारातून सोडण्यात आलेली मोफत ‘मोदी एक्स्प्रेस’ शुक्रवारी रात्री कणकवली रेल्वे स्थानकावर दाखल झाली. यावेळी भाजप पदाधिकाऱ्यांनी गणेशभक्त चाकरमान्यांचे गुलाबपुष्प देऊन स्वागत केले. सकाळी मुंबईहून सुटलेली मोदी एक्स्प्रेस रात्री कणकवलीत पोहोचताच ‘गणपती बाप्पा मोरया’चा जयघोष करण्यात आला. रेल्वे स्थानकावर चाकरमान्यांच्या स्वागतासाठी भाजपचे पदाधिकारी मोठ्या संख्येने उपस्थित होते. यावेळी अनेक गणेशभक्त चाकरमान्यांनी “मंत्री नितेश राणे यांच्या पुढाकारा...

पुण्यश्लोक अहिल्यादेवी होळकर शेतकरी कर्जमुक्ती.  जिल्ह्यातील ६३९ शेतकरी आधार प्रमाणीकरणासाठी पात्र. सिंधुदुर्ग, दि. ११ (ऋषिकेश मोरजकर) :  पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत राज्यातील ३.५५ लाख पात्र लाभार्थी शेतकऱ्यांची यादी दि. ११ सप्टेंबर २०२६ रोजी शासनामार्फत आधार प्रमाणीकरणासाठी प्रसिद्ध करण्यात आली आहे. यामध्ये जिल्ह्यातील ६३९ पात्र शेतकऱ्यांचा समावेश आहे. जिल्ह्यातील प्रसिद्ध झालेल्या यादीमध्ये सिंधुदुर्ग जिल्हा मध्यवर्ती सहकारी बँक लि., सिंधुदुर्ग व विविध कार्यकारी सहकारी सेवा संस्थांशी संबंधित २२४ शेतकरी, तर राष्ट्रीयीकृत व ग्रामीण बँकांकडील ४१५ शेतकऱ्यांचा समावेश आहे. पात्र शेतकऱ्यांची यादी संबंधित विविध कार्यकारी सहकारी सेवा संस्था कार्यालये, सिंधुदुर्ग जिल्हा मध्यवर्ती सहकारी बँकेच्या शाखा, जिल्हा उपनिबंधक, सहकारी संस्था सिंधुदुर्ग कार्यालय तसेच तालुका सहाय्यक निबंधक, सहकारी संस्था कार्यालयांमध्ये उपलब्ध करून देण्यात आली आहे. याशिवाय पात्र लाभार्थ्यांची माहिती संबंधित विकास संस्था, जिल्हा मध्यवर्ती सहकारी बँक, संबंधित बँक शाखा, ...

गणेशोत्सव काळात कणकवली शहरातील वाहतुकीत बदल. दि. १२ ते २५ सप्टेंबरदरम्यान अवजड वाहनांना प्रवेशबंदी; पर्यायी मार्गाचा वापर करण्याचे जिल्हा पोलिस अधीक्षक यांचे आवाहन. सिंधुदुर्ग, दि. ११ (ऋषिकेश मोरजकर) :  आगामी गणेशोत्सवाच्या पार्श्वभूमीवर कणकवली शहर व परिसरातील वाहतूक सुरळीत राहावी, वाहतूक कोंडी होऊ नये तसेच नागरिकांची गैरसोय व अपघात टाळण्यासाठी सिंधुदुर्ग पोलिसांकडून कणकवली शहरातील वाहतुकीत तात्पुरते बदल करण्यात आले आहेत. गणेशोत्सव दि. 14 सप्टेंबर 2026 पासून सुरू होत असून, या कालावधीत जिल्ह्यात मोठ्या प्रमाणात भाविक व नागरिक विविध वाहनांतून ये-जा करण्याची शक्यता आहे. तसेच कणकवली शहर व परिसरातील बाजारपेठांमध्ये गणेशोत्सवाच्या खरेदीसाठी नागरिकांची मोठी गर्दी होण्याची शक्यता लक्षात घेऊन हे वाहतूक नियोजन करण्यात आले आहे. पोलीस अधीक्षक डॉ. मोहन दहिकर यांनी महाराष्ट्र पोलीस अधिनियम, 1951 मधील कलम 34 अन्वये प्राप्त अधिकारांचा वापर करून दि. 12 सप्टेंबर 2026 रोजी सकाळी 8.00 वाजेपासून दि. 25 सप्टेंबर 2026 रोजी रात्री 12.00 वाजेपर्यंत पुढीलप्रमाणे वाहतूक बदल लागू केले आहेत. अवजड वाहनांन...

मंत्री नितेश राणे यांच्या माध्यमातून सोडलेली पहिली मोदी एक्सप्रेस सिंधुदुर्गाच्या दिशेने रवाना... मंत्री नितेश राणे यांनी दादर रेल्वे स्टेशनवर दाखवला झेंडा.  चाकरमानी गणेशभक्तांचा उत्स्फूर्त प्रतिसाद. मुंबई : गणेशोत्सवाच्या निमित्ताने राज्याचे मत्स्यव्यवसाय व बंदरे मंत्री, तथा सिंधुदुर्ग जिल्हा पालकमंत्री नितेश राणे यांच्या माध्यमातून कोकणवासीय चाकरमान्यांकरिता सोडण्यात आलेली दादर ते सावंतवाडी पर्यंतची मोदी एक्स्प्रेस ही पहिली ट्रेन आज दुपारी 12 वाजता दादर स्टेशनवरून कोकणाकडे रवाना झाली. प्रवाशांच्या उत्साहात, बाप्पाच्या जयघोषात ही रेल्वे सिंधुदुर्ग साठी रवाना झाली. मंत्री नितेश राणे यांनी दादर स्टेशनवर मोदी एक्स्प्रेस ला झेंडा दाखवला.  गणेशोत्सवाच्या काळात आरक्षण मिळत नाही, खासगी गाड्यांचे वाढलेले तिकीट यामुळे चाकरमान्यांना तिकीट मिळण्यास अडचणी निर्माण होतात अशा वेळी मोदी एक्सप्रेसमुळे प्रवाशांना दिलासा मिळाला आहे. प्रवाशांचा प्रवास सुखकर आणि सुरक्षित होण्यासाठी हा उपक्रम उपयुक्त ठरला आहे. गेली 14 वर्षे अविरतपणे मंत्री नितेश राणे यांनी स्वखर्चाने गणेशभक्तांना प्रवासाची मोफत स...

‘जाधव गुरुजींच्या संघर्षाची जीवनगाथा तरुण पिढीसाठी दिशादर्शक’ : संदेश उर्फ गोट्या सावंत कणकवलीत संतोष जाधव  ‘संघर्षातून घडलेले आयुष्य’ पुस्तकाचे प्रकाशन. कणकवली: (ऋषिकेश मोरजकर)   "संतोष जाधव यांनी आयुष्यभर निरपेक्ष भावनेने शिक्षकी पेशा आणि समाजकारण जपले. संघर्षाचे अनेक उन्हाळे-पावसाळे अंगावर झेलत त्यांनी उभे केलेले आयुष्य प्रत्येकाला उमेद देणारे आहे. जाधव गुरुजींच्या संघर्षाची ही प्रेरणादायी जीवनगाथा आजच्या तरुण पिढीने वाचून जगण्याचे बळ घेतले पाहिजे," असे  प्रतिपादन युवा संदेश प्रतिष्ठानचे संस्थापक, माजी जिल्हा परिषद अध्यक्ष तथा विद्यमान सदस्य संदेश उर्फ गोट्या सावंत यांनी केले.           युवा संदेश प्रतिष्ठानच्या वतीने आयोजित माजी सेवानिवृत्त केंद्रप्रमुख संतोष जाधव यांच्या ‘संघर्षातून घडलेले आयुष्य’ या ग्रंथाचा भव्य प्रकाशन सोहळा नुकताच कणकवली कॉलेजच्या एचपीसीएल (HPCL) सभागृहात थाटात संपन्न झाला. या वेळी पुस्तकाचे प्रकाशन संदेश उर्फ गोट्या सावंत यांच्या शुभहस्ते करण्यात आले.यावेळी व्यासपीठावर कणकवली पंचायत समिती सभापती हर्षदा वाळके,नांदगाव...

नांदगाव येथे  सलग चौथ्या वर्षी रक्तदान शिबिर झाले संपन्न  सर्पमित्र इंडिया सिंधुदुर्ग व सिंधू रक्त मित्र प्रतिष्ठान सिंधुदुर्ग तर्फे केले होते आयोजन. नांदगाव (प्रतिनिधी) सर्पमित्र इंडिया सिंधुदुर्ग व सिंधू रक्त मित्र प्रतिष्ठान सिंधुदुर्ग यांच्या संयुक्त विद्यमाने भव्य रक्तदान शिबिराचे उद्घाटन नांदगाव सरपंच भाई मोरजकर यांच्या हस्ते दिपप्रज्वलनाने करण्यात आले.       हे सलग चौथे वर्ष  रक्तदान शिबीर आयोजित करण्यात येत आहे. यामुळे उपस्थित मान्यवरांनी त्यांच्या या महान कार्याबद्दल शुभेच्छा दिल्या. तसेच रक्त दान हे श्रेष्ठ दान आहे. जेव्हा रक्ताची गरज भासते तेव्हा आपल्याला रक्तदानाचे महत्त्व कळते. तसेच सर्प मित्र म्हणून समाजात चांगले काम करत असल्याने त्यासाठी ही शुभेच्छा देण्यात आल्या. सकाळी ९ ते १२ वाजेपर्यंत नांदगाव प्राथमिक आरोग्य केंद्र येथे आयोजित करण्यात आलेल्या या रक्तदान शिबिरात 21 रक्त दात्यांनी रक्त दान केले.        यावेळी नांदगाव सरपंच भाई मोरजकर, नांदगाव पोलीस पाटील वृषाली मोरजकर, नांदगाव माजी उपसरपंच निरज मोरये, तिवरे माजी सरपंच वा...

गणेशोत्सव निर्विघ्न पार पाडण्यासाठी प्रशासनाने अलर्ट मोडवर रहा – पालकमंत्री नितेश राणे तयारी पूर्ण; उत्सव कालावधीत अतिरिक्त मनुष्यबळ तैनात करा जिल्हावासीयांनी आनंदात व सुरक्षितपणे गणपती उत्सव साजरा करावा. सिंधुदुर्ग, (ऋषिकेश मोरजकर) :   आगामी गणेशोत्सवाच्या पार्श्वभूमीवर जिल्ह्यात येणाऱ्या गणेशभक्तांना कोणत्याही प्रकारचा व्यत्यय येऊ नये, वाहतूक सुरळीत राहावी तसेच नागरिकांना सुरक्षित, शांततापूर्ण आणि आनंददायी वातावरणात उत्सव साजरा करता यावा, यासाठी सर्व शासकीय यंत्रणांनी येणाऱ्या २५ सप्टेंबर पर्यंत अलर्ट मोडवर राहून परस्पर समन्वयाने काम करावे, अशा सूचना राज्याचे मत्स्यव्यवसाय व बंदरे मंत्री तथा सिंधुदुर्ग जिल्ह्याचे पालकमंत्री नितेश राणे यांनी दिल्या. जिल्हाधिकारी कार्यालयातील मायनाक भंडारी सभागृहात आगामी गणेशोत्सवाच्या अनुषंगाने प्रशासनाने केलेल्या तयारीचा पालकमंत्री नितेश राणे यांनी आढावा घेतला. मागील महिन्यात झालेल्या बैठकीत देण्यात आलेल्या सूचनांच्या पूर्ततेचा आढावा घेतल्यानंतर त्यांनी गणेशोत्सव कालावधीतील विविध व्यवस्थांबाबत संबंधित विभागांना आवश्यक सूचना दिल्या. यावेळी जिल्हा ...

  नांदगाव येथे उद्या रक्तदान शिबिर. सर्पमित्र इंडिया सिंधुदुर्ग व सिंधू रक्त मित्र प्रतिष्ठान सिंधुदुर्ग तर्फे आयोजन. नांदगाव (ऋषिकेश मोरजकर ) सर्पमित्र इंडिया सिंधुदुर्ग व सिंधू रक्त मित्र प्रतिष्ठान सिंधुदुर्ग यांच्या संयुक्त विद्यमाने भव्य रक्तदान शिबिर उद्या बुधवार दिनांक ९ सष्टेंबर २०२६ रोजी सकाळी ९ ते १२ वाजेपर्यंत नांदगाव प्राथमिक आरोग्य केंद्र येथे आयोजित करण्यात आलेले आहे. तरी इच्छुक रक्तदात्यांनी रक्तदान शिबिराला उपस्थित राहून सहकार्य करावे असे आवाहन आयोजकांतर्फे करण्यात आलेले आहे.

नांदगाव ग्रामपंचायत येथे श्री गणेश चतुर्थी पाश्र्वभूमीवर ट्रॅफिक संदर्भात बैठक  गणेश उत्सव काळात नांदगाव बाजारात वाहने पार्किंग करण्यास बंदी.  नांदगाव/ऋषिकेश मोरजकर  कणकवली तालुक्यातील नांदगाव येथे श्री गणेश चतुर्थी पाश्र्वभूमीवर नांदगाव बाजारात ट्रॅफिक ची मोठी समस्या निर्माण होते. यासाठी आज नांदगाव ग्रामपंचायत मार्फत सरपंच रविराज मोरजकर यांच्या अध्यक्षतेखाली रिक्षा संघटना, व्यापारी संघटना, मॅजिक संघटना यांची बैठक आयोजित करण्यात आली होती.       यावेळी उपसरपंच इरफान साटविलकर, रिक्षा संघटनेचे प्रतिनिधी किशोर मोरये, व्यापारी संघटनेचे प्रतिनिधी पप्पी वायंगणकर,मॅजिक संघटना प्रतिनिधी अल्लाउद्दीन बोबडे तसेच इतर सभासद उपस्थित होते.        श्री गणेश चतुर्थी पाश्र्वभूमीवर ट्रॅफिक संदर्भात घ्यावयाची काळजी, त्याचप्रमाणे स्वच्छता संदर्भात चर्चा करण्यात आली.      ट्रॅफिक साठी गणेश उत्सव काळात नांदगाव बाजारात कुठल्याही वाहनांना पार्किंग करण्यास बंदी घालण्यात आली आहे. बाजार खरेदी करण्या अगोदर आपली वाहने अथवा दुचाकी ब्रिज खाली किंवा सर्व्ह...

नांदगाव कालव्याच्या पाईप लाईन साठी खोदकाम झालेल्या शेतकऱ्यांना नुकसान भरपाई मिळावी.  उपविभागीय अधिकारी, पाटबंधारे बांधकाम उपविभाग  यांच्या येथे राजा म्हसकर यांची मागणी  नांदगाव प्रतिनिधी  कणकवली तालुक्यातील नांदगाव येथे लघू पाटबंधारे या प्रकल्पाच्या डाव्या कालव्यावरील काम सुरू करण्यात आले होते. या अनुषंगाने पाईप लाईन पावसाळ्यापूर्वी शेतकऱ्यांच्या जमिनीतून खोदाई करण्यात आली होती. यामुळे संबंधित शेतकऱ्यांचे नुकसान झाले आहे. तरी संबंधित शेतकरी यांना नुकसान भरपाई मिळावी अशी मागणी सामाजिक कार्यकर्ते हनुमंत उर्फ राजा म्हसकर यांनी कणकवली येथील उपविभागीय अधिकारी, पाटबंधारे बांधकाम उपविभाग  यांच्या येथे एका निवेदनाद्वारे केली आहे. दरम्यान हा विषय म्हसकर यांनी कणकवली पंचायत समिती येथे झालेल्या जनता दरबारात उपस्थित केला होता. नलिका वितरण प्रणालीचे काम माहे मार्च २०२६ या कालावधीत मौजे नांदगाव या गावामध्ये करण्यात आले. मात्र भूमीगत नलिका खोदाई करून पाईप लाईन करण्याअगोदर संबंधित नलिका टाकण्यासाठी ज्या शेतक-यांच्या जमिनीची खोदाई होणार होती, अशा शेतक-यांच्या जमिनीचे भूसंपादन कर...

    नांदगाव पंचक्रोशीत माकड पकड मोहीम राबवा.  असलदे सोसायटी चेअरमन भगवान लोके यांची वनविभागाकडे मागणी ; माकडांच्या उपद्रवामुळे शेतकरी त्रस्त. कणकवली : प्रतिनिधी  नांदगाव पंचक्रोशीतील असलदे, नांदगाव, आयनल, कोळोशी, तोंडवली, बावशी तसेच परिसरातील गावांमध्ये गेल्या काही दिवसांपासून माकडांचा उपद्रव मोठ्या प्रमाणात वाढला आहे. माकडांच्या वाढत्या संख्येमुळे नागरिक व शेतकरी त्रस्त झाले असून, त्यांच्या बंदोबस्तासाठी वन विभागाने तातडीने अधिकृत माकड पकड मोहीम राबवावी, अशी मागणी असलदे सोसायटी चेअरमन भगवान लोके यांची कणकवली वनविभागाकडे करण्यात आली आहे. या गंभीर समस्येची तातडीने दखल घेऊन कार्यवाही करण्याचे आश्वासन वनक्षेत्रपाल सुहास पाटील यांनी दिले आहे.  माकडांकडून घरांमध्ये घुसून अन्नपदार्थांची नासधूस करण्याबरोबरच घरावरील कौले, पत्रे व इतर साहित्याचे नुकसान केले जात आहे. तसेच शेतातील भाजीपाला, फळझाडे आणि विविध पिकांचे मोठ्या प्रमाणात नुकसान होत असल्याने शेतकऱ्यांचे आर्थिक नुकसान होत आहे. माकडांच्या वाढत्या उपद्रवामुळे लहान मुले, महिला व ज्येष्ठ नागरिकांच्या सुरक्षिततेचा प्रश्...

  कवी नारायण सुर्वे यांनी व्यवस्थेलाच प्रश्न विचारला - कवयित्री प्रमिता तांबे. वैभववाडीतील नारायण सुर्वे स्मृती संमेलनाला साहित्यिकांचा उत्स्फूर्त प्रतिसाद. वैभववाडी / प्रतिनिधी         कविवर्य नारायण सुर्वे यांनी मराठी कवितेला दिवाणखान्यातून बाहेर काढले. तिला गिरणगावातील चाळींमध्ये आणले, कारखान्यांच्या धुराड्यांच्या छायेत उभे केले आणि कष्टकऱ्यांच्या, कामगारांच्या, पददलितांच्या झोपड्यांमध्ये नेऊन तिची वीण घट्ट केली. या सगळ्या प्रक्रियेतून कविता लिहिताना कवी नारायण सुर्वे यांनी व्यवस्थेलाच प्रश्न विचारला. म्हणूनच त्यांची कविता सर्वकालीन झाली, असे प्रतिपादन कवयित्री प्रमिता तांबे यांनी येथे केले.         अक्षरवैभव साहित्य संस्कृती मंचतर्फे वैभववाडी येथील डॉ.बाबासाहेब आंबेडकर स्मारक भवन सभागृहात वैभववाडी-हेतचे सुपुत्र कविवर्य नारायण सुर्वे यांच्या जन्मशताब्दी स्मृती प्रित्यर्थ कवयित्री प्रमिता तांबे यांच्या अध्यक्षतेखाली 'श्रावणसरी' या साहित्यिक कार्यक्रमाचे आयोजन करण्यात आले. यावेळी बोलताना तांबे यांनी डॉ. बाबासाहेब आंबेडकर आणि कविवर्य नारायण स...