सिंधुदुर्ग Today डिजिटल न्यूज चॅनेल

हिंदी सक्ती विरोधात संघटितपणे लोकांनी आता रस्त्यावर यावे. पाचव्या समाज साहित्य भाषा विचार संमेलनात संमेलनाध्यक्ष दीपक पवार यांचे आवाहन. पुणे, मुंबई,पश्चिम महाराष्ट्र, कोकणातून संमेलनाला रसिकांचा मोठा प्रतिसाद. कणकवली/प्रतिनिधी       विचार मांडायलाच स्वातंत्र्य नसेल तर विचार करायचाच कशाला अशी मानसिकता आता लोकांची झाली आहे.आपली धारणाच आता अनैतिक झालेली आहे. अशा काळात मराठी भाषेसाठी,मराठी समाजासाठी थोडेफार काही बरं करायचं असेल तर ते एकट्या दुकट्या माणसाला आता शक्य नाही. यासाठी आपण सगळ्यांनी संघटित होऊनच काम करायला पाहिजे. शासनाने तिसऱ्या भाषेचा पर्याय निवडण्यासाठी समिती नेमली तरी या समितीचा अहवालही शासन धार्जिनाच असणार असून हिंदीची सक्ती केली जाणार आहे. त्यामुळे संघटितपणे सगळ्यांनी रस्त्यावर येऊन या हिंदी सक्तीच्या विरोधात लढा उभारूया असे आवाहन पाचव्या समाज साहित्य भाषा विचार संमेलनात संमेलनाध्यक्ष ज्येष्ठ भाषा अभ्यास डॉ. दीपक पवार यांनी केले.          सिंधुदुर्ग समाज साहित्य प्रतिष्ठान आणि सहयोग संस्था वसई यांच्या संयुक्त विद्यमाने वसई भुईगाव येथे ड...

नांदगाव येथे कौशल्य विकास व उद्योजकता मंत्रालय भारत सरकारच्या माध्यमातून संगणक टेक्निशियन प्रशिक्षण उद्घाटन. कणकवली प्रतिनिधी  कौशल्य विकास व उद्योजकता मंत्रालय भारत सरकार नवी  दिल्ली जन शिक्षण संस्था सिंधुदुर्ग यांच्या वतीने संगणक टेक्निशियन प्रशिक्षण नांदगाव येथे आज उद्घाटन करण्यात आले      यावेळी जनशिक्षणचे संचालक सुधीर पालव, सहाय्यक कार्यक्रम अधिकारी रमेश खरात, ऋषिकेश मोरजकर तसेच विद्यार्थी उपस्थित होते.     जनशिक्षणचे संचालक सुधीर पालव यांनी उपस्थित प्रशिक्षणार्थींना जनशिक्षणच्या व स्कील इंडिया तर्फे होत असलेल्या सर्व प्रशिक्षणांची माहिती देत आपण यातून छोटे, मोठे व्यवसाय निर्माण करु शकतो.यासाठी बँक कर्ज ही उपलब्ध करून देत असून याचा पुरेपूर लाभ घ्यावा असे आवाहन ही संचालक सुधीर पालव यांनी यावेळी केले.

जनतेचा उत्स्फूर्त प्रतिसाद कशाला म्हणतात हे आज सर्वांनी पाहिले. भव्य प्रचार रॅली नंतर मंत्री नितेश राणे यांचे प्रतिपादन. खा.नारायण राणे साहेबांवर प्रेम करणारी ही जनता,भाजपच्या पाठीशी आहे. कणकवली प्रतिनिधी  आम्ही कोणावर टीका टिपणी करत नाही आहोत. ही कणकवली ची जनता वर्षानुवर्षे  खास. नारायण राणे साहेबांच्या  बाजूने राहिलेली आहे.राणे साहेबांनी भाजपच्या सर्व उमेदवारांना आशीर्वाद दिले आहेत. कणकवली पासून खास. नारायण राणेंना तोडण्याचा या पूर्वीही प्रयत्न झाले.त्यांना या जनतेने यशस्वी होऊ दिले नाही. नारायण राणे साहेबांवर प्रेम करणारी ही जनता आमच्या सोबत आहे.त्यामुळे प्रत्येक गल्ली गल्लीत खास. नारायण राणेंचा आवाज घुमताना दिसतोय.या आवाजाचे रूपांतर भाजपच्या विजयात होईल असा विश्वास पालकमंत्री नितेश राणे यांनी व्यक्त केला.  कणकवली नगरपंचायत निवडणुकीसाठी भारतीय जनता पक्षाचे नगराध्यक्ष पदाचे उमेदवार समीर नलावडे आणि नगरसेवक पदाचे उमेदवार याना घेऊन  कणकवली शहराच्या बाजारपेठेतून प्रचार रॅली निघाली आहे. यावेळी मंत्री नितेश राणे यांच्या समवेत, भाजपचे जिल्हाध्यक्ष प्रभाकर सावंत ...

वैभववाडी तालुक्यातील २१ गावे ‘स्मार्ट व इंटेलिजेंट व्हिलेज’ प्रकल्पात ग्रामीण विकासाला नवी झळाळी ; महायुती सरकारचा निर्णायक उपक्रम जिल्ह्याचे पालकमंत्री नाम. नितेश राणे यांच्या  प्रयत्नांना मोठे यश सिंधुदुर्ग : (ऋषिकेश मोरजकर)  राज्यातील महायुती सरकारने ग्रामीण भागात तंत्रज्ञानाधारित सर्वांगीण विकास साधण्यासाठी ‘स्मार्ट व इंटेलिजेंट व्हिलेज’ प्रकल्पाची अंमलबजावणी सुरू केली असून, पहिल्या टप्प्यात राज्यातील पाच जिल्ह्यांतील ७५ गावांची निवड करण्यात आली आहे. यात सिंधुदुर्ग जिल्ह्यातील वैभववाडी तालुक्यातील तब्बल २१ गावे प्रायोगिकरित्या निवडली गेली आहेत. जिल्ह्याचे पालकमंत्री नाम. नितेश राणे यांच्या विशेष प्रयत्नांतून या गावांना प्रकल्पात प्राधान्य मिळाले आहे. तंत्रज्ञानाधारित ग्रामीण परिवर्तन ग्रामीण भागाचे रूपांतर स्वयंपूर्ण, तंत्रज्ञान-सक्षम आणि सक्षम समुदायांमध्ये करण्याच्या उद्देशाने हा प्रकल्प राबविण्यात येत आहे. प्रकल्पांतर्गत खालील महत्त्वाच्या क्षेत्रांवर लक्ष केंद्रित होणार आहे.  यामध्ये प्रामुख्याने डिजिटल संपर्क, ई-शासन सेवा, स्मार्ट शिक्षण, ग्रामीण आरोग्यसेवा, आधुन...

  परमहंस भालचंद्र महाराज यांच्या समाधीस्थळी मंत्री नितेश राणे घेतले दर्शन. परमहंस भालचंद्र महाराज यांच्या ४८ व्या पुण्यतिथी निमित्त घेतले दर्शन. भक्तांशी , विक्रेत्यांशी साधला संवाद ;  संस्थानच्या पदाधिका-यांची घेतली भेट. कणकवली : प्रतिनिधी  कणकवली येथील योगीराज परमहंस भालचंद्र महाराज यांच्या ४८ व्या पुण्यतिथी निमित्त प.पु.भालचंद्र महाराज समाधी स्थळी पालकमंत्री नितेश राणे यांनी दर्शन घेतले.यावेळी आपल्या कणकवली मतदारसंघातील सर्वसामान्य जनता सुखी , समृध्द राहो असे गाऱ्हाणे घातले. भक्तांशी , विक्रेत्यांशी  संवाद साधला. भालचंद्र महाराज यांच्या पुण्यतिथी दिनानिमित्त संस्थानमध्ये २३ ते २७ नोव्हेंबर दरम्यान पुण्यतिथी महोत्सव आयोजित करण्यात आला. विविध धार्मिक आणि सांस्कृतिक कार्यक्रमांनी साजरा करण्यात आलेल्या या पुण्यतिथी महोत्सवाच्या आज सांगता सोहळ्याच्या निमित्त पालकमंत्री नितेश राणे यांनी उपस्थित राहून समाधीचे मनोभावे दर्शन घेऊन आशीर्वाद घेतले. यावेळी भाजपा नगराध्यक्ष पदाचे उमेदवार समीर नलावडे , तालुकाध्यक्ष मिलींद मेस्त्री , संस्थानचे अध्यक्ष श्री.कामत , व्यवस्थापक विजय ...

“हमाम में सब नंगे होते है”मंत्री नितेश राणे यांचा सूचक इशारा   व्यवसायामुळे घरात पैसे ठेवल्यास चूक काय? – नितेश राणे राजकीय चष्म्याने प्रत्येक बाबीकडे पाहू नका हाच निकष तुम्हाला सुध्दा लागतो, कणकवली : ऋषिकेश मोरजकर  आमचे स्वतःचे व्यवसाय असतात. स्वतःच्या व्यवसायासाठी घरात पैसे ठेवले असतील तर त्यात चूक काय? आमच्या पक्षाची कोणीही बदनामी करू नये. प्रत्येकाचाच काही ना काही व्यवसाय असतो. जर नियम आम्हाला लागू होत असतील, तर ते नियम सर्वांनाच लागू झाले पाहिजेत. “हमाम में सब नंगे होते है” अशा शब्दांत मंत्री नितेश राणे यांनी ठाम भूमिका मांडली. रवींद्रजी चव्हाण हे भाजपचे प्रदेश अध्यक्ष असल्याने त्यांना प्रत्येक जिल्ह्यातील कानाकोपऱ्यात जावे लागते. त्यामुळे त्यांच्या प्रत्येक कृतीकडे राजकीय चष्म्यातून पाहणे योग्य नाही. उद्या आम्ही उदय सामंत यांच्याबाबत काही बोललो आणि त्यावर असा धिंगाणा घातला, तर ते योग्य ठरेल का? असा खडा सवालही त्यांनी उपस्थित केला. युतीच्या संदर्भातील प्रश्नावर बोलताना नितेश राणे म्हणाले की, भाजपची एक ठरलेली पद्धत आहे. ती सर्वांनी समजून घेण्याची गरज आहे. हा संपूर्ण व...

कणकवली नगरपंचायतच्या निवडणूक प्रचारात पालकमंत्री नितेश राणे यांची एन्ट्री. कणकवलीत डॉक्टर , वकील , पत्रकार, प्रतिष्ठित नागरिकांच्या पालकमंत्र्यांनी घेतल्या गाठीभेठी. कणकवली दि.२६ नोव्हेंबर : प्रतिनिधी  कणकवली नगरपंचायत निवडणूकीत भारतीय जनता पार्टी विरुध्द शहर विकास आघाडी यांच्या सरल लढत आहे. निवडणूकीचे वातावरण तापले असतानाच मत्स्य व बंदरे विकास मंत्री पालकमंत्री नितेश राणे यांनी कणकवलीच्या प्रचारात एन्ट्री घेतली आहे. बुधवारी खुद्द पालकमंत्री नितेश राणे यांनी कणकवली शहरातील व्यापारी , डॉक्टर , वकील, पत्रकार , प्रतिष्ठित नागरिक यांच्या गाठीभेटी घ्यायला सुरुवात केली आहे.  कणकवली येथील व्यापारी संघाचे अध्यक्ष दीपक बेलवलकर , डॉ. निलेश पाकळे , प्रतिष्ठित नागरिक बापू पारकर , सुशील पारकर , डॉ. अनंत नागवेकर ,  श्री. मालपेकर यांच्यासह शहरातील प्रतिष्ठित नागरिकांशी पालकमंत्री नितेश राणे यांनी संवाद साधला. यावेळी ही निवडणूक कणकवलीला विकासाकडे नेणारी आहे. केंद्र आणि राज्यसरकार हे भाजपाचे आहे. त्यामुळे कणकवलीतील सुज्ञ नागरिक म्हणून भारतीय जनता पार्टी नगराध्यक्ष पदाचे उमेदवार समीर नलावड...

डॉ. बाबासाहेबांच्या संविधानावर चालणारा आपला सिंधुदुर्ग - पालकमंत्री नितेश राणे  वर्षोनुवर्षे ज्या वाड्या वस्त्यांना जातीवाचक नावे दिली होती आम्ही बदली. कणकवली बुध्द विहार येथे संविधान दिनाचे औचित्य साधून डॉ. बाबासाहेब आंबेडकर यांच्या पुतळ्याला पालकमंत्री नितेश राणे यांनी केले अभिवादन. कणकवली प्रतिनिधी  डॉ. बाबासाहेब आंबेडकर यांनी लिहिलेल्या संविधानामुळे भारतीय नागरिक म्हणून आपण मोकळा श्वास घेतो. प्रत्येकाच्या भविष्याला आकार देण्यामध्ये डॉ.बाबासाहेब आंबेडकर यांचा मोठा हात आहे. संविधान दिवसाच्यानिमित्ताने आम्ही डॉ. बाबासाहेब आंबेडकर यांचे अनुयायी म्हणून त्यांचे विचारांवर , विचारांची प्रेरणा घेवून आपापल्या पध्दतीने संविधानाची ताकद घट्ट करण्याच्या दृष्टीने काम करण्याचा प्रयत्न करत आहोत. आमचा सिंधुदुर्ग जिल्हा डॉ. बाबासाहेब आंबेडकर यांच्या विचारांवर चालणारा जिल्हा आहे. वर्षोनुवर्षे ज्या वाड्या वस्त्यांना जातीवाचक नावे दिली होती. ती नावे बदलणारा सिंधुदुर्ग हा पहिला जिल्हा असल्याची प्रतिक्रिया पालकमंत्री नितेश राणे यांनी दिली. कणकवली बुध्द विहार येथे संविधान दिनाच्या निमित्ताने पालकम...

  ३० नोव्हेंबरपर्यंत सर्व लाभार्थ्यांची ई-केवायसी पूर्ण करा.  जिल्हाधिकारी तृप्ती धोडमिसे यांचे निर्देश. सिंधुदुर्गनगरी, (ऋषिकेश मोरजकर) – राष्ट्रीय अन्न सुरक्षा योजनेअंतर्गत जिल्ह्यातील सर्व पात्र लाभार्थ्यांची ई-केवायसी, आधार सिंडींग, मोबाईल सिंडींग तसेच शिधापत्रिका ऑनलाईन करण्याच्या प्रक्रियेला गती देण्याबाबत महत्त्वपूर्ण बैठक जिल्हाधिकारी तृप्ती धोडमिसे यांच्या अध्यक्षतेखाली संपन्न झाली. या बैठकीला जिल्हा पुरवठा अधिकारी विजय सहारे तसेच जिल्ह्यातील पाच तालुक्यातील निरीक्षण अधिकारी, सर्व पुरवठा निरीक्षक आणि अन्य अधिकारी कर्मचारी उपस्थित होते. बैठकीत जिल्हाधिकारी यांनी स्पष्ट निर्देश देत सांगितले की, सिंधुदुर्ग जिल्ह्यातील १,७८,७१७ लाभार्थ्यांची ई-केवायसी अद्याप प्रलंबित असून ही प्रक्रिया दिनांक ३० नोव्हेंबर २०२५ पूर्वी शंभर टक्के पूर्ण करणे बंधनकारक आहे. संबंधित लाभार्थ्यांनी आपापल्या रास्तभाव दुकानदारांकडे जाऊन तात्काळ ई-केवायसी करावी, असे आवाहन करण्यात आले. आधार सिंडींगबाबत, जिल्ह्यातील १२,३५६ लाभार्थ्यांचे आधार क्रमांक शिधापत्रिकेशी अजूनही संलग्न झालेले नाहीत. त्यामुळे सर...

भाजपचे नगराध्यक्ष पदाचे उमेदवार समीर नलावडे व १७ ही नगरसेवकांनी घेतले खासदार नारायण राणेंचे शुभाशीर्वाद. ओम गणेश निवासस्थानी प्रदेशाध्यक्ष रवी चव्हाण, मंत्री नितेश राणे यांच्या उपस्थितीत घेतली खासदार राणेंची भेट. माझा भाजपच्या उमेदवारांना संपूर्ण पाठिंबा, इतर कोणालाही पाठिंबा नाही भाजप नेते नारायण राणे यांनी उमेदवारांना केले मार्गदर्शन, दिल्या विजयाच्या टिप्स.  कणकवली (ऋषिकेश मोरजकर) कणकवली नगरपंचायत चे भाजपचे नगराध्यक्ष  पदाचे उमेदवार समीर नलावडे यांच्यासह १७ ही प्रभागातील भाजपच्या नगरसेवक पदाच्या उमेदवारांनी  भाजप नेते, खासदार नारायण राणे यांची ओम गणेश निवासस्थानी भेट घेऊन निवडणुकीसाठी शुभाशीर्वाद घेतले. यावेळी भाजपचे प्रदेशाध्यक्ष रवी चव्हाण, कॅबिनेट मंत्री तथा सिंधुदुर्गचे पालकमंत्री नितेश राणे, भाजपचे जिल्हाध्यक्ष प्रभाकर सावंत, प्रदेश उपाध्यक्ष अतुल काळसेकर,महिला जिल्हाध्यक्ष सौ. कोरगावकर,आदी उपस्थित होते. यावेळी नगराध्यक्ष पदाचे उमेदवार समीर अनंत नलावडे यांच्यासह,नगरसेवक पदाचे उमेदवार, राकेश बळीराम राणे ,प्रतीक्षा प्रशांत सावंत ,स्वप्निल शशिकांत राणे, माधवी महेंद्र...

कणकवलीचा नागरिक हाच आमचा  केंद्रबिंदू.! शहर विकासाचा दुसरा टप्पा आदर्श शहर असेल पालकमंत्री नितेश राणे यांचा कणकवली वासियांना विश्वास मी कॅबिनेट मंत्री,पालकमंत्री असल्यामुळे  मुख्यमंत्री, दोन्ही उपमुख्यमंत्री कणकवलीच्या विकासाला देणार विशेष पॅकेज सुसज्ज नाट्यगृह बनविण्यासाठी 10 कोटींचा प्रस्ताव सांस्कृतिक मंत्रालयाकडे पोदार स्कुल मुळे कणकवलीच्या शैक्षणिक सुविधांमध्ये पडली भर  जुने भाजी मार्केटच्या जागी सुसज्ज असे भव्य भाजी मार्केट उभारणार भाजप विकासाच्या मुद्द्यावर निवडणूक लढवतोय कणकवली प्रतिनिधी    कणकवली शहराला आणखी विकसित करण्यासाठी ही निवडणूक महत्वाची आहे. 5 वर्षांपूर्वी मतदान मागताना नीतेश राणे एक आमदार होता. आता तुमचा आमदार असलेला नितेश राणे राज्यात कॅबिनेट मंत्री आणि सिंधुदुर्ग चा पालकमंत्री आहे. केवळ आमदार असताना कणकवली शहराचा कायापालट केला आहे. आता स्वतः मंत्री आणि जिल्ह्याचा पालकमंत्री असल्यामुळे कणकवली शहराच्या विकासकामांसाठी विशेष पॅकेज मागितले तरी मुख्यमंत्री आणि दोन्ही उपमुख्यमंत्री नक्की देतील. फडणवीस सरकारच्या पाठिंब्याचा फायदा कणकवली वासीयांनी घ्...

पाचव्या सिंधुदुर्ग समाज साहित्य भाषा विचार संमेलनाची रूपरेषा जाहीर. परिसंवाद, पुरस्कार वितरण, सत्कार आणि कविसंमेलन : २९ रोजी वसई येथे संमेलन. संदेश भंडारे,उदय जाधव, अक्षय शिंपी यांचा गौरव. संस्थाध्यक्ष मधुकर मातोंडकर, प्रमुख कार्यवाह सुरेश बिले यांची माहिती. कणकवली / प्रतिनिधी    सिंधुदुर्ग समाज साहित्य प्रतिष्ठान आणि सहयोग संस्था वसई यांच्या संयुक्त विद्यमाने वसई येथे शनिवार २९ नोव्हेंबर रोजी ज्येष्ठ भाषा अभ्यासक प्रा. डॉ. दीपक पवार यांच्या अध्यक्षतेखाली समाज साहित्य भाषा विचार संमेलन आयोजित करण्यात आले असून त्याची रूपरेषा जाहीर करण्यात आली आहे. परिसंवाद, पुरस्कार वितरण, सत्कार आणि कविसंमेलन असे संमेलनात कार्यक्रम आयोजित करण्यात आले आहे. यावेळी आद्य इतिहासकार गुरुवर्य कृष्णराव अर्जुन केळुसकर पुरस्काराने विख्यात छायाचित्रकार संदेश भंडारे यांना तर नाटककार जयंत पवार पुरस्काराने तरुण नाटककार उदय जाधव यांना आणि प्रकाश रामचंद्र रसाळ स्मृती भूमी पुरस्काराने तरुण कवी अक्षय शिंपी यांना गौरविण्यात येणार असल्याची माहिती समाज साहित्य प्रतिष्ठानचे अध्यक्ष मधुकर मातोंडकर आणि सचिव सुरेश बिल...

माजी आमदार वैभव नाईकांकडून उबाठाच्या पारंपारिक मतदारांची फसवणूक ; मॅच फिक्सिंग चा डाव कणकवलीत उबाठा व शिंदे शिवसेना एकत्र मात्र मालवणात वेगळी भुमिका पालकमंत्री नितेश राणे यांनी वैभव नाईकांच्या दुटप्पी भूमिकेची केली पोलखोल मालवण नगरपरिषद निवडणुकीत भाजपाच्या सर्व उमेदवारांच्या विजयाचा व्यक्त केला विश्वास मालवण नगराध्यक्ष उमेदवार शिल्पा खोत यांच्या सामाजिक कार्याचे व सर्व स्तरातील प्रतिसादाचे केले कौतुक शिल्पा खोत यांच्या विजयाचा व्यक्त करण्यात आला विश्वास मालवण | प्रतिनिधी : पालकमंत्री नितेश राणे यांनी उबाठा पक्षाचे माजी आमदार वैभव नाईक यांच्या दुटप्पी भूमिकेची पोलखोल करत जोरदार प्रहार केला. कणकवलीत उबाठा व शिंदे शिवसेना एकत्र येते मात्र मालवण मध्ये मौनीबाबा वैभव नाईक तसे न करता उबाठाच्या पारंपरिक मतदारांना फसवून एक प्रकारे मॅच फिक्सिंग करतं आहेत. उबाठा मतदारांची दिशाभूल न करता वैभव नाईक यांनी भुमिका स्पष्ट करावी. अशी रोखठोक भुमिका पालकमंत्री नितेश राणे यांनी स्पष्टपणे मांडली. दरम्यान, भाजपचे सर्व उमेदवार कमळ या निशाणीवर विजयी होतील. भाजपा विकास आणि राष्ट्रीयत्व या मुद्द्यावर ठाम आहे. जन...

हरकूळ बु. सुतारवाडीतील उबाठा सेनेच्या असंख्य कार्यकर्त्यांचा भाजपमध्ये पक्षप्रवेश पालकमंत्री नितेश राणे यांच्या कार्यपद्धतीवर विश्वास व्यक्त करत केला प्रवेश हरकूळ बुद्रुक येथे उबाठा सेनेला धक्का. कणकवली प्रतिनिधी  जिल्ह्यात निवडणुकीची रणधुमाळी सुरू असतानाच भारतीय जनता पार्टीत इतर  राजकीय पक्षाचे पदाधिकारी- कार्यकर्ते मोठ्याप्रमाणात भाजप मध्ये पक्षप्रवेश करत आहेत. कणकवली तालुक्यातील हरकूळ बुद्रुक सुतारवाडी येथील असंख्य उबाठा सेनेच्या कार्यकर्त्यांनी भारतीय जनता पार्टीत पालकमंत्री नितेश राणे यांच्या कार्यकर्तृत्वावर विश्वास ठेवून,कामावर प्रेरित होऊन,भाजपचे जिल्हा उपाध्यक्ष संदेश उर्फ गोट्या सावंत यांच्या नेतृत्वाखाली भारतीय जनता पार्टीत पक्ष प्रवेश केला. कणकवली येथील ओम गणेश निवासस्थानी हा पक्षप्रवेश झाला.       यावेळी पक्षप्रवेश करणाऱ्या उद्धव बाळासाहेब ठाकरे पक्षाच्या कार्यकर्त्यांमध्ये अतुल मेस्त्री, दीपक मेस्त्री, अजय मेस्त्री, प्रमोद मेस्त्री, प्रवीण मेस्त्री, महेश मेस्त्री, लक्ष्मण मेस्त्री, जयदीप मेस्त्री, संदीप मेस्त्री, प्रकाश मेस्त्री, बाळकृष्ण मेस्...

जिल्हाधिकारी तृप्ती धोडमिसे यांच्या अध्यक्षतेखाली महसूल आढावा बैठक संपन्न. ई-पिक पाहणी पूर्ण करा ; ॲग्रीस्टॅकसाठी विशेष शिबिरांचे आयोजन सिंधुदुर्गनगरी,  (ऋषिकेश मोरजकर):- जिल्हाधिकारी तृप्ती धोडमिसे यांच्या अध्यक्षतेखाली जिल्ह्यातील महसूल अधिकाऱ्यांची आढावा बैठक संपन्न झाली. महसूल कामकाजातील गती, अचूकता आणि पारदर्शकता वाढविण्यावर भर देत त्यांनी ई-पिक पाहणी, अ‍ॅग्रीस्टॅक योजना आणि ई-पंचनामा या महत्त्वाच्या उपक्रमांबाबत स्पष्ट सूचना दिल्या. यावेळी अपर जिल्हाधिकारी शुभांगी साठे, निवासी उपजिल्हाधिकारी मच्छिंद्र सुकटे, उपजिल्हाधिकारी बालाजी शेवाळे, नितिन राऊत, श्रीमती शारदा पोवार, आरती देसाई, जिल्हा पुरवठा अधिकारी विजय सहारे तसेच उपविभागीय अधिकारी जगदीश काटकर, श्रीमती ऐश्वर्या काळुशे, आणि सर्व तहसिलदार उपस्थित होते.             जिल्हाधिकारी श्रीमती धोडमिसे यांनी खरीप हंगामासाठी ई-पिक पाहणीची मुदत 30 नोव्हेंबर 2025 पर्यंत आहे. अजूनही शिल्लक असलेल्या शेतकऱ्यांनी पुढील 10 ते 12 दिवसांत आपल्या गावातील नियुक्त सहाय्यकांमार्फत ई-पिक पाहणी पूर्ण करावी, असे निर्दे...

  सिंधुदुर्ग सम्यक संबोधी साहित्य संस्थेचा काव्य पुरस्कार कवयित्री डॉ.योगिता राजकर यांना जाहीर. डिसेंबर मध्ये सम्यक संबोधी साहित्य संमेलनात पुरस्काराचे वितरण. कणकवली /प्रतिनिधी       सिंधुदुर्ग सम्यक संबोधी साहित्य संस्थेचा 2025 सालचा काव्य पुरस्कार वाई येथील कवयित्री डॉ योगिता राजकर यांच्या सृजन प्रकाशन मुंबईतर्फे प्रकाशित करण्यात आलेल्या 'बाईपण' या दीर्घ कवितेच्या संग्रहाला जाहीर करण्यात आला आहे. संस्थेच्या इथे झालेल्या बैठकीत सदर पुरस्कारासाठी डॉ. राजकर यांच्या 'बाईपण' या काव्यसंग्रहाची निवड करण्यात आली असल्याची माहिती संस्थेचे अध्यक्ष किशोर कदम यांनी दिली.        सिंधुदुर्ग सम्यक संबोधी साहित्य संस्थेची बैठक यावर्षी होणाऱ्या सम्यक संबोधी साहित्य संमेलनाच्या निमित्ताने संस्थेचे अध्यक्ष किशोर कदम यांच्या अध्यक्षतेखाली कणकवली येथे आयोजित करण्यात आली.संस्थेचे सचिव सूर्यकांत साळुंखे, उपाध्यक्ष संदीप हरी कदम, खजिनदार नेहा कदम,संतोष कदम, धम्मपाल बाविस्कर,सत्यवान साटम,रीना पाटील, शशिकांत तांबे आदी उपस्थित असणाऱ्या बैठकीत दोन हजार रुपये, स्मृतिचिन्ह, श...

ग्रहण लागण्याच्या काळात लेखकाने प्रश्नच विचारायला हवेत प्रभा प्रकाशन आयोजित अक्षरवैभव संमेलनाचे अध्यक्ष कवी सायमन मार्टिन यांचे प्रतिपादन वैभववाडी साहित्य संमेलनाला पश्चिम महाराष्ट्र,कोल्हापूर, सिंधुदुर्गातून रसिक उपस्थित वैभववाडी/प्रतिनिधी    कठीण काळात कवी लेखक कुणाच्या बाजूने उभा असतो यावर त्याच्या लेखनाचा कस लागत असतो. म्हणून आजच्या ग्रहण लागलेल्या काळात लेखकाने प्रश्नच विचारायला हवेत. कवी लेखक हा या समाजाचाच एक भाग असल्यामुळे साहित्यिकांनी समाजाचाच भाग बनून समाजाचे प्रश्न मांडायला हवेत असे प्रतिपादन नामवंत ज्येष्ठ कवी सायमन मार्टिन यांनी प्रभा प्रकाशन कणकवली आणि अक्षरवैभव साहित्य संस्कृती मंच वैभववाडी यांच्या संयुक्त विद्यमाने वैभववाडी येथे आयोजित केलेल्या पहिल्या अक्षरवैभव साहित्य संमेलनाच्या अध्यक्षपदावरून बोलताना केले.         वैभववाडी येथील डॉ. बाबासाहेब आंबेडकर भवनाच्या सांस्कृतिक सभागृहात आयोजित केलेल्या या संमेलनाचे उद्घघाटन सामाजिक कार्यकर्ते विजय तावडे यांच्या हस्ते करण्यात आले. सामाजिक कार्यकर्ते संदीप पाटील यांच्या प्रमुख उपस्थित झालेल्या या...

नांदगाव आरोग्य केंद्राच्या विहिरीमध्ये पडलेल्या कुत्र्याला प्राणी मित्राने दिले जीवदान. नांदगाव प्रतिनिधी  मुंबई गोवा महामार्गावर नांदगाव ओटव फाटा सर्विस रस्त्यालगत नांदगाव प्राथमिक आरोग्य केंद्राची विहीर आहे. हायवेच्या चौपाटी केल्यानंतर सदर विहीर ही सर्विस रस्त्यालगत सर्विस रस्त्याच्या उंची समान झाल्याने या विहिरीमध्ये वारंवार कुत्रे गुरे तसेच बोकड पडत असतात असाच आज पहाटे या विहिरीमध्ये एक कुत्रा पडल्याचे निदर्शनास आले तात्काळ वन विभागातील प्राणी मित्र विठ्ठल बिडये यांना याबाबत माहिती देताच विठ्ठल बिडये तसेच कोळोशीतील प्राणी मित्र मंदार राणे यांनी या जिवंत कुत्र्याला कसोटीने विहिरी बाहेर काढले आणि त्या कुत्र्याला जीवदान दिले.           गेल्या वर्षी या विहिरीमध्ये एका शेतकऱ्याचा बैल विहिरीमध्ये पडून मृत्युमुखी पडला होता. तसेच एका कुत्र्याचाही मृत्यू या विहिरीमध्ये पडून झाला होता त्याचप्रमाणे एका बोकडाला मात्र विहिरीतून जिवंत बाहेर काढण्यात त्यावेळी यश आले होते.       सदर विहिरीची उंची सर्विस रस्त्याच्या समान झाल्याने या विहिरीची उंची तात...

महामार्गावर गुरे मोकाट ; वाहनधारकांना डोकेदुखी.  नांदगाव येथे एका अज्ञात वाहनाने ठोकरल्याने बैल  जागीच ठार. कणकवली प्रतिनिधी  कणकवली तालुक्यातील नांदगाव परिसरात मुंबई गोवा या राष्ट्रीय महामार्गावर गुरे मोकाट सोडून दिली जात असून या मुळे वाहनधारकांना डोकेदुखी ठरत आहे. दोनच दिवसांपूर्वी एका अज्ञात वाहनाने ठोकरल्याने बैल जागीच ठार झाला होता. मोकाट जनावरांचा अपघात झाल्यानंतर मालक ही पुढे न येत असल्याने त्या अपघातात मृत्यू झालेल्या बैलाची विल्हेवाट लावण्यासाठी येत नाही. या मोकाट जनावरांना संबंधित मालकांनी हायवे पासून दुर इतरत्र चरण्यासाठी न्यावे. जेणेकरून त्या मुक्या जनावरांचे प्राण धोक्यात येणार नाही. आणि हायवे वरून जाणाऱ्या वाहनांना व विशेषता दुचाकी धारकांना सुखाचा प्रवास करता येईल.

वैभववाडी अक्षरवैभव साहित्य संमेलनाची रूपरेषा जाहीर पुरस्कार वितरण, कविसंमेलन आणि सत्कार, ग्रंथ प्रकाशन आदी कार्यक्रमाचे आयोजन १६ रोजी संमेलन : प्रभा प्रकाशन,अक्षरवैभवतर्फे संमेलनाचे आयोजन वैभववाडी/प्रतिनिधी       प्रभा प्रकाशन कणकवली आणि वैभववाडी अक्षरवैभव साहित्य संस्कृती मंचतर्फे रविवार  १६ नोव्हेंबर रोजी दुपारी २ वा. वैभववाडी डॉ. बाबासाहेब आंबेडकर सांस्कृतिक भवन सभागृहात अक्षरवैभव साहित्य संमेलनाचे आयोजन करण्यात आले आहे. विख्यात कवी सायमन मार्टिन (वसई) यांच्या अध्यक्षतेखाली होणाऱ्या या संमेलनाची रूपरेषा जाहीर करण्यात आली असून संमेलनात पुरस्कार वितरण, कविसंमेलन आणि सत्कार, ग्रंथ प्रकाशन आदी कार्यक्रमाचे आयोजन करण्यात आली असल्याची माहिती प्रभा प्रकाशनाचे संचालक अजय कांडर आणि अक्षरवैभवचे अध्यक्ष प्रा.एस. एन.पाटील, सचिव चेतन बोडेकर यांनी दिली.        मागील दोन महिने या संमेलनाच्या आयोजनाची तयारी करण्यात येत असून रवींद्र पवार स्वागत अध्यक्ष असलेल्या या संमेलनाचे उद्घाटक म्हणून सामाजिक कार्यकर्ते विजय तावडे आणि प्रमुख पाहुणे म्हणून सामाजिक कार्यकर्ते...

नांदगाव येथील राजश्री मोरये यांचे निधन. कणकवली प्रतिनिधी  कणकवली तालुक्यातील नांदगाव वाशिनवाडी येथील सौ. राजश्री मारुती मोरये वय 68 यांचे अल्पशा आजाराने नुकतेच निधन झाले आहे. नांदगाव येथील व्यापारी मारुती विठ्ठल मोरये यांच्या त्या पत्नी तसेच महिंद्रा कंपनीतील कर्मचारी रुपेश मोरये यांच्या त्या मातोश्री होत.त्यांच्या पश्चात पती, विवाहित मुलगा , विवाहित मुलगी ,सुन , नातवंडे, पुतणे ,दिर ,भावजय असा मोठा परिवार आहे.

नांदगाव येथे अज्ञात जखमी वासराला केले उपचार ; प्राणी मित्रांनी दाखवली सहानुभूती. कणकवली (ऋषिकेश मोरजकर) कणकवली तालुक्यातील नांदगाव हायवे वरून तसेच परिसरात मोकाट जनावरे सोडून देत आहेत त्यामुळे वाहनधारकांना त्रास होतो अशातच काही जनावरे अपघातात जखमी होतात तर काही दगावतात. अशाच प्रकारे काल पासून एक अज्ञात गाईचे वासरू नांदगाव ओटव फाटा ब्रिज लगत जखमी अवस्थेत आढळून आले. या वासरावर उपचार करण्यासाठी पशुवैद्यकीय अधिकारी डॉ. देऊ बागवे यांना संपर्क भाई मोरये,  निरज मोरये, नंदू मोरये,प्रविण मोरये, विशाल मोरये, महम्मद साटविलकर , योगेश मोरये यांनी संपर्क साधला आणि या वासराला उपचार करुन प्राणी मित्रांनी सहानुभूती दाखवली आहे.याबाबत सदर माहिती नांदगाव सरपंच भाई मोरजकर यांना देण्यात आली आहे.

दोडामार्ग येथील मांस वाहतूक करणाऱ्या कार जळीत प्रकरणी 11 जणांना सशर्त जामीन. कणकवली / प्रतिनिधी दोडामार्ग पोलीस स्टेशन अंतर्गत असलेल्या वीजघर चेकपोस्ट येथे पोलीस कर्मचारी परशुराम सावंत हे बकरा सदृश्य असलेले मांस वाहतूक करणारी स्विफ्ट कार घेऊन पोलीस स्टेशन येथे जात होते. यावेळी सदर गाडी अडवून ५० ते ६० लोकांच्या जमावाने गाडी फोडत आतील मांस रस्त्यावर फेकले. यावेळी स्विप्ट चालक निजामुद्दीन कुरेशी याला जीवे ठार मारण्याचा प्रयत्न करत व पोलीस कर्मचारी श्री. सावंत याला मारहाण करत गाडी पेटवून दिल्याप्रकरणी अटकेत असलेल्या अकराजणांना अतिरिक्त सत्र न्यायाधीश क्रमांक १ श्रीमती व्ही. एस. देशमुख यांनी ५० हजार रुपयांच्या सशर्त जामीनावर मुक्तता करण्याचे आदेश दिले. यात महेंद्र खरवत, वैभव रेडकर, विजय कांबळे, विशाल चव्हाण, आनंद तळणकर, पराशर सावंत, गणपत डिंगणेकर, जयदेव उर्फ राज कलबेकर यांच्यावतीने अॅङ उमेश सावंत व अॅङ भूषण बिसुरे तर चेतन चव्हाण, दिपक उर्फ रामा गवस व प्रदीप गावडे यांच्यावतीने अॅङ संग्राम देसाई व अॅङ सुहास साटम यांनी काम पाहिले. २५ सप्टेंबर २०२५ रोजी सकाळी ११.४५ वा.च्या सुमारास बेळगाव येथून ...

 आनंदाची बातमी ;  कणकवली शहरात लवकरच सीएनजी पंप सुरू होणार. कणकवली (प्रतिनिधी)  कणकवली वासियांसाठी शहरातील लवकरच सीएनजी पंप सुरू होणार आहे. शहरातील बस स्टँड च्या शेजारी असलेल्या पेट्रोल पंपावर आज सीएनजी ची  यशस्वी चाचणी पार पडली. सकाळी 10 ते दुपारी 12 पर्यंत सीएनजी गाड्यांमध्ये भरण्यात आला त्यामुळे लवकरात लवकर कणकवली शहरांमध्ये सीएनजी पेट्रोल पंप सुरू होणार आहे त्यामुळे कणकवली  वासियांना ही आनंदाची बातमी आहे. कारण रिक्षा व्यवसायिक आणि कारचालक हे सीएनजी भरण्यासाठी सिंधुदुर्ग नगरी, फोंडाघाट ,तळेरे या ठिकाणी जातात पण आता शहरातील सीएनजी पंप काही दिवसात सुरू झाला तर त्यांना जाण्या येण्याचा वेळ आणि खर्च देखील वाचणार आहे

दोडामार्ग येथील 92 वर्षाचे वाचक एस.के.गवस यांना प्रभा प्रकाशनाकडून शंभर पुस्तके भेट  साहित्यिक संजय तांबे, मधुकर मातोंडकर, हरिश्चंद्र भिसे यांची उपस्थिती  कणकवली/प्रतिनिधी        प्रभा प्रकाशन कणकवलीतर्फे दोडामार्ग - शिरवल येथील 92 वर्षाचे वयोवृद्ध वाचक एस.के.गवस यांना ग्रंथ वाचनाची आवड. मात्र वयामुळे त्यांना बाहेर जाऊन ग्रंथ खरेदी करणे शक्य नाही आणि त्यांना घरी सोबत करण्यासाठीही कोणी नसल्यामुळे प्रभा प्रकाशनातर्फे त्यांना शंभर ग्रंथ त्यांच्या घरी जाऊन भेट देण्यात आले. यावेळी प्रभा प्रकाशनाचे संचालक कवी अजय कांडर, प्रसिद्ध साहित्यिक संजय तांबे, मधुकर मातोंडकर आणि कवी हरिचंद्र भिसे आदी उपस्थित होते.      साहित्यिक संजय तांबे यांचा तमसोमा ज्योतिर्गमयम हा किरात साप्ताहिक मध्ये प्रसिद्ध झालेला लेख एस के गवस यांच्या वाचनात आला. त्या लेखाच्या खाली तांबे यांचा संपर्क नंबर होता. त्या नंबरवर गवस यांनी तांबे यांच्याशी संपर्क करून वाचनाची खूप आवड असून वयामुळे बाहेर जाऊन पुस्तके खरेदी करणे शक्य नाही तसेच घरी पुस्तके आणून देणारीही कोण व्यक्ती नाही अशी खंत...

गडीताम्हणे येथील उबाठा पक्षाचे सरपंच, उपसरपंच व शाखाप्रमुख यांचा पालकमंत्री नितेश राणे यांच्या उपस्थितीत भाजपमध्ये प्रवेश. देवगड : गडीताम्हणे येथील उबाठा पक्षाच्या सरपंच, उपसरपंच, शाखाप्रमुख आणि कार्यकर्त्यांनी भारतीय जनता पक्षात प्रवेश केला. बंदर विकास व मत्स्यव्यवसाय मंत्री तथा सिंधुदुर्ग जिल्ह्याचे पालकमंत्री नामदार नितेश राणे यांच्या उपस्थितीत हा प्रवेश झाला. आगामी स्थानिक स्वराज्य संस्थांच्या निवडणुकीच्या पार्श्वभूमीवर उबाठा सेनेला पालकमंत्री नितेश राणे यांनी दिलेला हा आणखी एक मोठा राजकीय धक्का मानला जात आहे. भाजपमध्ये प्रवेश करणाऱ्यांमध्ये सौ. सुहासिनी सखाराम हिर्लेकर (सरपंच), काशिनाथ भांडे उर्फ बाबु भांडे (उपसरपंच), पापा कदम (शाखाप्रमुख), दत्ताराम सावंत, सत्यवान हीर्लेकर, अच्युत हिर्लेकर, सुमीत हिर्लेकर, तेजल कदम आणि युवराज हिर्लेकर यांचा समावेश आहे. या प्रवेशामुळे गडीताम्हणे परिसरात भाजपची संघटनात्मक ताकद अधिक बळकट झाली असून कार्यकर्त्यांमध्ये उत्साहाचे वातावरण निर्माण झाले आहे. या वेळी भाजपा कार्यकर्ते अमित कदम, भाजपा पदाधिकारी उत्तम बिरजे, माजी सभापती रवी पाळेकर, शरद ठुकरुळ, ...

कोकणातील नुकसानग्रस्त शेतकऱ्यांना जास्तीत जास्त मदत देण्याचे मुख्यमंत्र्यांचे निर्देश. पालकमंत्री नितेश राणेंनी वेधले होते लक्ष.  शासन शेतकऱ्यांसोबत;मंत्री राणे.  प्रतिनिधी:(मुंबई) अवकाळी पावसामुळे नुकसान झालेल्या कोकणातील शेतकऱ्यांना जास्तीत जास्त मदत देण्याचे निर्देश मुख्यमंत्री देवेंद्र फडणवीस यांनी दिल्याचे पालकमंत्री नितेश राणे यांनी सांगितले.मंत्री मंडळाची बैठक संपल्यानंतर पत्रकारांशी संवाद साधताना मंत्री नितेश राणे यांनी ही माहीती दिली. अवकाळी पावसाने कोकणात अक्षरशः धुमाकुळ घातला असून नोव्हेंबर महिना आला तरी पाऊस थांबताना दिसत नाही.अवकाळी पावसामुळे कोकणासह सिंधुदुर्गातील शेतकऱ्यांचे मोठे नुकसान झाले आहे.पालकमंत्री  नितेश राणे यांनी यासंदर्भात मुख्यमंत्री व दोन्ही उपमुख्यमंत्री यांचे लक्ष वेधले होते.त्याची दखल घेतली गेली असून या नुकसानग्रस्त शेतकऱ्यांना जास्तीत जास्त नुकसानभरपाई देण्याचे निर्देश मुख्यमंत्र्यांनी संबंधित अधिकाऱ्यांना दिले आहेत. पालकमंत्री नितेश राणे यांनी हे सरकार संवेदनशील असून नुकसानग्रस्त शेतकऱ्यांच्या सोबत असल्याचे सांगीतले.मुख्यमंत्र्यांच्या या ...

माजी शाखा प्रमुख विजय घरत यांच्या माध्यमातून नांदगाव प्रा.आ.केंद्राला औषध साठा प्रदान. कणकवली प्रतिनिधी  मुंबई येथील माजी शाखाप्रमुख विजय घरत यांच्या माध्यमातून नांदगाव प्राथमिक आरोग्य केंद्राला रुग्णांना आवश्यक असलेला औषध साठा वाटपाचा कार्यक्रम आज  नांदगाव प्राथमिक आरोग्य केंद्र येथे संपन्न झाला.       नांदगाव आरोग्य केंद्राला औषध साठा ची गरज असल्याचे नांदगाव सरपंच भाई मोरजकर व खरेदी विक्री संघाचे संचालक पंढरी वायंगणकर यांनी सांगितले होते. या अनुषंगाने आज विजय घरत यांनी नांदगाव प्राथमिक आरोग्य केंद्राला मोफत औषध साठा प्रदान केला.        यावेळी नांदगाव सरपंच भाई मोरजकर, नांदगाव वैद्यकीय अधिकारी डॉ वर्षा मगदूम, सेवानिवृत्त केंद्र प्रमुख संतोष जाधव, किशोर मोरजकर चॅरिटेबल ट्रस्टचे अध्यक्ष ऋषिकेश मोरजकर, भाजपचे शक्ती केंद्र प्रमुख मारुती मोरये, आरोग्य सहाय्यक श्री.दिपक कांबळे,श्री. राठोड,श्री.साटम सर्व आरोग्य कर्मचारी,आशा वर्कर आदी उपस्थित होते.

बेळणे येथील नाट्य कलावंत सत्यवान विठ्ठल चाळके यांचा मुंबई - गोरेगाव येथे झाला सत्कार. कणकवली (ऋषिकेश मोरजकर) मुंबई या गोरेगाव या ठिकाणी नारद भूमिकेत असताना अर्धांगिनी एक पूर्णत्व संचालिका प्रज्ञा प्रफुल्ल पितळे यांच्या हस्ते कणकवली तालुक्यातील बेळणे खुर्द येथील नाट्य कलावंत सत्यवान विठ्ठल चाळके  यांचा शाल श्रीफळ देऊन जाहीर सत्कार करण्यात आला. शिवसेना उद्धव बाळासाहेब ठाकरे गोरेगाव वॉर्ड क्र. ५६ गोरेगाव महोत्सव "साज संस्कृतीचा आवाज गोरेगावचा" दिनांक २२ आक्टोबर २०२५ ते ९ नोव्हेंबर २०२५ आझाद मैदान एम.जी. रोड गोरेगाव (पश्चिम) येथे संपन्न होत आहे.    सदर कार्यक्रम सौ. लक्ष्मी भाटीया-फाळके शिवसेना महिला शाखाप्रमुख अध्यक्षा - लक्ष्मी फाऊंडेशन यांच्या नेतृत्वाखाली झाला. यामध्ये तसेच बेळणे खुर्द गावचे रहिवाशी नाट्य कलावंत सत्यवान विठ्ठल चाळके यांचा सत्कार अर्धागिनी एक पूर्णत्व संस्थेच्या संचालिका सौ. प्रज्ञा प्रफुल  पितळे यांच्या हस्ते शाल श्रीफळ देवून करण्यात आला.