सिंधुदुर्ग Today डिजिटल न्यूज चॅनेल

नांदगाव विभागातील ऐन दिवाळीत वीज पुरवठा खंडित सुरूच  नांदगाव सरपंच ४ नोव्हेंबर रोजी च्या आमरण उपोषणवर ठाम ३३ kv लाईन वारंवार बिघाडामुळे होतो विज पुरवठा खंडित  ऋषिकेश मोरजकर | कणकवली  कणकवली तालुक्यातील नांदगाव येथील विजेचा प्रश्न दिवसेंदिवस वाढत असून ऐन दिवाळीत ही विज पुरवठा खंडित सुरुच आहे.३३ kv लाईन बिघाडामुळे  विज पुरवठा खंडित वारंवार खंडित होत आहे. आजही मार्गावरील बेळणे येथे आशिष हाँटेल दरम्यान बिघाड झाल्याने खंडित होत आहे.  ३३ kv लाईन कायमस्वरूपी तोडगा काढणार केव्हा असा संतप्त सवाल विज ग्राहकांमधून केला जात आहे.       होणाऱ्या वारंवार खंडित वीज पुरवठ्यामुळे नांदगाव येथील जनतेला नळ पाणीपुरवठा करू शकत नसल्याने चार दिवसांपूर्वी नांदगाव सरपंच रविराज धोंडू मोरजकर यांनी जर येत्या ३१ ऑक्टोबर पर्यंत सुधारणा न झाल्यास ४ नोव्हेंबर रोजी महावितरण विभागीय कार्यालयासमोर आमरण उपोषणाला बसणार असल्याचा इशारा दिला होता. आता तर ऐन दिवाळीत ही विज पुरवठा खंडित झाला आहे दोन तासानंतर ही पुरवठा सुरळीत होत नाही. यामुळे ४ नोव्हेंबर रोजी होणाऱ्या आमरण उपोषणवर ठाम असल्या...

आमदार नितेश राणे यांचा उमेदवारी अर्ज भरण्यासाठी गावागावातून जनसागर कणकवली दाखल. थोड्यावेळातच श्रीदेव गांगो मंदिर येथून भव्य रॅली उमेदवारी अर्ज भरण्यासाठी होणार रवाना.  भाजप व महायुतीच्या नेत्यांच्या उपस्थितीत होणार जाहीर सभा. कणकवली ( ऋषिकेश मोरजकर) आपला लाडका आमदार नितेश नारायण राणे यांचा भारतीय जनता पार्टीचा कणकवली,देवगड, वैभववाडी विधानसभेचा अधिकृत उमेदवार म्हणून उमेदवारी अर्ज दाखल करण्यासाठी आज सकाळ पासूनच  जनता कणकवलीत शहर येवू लागली आहे. कणकवली देवगड वैभववाडी तालुक्यातील सर्वच भागातून  हा उस्फूर्त प्रतिसाद मिळू लागला आहे. मिळेल ते वाहन पकडून जनता कणकवली शहराकडे येत आहे. सकाळपासूनच गावागावातील भाजप कार्यकर्ते आणि जनता कणकवलीला येऊ लागली.आणि काही वेळातच कणकवली गांगो मंदिर परिसर जनसागराने फुलून गेला. कार्यकर्त्यांची सुद्धा मोठ्या प्रमाणात गर्दी होऊ लागली आहे. काही वेळातच ढोल पथकांच्या गजरात आमदार नितेश राणे यांचा उमेदवारी अर्ज  भरण्यासाठी कणकवली गंगो मंदिर येथून  माजी मंत्री नारायणराव राणे, मंत्री रविंद्र चव्हाण,मंत्री दीपक केसरकर,मंत्री विश्वजित राणे,श्री.निल...

महायुतीच्या यशात भाजप युवा मोर्चाचा सिंहाचा वाटा असेल असे काम करा. "आयडीयाज फॉर विकसित महाराष्ट्र" कार्यक्रमात प्रदेशाध्यक्ष अनुप मोरे यांचे आवाहन. कणकवली येथे युवा मोर्चाचा प्रचंड प्रतिसादात संपन्न झाला कार्यक्रम  कणकवली (ऋषिकेश मोरजकर) विधानसभा निवडणुकीत  महायुतीचा  प्रत्येक उमेदवार प्रचंड मतानी निवडून आला पाहिजे. यासाठी युवा मोर्चाचे कार्यकर्ते पदाधिकाऱ्यांनी नियोजनबद्ध काम करा आणि या निवडणुकी मधील यशात सिंहाचा वाटा उचला असे आवाहन भाजपा युवा मोर्चा महाराष्ट्र प्रदेशाध्यक्ष अनुप मोरे यांनी केले.     कणकवली येथील प्रहार भवन च्या सभागृहात "आयडीयाज फॉर विकसित महाराष्ट्र" या भाजपा युवा मोर्चाच्या कार्यक्रमात ते बोलत होते.यावेळी व्यासपीठावर आमदार नितेश राणे, भाजप जिल्हाध्यक्ष प्रभाकर सावंत, उपाध्यक्ष लखमराजे भोसले,युवा मोर्चा जिल्हाध्यक्ष संदीप मेस्त्री, कणकवली विधानसभा प्रमुख मनोज रावराणे, सिंधुदुर्ग प्रभारी स्वप्निल काळे - पाटील, सहप्रभारी अक्षय पाठक, युवा मोर्चा प्रदेश सरचिटणीस निखिल चव्हाण,  तालुकाध्यक्ष मिलिंद मेस्त्री, तालुकाध्यक्ष दिलीप तळेकर, युवा मोर्...

सम्यक संबोधी काव्य पुरस्कारासाठी आवाहन  कणकवली/प्रतिनिधी        सम्यक संबोधी सिंधुदूर्ग संस्थेच्यावतीने यावर्षीपासून उत्कृष्ट काव्यसंग्रहासाठी सम्यक संबोधी काव्य पुरस्कार दिला जाणार आहे.५ हजार रुपये, स्मृतिचिन्ह, शाल आणि ग्रंथ असे स्वरूप असलेल्या या पुरस्कारासाठी १ जानेवारी २०२१ ते ३१ ऑक्टोंबर २०२४ या कालावधीमध्ये प्रसिद्ध झालेल्या काव्यसंग्रहाची एक प्रत ३० नोव्हेंबर २०२४ पर्यंत खालील पत्त्यावर पाठवावी असे आवाहन संस्थेचे अध्यक्ष किशोर कदम आणि कार्यवाह सूर्यकांत साळुंखे यांनी केले आहे.     परिवर्तनाचा विचार केंद्रस्थानी ठेवून सम्यक संबोधी सिंधुदुर्ग या साहित्य संस्थेची स्थापना करण्यात आली. तळकोकणात अनेक संस्था आज कार्यरत आहे. त्यांना पूरक काम करण्याच्या उद्देशाने कार्यरत झालेल्या या संस्थेच्या वतीने उत्तम साहित्य लेखन करूनही दुर्लक्षित राहिलेल्या लेखकांना मंच उपलब्ध करून देण्यात येणार आहे. याचाच एक भाग म्हणून उत्तम आणि वेगळी कविता लिहूनही अशी चांगली कविता लोकांपर्यंत येऊ शकली नाही अशा कवितेला यावर्षीपासून सदर पुरस्कार देण्यात येणार आहे. पुरस्कार निवडीत ...

  शिवाजी महाराज खऱ्या अर्थाने रयतेचे राजा होते. विचारवंत आनंद मेणसे,कवी अजय कांडर यांच्या उपस्थितीत कट्टा नाथ पै सेवांगणच्या रौप्यमहोत्सवी वर्षाचा शुभारंभ. कट्टा /प्रतिनिधी         शिवाजी महाराजानी आपले सैन्य हे गोर गरीब जनतेमधून आणि जिवाला जीव देणाऱ्या मावळ्यां मधूनच निर्माण केले होते. त्यांच्या सैन्यात हिंदूबरोबर मुस्लीमांचाही समावेश होता. त्यांच्या मोहिमांमध्ये त्यांनी आपल्या  सैनिकाना रयतेच्या संपत्तीची लूट न करण्याची सक्त ताकीद दिली होती. त्यांनी रयतेसाठी निर्माण केलेली कर पद्धती पूर्णपणे रयतेच्या हिताचीच होती. स्त्रियांविषयीचे त्यांचे धोरण आणि त्यांची मानसिकता ही त्या काळातील प्रचलीत प्रथांच्या पूर्णपणे उलट होती. त्यामुळे सर्वांना शिवाजी महाराज "आपला राजा " वाटत असत असे प्रतिपादन ज्येष्ठ विचारवंत प्राचार्य आनंद मेणसे यांनी कट्टा येथे केले.         कट्टा नाथ पै सेवांगणच्या रौप्यमहोत्सवी वर्ष कार्यक्रमाचा शुभारंभ आणि सेवांगणने आयोजित केलेल्या ' शिवाजी महाराजांना पत्र ' या निबंध स्पर्धेचा बक्षीस वितरण समारंभ कट्टा येथे प्राचार्य मेणसे...

नांदगाव येथील वारंवार वीज पुरवठा खंडितमुळे जनतेला  पाणी पुरवठा करायचा कसा ? नांदगाव सरपंचांचे ४ नोव्हेंबर रोजी कणकवली महावितरण कार्यालयासमोर आमरण उपोषण ऋषिकेश मोरजकर | कणकवली  कणकवली तालुक्यातील नांदगाव येथील विजेचा प्रश्न दिवसेंदिवस वाढत असून याबाबत किती निवेदन दिली, आंदोलन केली काही उपयोग होत नसल्याने व या होणाऱ्या वारंवार खंडित वीज पुरवठ्यामुळे नांदगाव येथील जनतेला नळ पाणीपुरवठा करू शकत नसल्याने अखेर आज नांदगाव सरपंच रविराज धोंडू मोरजकर यांनी जर येत्या ३१ ऑक्टोबर पर्यंत सुधारणा न झाल्यास ४ नोव्हेंबर रोजी महावितरण विभागीय कार्यालयासमोर आमरण उपोषणाला बसणार असल्याचे लेखी स्वरूपात पत्र दिले असून पोलिस निरीक्षक पोलीस ठाणे कणकवली यांना ही कळविण्यात आले आहे.        नांदगाव सरपंच भाई मोरजकर यांनी काल शिष्टमंडळाच्या माध्यमातून सतत ३३ केवी लाईन फॉल्टी मुळे विज पुरवठा खंडित होत असून यामुळे नळ पाणीपुरवठा सतत ठप्प होत असल्याचे लेखी स्वरूपात कळविले होते. मात्र पुन्हा आज  सकाळीच विज पुरवठा खंडित झाल्याने नाईलाजास्तव  ४ नोव्हेंबर रोजी उपोषणाला बसणार असल्याचे ल...

नांदगाव वीज ग्राहकांचा विज बिलांवर सामूहिक बहिष्कार  कणकवली येथील कार्यकारी अभियंता महावितरण कंपनीला दिले लेखी निवेदन  वारंवार वीज पुरवठा खंडित होत असल्याने विज ग्राहक आक्रमक  कणकवली (ऋषिकेश मोरजकर)   नांदगाव दशक्रोशीतील वीज समस्या दिवसेंदिवस वाढतच चालले आहेत. सतत कणकवली हून येणाऱ्या 33 kv लाईन फॉल्टी होऊन वारंवार वीज पुरवठा खंडित होत आहे तोही जवळपास सायंकाळी खंडित झालेला वीज पुरवठा केव्हा केव्हा दुसऱ्या दिवशीही सुरू होतो.नेहमीच्या या समस्येमुळे व्यापारी वर्ग पुरता मेटाकुटीला आलेला आहे.असे वारंवार होत असल्याने आपली लाईट बिले तरी का भरावीत ? असा प्रश्न आम्हा सर्व वीज ग्राहकांना पडलेला आहे. म्हणूनच आम्ही या महिन्यापासूनच येणाऱ्या सर्व वीजबिलांवर सामुदायिक रित्या बहिष्कार घालत आहोत जोपर्यंत आपण सतत होणाऱ्या  33 kv विद्युत लाईन दुरुस्ती करुन सुरळीतपणे विज पुरवठा देत नाही तोपर्यंत एकही विज ग्राहक आपले विज बिल भरणार नाही.तसेच ग्रामपंचायत च्या नळ पाणी योजनेवरही परिणाम झाल्याने नळ पाणी योजनेचे ही वीज बिल भरणार नाही असा इशारा नांदगाव सरपंच भाई मोरजकर यांनी दिला आहे. तसेच...

  कणकवली विधानसभा मतदारसंघ संघातील महाराष्ट्र नवनिर्माण विद्यार्थी सेनेची बैठक संपन्न   कणकवली प्रतिनिधी    महाराष्ट्र नवनिर्माण विद्यार्थी सेना सिंधुदुर्ग कणकवली विधानसभेची बैठक  जिल्हा संपर्क अध्यक्ष ज्ञानेश्वर मोरे  , जिल्हा अध्यक्ष अनिकेत तर्फे यांच्या मार्गदर्शनाखाली आज कासार्डे येथील कराळे हॉल मधे पार पडली. नवनियुक्त पदाधिकारी यांचं मनोबल वाढवण्याच काम मोरे यांनी केलं तसेच विद्यार्थी सेनेची मुख ध्येय आणि उद्दिष्टे तसेच सिंधुदुर्ग जील्हात विद्यार्थी सेना वाढवण्यासाठी कशाप्रकारे काम केलं पाहिजे याच मार्गदर्शन जिल्हाध्यक्ष अनिकेत तर्फे यांनी केलं ....       या वेळी. मनसे तालुका अध्यक्ष शांताराम सादये, मनसे विद्यार्थी सेना उपजिल्हा अध्यक्ष राकेश मिराशी , कणकवली तालुका अध्यक्ष श्री. समीर तेली, देवगड तालुका अध्यक्ष श्री पुरुषोत्तम जाधव , वैभववाडी तालुका अध्यक्ष श्री. रुपेश वारंग, कणकवली उप तालुका प्रमुख रोहिदास लोंढे , देवगड  शहर प्रमुख अभिजित तेली , वैभववाडी सह संपर्क अध्यक्ष अक्षय बागवे, विभागप्रमुख राघोबा पाटील,देवगड सचिव श्री . सुशां...

आयनल विद्यमान सरपंच ,उपसरपंच यांचा आमदार नितेश राणे यांच्या उपस्थितीत भाजपा जाहीर प्रवेश कणकवली प्रतिनिधी  आमदार नितेश राणे यांच्या माध्यमातून कणकवली तालुक्यातील आयनल येथील दोन वर्षांपूर्वी गाव विकास पॅनल मार्फत विजयी झालेल्या सरपंच सिध्दी दहिबावकर, उपसरपंच विलास हडकर व ग्रामपंचायत सदस्या योगीता फाटक यांनी आज आमदार नितेश राणे यांच्या   उपस्थितीत भाजपमध्ये जाहीर प्रवेश केला त्यांचे पुष्पगुच्छ देऊन स्वागत आमदार नितेश राणे यांनी केले यावेळी त्यांच्या समवेत माजी जिल्हा परिषद अध्यक्ष संदेश उर्फ गोट्या सावंत, भाजपचे तालूका सरचिटणीस पंढरी वायंगणकर ,बुथ कमिटी अध्यक्ष संतोष वायंगणकर, युवा अध्यक्ष मनिष पडवळ,चंदू शिंदे, सत्यवान पेडणेकर, शक्ती केंद्र प्रमुख सुशिल इंदप, नांदगाव पंचायत समिती विभागीय अध्यक्ष रघुनाथ लोके, संतोष घाडी, प्रशांत परब आदी उपस्थित होते.       यावेळी सरपंच सिध्दी दहिबावकर, उपसरपंच विलास हडकर व ग्रामपंचायत सदस्या योगीता फाटक यांच्या सहीत  सचिन दहिबावकर,राजू दहिबावकर, रविंद्र दहिबावकर, प्रमोद दहिबावकर, सहदेव दहिबावकर, संजय वरक, संदेश साळसकर, रु...

  नांदगाव उबाठा सेनेला धक्का. सो.सा. माजी चेअरमन रवींद्र तेली व माजी उपसरपंच शशी तोरस्कर यांचा भाजपात जाहीर प्रवेश.  आमदार नितेश राणे यांच्या गाव भेट कार्यक्रमात महिलांची उपस्थिती लक्षणीय.  कणकवली प्रतिनिधी  कणकवली तालुक्यातील नांदगाव येथे आज आमदार नितेश राणे यांच्या माध्यमातून गाव भेट दौरा आयोजित करण्यात आला होता या गावभेट दरम्यान नांदगाव विविध कार्यकारी सहकारी सेवा सोसायटीचे माजी चेअरमन रवींद्र तेली व नांदगाव चे माजी उपसरपंच शशिकांत तोरस्कर यांनी आज आमदार नितेश राणे यांच्या उपस्थितीत भाजपा मध्ये जाहीर प्रवेश केलेला आहे यामुळे नांदगाव उबाठा सेनेला धक्का मानला जात आहे .       यावेळी विधानसभा प्रमुख मनोज रावराणे, भाजपचे तालुकाध्यक्ष दिलिप तळेकर, माजी जिल्हा परिषद सदस्य संजय देसाई,माजी उपसभापती प्रकाश पारकर, नांदगाव सरपंच भाई मोरजकर, उपसरपंच इरफान साटविलकर, भाजपचे सरचिटणीस पंढरी वायंगणकर, माजी सभापती भाग्यलक्ष्मी साटम, हर्षदा वाळके, अनुसूचित जाती जमाती भाजपचे विधानसभा संयोजक संतोष जाधव,माजी संजय पाटील, आफ्रोजा नावलेकर, माजी उपसरपंच निरज मोरये,अल्पसंख्याक...

उतरत्या वयातील काव्य लेखनाने  ज गण्याची समृद्धी - कवी अजय कांडर कवी हरिचंद्र भिसे यांच्या 'संदेश ' काव्यसंग्रहाचे प्रकाशन डॉ.योगिता राजकर, मधुकर मातोंडकर, प्रा.अन्वर खान आदी मान्यवरांचा सहभाग बांदा /प्रतिनिधी       कवी हरिचंद्र भिसे यांनी निवृत्तीनंतर काव्य लेखनाला प्रारंभ केला. एवढेच नाही तर त्यांचा आता 'संदेश' काव्यसंग्रहही प्रकाशित होत आहे. त्यांची कविता निसर्गाबरोबरच मानवी दुःखाला भिडते आणि समाज व राजकीय अनिष्ट प्रथांवर आसूड ओढते. उतारत्या वयात त्यांची अशी कविता लिहिण्याची ही उर्मी त्यांचं जगणं समृद्ध करणारी आहे. असे प्रतिपादन नामावंत कवी आणि स्तंभलेखक अजय कांडर यांनी बांदा येथे केले.       कवी हरिचंद्र भिसे लिखित प्रभा प्रकाशनाने प्रकाशित केलेल्या 'संदेश ' काव्यसंग्रहाचे प्रकाशन कवी अजय कांडर यांच्या हस्ते बांदा सोसायटीच्या सभागृहात झाले. प्रा अन्वर खान यांच्या अध्यक्षतेखाली आणि वाई येथील प्रसिद्ध कवयित्री - ललित लेखिका डॉ. योगिता राजकर, कवी मधुकर मातोंडकर यांच्या प्रमुख उपस्थितीत झालेल्या या प्रकाशन सोहळ्यात बोलताना कवी कांडर यांनी कवी भिसे ...

विज बिल भरमसाठ वीज मात्र गायब.  नांदगाव परिसरातील वीज ग्राहक आक्रमक. काही तास उलटले तरी नांदगाव परिसर अंधारातच.  हुमरठ येथे ३३ kv लाईन पिन फुटल्याने विज पुरवठा अद्यापही खंडित. कणकवली प्रतिनिधी  कणकवली तालुक्यातील नांदगाव परिसरामध्ये कणकवली होऊन येणारी 33 केवी लाईन मधील आज सायंकाळी 4 ते ४.३० च्या सुमारास विजेसह पडलेल्या पावसामुळे पीन  फुटल्याने परिसरातील विद्युत पुरवठा खंडित झालेला असल्याचे महावितरण कंपनी तर्फे सांगण्यात आले आहे. जवळपास चार तास होत आले तरीही अद्यापही विज पुरवठा सुरळीत झालेला नाही महावितरण तर्फे या दुरुस्तीचे काम सुरू आहे. वारंवार होणाऱ्या 33 केवी लाईन फॉल्टी यामुळे वीज ग्राहक कमालीचे संतप्त झालेले आहेत. वाढती वीज बिले तसेच थकीत विज बिल यामुळे काही प्रमाणात  वीज कनेक्शन कट करण्यासही सुरुवात केलेली आहे. यामुळे ग्राहकही संतप्त झाले असून अगोदर आपला वीजपुरवठा सुरळीत करा तसेच वाढीव वीज बिल्ले कमी करा आणि नंतरच वीज बिलांची वसुली व कनेक्शन कट करा अन्यथा पुन्हा एकदा वीज कार्यालयावर मोर्चा काढू असा इशारा वीज ग्राहक यांच्या वतीने देण्यात येत आहे.

माणसातला देवमाणूस आमदार नितेश राणे  बावशीच्या दिव्यांग सचिन सावंतचे कृत्रिम पाय बसवण्याचे स्वप्न पूर्ण कणकवली (ऋषिकेश मोरजकर) कणकवली तालुक्यातील नांदगाव येथे अपघातात दोन्ही पाय गमावलेल्या बावशी येथील सचिन सावंत या तरुणाच्या आयुष्यात नवी उमेद निर्माण करण्याच्या उद्देशाने आमदार नितेश राणे यांनी मदतीचा हात दिला. दोन्ही पायांवर नवे कृत्रिम पाय लागताच तो आधाराविना सर्वसामान्यांसारखे चालू लागला.. आमदार नितेश राणे यांनी यासाठी संपूर्ण आर्थिक भार उचलला.. दीड वर्षांपूर्वी अपघातात दोन्ही पाय निकामी झालेला कणकवली तालुक्यातील बावशी येथील सचिन सावंत हा युवक आमदार नितेश राणे यांना कणकवली निवासस्थानी येऊन भेटला होता. मानसिकदृष्ट्या खचलेला आणि रिक्षातून पण उतरू शकत नसलेल्या सचिन सावंत यांची त्यावेळी आमदार नितेश राणे यांनी रिक्षाजवळ जाऊन आस्थेने विचारपूस केली होती. मुंबईत बोलावून दोन्ही पायांवर उपाययोजना करून दोन्ही पायांवर उभे करण्याचे आश्वासन आमदार नितेश राणे यांनी दिले होते. त्यानुसार सचिन सावंतला मुंबईत बोलावून प्रसिद्ध नानावटी रुग्णालयातील तज्ज्ञ डॉक्टरांचा सल्ला घेण्यात आला आणि पुढील उपचार सु...

भात शेतीच्या नुकसानीबाबत कृषी विभागाकडून त्वरित पंचनामे करा  जिल्ह्यातील शेतकऱ्यांना नुकसान भरपाई मिळण्यासाठी लवकरात लवकर शासनाकडे अहवाल सादर करा आमदार नितेश राणे यांची सिंधुदुर्ग जिल्हाधिकाऱ्यांना पत्र कणकवली : (ऋषिकेश मोरजकर) गेल्या पंधरा दिवसांपासून सिंधुदुर्ग जिल्ह्यामध्ये दररोज मोठ्या प्रमाणात मुसळधार पाऊस पडत आहे. कोकणातील खरीप हंगामातील मुख्य पीक असलेली भातशेती सद्या कापणीच्या स्थितीत आलेली आहे. परंतु दररोज कोसळणाऱ्या मुसळधार पाऊसामुळे भात शेतीचे कुजून मोठ्या प्रमाणात नुकसान झालेले आहे. त्यामुळे सिंधुदुर्ग जिल्ह्यातील शेतकरी हवालदिल झाला आहे. हाता तोंडाशी आलेला घास अतिवृष्टीने वाहून गेल्याने जिल्ह्यातील शेतकऱ्यांसमोर उदरनिर्वाह कसा करावा हा यक्षप्रश्न निर्माण झाला आहे. त्यामुळे सिंधुदुर्ग जिल्ह्यामध्ये झालेल्या भात शेतीच्या नुकसानी बाबत कृषी विभागाकडून त्वरित पंचनामे तयार करण्यात येऊन जिल्ह्यातील शेतकऱ्यांना नुकसान भरपाई मिळण्यासाठी शासनास अहवाल सादर करावा, असे पत्र आमदार नितेश राणे यांनी सिंधुदुर्ग जिल्हाधिकारी अनिल पाटील यांना दिले आहे.

सम्यक संबोधी साहित्य संस्थेची स्थापना. अध्यक्षपदी किशोर कदम तर सचिवपदी सूर्यकांत साळुंखे. कणकवली/प्रतिनिधी     सिंधुदुर्गात साहित्य चळवळीला अधिक चालना देण्यासाठी नव्याने सम्यक संबोधी साहित्य संस्था स्थापन करण्यात आली आहे. सदर संस्थेच्या अध्यक्षपदी किशोर कदम तर कार्यवाहपदी सूर्यकांत साळुंखे यांची निवड करण्यात आली आहे.       सिंधुदुर्ग जिल्ह्यात साहित्य सांस्कृतिक क्षेत्रात विविध संस्था कार्यरत आहेत. या पार्श्वभूमीवर साहित्याच्या शेवटच्या घटकाला अधिक न्याय मिळावा या विचाराने सम्यक संबोधी ही साहित्य संस्था सुरू करण्यात आली आहे. सम्यक संबोधी म्हणजे अतुलनीय - परिपूर्ण ज्ञान. हाच विचार केंद्रस्थानी ठेवून सदर संस्था कार्यरत राहणार असून साहित्याच्या परिपूर्ण ज्ञानापासून वंचित घटक दूर राहू नये आणि त्याच लेखन सर्वदूर पोहोचव ही संकल्पना समोर ठेवून या संस्थेची स्थापना करण्यात आली आहे आणि त्याप्रमाणेच या संस्थेला 'सम्यक संबोधी' हे नावही देण्यात आले असल्याची माहिती संस्थेचे अध्यक्ष किशोर कदम यांनी दिली.      संस्थेची कार्यकारणी पुढील प्रमाणे - अध्यक्ष- किशोर दे...

भाजपा अनु .जाती सेलच्या कणकवली  विधानसभा संयोजक पदी संतोष जाधव यांची निवड कणकवली प्रतिनिधी        संतोष जाधव यांची भाजपा अनुसूचित जाती सेलच्या कणकवली  विधानसभा संयोजक पदी निवड करण्यात आली आहे.यांच्या निवडीने अभिनंदन केले जात आहे.        संतोष जाधव हे मुळ दिगवळे  रांजणवाडी येथील ,परंतू गेली २४ वर्षे ते नांदगाव येथे घर बांधून स्थायिक झाले आहेत . ते केंद्रप्रमुख म्हणून उत्कृष्ट कामगिरी बजावून सेवानिवृत्त आहेत . जाधव सर हे सेवेत असताना शिक्षक संघटनेत ही त्यांनी जिल्हास्तरावरील महत्वाची पदे भुषविली आहेत .सध्या ते महाराष्ट्र राज्य केंद्र प्रमुख संघ या राज्यस्तरीय संघटनेत राज्य उपाध्यक्ष म्हणून कार्यरत आहेत .त्यामुळे त्यांचा लोक संग्रह चांगला आहे .शिवाय ते भारतीय चर्मकार समाज महाराष्ट्र या राज्यस्तरीय सामाजिक संघटनेत सध्या जिल्हा सरचिटणीस पदावर कार्यरत आहेत .सेवाकाळात त्यांना आविष्कार फांऊंडेशन या  संघटनेचा राज्यस्तरीय उत्कृष्ट केंद्रप्रमुख म्हणून पुरस्कारही प्राप्त आहे . संपूर्ण जिल्हयात जि .प . चे माजी अध्यक्ष संदेश उर्फ गोटया सावंत...

  राजकीय सामाजिक प्रदूषणात संघटित होणे हाच उपाय 'हस्तक्षेपाच्या कणखर भूमीतून' ग्रंथाच्या चर्चासत्रात अभ्यासकांचे मत अंकुश कदम लिखित ग्रंथावरील चर्चासत्रात हुमायून मुरसल,अजय कांडर,नारायण खराडे यांचा सहभाग सावंतवाडी/प्रतिनिधी          एखादा सामाजिक कार्यकर्ता समाज स्तरावर जाऊन काम करतो आणि ते अनुभव शब्दातून मांडतो तरी मात्र मूळ समस्या सुटत नाही. या प्रत्येक गोष्टी मागे राजकारणच कारणीभूत असतं. त्यामुळे सामाजिक राजकीय प्रदूषणात निखळ माणूस म्हणून जगू पाहणाऱ्या सगळ्यांनी एकत्र येऊन लढा उभारणे हाच यामागील उपाय आहे असे मत सावंतवाडी येथे आयोजित करण्यात आलेल्या अंकुश कदम लिखित 'हस्तक्षेपाच्या कणखर भूमितून ' या ग्रंथावरील चर्चासत्रात विविध अभ्यासकांनी व्यक्त केले.         सत्यशोधक समता प्रतिष्ठानतर्फे सावंतवाडी श्रीराम वाचन मंदिराच्या सभागृहात आयोजित केलेल्या सदर चर्चासत्रात ज्येष्ठ विचारवंत - सामाजिक कार्यकर्ते हुमायून मुरसल ( कोल्हापूर) कवी आणि स्तंभ लेखक अजय कांडर (कणकवली), नाटककार नारायण खराडे (गोवा) आदी सहभागी झाले होते. समता प्रतिष्ठानचे कार्...

श्री सिद्धिविनायक मित्र मंडळ नांदगाव वाघाची वाडी यांच्या वतीने श्री सत्यनारायण महापूजेनिमित्त उद्या विविध कार्यक्रम  कणकवली (ऋषिकेश मोरजकर)  श्री सिद्धिविनायक मित्र मंडळ नांदगाव वाघाची वाडी नवरात्रोत्सव आणि मित्र श्री सत्यनारायणाची महापूजा उद्या रविवार दिनांक १३ ऑक्टोबर 2024 रोजी आयोजित करण्यात आलेली आहे.     यानिमित्त कार्यक्रम पुढील प्रमाणे सकाळी ठीक दहा वाजता श्री सत्यनारायण महापूजा दुपारी १२ वाजता आरती, दुपारी १ ते ३ तीर्थप्रसाद महाप्रसाद , सायंकाळी ४ ते ५ फुगडी, सायंकाळी ५ ते ६ मुलींचे दिंडी भजन, रात्री ७ ते ९ पर्यंत सुस्वर भजने , रात्री १० वा. सांस्कृतिक कार्यक्रम आयोजित करण्यात आले आहे.तरी सर्वांनी उपस्थित राहून लाभ घ्यावा असे आवाहन सिध्दीविनायक मित्र मंडळ नांदगाव वाघाची वाडी यांच्या वतीने करण्यात आले आहे.

नांदगाव तिठा येथे देवगड निपाणी महामार्गाचे रस्ता सिमेंट काँक्रीट कामाचा आ.नितेश राणेंच्या हस्ते करण्यात आला शुभारंभ. देवगड निपाणी हा राज्यमार्ग निधीसाठी पालकमंत्र्यांकडे मी हट्ट धरला - आमदार नितेश राणे  देवगड ते फोंडाघाट पर्यंत ६६ किलोमीटर अंतरावरील होणार काम  नांदगाव (ऋषिकेश मोरजकर) आ.श्री नितेश  राणे यांच्या प्रयत्नातून पालकमंत्री श्री. रवींद्र चव्हाण यांच्या सहकार्याने देवगड निपाणी रस्ता सिमेंट काँक्रीट करणे या कामाचा भूमिपूजन सोहळा आज  कणकवली देवगड वैभववाडी विधानसभा मतदारसंघाचे आमदार नितेश राणे यांच्या शुभहस्ते नांदगाव तिठा ब्रिज खाली शुभारंभ करण्यात आला आहे .       देवगड निपाणी हा राज्य महामार्ग देवगड ते फोंडा घाट पर्यंत दुपदरी तसेच काँक्रिटीकरण करण्यासाठी निधी मंजुर महामार्ग दर्जेदार बनावा  यासाठी पालकमंत्री रवींद्रजी चव्हाण यांच्याकडे हट्ट धरला. आणि मी हट्ट धरल्यानंतर पालकमंत्र्यांनी माझा हट्ट पूर्ण केला असे मत आमदार नितेश राणे यांनी नांदगाव येथे व्यक्त केले आहे. तसेच हा रस्ता करताना ठेकेदाराने चांगल्या दर्जाचा रस्ता करावा काही अडचण अस...

कासार्डे आनंदनगर येथील विश्वास चव्हाण बेपत्ता  कणकवली प्रतिनिधी  कासार्डे आनंदनगर येथील विश्वास रघुनाथ चव्हाण वय ५७ हे मोल मजुरीचे काम मिळते का ? बघून येतो असे सांगून ८ ऑक्टोबर रोजी सकाळी 11 वाजता घरातून बाहेर पडले होते. मात्र ते सायंकाळी उशिरापर्यंत  घरी परत आले नाही तसेच त्यांचा शोध घेऊनही ते मिळाले नाही त्यामुळे खबर त्यांचा भाऊ विष्णू रघुनाथ चव्हाण यांनी कणकवली पोलीस ठाण्यात दिली आहे विश्वास चव्हाण यांनी अंगात लाल रंगाच्या रेघांचे चौकटी फुल शर्ट, फुल पॅन्ट, उंची पाच फूट दोन इंच, रंग सावळा, बांधा मध्यम ,चेहरा उभट अशा वर्णनाची व्यक्ती दिसल्यास कणकवली पोलीस ठाण्याशी संपर्क साधावा असे आवाहन पोलीस हवालदार चंद्रकांत झोरे यांनी केले आहे .

नांदगाव ग्रामपंचायत वतीने कृषी अभ्यास दौरा संपन्न. कृषी निगडित गावांना दिल्या भेटी. नांदगाव प्रतिनिधी         ग्रामपंचायत नांदगाव च्या वतीने कृषी अभ्यास दौरा काढण्यात आला होता.या अभ्यास दौऱ्याचे नियोजन 15 वित्त आयोगातून करण्यात आले होते या दौऱ्याच्या नियोजनानुसार कृषी विज्ञान केंद्र मुळदे येथे भेट देण्यात आली  तिथे विविध प्रकारची झाडे तसेच शोभिवंत मत्स्यपालन आणि गोड्या पाण्यातील मत्स्यपालन विषयी माहिती घेण्यात आली.             मुळदे कृषी विज्ञान केंद्राचे प्राध्यापक श्री नाईक सर यांनी चांगल्या प्रकारे शेतकऱ्यांना माहिती दिली मसाल्याच्या पदार्थातील जायफळ सुद्धा आपल्याकडे कोकणात चांगल्या प्रकारे होऊ शकते याची त्यांनी माहिती दिली आणि जायफळ या फळाचे जायफळ व्यतिरिक्त जायफळाला चिकटून असलेला आवरण जायपत्री म्हणून मसाल्याचे पदार्थात वापरता येतं त्याचबरोबर त्याच्या बाहेरील आवरण त्याचं लोणचं पण करता येतं अशा प्रकारे या झाडाचे पूर्ण फळ वापरात येतं अशी माहिती देण्यात आली. त्यानंतर मत्स्यपालनाविषयी प्राध्यापक सहस्त्रबुद्धे यांनीही चांगल...

नांदगाव येथे आज स्थानिक कलाकारांसाठी फॅन्सी ड्रेस स्पर्धा  नवरात्र उत्सव समितीच्या वतीने आयोजन  नांदगाव प्रतिनिधी  नांदगाव वरची वाडी येथील श्री देव रवळनाथ, श्री पूर्वाई देवी, श्री दिर्बाई देवी ,मुळ आकार - श्री गणेश गणेश मंदिर नवरात्र उत्सव समिती च्या वतीने नवरात्र उत्सव निमित्ताने  आज  गुरुवार दिनांक 10 ऑक्टोबर रोजी रात्रौ ठीक 9.30 वा. फॅन्सी ड्रेस स्पर्धेचे आयोजन करण्यात आले आहे. सदर स्पर्धा ही तेथील स्थानिक कलाकारांना प्रोत्साहन देण्यासाठी आयोजित करण्यात आली आहे.

नांदगाव तिठा येथे देवगड निपाणी महामार्गाचे रस्ता सिमेंट काँक्रीट कामाचा उद्या आम.नितेश राणेंच्या हस्ते शुभारंभ. देवगड ते फोंडाघाट पर्यंत 64 किलोमीटर अंतरावरील होणार काम.  ३८९ कोटी रुपये मंजूर.  नांदगाव (ऋषिकेश मोरजकर) आ.श्री नितेश  राणे यांच्या प्रयत्नातून पालकमंत्री श्री. रवींद्र चव्हाण यांच्या सहकार्याने देवगड निपाणी रस्ता सिमेंट काँक्रीट करणे या कामाचा भूमिपूजन सोहळा उद्या शुक्रवार दिनांक ११ आक्टोबर २०२४ रोजी आमदार नितेश राणे यांच्या शुभहस्ते  सकाळी ठीक 10 वा. नांदगाव तिठा ब्रिज खाली आयोजित करण्यात आला आहे.   या रस्त्यासाठी शासनाकडून 389 कोटी मंजूर करण्यात आले असून देवगड  ते फोंडाघाट पर्यंत 64 किलोमीटर अंतरावरील सिमेंट काँक्रीटकरण होणार आहे.यावेळी सार्वजनिक बांधकाम चे सर्वगोड उपस्थित राहणार आहेत.तसेच या महामार्गावरील सर्व गावातील सरपंच, पदाधिकारी कार्यकर्ते उपस्थित राहणार आहेत.       या होणाऱ्या रस्त्यामुळे या भागात पर्यटकांचा ओघ वाढेल तसेच देवगड या महामार्गावर वाढत्या अपघातांनाही आळा बसेल  सुसज्ज होणाऱ्या या रस्त्यामुळे येथील वा...

नांदगाव परिसरातील शाळांची सुरक्षेच्या दृष्टिकोनातून पोलिसांनी केली पाहणी  नांदगाव प्रतिनिधी  सध्या काही ठिकाणी शाळांमधून अत्याचाराच्या घटना पाहता सतर्कता म्हणून नांदगाव परिसरातील शाळांची सुरक्षेच्या दृष्टिकोनातून पाहणी आज पोलिसांच्या माध्यमातून करण्यात आली.       नांदगाव मध्ये एकूण सहा प्राथमिक शाळांची तपासणी आज करण्यात आली यावेळी कासार्डे बिट चे हवालदार चंद्रकांत झोरे, पोलिस कॉन्स्टेबल स्वप्नील जाधव यांनी पहाणी केली आहे.

  अल्पवयीन युवतीचे अपहरण करून लैंगिक अत्याचार केल्या प्रकरणी संशयित आरोपीची सशर्थ जामिनावर मुक्तता आरोपीच्यावतीने ॲड.प्राजक्ता शिंदे यांनी मांडली बाजू कणकवली-प्रतिनिधी    फोंडाघाट - बावीचे भाटले येथील दिपक गंगाराम चौगुले याची ओरोस विशेष न्यायालयाने अल्पवयीन युवतीचे अपहरण करून लैंगिक अत्याचार केले प्रकरणी सशर्थ जामिनावर मुक्तता केली. आरोपीच्या वतीने ॲड.प्राजक्ता शिंदे यांनी काम पाहिले.      थोडक्यात हकीकत अशी की, फिर्यादी यांनी दिलेल्या तक्रारी नुसार पिडीत अल्पवयीन मुलगी ही कॉलेज मध्ये जण्याकरीता नेहमीप्रमाणे घरातून निघून गेली. त्यानंतर पिडीत अल्पवयीन मुलगी ही नेहमीच्या वेळेत घरी परत न आल्याने तिचे नातेवाईक यांनी तिचा शोध घेतला असता ती सापडू शकली नाही. त्यामुळे तिच्या अज्ञानाचा फायदा घेवुन तिला कोणीतरी अज्ञात व्यक्तीने फुस लावुन पळवुन नेले.अशी  फिर्याद पोलिसांकडे देण्यात आली.त्यानंतर या प्रकरणी गुन्हा दखल करण्यात आला.       त्यानंतर गुन्हयातील पिडीत अल्पवयीन मुलगी व आरोपी ही मिळुन आल्याने अल्पवयीन मुलगी हीला पोलीस उपनिरिक्षक आर.बी. श...

  मनसे पदाधिकारी  यांनी घेतले देवीचे दर्शन    कणकवली प्रतिनिधी  महाराष्ट्र नवनिर्माण सेनेचे उपजिल्हा अध्यक्ष श्री. गणेश वाईरकर आणि मनविसे जिल्हा अध्यक्ष श्री.अनिकेत तर्फे कणकवली उपतालुका प्रमुख श्री अतुल दळवी यांनी कासार्डे येथील नवरात्र उत्सव निमित्ताने दुर्गामातेचे दर्शन घेतले आहे. यावेळी मनसे विद्यार्थी सेनेचे कणकवली तालुका प्रमुख समीर तेली यांनी सर्वांचे स्वागत केले तसेच गावकऱ्यांनी शाल,श्रीफळ देऊन सत्कार केला.          गावचे सुपुत्र श्री. समीर कदम मनसे विद्यार्थी सेनेचे कणकवली तालुका प्रमुख असून पूर्ण मनसे त्यांच्या पाठीशी आहे. तुमच्या गावातील कोणत्याही मुलांचे शाळे संबंधित काही प्रश्न असतील ते समीरच्या माध्यमातून आपण पूर्ण करू अस आश्वासन जिल्हा अध्यक्ष श्री.अनिकेत तर्फे यांनी दिले आहे.

नांदगाव उर्दू शाळेत शिक्षक मागणी करुनही न दिल्याने आजपासून मुलांविना शाळा  शाळेत मुलांना न पाठविण्याचा पालकांचा निर्णय  शिक्षण विस्तार अधिकारी यांची शाळेला भेट  कणकवली (ऋषिकेश मोरजकर) कणकवली तालुक्यातील नांदगाव जिल्हा परिषद पूर्ण प्राथमिक उर्दू माध्यम शाळेत मागणी करूनही शिक्षक न दिल्याने सर्व पालकांनी आजपासून शाळेत मुलांना न पाठविण्याचा निर्णय घेतलेला आहे आज पासून त्यांनी शाळा बंद आंदोलन पुकारलेले आहे. जोपर्यंत आम्हाला वाढीव शिक्षक मिळत नाही तोपर्यंत शाळेत मुलांना पाठविणार नाही अशी ठाम भूमिका आज शाळा व्यवस्थापन समितीचे अध्यक्ष अल्लाउद्दीन बोबडे उपाध्यक्ष यासीन बटवाले व उपस्थित पालक यांनी मांडली आहे.      यावेळी नांदगाव उपसरपंच इरफान साठविलकर, सर्व पालक वर्ग तसेच महिला पालक वर्ग यांची लक्षणीय उपस्थिती होती.       या दरम्यान कणकवली पंचायत समितीच्या शिक्षण विस्तार अधिकारी प्रेरणा मांजरेकर यांनी या शाळेत भेट देत आपण आंदोलन स्थगित करावे अशी प्रशासनाच्या वतीने सर्व पालक वर्गाला विनंती केली आहे.यावेळी त्यांच्या समवेत केंद्र प्रमुख सद्गुरू कुबल, मुख्...

आरक्षण बचाव रॅली नंतर खारेपाटण विभागातील नडगिवे बौद्धवाडी येथील असंख्य ग्रामस्थांचा भाजपात प्रवेश काँग्रेसने आरक्षण संपविण्याची भाषा केली तर मी तुमची ढाल बनून उभा राहणार असा शब्द आमदार नितेश राणे यांनी दिला होता. आमदार नितेश राणे यांनी केले भाजप पक्षात स्वागत कणकवली प्रतिनिधी  कणकवली येथे झालेल्या आरक्षण बचाव रॅली मध्ये आमदार नितेश राणे यांनी "जय भीम ... चा नारा दिला होता. तसेच आरक्षण आपल्या हक्काच आहे ते कोणाला हिसकवू शकत नाही. त्यामुळे आपल्या संविधानाकडे कोणीही वाकड्या नजरेने बघणार नाही असा शब्द दिला होता. त्यानंतर आज आमदार नितेश राणे यांच्या नेतृत्वाखाली तसेच आमदार नितेश राणे यांच्या माध्यमातून होत असंलेली विकास कामे पाहून कणकवली तालुक्यातील नडगिवे बौध्दवाडी येथील ग्रामस्थांनी भारतीय जनता पार्टी पक्षात प्रवेश केला. यावेळी मनोहर पगारे, गणेश जाधव, कीर्तिकांत जाधव, दीपक पगारे, यशवंत पगारे, बाबल्या जाधव, अपूर्वा पगारे, विनय पगारे , तन्मय पगारे, हरेश पगारे, रोहित पगारे, सुनील जाधव, हेमंत जाधव, दिनेश पगारे, यशवंत जाधव, अनंत पगारे, सदाशिव पगारे, यांनी भारतीय जनता पक्षाचा झेंडा हाती घे...

पहीलं लग्न होऊन ही दोन मुलांची आई दोन मुलांच्या वडीलांबरोबर पश्चिम बंगाल मधून आली पळून. हवालदार चंद्रकांत झोरे यांनी नांदगाव येथून घेतले संबंधितांना ताब्यात. कणकवली प्रतिनिधी   दोन मुलांची आई व दोन मुलांच्या वडीलांबरोबर  पश्चिम बंगाल मधून कणकवली तालुक्यातील नांदगाव या ठिकाणी मुळ उत्तरप्रदेश चा असलेला व काही महिन्यापासून नांदगाव येथे कामानिमित्त राहत होता. याच्या सोबत पळून आली  सदर दोन मुलांची आई ही २८ सप्टेंबर पासून घरातून गेली ती न आल्याने तिच्या पतीने तेथील पोलीस ठाणे तक्रार दाखल केली होती.      दोघांचाही विवाह अगोदर झालेला असून तिला दोन मुलं तर त्याला ही दोन मुले आहेत. तो मूळचा उत्तरप्रदेश असलेला मात्र सांगली जिल्ह्यातील एका गावात १८ व्या वर्षीपासून राहत होता. यानंतर या दोघांचे इंस्टाग्राम वर सुत जुळले असल्याचे समजते आहे .त्याच अनुषंगाने सदर त्या महिलेचे मोबाईल लोकेशन  नांदगाव येथे आल्याने पश्चिम बंगाल पोलिसांनी कणकवली पोलिसांना सूचना केली होती या अनुषंगाने कणकवली पोलीस निरीक्षक श्री मारुती जगताप यांच्या मार्गदर्शन सुचनेनुसार पोलीस हवालदार चंद्रकांत...

नांदगाव परिसरात काल झालेल्या मुसळधार पावसामुळे  खंडित विजपुरवठा २५ तासा नंतर सुरू करताच पुन्हा खंडित. बहुतेक मोबाईल स्विच ऑफ.  कणकवली ऋषिकेश मोरजकर  कणकवली तालुक्यातील नांदगाव परिसरामध्ये काल सायंकाळी पाच वाजता विजेच्या कडकडाट व  वादळीवाऱ्यासह मुसळधार पावसामुळे अनेक झाडे उन्मळून पडली होती तर  नांदगाव परिसरात विजेचे पोल व विद्युत लाईन वादळी वाऱ्यामुळे जमिनीवर पडल्याने विद्युत पुरवठा खंडित झाला होता . याला २५ तास उलटून गेले असून विद्युत पुरवठा २५ तासाने सुरू करताच पुन्हा एकदा विज पुरवठा खंडित झाला असल्याने विज ग्राहक हैराण झाले आहेत. या मुळे नांदगाव परिसरातील बहुतेक मोबाईल स्विच ऑफ झाले आहेत. काल रात्री उशिरापर्यंत काम सुरू होते. तसेच आज सोमवार असल्याने दिवसभर काम सुरू होते.

नांदगाव परिसरात विजेच्या कडकडाटासह मुसळधार पावसाने झोडपले  विद्युत पुरवठा अद्यापही खंडित  झाडे तसेच विद्युत पोल उन्मळून पडले  कणकवली ऋषिकेश मोरजकर  कणकवली तालुक्यातील नांदगाव परिसरामध्ये आज सायंकाळी पाच नंतर विजेच्या कडकडाट व  वादळीवाऱ्यासह मुसळधार पावसामुळे अनेक झाडे उन्मळून पडली आहेत तर विद्युत पुरवठा अद्यापही खंडित आहे. नांदगाव परिसरात विजेचे पोल व विद्युत लाईन वादळी वाऱ्यामुळे जमिनीवर पडल्याने विद्युत पुरवठा खंडित झाला आहे. तसेच ही जोरदार वारा प्रचंड विजेच्या कडकडाटाने 33 केवी लाईन बिघाड झाली असल्याचे संबंधित विभागाने सांगितले आहे. संबंधित विभागाने कामकाज सुरू असून अजून काही तास लागेल असे सांगितले आहे.

नांदगाव येथे भिषण अपघातात डेकोरेट साऊंड चे व्यवसायिक रमजान साटविलकर यांचा मृत्यू  कणकवली प्रतिनिधी  कणकवली तालुक्यातील देवगड निपाणी राज्य मार्गावर नांदगाव तिठ्या नजीक वाशिनवाडी येथील धोकादायक वळणावर दोन मोटारसायकलच्या धडकेनतंर चिरे वाहतूक करणारा ट्रक खाली सापडून मोटारसायकल स्वार श्री. रमजान साटविलकर  रा. नांदगाव खालची मुस्लिम वाडी हा रस्त्यावर पडल्याने या अपघातात त्याचा जागीच मृत्यू झाला तर दुसरा मोटारसायकल चालक अर्जुन विलास जाधव वय 24 रा.नांदगाव वाशिनवाडी याच्या हाताला गंभीर इजा झाली आहे. हा अपघात काल दुपारी 3.30 च्या सुमारास नांदगाव येथे घडला आहे.     जखमिवर नांदगाव प्राथमिक आरोग्य केंद्र येथे प्राथमिक उपचार करून अधिक उपचारार्थ कणकवली येथे पाठविण्यात आलेले आहे. सदर घटनेची माहिती मिळताच नांदगाव परिसरातील ग्रामस्थांनी मोठ्या संख्येने गर्दी केली होती .      तातडीने कणकवली पोलीस निरीक्षक श्री जगताप यांच्यासह कणकवली पोलीस अपघात स्थळी दाखल होत पंचनामा केला आहे.        रमजान साटविलकर हा नांदगाव खालची मुस्लिम वाडी येथील रहिवाशी होता....

  अजय कांडर यांच्या 'युगानुयुगे तूच' दीर्घ कवितेची राष्ट्रीय स्तरावरील दखल कौतुकास्पद ज्येष्ठ कवी प्रा.डॉ.दासू वैद्य यांच्या हस्ते 'युगानुयुगे तूच' च्या हिंदी अनुवादाचे प्रकाशन छ.संभाजीनगर येथील प्रकाशन सोहळ्याला अनुवादक प्रा. सुधाकर शेंडगे यांच्यासह अनेक मान्यवरांची उपस्थिती कणकवली/ऋषिकेश मोरजकर        कवी अजय कांडर हे माझ्या पिढीतील महत्त्वाचे कवी आहेत. मराठीत दीर्घ कविता लिहिल्या गेल्या आहेत.कांडर यांच्या डॉ.बाबासाहेब आंबेडकर यांच्यावरील 'युगानुयुगे तूच' या दीर्घ कवितेलाही वाचकांनी भरभरून प्रतिसाद दिला.आता या कवितेचा हिंदी अनुवादक प्रा.डॉ.सुधाकर शेंडगे यांनी 'युग युग से तू ही' या शीर्षका अंतर्गत केला. ही 'युगानुयुगे तूच'ची राष्ट्रीय स्तरावरील दखल कौतुकास्पद आहे असे प्रतिपादन ज्येष्ठ कवी आणि डॉ. बाबासाहेब आंबेडकर मराठवाडा विद्यापीठाचे मराठी विभाग प्रमुख प्रा.डॉ. दासू वैद्य यांनी छ.संभाजीनगर (औरंगाबाद ) येथे केले.       कवी अजय कांडर यांच्या लोकवाड:मय गृह प्रकाशनाने प्रकाशित केलेल्या 'युगानुयुगे तूच' या दीर्घ कवितेचा प्रा.डॉ. सुधाकर शेंड...

अनिकेत तर्फे  सिंधुदुर्ग मनसे विद्यार्थी सेनेचे जिल्हा अध्यक्ष तर ज्ञानेश्वर मोरे  जिल्हा संपर्क अध्यक्ष म्हणून निवड  कणकवली प्रतिनिधी  महाराष्ट्र नवनिर्माण विद्यार्थी सेनेच्या सिंधुदुर्ग सिंधुदुर्ग जिल्हा अध्यक्ष पदी श्री .अनिकेत अनंत तर्फे यांची  निवड करण्यात आली.      मनसे प्रमुख राज साहेब ठाकरे यांच्या आशीर्वादाने महाराष्ट्र नवनिर्माण विद्यार्थी सेनेचे अध्यक्ष श्री. अमित राजसाहेब ठाकरे यांच्या नेतृत्वाखाली मुख्य संघटक श्री.यश सरदेसाई, श्री.प्रशांत कनोजिया यांच्या मार्गदर्शनाने . श्री अनिकेत तर्फे यांची महाराष्ट्र नवनिर्माण विद्यार्थी सेनेच्या सिंधुदुर्ग जिल्हा अध्यक्ष पदी तर श्री. ज्ञानेश्वर मोरे यांची जिल्हा संपर्क अध्यक्ष पदी निवड करण्यात आली.      अनिकेत तर्फे हे अमित साहेब ठाकरे यांच्या नेतृत्वाखाली सिंधुदुर्ग जिल्हा मधे गेली काही वर्षे सिंधुदूर्ग उपजिल्हा अध्यक्ष म्हणून काम करत असताना स्वतःच्या जोरावर अनेक कामे केली मुंबई गोवा मिडल कट बंद करून दाखविले, कणकवली तालुक्यातील इंग्लिश मिडीयम च्या शाळेवरील इंग्रजीत असलेलं बोर्ड म...

ज्येष्ठ पत्रकार नितीन चव्हाण यांचे निधन कणकवली/प्रतिनिधी      मूळ कणकवली - ओसरगाव येथील आणि मुंबई येथे पत्रकार म्हणून कार्यरत राहिलेले ज्येष्ठ पत्रकार नितीन चव्हाण (५३) यांचे दीर्घ आजाराने निधन झाले. मुख्यमंत्री एकनाथ शिंदे यांनी नितीन चव्हाण यांच्या निधनाबद्दल शोक व्यक्त करून त्यांना आदरांजली वाहिली आहे.दरम्यान सिंधुदुर्गातील त्यांच्या साहित्य परिवारातील कादंबरीकार प्रवीण बांदेकर, कवी अजय कांडर, पत्रकार संजय परब, मधुकर मातोंडकर, ॲड.विलास परब,ॲड. देवदत्त परुळेकर, विलास कोळपे आदींनी त्यांना आदरांजली वाहिली आहे.         कोकणी माणूस आणि मालवणी भाषा यावर विशेष प्रेम असणारे नितीन चव्हाण हे गेली २७ वर्षे पत्रकारितेत अतिशय तळमळीने कार्यरत होते. गरिबांच्या, वंचितांच्या वेदना, सामान्य नागरिकांच्या जगण्याचे प्रश्न ते लेखनातून मांडत असत. अतिशय प्रतिकूल परिस्थितीतून संघर्ष करत पुढे आलेले नितीन चव्हाण शोध पत्रकारितेसाठी प्रसिद्ध होते. मागील वीस वर्षापासून ते मुंबई महानगरपालिकेचे वार्तांकन करत होते. गेली चौदा वर्ष महाराष्ट्र टाइम्स मध्ये वरिष्ठ पत्रकार म्हणून ते कार...