सिंधुदुर्ग Today डिजिटल न्यूज चॅनेल

पालकमंत्री नाम. नितेश राणे आज पासून सिंधुदुर्ग जिल्हा दौऱ्यावर. प्रतिवर्षा प्रमाणे घरगुती गणेशाचे घेणार दर्शन. कणकवली प्रतिनिधी  राज्याचे मत्स्य व्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री नाम. नितेश राणे १ सप्टेंबर पासून सिंधुदुर्ग जिल्ह्याच्या दौऱ्यावर येत आहेत. यावेळी प्रतिवर्षा प्रमाणे गावोगावी भेटी देऊन घरोघरी जाऊन श्री गणेशाचे दर्शन घेणार आहेत.

पालकमंत्री नितेश राणे यांच्या "जनता दरबार" चा इफेक्ट ;35 वर्षाच्या प्रतीक्षेनंतर घरात आली लाईट. हळदीचे नेरूर(चाफेली)येथील सीताबाई  जंगले यांच्या घरी गणेश चतुर्थीला आली लाईट खासदार नारायण राणे,मंत्री नितेश राणे आमदार निलेश राणे यांचे जंगले कुटुंबियांनी मानले आभार ग्रुप ग्रामपंचायत हळदीचे नेरूळ गाव झाले शंभर टक्के विद्युतीकरण  सरपंच दीप्ती सावंत, ग्रा.पं.सदस्य व लोकप्रतिनिधी यांच्या प्रयत्नांना यश शिवापूर 35 वर्षाच्या दीर्घ प्रतीक्षेनंतर कुडाळ तालुक्यातील हळदीचे नेरूर चाफेली येथील  सीताबाई रामा जंगले या वयोवृध्द महिलेच्या घरात विद्युत कनेक्शन पूर्ण झाले. मागील पंधरा वर्षापासून विद्युत मागणीसाठी वेळोवेळी पाठपुरावा करून सुद्धा ते होत नव्हते. परंतु जगले कुटुंब पालकमंत्री नितेश राणे यांच्या जनता दरबारात दाखल झाले आणि आपली कैफियत मांडणी आणि  क्षणाचाही विलंब न  होता  वीज वितरण प्रशासनाची यंत्रणा ऍक्टिव्ह चार महिन्यात दिवस रात्र काम करून जंगले कुटुंबीयांच्या घरापर्यंत नवीन लाईन ओढण्यात आली त्यासाठी लाईटचे पोल उभारण्यात आले. आणि गणेश चतुर्थीच्या शुभमुहूर्तावर ही जंगल...

मुख्यमंत्री देवेंद्र फडणवीस यांच्या वर्षा निवासस्थानी मंत्री नितेश राणे यांचे सपत्नीक गणपती दर्शन. राज्याच्या समृद्धीसाठी केली प्रार्थना. मुंबई : राज्याचे मत्स्य व बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे यांनी   मुख्यमंत्री श्री. देवेंद्र फडणवीस यांच्या वर्षा निवासस्थानी सपत्नीक श्री गणपती बाप्पांचे दर्शन घेतले. यावेळी पत्नी ऋतुजा राणे, मुलगा कु.निमिष यांच्या समवेत गणपती बाप्पाची आरती केली .  गणरायाचे दर्शन घेताना मंत्री नितेश राणे यांनी  महाराष्ट्राला बळीराजाच्या मेहनतीचे योग्य फळ मिळो, माझ्या मच्छीमार बांधवांचे जीवन अधिक सुखी-समृद्ध होवो तसेच राज्यातील सर्व नागरिकांचे आरोग्य व आयुष्य मंगलमय होवो, अशी बाप्पा चरणी प्रार्थना केली.

  गणपती विशेष :  गणेशोत्सव : टिळकांच्या प्रेरणेपासून ‘राज्य महोत्सव’पर्यंतचा प्रवास. ऋषिकेश मोरजकर, सिंधुदुर्ग  भारतीय संस्कृतीतील सर्वाधिक लोकप्रिय उत्सवांपैकी एक म्हणजे गणेशोत्सव. महाराष्ट्राच्या प्रत्येक कानाकोपऱ्यात हा उत्सव जल्लोषात, भक्तिभावात आणि सामूहिकतेच्या भावनेत साजरा होतो. हा सण सर्व समाजात आणि घराघरात लोकप्रिय आहे. या उत्सवाचा इतिहास केवळ धार्मिकतेशी जोडलेला नसून, त्यामध्ये सामाजिक, सांस्कृतिक, राजकीय आणि आर्थिक आयामही गुंफलेले आहेत. लोकमान्य टिळकांनी जुलमी ब्रिटिश सत्तेविरुद्ध जनजागृती व जनतेला संघटित करण्यासाठी सार्वजनिक गणेशोत्सव साजरा करण्याची प्रथा सुरू केली.या माध्यमातून सामाजिक एकोपा संघटनात्मक चळवळी तसेच कला व सांस्कृतिक उपक्रम सुरु करण्याचे त्यांचे धोरण होते. महाराष्ट्र शासनाने आता एक पाऊल पुढे टाकत या गणेशोत्सवाला ‘राज्य महोत्सव’ म्हणून मान्यता दिली आहे. त्यामुळे यंदाचा गणेशोत्सव राज्य वैभवी बाण्यामध्ये महाराष्ट्रात सर्वत्र सुरु आहे. टिळकांचा दूरदृष्टीपूर्ण निर्णय सन 1893 साली लोकमान्य बाळ गंगाधर टिळक यांनी गणेशोत्सवाला सार्वजनिक स्वरूप दिले. त्या ...

  "त्या" शिक्षकावरील अटकेची कारवाई अवैध तात्काळ मुक्त करण्याचे विशेष न्यायालयाचे आदेश. ॲड.उमेश सावंत यांनी पाहिले काम. कणकवली /प्रतिनिधी येथील एका प्रशालेतील अल्पवयीन विद्यार्थीनींना चेंजिंग रुममध्ये चोरून बघितल्याप्रकरणी शिक्षक आप्पाजी अरूण मोहिते यांना पोलिसांनी अटक केली होती. त्यांना न्यायालयात हजर केले असता अतिरीक्त सत्र तथा विशेष न्यायाधिश व्ही. एस. देशमुख यांनी पोलिसांनी केलेली अटकेची कारवाई अवैध ठरवून तत्काळ मुक्त करण्याचे आदेश दिले. संशयिताच्यावतीने ॲड. उमेश सावंत यांनी काम पाहिले. १३ ऑगस्ट २०२५ रोजी खेळाची प्रॅक्टीस करण्यासाठी विद्यार्थीनी चेंजिंग रुममध्ये कपडे बदलत असताना एक इसम त्यांना चोरून बघत असल्याचे जाणवले. म्हणून त्यापैकी एका विद्यार्थीनीने पाहिले असता संशयित ग्रंथालयाकडे निघून गेला. त्यावेळी आरडाओरड झाली. म्हणून इतर वर्गातील दोन विद्यार्थीनीही धावत आल्या. याबाबत दिलेल्या तक्रारीवरून भा.न्या.सं. कलम ७७, ७९ व पोस्को कायदा कलम ११ व १२ प्रमाणे गुन्हा दाखल करण्यात आला. तसेच संशयिताला २५ ऑगस्ट रोजी सायंकाळी अटक करण्यात आली.  मंगळवारी त्याला न्यायालयात हजर केले असत...

महाराष्ट्र राज्य काजू मंडळावर  सिंधुदुर्ग बँक अध्यक्ष मनीष दळवी यांची तज्ञ संचालक म्हणून निवड  कणकवली । ऋषिकेश मोरजकर : महाराष्ट्रातील काजू उद्योगाला गती देण्यासाठी महाराष्ट्र राज्य काजू मंडळावर दोन नवीन तज्ञ संचालकांची नियुक्ती करण्यात आली आहे. महाराष्ट्र शासनाच्या सहकार, पणन व वस्त्रोद्योग विभागाने जारी केलेल्या शासन निर्णयानुसार, सिंधुदुर्ग जिल्हा बँकेचे अध्यक्ष श्री. मनीष प्रकाश दळवी यांची तज्ञ संचालक म्हणून, तर श्री. धनंजय यादव यांची स्वतंत्र संचालक म्हणून नियुक्ती करण्यात आली आहे.        महाराष्ट्र शासनने २८ ऑगस्ट, २०२५ रोजी जारी केलेल्या शासन निर्णयानुसार, काजू क्षेत्रात दीर्घ अनुभव असलेल्या श्री. मनीष दळवी यांची निवड करण्यात आली आहे. मूळचे वेंगुर्ला तालुक्यातील होडावडा येथील असलेले श्री. दळवी यांचा अनुभव मंडळाला काजू उत्पादक शेतकऱ्यांच्या समस्या समजून घेण्यासाठी आणि त्यावर उपाययोजना करण्यासाठी महत्त्वपूर्ण ठरेल अशी अपेक्षा आहे. त्याचप्रमाणे, सहकारी काजू प्रक्रिया प्रकल्प महासंघाचे प्रतिनिधी म्हणून श्री. धनंजय यादव यांचीही स्वतंत्र संचालकपदी नियुक्ती...

सिंधुदुर्ग जिल्हाधिकारी पदी तृप्ती धोडमिसे. विद्यमान जिल्हाधिकारी अनिल पाटील ३१ ऑगस्ट रोजी होणार सेवानिवृत्त. सिंधुदुर्ग (ऋषिकेश मोरजकर) सिंधुदुर्ग जिल्ह्याचे विद्यमान जिल्हाधिकारी हे वयोमानानुसार ३१ ऑगस्ट २०२५ रोजी सेवानिवृत्त होत असून त्यांच्या या जागी सांगली येथील मुख्य कार्यकारी अधिकारी असलेल्या तृप्ती धोडमिसे (भाप्रसे)यांची शासनाने नियुक्ती केल्याने ते आपला पदभार ३१ ऑगस्ट २०२५ रोजी स्विकारणार आहेत. सांगली येथील मुख्य कार्यकारी अधिकारी असलेल्या तृप्ती धोडमिसे यांची शासनाने सिंधुदुर्ग जिल्हाधिकारी पदी नियुक्ती केल्याने सांगली मुख्यकार्यकारी अधिकारी पदाचा कार्यभार श्री नरवाडे (भाप्रसे)यांच्या जवळ दिलेला आहे.

  बहुचर्चित रो रो सेवा एक सप्टेंबर पासून सुरू ; जलवाहतुकीसाठी आवश्यक सर्व परवानग्या प्राप्त दक्षिण आशियातील सर्वांत जलद रो-रो सेवा मत्स्यव्यवसाय व बंदरे विकास मंत्री नितेश राणे यांची माहिती सिंधुदुर्ग (ऋषिकेश मोरजकर)  गणेशोत्सव, होळी अशा विविध सणांनिमित्त कोकणवासीय कोकणात मुक्कामी जातात. त्यांचा प्रवास अधिक सुखकर व्हावा यासाठी राज्य शासनाने मुंबई ते (जयगड) रत्नागिरी आणि मुंबई ते (विजयदुर्ग) सिंधुदूर्ग रो-रो सेवा सुरू केली असल्याची माहिती मत्स्यव्यवसाय, बंदरे  मंत्री नितेश राणे यांनी दिली.  मुख्यमंत्री देवेंद्र फडणवीस यांच्या संकल्पनेतून मुंबई ते कोकण समुद्रामार्गे प्रवास करण्यासाठी सुरू करण्यात आलेल्या रो-रो सेवेची माहिती देण्यासाठी आज पत्रकार परिषदेचे मंत्रालयात आयोजन करण्यात आले होते. यावेळी कोकणवासीयांना आणि पर्यटकांना या वाहतुक सेवेमुळे मोठा दिलासा मिळणार असल्याचे मंत्री श्री. राणे यांनी सांगितले. मंत्री श्री. राणे म्हणाले की, केंद्रीय शिपींग मंत्रालय आणि राज्याच्या बंदरे विभागाने या जलवाहतूक सेवेस अंतिम मंजूरी दिली आहे. या रो-रो सेवेसाठी अत्यावश्यक असणाऱ्या एकूण...

शिवापुर, वसोली,दुकानवाड वासियांनी आमदार निलेश राणे यांची अनुभवली कार्यतत्परता. दुकानवाड ते शिवापूर पर्यंतचे ब्रिज केले सुस्थितीत, ब्रिजवरील सर्व खड्डे बुजविले. शिवापुर पर्यंत रस्ता दुतर्फा वाढलेली झाडी साफ करून रस्ता केला मोकळा.  गेल्या पंचवीस वर्षात प्रथमच श्री गणेशाच्या स्वागतासाठी प्रशासन झाले कार्यरत. आमदार निलेश राणे यांनी प्रशासनाकडून करून घेतलेल्या कामाबद्दल जनतेत समाधान.   शिवापूर प्रतिनिधी  कुडाळ मालवणचे आमदार निलेश राणे यांची कार्यतत्परता शिवापूर, वसुली, दुकानवाड  आंजीवडे , उपवडे या पंचक्रोशीतील जनतेने अनुभवली आहे. सततच्या पावसामुळे ब्रिज पाण्यात बुडाले आणि ब्रिजवर मोठमोठे खड्डे पडले. आमदार निलेश राणे यांनी हे खड्डे गणेश चतुर्थीच्या पूर्वी बुजून वाहतूक सुरळीत करण्याच्या सूचना अधिकाऱ्यांना दिल्या. मुंबई पुणे व इतर ठिकाणाहून येणाऱ्या गणेश भक्त चाकरमान्यांची गैरसोय होता नये. याची काळजी घेतली. त्याचप्रमाणे शिवापूर पर्यंतच्या मुख्य रस्त्याच्या दुतर्फा गवत आणि झाडी वाढलेली होती ती कापून रस्ता मोकळा करून घेतला. आमदार निलेश राणे यांनी स्वतः लक्ष घालून अधिकाऱ्यांना ...

रेल्वे स्टेशनवरील पादचारी पुलाचा लोकार्पण सोहळा संपन्न. वैभववाडी (ऋषिकेश मोरजकर )       वैभववाडी रेल्वे स्टेशन हे प्रवाशांच्या सोयीच्या दृष्टीने महत्त्वाचे स्टेशन आहे. या स्टेशनवरुन वैभववाडीसह देवगड व गगनबावडा तालुक्यातील प्रवासी प्रवास करतात. या स्टेशन वरील प्रलंबित प्रश्न सोडवण्यासाठी रेल्वेमंत्री श्री. वैष्णव यांची लवकरच भेट घेणार आहे. याठिकाणी जास्तीत जास्त सुविधा उपलब्ध करून देण्यासाठी प्रामाणिकपणे प्रयत्न केले जातील असे प्रतिपादन मत्स्य व्यवसाय व बंदरे विकास मंत्री नितेश राणे यांनी केले.       वैभववाडी रेल्वे स्टेशन येथील पादचारी पुलाचे उद्घाटन पालकमंत्री नितेश राणे यांच्या शुभहस्ते पार पडले.  यावेळी भाजपा अध्यक्ष सुधीर नकाशे, प्रमोद रावराणे, नासीर काझी, अरविंद रावराणे, नगराध्यक्ष श्रद्धा रावराणे, प्राची तावडे, नेहा माईणकर, शारदा कांबळे, रोहन रावराणे, अतुल सरवटे, संजय सावंत, प्रकाश पाटील, प्रकाश सावंत, देवानंद पालांडे, रेल्वे अधिकारी श्री बापट, पीआरओ सचिन देसाई, व भाजपा कार्यकर्ते उपस्थित होते.      यावेळी नितेश राणे म्हणाले, ...

उबाठाचे सौंदाळे शाखाप्रमुख महेश मोंडे यांचा मंत्री नितेश राणे यांच्या हस्ते भाजप प्रवेश. उबाठाचे बूथ प्रमुखही भाजपामध्ये.  सौंदाळे मध्ये उबाठाचा प्रभाव संपला.    देवगड : उबाठाचे सौंदाळे येथील शाखाप्रमुख महेश बाळकृष्ण मोंडे यांनी देवगड येथे बंदर विकास व मत्स्यव्यवसाय मंत्री तथा सिंधुदुर्गचे पालकमंत्री नामदार नितेश राणे यांच्या हस्ते भारतीय जनता पक्षात प्रवेश केला. सौंदळे बाऊलवाडी येथील शाखाप्रमुख म्हणून ते काम पाहत होते. त्यांच्या प्रवेशामुळे सौंदाळ्यातील उबाठा सेनेचा प्रभाव संपुष्टात आला आहे. महेश मोंडे यांच्यासोबत विनायक गुरव, बुधप्रमुख रुपेश गुरव, पद्माकर गुरव यांनीही भाजपा प्रवेश केला. यावेळी गावचे सरपंच विष्णू राणे, महेश मोरये, रमेश गुरव  आदी मान्यवर उपस्थित होते. यावेळी  माजी आमदार अजित गोगटे, जिल्ह्याचे सरचिटणीस संदीप  साटम, मंडल तालुकाध्यक्ष राजा भुजबळ बंड्या नारकर जिल्हा कार्यकारणी सदस्य बाळ खडपे हे व्यासपीठावर होते

नांदगाव महात्मा गांधी तंटामुक्त गाव समिती अध्यक्ष पदी महेश उर्फ राजू तांबे. कणकवली (ऋषिकेश मोरजकर) कणकवली तालुक्यातील नांदगाव ग्रामपंचायतीची ग्रामसभा सरपंच रविराज मोरजकर यांच्या अध्यक्षतेखाली आज संपन्न झाली.       यावेळी झालेल्या ग्रामसभेत नांदगाव महात्मा गांधी तंटामुक्त गाव समितीची पुनर्रचना करण्यात आली यावेळी नव्याने महात्मा गांधी तंटामुक्त समिती अध्यक्षपदी माजी अध्यक्ष असलेले महेश उर्फ राजू तांबे यांची बिनविरोध निवड करण्यात आली आहे. राजू तांबे यांनी यापूर्वी ही एक वर्ष चांगल्या प्रकारे महात्मा गांधी तंटामुक्त अध्यक्ष पद सांभाळले होते.        यावेळी उपसरपंच इरफान साठविलकर ग्रामपंचायत अधिकारी आर. डी. सावंत, माजी सरपंच हर्षदा वाळके, कासार्डे बिट चे चंद्रकांत झोरे, नांदगाव पोलीस पाटील वृषाली मोरजकर, ग्रामपंचायत सदस्य तसेच आदी गावातील ग्रामस्थ उपस्थित होते.

नांदगाव येथील हायवेला खड्डे पडलेल्या ठिकाणी हायवे उप अभियंता कुमावत यांनी केली पाहणी. खड्डे बुजवण्यासाठी तात्पुरती मलमपट्टी.  केसीसी कंपनी देखभाल दुरुस्ती साठी टाळाटाळ करत असल्याने चेंडू पालकमंत्री नितेश राणेंच्या कोर्टात. कणकवली (ऋषिकेश मोरजकर) कणकवली तालुक्यातील मुंबई गोवा महामार्गावर नांदगाव गावामध्ये महामार्गावर मोठं मोठे खड्डे पडले आहेत. यामुळे काल  एक दुचाकीचा अपघात झाला होता त्यामध्ये देवगड शिरगाव येथील एक दांपत्य गंभीर जखमी झाले.याबाबत सिंधुदुर्ग today न्यूज चॅनल ने बातमी प्रसिद्ध केली होती. या पाश्र्वभूमीवर आज खारेपाटण चे उप अभियंता कुमावत यांचेशी नांदगाव सरपंच रविराज मोरजकर यांनी संपर्क करून नांदगाव येथे येऊन पाहणी करावी अशी सूचना केली.तसेच इतरही प्रलंबित कामाबाबत  संबंधित के सी सी कंपनी गांभीर्याने लक्ष देत नाही.प्रत्येक कामात टाळाटाळ चालू आहे,ब्रीज वरील स्ट्रीट लाईट,तसेच एस.टी स्टॉप वरील हाय मास्ट कित्येक दिवस बंद आहेत. याबाबत पालकमंत्री नितेश राणे यांच्या जवळ सर्व समस्या मांडणार असल्याचे नांदगाव सरपंच भाई मोरजकर यांनी सांगितले.

नांदगाव येथे पडलेल्या हायवे वरील खड्यांना वाली कोण ? रात्री पुन्हा चार दुचाकी खड्यात धडकल्या. हायवे प्राधिकरण व कंपनी सुस्त ; अजून किती अपघातांची वाट बघत राहणार. कणकवली (ऋषिकेश मोरजकर)  कणकवली तालुक्यातील मुंबई गोवा महामार्गावरील नांदगाव केंद्र शाळा नंबर १ नजिक तेली यांच्या घरासमोर असलेल्या हायवे वरील खड्डयात दुचाकी आदळून काल रात्री ७.३० च्या सुमारास अपघात झाला. या अपघातात दुचाकीवरुन प्रवास करणारे जखमी झाले असून त्याच ठिकाणी पुन्हा रात्री चार दुचाकीस्वार खड्यांचा अंदाज न आल्याने पडले असल्याचे जवळच राहत असलेले रुग्ण वाहिकेचे चालक पांडू तेली यांनी सांगितले आहे.  नांदगाव येथील हायवेवर पडलेल्या खड्यांना वाली कोण ? असा प्रश्न सर्वसामान्य जनतेतून उपस्थित केला जात आहे. नांदगावातील कुठलीच गोष्ट हायवे कंपनी तसेच प्राधिकरण जबाबदाराने घेत नसल्याने आश्चर्य व्यक्त केले जात आहे बंद असलेल्या सर्व स्ट्रीट लाईट गणेश चतुर्थी अवघ्या चार दिवसांवर आली तरीही त्यांचे स्ट्रीट लाईट चालू होतं नाहीत. 

मुंबई गोवा महामार्गावरील खड्ड्यांमुळे नांदगाव येथे दुचाकीचा अपघात. जखमींना नांदगाव आरोग्य केंद्र येथे उपचार करुन अधिक उपचारासाठी कणकवलीत दाखल  हायवे प्राधिकरण व कंपनी चे दुर्लक्ष ; ग्रामस्थांमधून संतप्त प्रतिक्रिया. नरेंद्र महाराज रुग्ण वाहिकेची नांदगाव येथे सेवा.  नांदगाव (ऋषिकेश मोरजकर) कणकवली तालुक्यातील मुंबई गोवा महामार्गावरील नांदगाव केंद्र शाळा नंबर १ नजिक तेली यांच्या घरासमोर असलेल्या हायवे वरील खड्डयात दुचाकी आदळून आज रात्री ७.३० च्या सुमारास अपघात झाला. या अपघातात दुचाकीवरुन प्रवास करणारे जखमी झाले असून त्यांच्या वर तातडीने नरेंद्र महाराज रुग्ण वाहीकेतून पांडू तेली यांनी नांदगाव प्राथमिक आरोग्य केंद्र येथे उपचारासाठी दाखल केले. व अधिक उपचारासाठी कणकवलीत दाखल करण्यात आले आहे.     दरम्यान या हायवे प्राधिकरण व कंपनी चे या रस्त्यावरील पडलेल्या खड्ड्यांकडे दुर्लक्ष करीत असल्याने संतप्त प्रतिक्रिया उमटत आहेत. गणेश चतुर्थी अवघ्या एक आठवड्यावर आल्याने या हायवे वर वाहनांची गर्दी होणार आहे. 

कल्पकतेने फोटो काढणे हीच खरी फोटोग्राफी. भगवान लोके यांचे प्रतिपादन : जागतिक छायाचित्र दिनानिमित्त कणकवलीत छायाचित्रांचे प्रदर्शन. कणकवली : फ्रेंच तंत्रज्ञानातून19 ऑगस्ट 1839 रोजी फोटोग्राफी ही जगासमोर आली. आता  फोटोग्राफीच्या क्षेत्रात आता आधुनिकता आली आहे. कल्पकतेने फोटो टिपणे हे खरी फोटोग्राफी आहे. सिंधुदुर्गातील फोटोग्राफरांनी कल्पकतेने जिल्ह्यातील पर्यटनास्थळे अन्य स्थळांची फोटो काढून ती जगासमोर आणली आहेत. जागतिक छायाचित्र दिनानिमित्त कणकवली तालुका फोटोग्राफर असोसिएशनचा आपलं कोकण थीमवर मोबाईल फोटोग्राफी स्पर्धा आयोजित करण्याचा उपक्रम स्तुत्य आहे. वृत्तपत्रांसाठी लागणारे फोटो मिळवून देण्यासाठी फोटोग्राफर जोखीम पत्करून काम करीत आहेत. फोटोशिवाय वृत्तपत्रांमध्ये प्रसिद्ध होणारी बातमी अपूर्ण असते. पत्रकार व फोटो ग्राफर, संपादकीय मंडळींमुळे वृत्तपत्रांमध्ये परिपूर्ण बातमी प्रसिद्ध होते, असे प्रतिपादन कणकवली तालुका पत्रकार संघाचे अध्यक्ष भगवान लोके यांनी केले. जागतिक छायाचित्र दिनानिमित्त कणकवली तालुका फोटोग्राफर असोसिएशन व  रोटरी क्लब कणकवली यांच्या संयुक्त विद्यमाने तर्फे कणक...

नांदगाव येथे उद्या रक्त दान शिबीर. सर्प इंडिया, सर्प मित्र सिंधुदुर्ग , सिंधू रक्तमित्र  प्रतिष्ठान सिंधुदुर्ग यांनी केले आयोजन. कणकवली ( ऋषिकेश मोरजकर)  सर्प इंडिया सर्प मित्र सिंधुदुर्ग सिंधू रक्तमित्र प्रतिष्ठान सिंधुदुर्ग यांच्या संयुक्त विद्यमाने उद्या बुधवार दिनांक 20 ऑगस्ट रोजी सकाळी ९ ते १२ पर्यंत  नांदगाव प्राथमिक आरोग्य केंद्र येथे भव्य रक्तदान शिबिर आयोजित करण्यात आलेले आहे. तरी रक्त दात्यांनी रक्त दान करण्यासाठी उपस्थित रहावे असे आवाहन करण्यात आले आहे 

नांदगाव ओटव फाटा ब्रिज वरील पथ दिवे दुरुस्ती करण्याचा फक्त दिखावा का ? संबंधित कंपनी ने तोंडाला पुसली पाने  १५ ऑगस्ट ला आंदोलन होणार म्हणून १४ ऑगस्ट पर्यंत दुरुस्ती करण्याचा केविलवाणा प्रयत्न ; पण पथदिवे काही केले सुरू होईनात. गणेश चतुर्थी कालावधीत संपूर्ण परिसरात अंधार  कणकवली (प्रतिनिधी)  कणकवली तालुक्यातील नांदगाव मुंबई गोवा महामार्गावर नांदगाव ओटव फाटा ब्रिज खाली जवळपास २० ते २५ गावाचे प्राथमिक आरोग्य केंद्र असून ही या ब्रिज जवळील भागात स्ट्रीट लाईट डिसेंबर च्या अपघातानंतर बंदच असल्याने १५ ऑगस्ट पर्यंत सुरळीत न केल्यास १५ ऑगस्ट स्वातंत्र्यदिनीच आंदोलन करण्याचा इशारा नांदगाव येथील ग्रामस्थांनी दिला होता. मात्र या वृत्ताने संबंधित विभागाने जाग येत सदर आंदोलन होऊ नये म्हणून १५ ऑगस्ट ला आंदोलन होऊ नये म्हणून १४ ऑगस्ट पर्यंत क्रेन च्या सहाय्याने दुरुस्ती करण्याचा केविलवाणा प्रयत्न केला . मात्र शेवटपर्यंत पथदिवे सुरू करण्यात संबंधित विभागाला यश आलेच नाही. यामुळे श्री गणेश चतुर्थी कालावधी मध्ये संपूर्ण अंधार झाला आहे. गणेश भक्तांमधून नाराजी व्यक्त केली जात असून सर्वसामान्य ज...

नांदगाव वरची वाडीतला गोविंदा पथक ने मिळालेली रक्कम दिली ; दुचाकी अपघात गंभीर जखमीच्या उपचारासाठी गोविंदा पथकाचा अनोखा उपक्रम.  कणकवली प्रतिनिधी  कणकवली तालुक्यातील नांदगाव वरची वाडीतला गोविंदा पथक यांनी यावर्षी वरची वाडी ते नांदगाव तिठा पर्यंत फोडलेल्या दही हंडीतील मिळालेली रक्कम रोख ५००० /-  हजार रुपये नांदगाव सिसयेवाडीतील अपघात गंभीर जखमी होऊन कोल्हापूर येथे उपचार घेत असलेला विनोद दिवाकर मोरये यांच्या मदतीकरीता सुपुर्द करण्यात आले आहे. यामुळे या नांदगाव वरची वाडीतला गोविंदा पथक यांचे कौतुक होत आहे.      या गोविंदा पथक यांनी मिळालेली सर्व रक्कम यातुन कुठल्याही प्रकारे मंडळासाठी खर्च न करता मदतीसाठी पुढे सरसावले आहेत. या गंभीर जखमी असलेल्या तरुणाला लाखो रुपये खर्च होणार असल्याने बरेच छोटी मोठी मदत करीत असून वरची वाडीतला गोविंदा पथक ने ही खारीचा वाटा उचलला आहे.

सन्मित्र रिक्षा संघटना नांदगाव अध्यक्षपदी किशोर मोरये यांची निवड. कणकवली प्रतिनिधी  कणकवली तालुक्यातील नांदगाव सन्मित्र रिक्षा संघटना नांदगाव अध्यक्षपदी किशोर भगवान मोरये यांची निवड करण्यात आली आहे. तर उपाध्यक्षपदी गुरुप्रसाद साळुंके,   सचिव मंदार गुरव,खजिनदार पंढरीनाथ म्हसकर यांच्या निवडी करण्यात आल्या आहेत.सर्वांचे अभिनंदन केले जात आहे. 

बॉम्बे नर्सिंग होम रजिस्ट्रेशन प्रश्नावर सकारात्मक तोडगा, मंत्री नितेश राणे यांचा पुढाकार. ⭕बॉम्बे नर्सिंग होम रजिस्ट्रेशनचा तोडगा. ⭕मंत्री नितेश राणे यांच्या पुढाकाराने बैठक. ⭕IMA व अस्तित्व परिषदेच्या मागण्यांना सकारात्मक प्रतिसाद. ⭕जिल्ह्यात आभार व सत्कार सोहळा. ⭕लवकरच मुख्यमंत्री देवेंद्र फडणवीस यांच्या उपस्थितीत संयुक्त बैठक. सिंधुदुर्ग : (ऋषिकेश मोरजकर)  बरेच दिवस प्रलंबित असलेल्या बॉम्बे नर्सिंग होम रजिस्ट्रेशन विषयावर अखेर मार्ग काढण्यात आला आहे. आरोग्यमंत्री, आरोग्य सचिव, संबंधित संचालक, तसेच इतर वरिष्ठ अधिकारी यांच्या उपस्थितीत झालेल्या महत्त्वपूर्ण बैठकीत पालकमंत्री ना. नितेश राणे यांनी स्वतः पुढाकार घेतला. यानिमित्त संस्थेच्या वतीने त्यांचे आभार मानून  सत्कार करण्यात आला. यावेळी IMA आणि अस्तित्व परिषदेचे पदाधिकारी सहभागी झाले होते. त्यांचे मते ऐकून घेत, छोट्या नर्सिंग होम्स टिकून राहाव्यात आणि आरोग्यसेवा सुरळीत सुरू राहावी यासाठी सकारात्मक चर्चा पार पडली. याबाबत आनंद व्यक्त करत आज जिल्ह्यातील IMA पदाधिकारी व अस्तित्व संघटनेने पालकमंत्री ना. नितेश राणे यांचा आभार व ...

कवी उदय जाधव यांची कविता व्यवस्थेलाच प्रश्न विचारते - प्रेमानंद गज्वी प्रभा प्रकाशनच्या पांढऱ्याशुभ्र स्क्रीनवर कवितासंग्रहाचे मुंबईत प्रकाशन कवी सायमन मार्टिन,कवी अजय कांडर,अभिनेत्री मेघा घाडगे यांची उपस्थिती कणकवली/प्रतिनिधी    कणकवलीच्या प्रभा प्रकाशनाने प्रकाशित केलेल्या कोकण सुपुत्र कवी उदय जाधव यांच्या पांढऱ्याशुभ्र स्क्रीनवर काव्यसंग्रहातील कविता समकाळातील अनिष्ट गोष्टीवर प्रहार करून व्यवस्थेलाच प्रश्न विचारते असे प्रतिपादन विख्यात नाटककार तथा कवी प्रेमानंद गज्वी यांनी केले.      दीप तारांगण क्रियेशन्सतर्फे मुंबई गोरेगाव केशवराव गोरे स्मारक सभागृहात श्री गज्वी यांच्या हस्ते पांढऱ्याशुभ्र स्क्रीनवर काव्यसंग्रहाचा प्रकाशन सोहळा आणि त्यावरील चर्चा असा कार्यक्रम आयोजित करण्यात आला. कवी सायमन मार्टिन, कवी अजय कांडर आणि सुप्रसिद्ध अभिनेत्री नृत्यांगना मेघा घाडगे आदी सहभागी झालेल्या या कार्यक्रमाला कवयित्री आणि अभिनेत्री कविता मोरवणकर, दीप तारांगण क्रिएशनच्या संचालिका दीपा सावंत खोत,कवी उदय जाधव उपस्थित होते. यावेळी बोलताना प्रेमानंद गज्वी यांनी आजच्या काळाशी सम...

वैभववाडीत उद्या फुटणार एक लाखाची हंडी.  बिगबाॅस विजेते शिव ठाकरे राहणार उपस्थित.  भाजपा वैभववाडीचे आयोजन.       ऋषिकेश मोरजकर|वैभववाडी             भाजपा वैभववाडी यांच्या वतीने दहीहंडी उत्सव २०२५ चे शनिवार दि १६ ऑगस्ट रोजी आयोजन करण्यात आले आहे. या दहीहंडी उत्सवात बिगबॉस थ्री चे विजेते शिव ठाकरे हे उपस्थित राहणार आहेत. यावेळी पालकमंत्री नितेश राणे, भाजपा जिल्हाध्यक्ष प्रभाकर सावंत, माजी आ. प्रमोद जठार, जिल्हा बँक अध्यक्ष मनीष दळवी आदी उपस्थित राहणार आहे. दहीहंडी फोडणाऱ्या विजेत्या गोविंदा पथकाला रोख रुपये १ लाख व आकर्षक चषक देण्यात येणार आहे. तसेच सलामी देणाऱ्या गोविंदा पथकांना आकर्षक चषक व रोख बक्षिसे देण्यात येणार आहेत.  सिंधुदुर्ग व रत्नागिरी जिल्हातील गोविंदा पथक या उत्सवात भाग घेऊ शकतात. यानिमित्त ऑर्केस्ट्रा नटरंग होणार आहे. वैभववाडी येथील इनामदार प्लाझा येथे हा उत्सव संपन्न होणार आहे. तरी दोन्ही जिल्ह्यातील गोविंदा पथकांनी या उत्सवात सहभागी व्हावे असे आवाहन भाजपा मंडल अध्यक्ष सुधीर नकाशे यांनी केले आहे. तसेच नागरिकांनीही ...

स्वातंत्र्य दिनाच्या पूर्वसंध्येला पालकमंत्री नितेश राणे यांचा ‘न्याय दरबार’ उपोषण करण्याची नोटीस दिलेल्या प्रत्येक व्यक्तीशी साधला संवाद सिंधुदुर्ग जिल्ह्यासाठी साठी पालकमंत्री नितेश राणे यांचे लोकाभिमुख पाऊल   स्वातंत्र्य दिनी होणारी अनेक आंदोलने  स्थगित, उपोषणकर्त्या व्यक्तींमध्ये समाधानाचे वातावरण, न्याय मिळाल्याची भावना सिंधुदुर्गनगरी (प्रतिनिधी) नागरिकांच्या समस्या लोकशाही मार्गाने सोडवण्याचा नवा पायंडा सिंधुदुर्गात पालकमंत्री नितेश राणे यांनी घातला आहे. याच परंपरेला पुढे नेत स्वातंत्र्य दिनाच्या पूर्वसंध्येला पालकमंत्री नितेश राणे यांनी ‘न्याय दरबार’ भरवला. या दरबारात विविध मागण्यांसाठी उपोषणाची हाक दिलेल्या आंदोलनकर्त्यांना बोलावून त्यांचे प्रश्न सविस्तर पने पालकमंत्री नितेश राणे यांनी अधिकाऱ्यांसमवेत ऐकून घेतले. काहींचे निर्णय त्याच ठिकाणी देण्यात आले तर काहींचे निर्णय अधिकाऱ्यांना सुनावणी लावून कायद्याच्या चौकटीत देण्याच्या सूचना दिल्या.    एकाही व्यक्तीला उपोषणाच्या मार्गावर जाण्याची वेळ येऊ नये, यासाठी संबंधित अधिकाऱ्यांना तातडीने उपाययोजना करण्याच्य...

पालकमंत्री नितेश राणे यांच्या हस्ते १५ ऑगस्ट रोजी होणार शेती संरक्षण शस्त्र परवान्यांचे वितरण.   सिंधुदुर्ग दि. १४ (प्रतिनिधी)   वन्य प्राण्यांपासून संरक्षण करण्यासाठी शेती संरक्षण शस्त्र परवान्यांची परवानगी प्रक्रीया जिल्हा प्रशासनातर्फे नियमित केली जाते. शेतकऱ्यांचे वन्य प्राण्यांपासून संरक्षण व्हावे तसेच त्याच्या पिकांचे रक्षण व्हावे यासाठी पात्र शेतकऱ्यांना जिल्हा प्रशासनातर्फे नियमानुसार शस्त्र परवाना दिल्या जातो. या अनुषंगाने स्वातंत्र्य दिनाचे औचित्य साधून पालकमंत्री नितेश राणे यांच्या हस्ते पात्र नवीन तसेच मृत परवानाधारक व्यक्तींच्या वारसांना शेती संरक्षण परवान्यांचे वितरण करण्यात १५ ऑगस्ट रोजी केले जाणार आहे. प्रातिनिधिक स्वरूपात नऊ जणांना परवान्यांचे वितरण करण्यात येणार आहे.  हे  वितरण शासकीय ध्वजारोहणाच्या मुख्य समारंभा प्रसंगी पोलिस परेड ग्राऊंड, सिंधुदुर्ग नगरी येथे होणार आहे.

महसूल विभागातील विविध योजनांचा आढावा. नागरिकांना महसूल विभागाच्या सर्व सेवा वेळेत मिळण्यासाठी महसूल यंत्रणेने काम करावे. महसूल मंत्री चंद्रशेखर बावनकुळे. सिंधुदुर्गनगरी (ऋषिकेश मोरजकर):  राज्य शासन विविध लोककल्याणकारी, लोकाभिमूख योजना राबवून गतिमान आणि पारदर्शक पद्धतीने काम करीत आहे. तळागाळातील पात्र लाभार्थ्यांना योजनांचा लाभ मिळवून देणे आवश्यक आहे. त्याचप्रमाणे महसूल यंत्रणांनी सर्वसामान्य नागरिकांना महसूल विभागाच्या सर्व सेवांचा लाभ वेळेत मिळावा यासाठी काम करावे, असे निर्देश महसूल मंत्री चंद्रशेखर बानकुळे यांनी दिले. जिल्हाधिकारी कार्यालयात आयोजित महसूल, मुद्रांक शुल्क व नोंदणी विभाग, भुमि अभिलेख विभागाच्या आढावा बैठकीत ते बोलत होते. यावेळी जिल्हाधिकारी अनिल पाटील, मुख्य कार्यकारी अधिकारी रविंद्र खेबुडकर,  अपर जिल्हाधिकारी शुभांगी साठे, निवासी उपजिल्हाधिकारी मच्छिंद्र सुकटे, जिल्हा पुरवठा अधिकारी विजय सहारे, उपजिल्हाधिकारी आरती देसाई, शारदा पोवार, सर्व उपविभागीय अधिकारी, तहसिलदार, मुद्रांक शुल्क व नोंदणी विभागाचे सह जिल्हानिबंधक व मुद्रांक अधिकारी, भुमि अभिलेख विभागाचे अधिक...

महसुल मंत्री चंद्रशेखर बावनकुळे यांनी घेतली माजी मुख्यमंत्री खासदार नारायण राणे यांची भेट. कोकणातील विकासकामे, लोक-कल्याणकारी उपक्रम व विविध योजनांविषयी झाला संवाद. कणकवली : (ऋषिकेश मोरजकर) राज्याचे महसूल मंत्री चंद्रशेखर बावनकुळे हे सिंधुदुर्ग जिल्ह्याच्या दौऱ्यावर आले आहेत. दरम्यान मंत्री चंद्रशेखर बावनकुळे यांनी बुधवारी खासदार नारायण राणे यांच्या कणकवली येथील ओम गणेश निवासस्थानी सदिच्छा भेट घेतली. यावेळी सौ. निलम ताई राणे यांच्या उपस्थितीत खासदार नारायणराव राणे यांनी हमसूल मंत्री चंद्रशेखर बावनकुळे यांचे पुष्पगुच्छ देऊन स्वागत केले.  दरम्यान यावेळी कोकणातील विकासकामे तसेच लोककल्याणकारी उपक्रम आणि आगामी योजनांविषयी  संवाद झाला.

प्रभा प्रकाशन प्रकाशित कवी उदय जाधव यांच्या काव्यसंग्रहाचे १५ ऑगस्ट रोजी मुंबईत प्रकाशन नाटककार प्रेमानंद गज्वी,कवी अजय कांडर, कवी सायमन मार्टिन, अभिनेत्री मेघा घाडगे यांचा सहभाग कणकवली/प्रतिनिधी    कोकणातील कवी उदय जाधव यांच्या प्रभाव प्रकाशन कणकवलीने प्रकाशित केलेल्या पांढऱ्याशुभ्र स्क्रीनवर काव्यसंग्रहाचा प्रकाशन सोहळा व चर्चा कार्यक्रम 15 ऑगस्ट 2025 रोजी सायं.५.३० वा.मुंबई गोरेगाव केशव गोरे स्मारक मध्ये आयोजित करण्यात आला आहे. दीपतारांगण क्रिएशनने संयोजन केलेल्या या कार्यक्रमाचे अध्यक्ष म्हणून ज्येष्ठ नाटककार आणि कवी प्रेमानंद गज्वी यांना निमंत्रित करण्यात आले आहे.तर यावेळी आयोजित करण्यात आलेल्या या संग्रहाच्या चर्चेत नामवंत कवी कवी अजय कांडर, ज्येष्ठ कवी आणि सामाजिक कार्यकर्ते सायमन मार्टिन आणि सुप्रसिद्ध अभिनेत्री तथा fनृत्यांगना मेघा घाडगे सहभागी होणार आहेत.     कवी उदय जाधव हे कोकणातील नामवंत नाट्य लेखक आणि नाट्य दिग्दर्शक आहेत. अलीकडे त्यांचा विविध एकांकिकेचा एक ग्रंथ प्रकाशित करण्यात आला. त्यानंतर कणकवलीच्या प्रभा प्रकाशनातर्फे आता त्यांचा पांढऱ्याशुभ्र स्क...

  पालकमंत्री नितेश राणे गुरुवारी सिंधुदुर्ग जिल्हा दौऱ्यावर सिंधुदुर्ग :- राज्याचे मत्स्यव्यवसाय व बंदरे मंत्री तथा पालकमंत्री नितेश राणे हे गुरुवार दि. 1१४ऑगस्ट २५रोजी सिंधुदुर्ग जिल्ह्याच्या दौऱ्यावर येत आहेत, त्यांचा दौरा कार्यक्रम पुढीलप्रमाणे आहे.  गुरुवार दि. १४ ऑगस्ट२५ रोजी दुपारी २.३० वाजता ओरोस येथे आगमन व राखीव. दुपारी 3 वाजता विविध मागण्यांच्या अनुषंगाने उपोषणाची नोटीस दिलेल्या उपोषणकर्त्यांच्या भेटी व चर्चा (स्थळ:- जिल्हा नियोजन समिती सभागृह, ओरोस) सायं.६वाजता स्वातंत्रदिनाच्या पूर्व संध्येस आयोजित तिरंगा रॅलीस उपस्थिती. (स्थळ:- छत्रपती शिवाजी महाराज चौक ते पटवर्धन चौक, कणकवली

नांदगाव उर्दू शाळेच्या वतीने काढण्यात आली तिरंगा रॅली.  भारत माता की जय ... जय जवान जय किसान ... घोषणांनी परिसर गेला दणाणून  कणकवली (ऋषिकेश मोरजकर)  १५ ऑगस्ट या स्वातंत्र्य दिनाच्या पूर्वसभेला हर घर तिरंगा अंतर्गत नांदगाव तिठा येथील उर्दू प्राथमिक शाळेच्या वतीने नांदगाव तिठा बाजारपेठेतून तिरंगा रॅली काढण्यात आली. भारत माता की जय, जय जवान जय किसान , वंदे मातरम् आदी घोषणा देत हातात तिरंगा घेत तिरंगा रॅली काढण्यात आली यावेळी शाळा व्यवस्थापन समिती अध्यक्ष यासीन बटवाले,उपाध्यक्ष रजिया सारवान ,सचिव मुश्ताक कित्तूर सर, शिक्षण तज्ञ् फातिमा बटवाले, शिक्षक आयनुद्दीन शेख, सदस्य यास्मिन बटवाले,आशिफा लांजेकर,फरहत बटवाले,अल्ताज हवालदार, वासिम बटवाले, सर्फराज बटवाले, रिक्षा संघटना अध्यक्ष विलास कांडर, रहिमान पाटणकर, जाफर कुणकेरकर आदी उपस्थित होते.

प्रभा प्रकाशनाचे एकाच वेळी सहा ग्रंथ प्रकाशित. कणकवली सारख्या ग्रामीण भागातून लेखक कवींना पुढे घेऊन जाण्याचा प्रयत्न. प्रभा प्रकाशनाचे संचालक कवी अजय कांडर यांची माहिती. कणकवली/प्रतिनिधी    मराठीतील प्रसिद्ध कवी अजय कांडर यानी नव्या आणि गुणवत्ता असणाऱ्या दुर्लक्षित लेखक कवींच लेखन सर्व दूर चांगल्या वाचकांपर्यंत पोहोचावं म्हणून प्रभा प्रकाशनाच्या कामाला पाच वर्षांपूर्वी प्रारंभ केला. या अल्प कालावधी मध्ये प्रभा प्रकाशनाने कविता,ललित,वैचारिक,संगीतआणि सामाजिक विषयावरील विविध ग्रंथ प्रकाशित करून अनेक दुर्लक्षित लेखक कवींना मंच उपलब्ध करून दिला. आता प्रभा प्रकाशनातर्फे एकाच वेळी सहा ग्रंथ प्रकाशित करण्यात येत असल्याची माहिती प्रभा प्रकाशानाचे संचालक अजय कांडर यांनी दिली.      या सहा नव्या ग्रंथांमध्ये छत्रपती संभाजीनगर येथील संगीताचे ज्येष्ठ अभ्यासक प्रा.डॉ. तुकाराम वांढरे यांच्या पंडित विष्णू नारायण भातखंडे संगीतिकार्य आणि कर्तुत्व, सेवानिवृत्त वृद्धांच्या समस्या, संभाजीनगर येथीलच दुसरे लेखक डॉ. आरगडे अंबादास यांच्या भारतीय संविधान आणि प्रशासन, मुंबई येथील प्रसिद्ध ...

"शिवसेनेच्या वतीने महाराष्ट्र जनआक्रोश आंदोलन सोमवारी"  -संदेश पारकर कणकवली प्रतिनिधी          महायुती सरकारच्या कलंकित आणि भ्रष्टाचारी मंत्र्यांची हकालपट्टी झालीच पाहिजे या मागणीसाठी शिवसेना उद्धव बाळासाहेब ठाकरे पक्षाच्या वतीने सोमवार दिनांक 11 ऑगस्ट 2025 रोजी सकाळी 10.30 वाजता जिल्हाधिकारी कार्यालय ओरोस येथे महाराष्ट्र जनआक्रोश आंदोलन करण्यात येणार आहे.               तरी सिंधुदुर्ग जिल्ह्यातील सर्व आजी माजी शिवसेना पदाधिकारी, लोकप्रतिनिधी आणि तमाम शिवसैनिकांनी मोठ्या संख्येने उपस्थित रहावे असे आवाहन शिवसेना जिल्हाप्रमुख श्री.संदेश पारकर यांनी केले आहे.

कणकवली ग्रामीण भाजपा मंडलच्या वतीने पोलीसांना रक्षाबंधन. कणकवली (ऋषिकेश मोरजकर) कणकवली ग्रामीण मंडल महिला मोर्चा च्या वतीने कासार्डे आउट पोस्ट येथे पोलिस बंधुंना रक्षाबंधन करण्यात आले.यावेळी मानसी वाळवे , माजी जि प सदस्य सुप्रिया पाताडे, महिला मोर्चा जिल्हा सरचिटणीस पुजा जाधव, महिला मोर्चा मंडल अध्यक्ष हर्षदा वाळके ,कासार्डे सरपंच निशा नकाशे तोंडवली-बावशी सरपंच मनाली गुरव,ओझरम सरपंच समृद्धी राणे , कासार्डे महिला बुथ अध्यक्ष मुस्कान खान,रिया मुणगेकर , कासार्डे पोलिस दुर क्षेत्राचे बिट अंमलदार चंद्रकांत  झोरे, स्वप्निल जाधव आदी उपस्थित होते.

सम्यक साहित्य संसदेचा  कविता वर्षावासाच्या..कविता परिवर्तनाच्या.! अनोखा कार्यक्रम संपन्न... आजच्या अविचारी उन्मादी काळात लोकशाहीधिष्टित परिवर्तनाची गरज: डाॅ.महेश केळुसकर कणकवली (प्रतिनिधी): आंबेडकरी कवितेचा वर्तमान आव्हानात्मक असून आजच्या अविचारी उन्मादी काळात लोकशाहीधिष्टित परिवर्तनाची अधिकच गरज आहे.आंबेडकरवाद वर्तमान कालखंडामध्ये महत्वाचा जागतिक विचारवारसा म्हणून मान्यता पावत आहे.आंबेडकरवादी असण्यासाठी कोणत्याही जात, धर्म किंवा पंथाचा असणे आवश्यक नाही, भारतीय संविधानाने दिलेल्या स्वातंत्र्य, समता, बंधुता व सामाजिक न्यायाच्या बाजूने उभा असणारा प्रत्येक माणूस आंबेडकरवादाचा व पर्यायाने भारतीय संविधानाचा समर्थक ठरतो, असे प्रतिपादन ज्येष्ठ कवी, कादंबरीकार डाॅ.महेश केळुसकर यांनी केले. सम्यक साहित्य संसद आयोजित कविता वर्षावासाच्या..कविता परिवर्तनाच्या या  कार्यक्रमाच्या उद्घाटन समारंभात  ते बोलत होते.   मराठी साहित्यातील निवडक कवींच्या कवितांचे अभिवाचन आणि पाऊसगाण्यांचे सुश्राव्य गायन तसेच निमंत्रित कवींचे काव्यवाचन अशा  कविता वर्षावासाच्या..कविता परिवर्तनाच्या! या त...

नांदगाव तिठा येथील सर्व्हिस रोड वरील खड्डे बुविण्यासाठी तात्पुरती मलमपट्टी. उपसरपंच इरफान साटविलकर यांनी दिला होता वृक्षारोपणचा इशारा.  कणकवली प्रतिनिधी  कणकवली तालुक्यातील नांदगाव तिठा येथे सर्विस रस्त्यालगत बरेच खड्डे पडले होते आणि खड्ड्यामुळे दुचाकी तसेच रिक्षा वाहन झालं तर वाहनधारकांना ना त्रास सहन करावा लागत होता छोटे-मोठे अपघातही होत होते मागील महिन्यात तात्पुरती मलम पट्टी करण्यात आली होती कालच नांदगाव उपसरपंच इरफान साटविलकर यांनी हायवे प्राधिकरणला  खड्डे न बुजविल्यास येणाऱ्या स्वातंत्र्यदिनी वृक्षारोपण करण्याचा इशारा दिला होता या पार्श्वभूमीवर आज संबंधित विभागाने खड्डे बुजवून यावर रोलर फिरवण्यात आला.

मृत्यूस कारणीभूत ठरणाऱ्या गंभीर मारहाण प्रकरणी दोघांची निर्दोष मुक्तता. अँड उमेश सावंत यांनी पाहिले काम. कणकवली / प्रतिनिधी वैयक्तिक वादातून कासार्डे धुमाळवाडी येथील फिर्यादी सत्यवान गोविंद म्हस्के, पत्नी साक्षी म्हस्के व आई आनंदी म्हस्के यांना लोखंडी शिगांनी मृत्यू होईल अशाप्रकारे गंभीर मारहाण केल्याप्रकरणी तेथीलच रविंद्र आत्माराम म्हस्के व उदय आत्माराम म्हस्के यांची येथील प्रथमवर्ग न्याय दंडाधिकारी शुभमं लटूरिया यांनी निर्दोष मुक्तता केली. आरोपींच्यावतीने अॅङ उमेश सावंत यांनी काम पाहिले. आरोपी व फिर्यादी कासार्ड येथील रहिवासी असून घरे एकमेकालगत आहेत. में २०१८ मध्ये आरोपींच्या झाडाची फांदी फिर्यादींच्या इलेक्ट्रीक बायरवर पडली. त्यामुळे विद्युत प्रवाह खंडीत झाला होता. त्यावरून दोघांमध्ये वादविवाद झाले हाते. त्यानंतर ऑक्टोबर २०१८ मध्ये झालेल्या वादळात पुन्हा तसाच प्रकार घडल्याने त्याबाबत फिर्यादी व पत्नी यांनी आरोपीच्या घरी जाऊन त्यांना विचारणा केली असता तेथीलच लोखंडी शिगांनी दोन्ही आरोपींनी त्यांना मारहाण केली होती. त्या आरडाओरडीने फिर्यादीची आई आनंदी ही आली असता तीलाही मारहाण केली. या...

नांदगाव ग्रा.पं. येथे व्यापारी, रिक्षा , मॅजिक संघटनांची गणेश चतुर्थी अनुषंगाने नियोजन बैठक संपन्न. आम्ही सांगितलेल्या सूचनांचे तंतोतंत पालन करा - सरपंच भाई मोरजकर यांचे सर्व व्यावसायिकांना आवाहन. १८ ऑगस्टला नांदगाव तिठा येथे स्वच्छता अभियान  कणकवली प्रतिनिधी  कणकवली तालुक्यातील नांदगाव ही महत्त्वाची बाजारपेठ आहे. अशावेळी श्री गणेश चतुर्थी अवघ्या वीस दिवसांवर आल्याने नांदगाव बाजारपेठेमध्ये वाहतूक कोंडी तसेच रिक्षा मॅजिक व्यापारी यांची संयुक्त बैठक नांदगाव सरपंच रविराज मोरजकर यांच्या अध्यक्षतेखाली संपन्न झाली.       सरपंच भाई मोरजकर  बोलताना म्हणाले की , श्री  गणेश चतुर्थी ला सुस्थितीत नियोजन होण्यासाठी आम्ही सांगितलेल्या सूचनांचे तंतोतंत पालन व्यापारी , रिक्षा, मॅजिक संघटनांनी करावे आणि ग्रामपंचायतीला सहकार्य करावे. असे आवाहन करण्यात आले आहे.       यावेळी उपसरपंच इरफान साठविलकर , ग्रामपंचायत अधिकारी आर.डी. सावंत, व्यापारी संघटना प्रभारी अध्यक्ष रज्जाक बटवाले, सचिव ऋषिकेश मोरजकर, रिक्षा संघटनेचे संजय पाटील, इक्बाल बटवाले, किशोर मोरये, गुर...