सिंधुदुर्ग Today डिजिटल न्यूज चॅनेल

आरोपी हा कुठल्याही जाती धर्माचा नसतो, तर तो आरोपीच असतो - अप्पर पोलीस अधीक्षक कृषीकेश रावले असलदे येथे हिंदु - मुस्लिम समाज शांतता कमिटी बैठक ; दोन्ही धर्मातील प्रमुखांनी एकोप्याने राहण्यासाठी सुसंवाद ठेण्याची मांडली भुमिका कणकवली दि. ३० मे -ऋषिकेश मोरजकर  आपल्या देशात महिला सुरक्षित राहण्यासाठी शासनाचे कडक कायदे आहेत. जर एखाद्या महिलेने आपल्या सुरक्षिततेसाठी फिर्याद नोंदवल्यास त्यावर कारवाई करणे हे पोलिसांचे काम आहे. त्यामुळे आरोपी जर पीडीत महिलेला त्रास देण्याचा प्रयत्न करत असेल तर त्यावर कारवाई केली जाईल. दोन्ही समाजातील प्रमुखांनी मांडलेल्या भूमिकेवरून या ठिकाणी एकोप्याने राहणारी माणसे आहेत असे चित्र आहे.कुठल्याही गुन्ह्यातील आरोपी हा आरोपीच असतो तो कुठल्याही जाती धर्माचा नसतो असे मत अप्पर पोलीस अधीक्षक कृषिकेश रावले  यांनी व्यक्त केले.  कणकवली तालुक्यातील असलदे येथील गौरी मंगल कार्यालय येथे हिंदू व मुस्लिम धर्मातील  शांतता कमिटीची बैठक श्री. रावले यांच्या उपस्थितीत पार पडली. यावेळी कणकवली उपविभागीय पोलीस अधिकारी घनश्याम आढाव , पोलीस निरिक्षक समशेर तडवी , पोलिस क...

नांदगाव सरस्वती हायस्कूल चा १०० टक्के निकाल  नांदगाव (ऋषिकेश मोरजकर) कणकवली तालुक्यातील सरस्वती हायस्कूल नांदगाव या विद्यालयातील माध्यमिक शालांत परीक्षेचा निकाल १०० टक्के लागला आहे.या विद्यालयातून ६६ विद्यार्थी बसले होते सर्व विद्यार्थी उत्तीर्ण झाले आहे ‌.   यामध्ये कुमार ओम राजेश देसाई याने ९५.६० टक्के गुण मिळवून प्रथम क्रमांक पटकाविला आहे. तर व्दितीय क्रमांक अर्थव अंकूश सदडेकर याने ९३.२० व तृतीय क्रमांक नेहा संतोष कदम ८९.८० टक्के गुण मिळवून सुयश संपादन केले आहे.       सर्व उत्तीर्ण विद्यार्थी तसेच सुयश संपादन केलेल्या विद्यार्थ्यांचे संस्था चेअरमन नागेश मोरये व मुख्याध्यापक सुधीर तांबे यांनी अभिनंदन केले आहे

  मावळे आम्ही स्वराज्याचे यांची गडसंवर्धन मोहीम शिवप्रेमींनी मोहिमेला सहभागी व्हा - तालुकाप्रमुख प्रतीक भाट. कणकवली प्रतिनिधी  मावळे आम्ही स्वराज्याचे महाराष्ट्र राज्य (रजि.) यांच्या कडून २५ तारीख ला  वैभववाडी विभागाची खारेपाटण किल्ल्यावर तर मुंबई विभागाची २६ मे ला बेलापूर किल्ला येथे मोहीम पार पडणार आहे तसेच कणकवली विभाग मार्फत २७ मे रोजी चाफेड दुर्ग येथे मोहीम पार पडणार आहे या मोहिमेला जास्तीत जास्त शिवप्रेमींनी उपस्थित राहण्याचे आवाहन कणकवली तालुका प्रमुख प्रतीक भाट यांनी केलं आहे . अध्यक्ष सुमितदादा कुशे यांनी तिन्ही मोहिमांना शुभेच्छा दिल्या आहेत ...

अंकुश डामरे यांच्या सामाजिक कार्याचा आदर्श डोळ्यासमोर ठेवून आमची वाटचाल - चेअरमन भगवान लोके असलदेत सोसायटी मार्फत खत विक्रीचा शुभारंभ ; सोसायटी माजी चेअरमन अंकुश डामरे ,संचालक अनंत तांबे यांना वाहण्यात आली श्रध्दांजली  कणकवली दि. २५ मे - प्रतिनिधी  असलदे सोसायटीचे माजी चेअरमन अंकुश डामरे यांनी लावलेल्या संस्थारुपी रोपट्याचे आता वटवृक्षात रुपांतर होत आहे. त्यांनी या संस्थेसाठी आणि गावासाठी दिलेले योगदान आम्ही कदापी विसरु शकणार नाही. त्यांनी चेअरमन व विविध पदांवर कार्यरत असताना गावाच्या प्रगतीसाठी प्रामाणिक प्रयत्न केले . अंकुश डामरे यांच्या सामाजिक कार्याचा आदर्श डोळ्यासमोर ठेवून पुढील काळात आमची वाटचाल असेल , असा विश्वास सोसायटी चेअरमन भगवान लोके यांनी व्यक्त केला.  असलदे रामेश्वर विविध कार्यकारी सहकारी सोसायटी मासिक सभा चेअरमन भगवान लोके यांच्या अध्यक्षतेखाली पार पडली. यावेळी असलदे सोसायटी व ग्रामस्थांच्यावतीने असलदे सोसायटीचे  माजी चेअरमन , माजी सरपंच , नांदगांव पंचक्रोशीत शिक्षण संस्थेचे उपाध्यक्ष अंकुश डामरे  यांचे नुकतेच निधन झाल्याने शोक व्यक्त करण्यात आला...

कठोर परिश्रमाशिवाय बुद्धाकडे जाणे अशक्य! 'बाबासाहेब समजून घेताना ' व्याख्यानात कवी अजय कांडर यांचे प्रतिपादन फोंडाघाट येथे बुद्ध - आंबेडकर संयुक्त जयंती महोत्सवा निमित्त व्याख्यानमाला कणकवली/ऋषिकेश मोरजकर         धर्म आणि धम्म यात मूलभूत फरक आहे. धर्मातून बहुतेक वेळा आपण पारंपारिक मानसिक तेथून जगत राहतो. आणि धम्मातून धर्माचीच चिकित्सा केली जाते. धम्म म्हणजे बुद्ध तत्त्वज्ञान, सत्याचा विचार, समता न्याय आणि माणुसकी. मात्र हे सगळं अंगीकारण्यासाठी आणि बुद्ध तत्त्वज्ञान स्वीकारून यश मिळविण्यासाठी परिश्रमाशिवाय पर्याय नाही. बाबासाहेबांनी याचेच अनुकरण केले म्हणून ते जगात महान ठरले. कठोर परिश्रमाशिवाय बुद्धाकडे आणि बाबासाहेबांच्या विचाराकडेही जाणे अशक्य असतं! असे प्रतिपादन कवी अजय कांडर यांनी फोंडाघाट येथे आयोजित करण्यात आलेल्या 'बाबासाहेब समजून घेताना' या व्याख्यानात केले.          भगवान बुद्ध आणि डॉ. बाबासाहेब आंबेडकर संयुक्त जयंती महोत्सवाच्या निमित्ताने फोंडाघाट येथे व्याख्यान मालिका आयोजित करण्यात आली होती.या व्याख्यानमालेत 'बाबासाहेब समजून घेता...

देवगड निपाणी महामार्गावर असलदे डामरेवाडी दरम्यान कार व आराम बस अपघात.  एक जखमी  नांदगाव प्रतिनिधी  देवगड निपाणी महामार्गावर कणकवली तालुक्यातील असलदे डामरे वाडी वळणावर आज सायंकाळी सव्वा पाचच्या सुमारास खाजगी आराम बस व कार यांच्यात अपघात झाला या अपघातात कारमधील प्रवासी जखमी झाली असून जखमींना रुग्णालयात दाखल करण्यात आलेले आहे.       याबाबत अधिक माहिती अशी की, देवगड हुन मुंबई च्या दिशेने जाणारी खाजगी आराम बस तर सांगली हुन देवगड कडे जाणारी कार यांच्यात अपघात होवून या अपघातात कार मधील एक जखमी झाले असून जखमींना नरेंद्र महाराज यांच्या रुग्णवाहिकेतून पांडू तेली यांनी कणकवली येथे उपचारासाठी दाखल केले आहे.

नांदगाव ओटव फाटा ब्रिज वरील बंद पथदिवे दुरुस्ती करण्यास सुरुवात  ऋषिकेश मोरजकर यांनी पुकारलेल्या आंदोलनाला यश  कणकवली प्रतिनिधी  कणकवली तालुक्यातील नांदगाव ओटव फाटा ब्रिज वरील अर्धे नादुरुस्त पथदिवे आज अखेर दुरुस्ती करण्यास केसीसी कंपनीने सुरुवात केली असल्याने नांदगाव येथील सामाजिक कार्यकर्ते ऋषिकेश मोरजकर यांनी यासंदर्भात पुकारलेल्या आंदोलनाला यश आले आहे. याबाबत अधिक माहिती अशी की, या नांदगाव ओटव फाटा ब्रिज वरील अर्धे पथ दिवे बंदच असून याबाबत हायवे प्राधिकरण यांचेकडे वारंवार सुचना करुन ही कंपनी कडून दखल घेतली नसल्याने नांदगाव येथील श्री ऋषिकेश मोरजकर यांनी आठ दिवसांत सुरळीतप न केल्यास सोमवार दिनांक २० मे रोजी याच ब्रिज खाली ठिय्या आंदोलन करण्याचा इशारा हायवे प्राधिकरण ला लेखी स्वरूपात दिला होता .            या आंदोलनाची दखल घेऊन सार्वजनिक बांधकाम विभागाचे उप विभागीय अभियंता श्री अतुल शिवनिवार यांनी सदर बंद स्थितीत असलेले पथदिवे येत्या ४ ते ५ दिवसांत सुरळीत करण्याचे लेखी आश्वासन  ऋषिकेश मोरजकर यांना दिले होते . या अनुषंगाने ठिय्या आ...

  बाबासाहेबांनी स्त्रीला जगण्याचा हक्क दिला 'बाबासाहेब आणि स्त्री हक्क' व्याख्यानात कवयित्री प्रमिता तांबे यांचे प्रतिपादन फोंडाघाट येथे संयुक्त जयंती महोत्सव कार्यक्रम कणकवली/ऋषिकेश मोरजकर      डॉ.बाबासाहेब आंबेडकर यांनी स्त्रियांच्या उन्नतीसाठी जे योगदान दिले आहे. त्याची परतफेड करता येणार. हिंदू कोड बिल माध्यमातून स्त्रियांना सन्मानाने जगण्याचा हक्क दिला. आज सर्व स्तरातील सर्व क्षेत्रात महिलांची जी प्रगती होत आहे त्यामागे बाबासाहेबांचे महत्त्वपूर्ण योगदान आहे. मात्र गोरगरीबांना उच्च शिक्षण मिळाले तरच भविष्यात गोरगरीब बाबासाहेबांच्या शिक्षण धोरणाने पुढे जाणार आहेत; असे आग्रही प्रतिपादन कवयित्री आणि लेखिका प्रमिता तांबे यांनी फोंडाघाट येथे आयोजित करण्यात आलेल्या व्याख्यानात केले.       फोंडाघाट येथे भ. बुद्ध व डॉ. बाबासाहेब आंबेडकर संयुक्त जयंती महोत्सवानिमित्त कवयित्री तांबे यांचे 'बाबासाहेब आणि स्त्री हक्क' या विषयावर व्याख्यान आयोजित करण्यात आले. यावेळी बोलताना कवयित्री तांबे यांनी १४ एप्रिल हा दिवस भारतात अनेक ठिकाणी 'समता दिन' तसेच 'ज्ञानदिवस' म्ह...

पुणे हिट अँड रन प्रकरणात सुप्रिया सुळे गप्प का ? आरोपीचा वकील पवार कुटुंबियांचा जवळचा आमदार नितेश राणेंचा गौप्यस्फोट उद्धव ठाकरेंचा शेमड्या पोरासारखा रडीचा डाव ; पराभव स्वीकारा कणकवली : प्रतिनिधी  पुणे हिट अँड रन प्रकरणात शरद पवार गटाच्या सुप्रियाताई सुळे गप्प का ? शरद पवार गटाकडून या प्रकरणात कोणती प्रतिक्रिया का येत नाही ? अगरवाल आणि पवार कुटुंब यांचे काय संबंध आहेत काय ?  आरोपीला दिलेला वकील पवार कुटुंबियांच्या घनिष्ट संबंधांतील असल्याची माहिती मिळेते आहे.म्हणजे अग्रवाल याला वाचवण्याचा प्रयत्न होतो आहे का ? त्यामुळे एरव्ही सर्व प्रकरणी आवाज उठविणाऱ्या आणि राजीनामे मागत फिरणाऱ्या सुप्रिया सुळे यांनी याबाबत व्यक्त व्हावे असेही नितेश राणे यांनी सुनावले. तर आशिष शेलार यांची तक्रार योग्य आहे. 4 जून ला एनडीए चा मोठा विजय होणार हे स्पष्ट आहे. शेमड्या मुलासारखे उद्धव ठाकरे वागत आहेत. तुमचा पराभव स्वीकारा असे खडेबोल आमदार नितेश राणे यांनी ठाकरेंना सुनावले.      आमदार नितेश राणे यांनी कणकवलीत ओम गणेश निवासस्थानी पत्रकारांशी बोलताना शरद पवार राष्ट्रवादी पक्षाच्या सुप्रि...

जाणवली येथील होणारे अपघात रोखण्यासाठी तातडीने उपाययोजना करा आमदार नितेश राणे यांच्या अधिकाऱ्यांना सूचना  अपघात रोखण्यासाठी उपाय योजना बाबत घेतली अधिकाऱ्यांची बैठक गगनबावडा घाटाचे काम एक जून पर्यंत पूर्ण करा. कणकवली (ऋषिकेश मोरजकर)  जाणवली येथे सातत्याने होणारे अपघात महामार्गाच्या अपूर्ण कामामुळे होत आहे. या अपघातात निरपराधांचे बळी जात आहेत.त्यामुळे महामार्ग प्राधिकरण आणि ठेकेदार कंपनीने योग्यत्या उपाययोजना कराव्यात. वाहनांचा स्पीड नियंत्रित राहावा यासाठी गतिरोधक आणि माहिती फलक   ठीक ठिकाणी लावावेत अशा सूचना आमदार नितेश राणे यांनी अधिकारी व ठेकेदार कंपनीच्या प्रतिनिधींना दिल्या. मुंबई गोवा महामार्गवर अपघात होता नये, लोकांचे जीव जाता नये,यासाठी योग्य त्या उपाययोजना करा. वर्दळीच्या ठिकाणी वाहनाची गती नियंत्रित राहील अशा पद्धतीने महामार्गावर उपयोजना केल्या जाव्यात अशा सूचना आमदार नितेश राणे यांनी महामार्ग प्राधिकरण चे अधिकारी त्याचप्रमाणे ठेकेदार कंपनीच्या अधिकाऱ्यांना दिल्या.  ओम गणेश निवासस्थानी आमदार नितेश राणे यांनी महामार्ग वरील समस्या, होणारे अपघात आणि अपूर्ण ...

आमदार नितेश राणे यांनी हरकुळ व हळवल गावातील नुकसानग्रस्त भागाची केली पहाणी जास्तीत जास्त नुकसान भरपाई मिळवून देणार प्रशासनाने केलेले पंचनामे आणि वीज वितरण च्या अहवालानुसार सरकार कडे पाठपुरावा करणार नुकसान होताच घरांच्या छताचे पत्रे, कौले पाठवून दिल्या बद्दल ग्रामस्थांनी आमदार नितेश राणे यांचे मानले आभार कणकवली :  प्रतिनिधी         कणकवलीत तालुक्यात वादळी वाऱ्यासह जोरदार पाऊस कोसळला होता. यामुळे कणकवली तालुक्यातील हरकुळ बु. व हळवल येथे  घरांचे मोठे नुकसान झाले होते.कणकवली - देवगड - वैभववाडीचे  आमदार नितेश राणे यांनी हरकुळ व हळवल येथे वादळी वाऱ्यात नुकसानग्रस्त कुटुंबांची l भेट घेतली व नुकसान झालेल्या भागाची प्रत्यक्ष पहाणी केली. नुकसान होताच फोन वरून माहिती घेवून घरांच्या छताचे पत्रे, कौले व  इतर साहित्य आमदार नितेश राणे यांनी तातडीने पाठवून दिल्या बद्दल ग्रामस्थांनी त्यांचे  आभार मानले. शासनाची मदत येईपर्यंत वाट पाहायला लागली नाही. आमदार नितेश राणे यांच्या मदतीमुळे कोसळलेली घरांचे छत त्वरित दुरुस्त करून घेता आले अशी भावना यावेळी ग्रामस्थ...

बारावीत उत्तीर्ण झालेल्या विद्यार्थ्यांनचे आमदार नितेश राणे यांनी केले अभिनंदन..! कणकवली : प्रतिनिधी  आज राज्यात बारावीचा निकाल जाहीर झालेला आहे. राज्यातल्या सगळ्या विद्यार्थी विद्यार्थिनींचे मनापासून अभिनंदन करतो. त्याच बरोबर राज्यात परत एकदा कोकण पॅटर्न म्हणून  कोकण विभागातले सगळे विद्यार्थी विद्यार्थिनी एक नंबरवर आल्याबद्दल मी मनापासून त्यांचे विशेष अभिनंदन करतो. अशाच पद्धतीने कोकणचा मान आमच्या विद्यार्थी विद्यार्थिनींनी वाढवत राहावा अशा कणकवली देवगड वैभववाडी मतदारसंघाचे आमदार नितेश राणे यांनी बारावीत उत्तीर्ण झालेल्या विद्यार्थ्यांना शुभेच्छा दिल्या.

उद्या पासून फोंडाघाट येथे संयुक्त जयंती महोत्सव अजय कांडर, डॉ.शमिता बिरमोळे, प्रमिता तांबे यांची व्याख्याने कणकवली/प्रतिनिधी          फ़ोडाघाट येथे बुधवार २२ ते गुरुवार २३ मे या दोन दिवशीय कालावधी मध्ये भगवान गौतम बुद्ध व डॉ. बाबासाहेब आंबेडकर संयुक्त जयंती महोत्सवाचे आयोजन करण्यात आले असून यात नामवंत कवी अजय कांडर यांचे 'बाबासाहेब समजून घेताना' आणि लेखिका प्रमिता तांबे यांचे 'बाबासाहेबांचे महिलांविषयी कार्य' तर डॉ.शमिता बिरमोळे यांचे 'स्रियांचे आजार व त्याबाबत घ्यावयाची काळ्जी' या विषयावर व्याख्यान आयोजित करण्यात आले आहे.       फ़ोडाघाट बौध्द विकास मंडळ, मुंबई व गावशाखा तसेच भारतीय बौद्ध महासभा शाखा फ़ोडाघाट यांच्या संयुक्त विद्यमाने फ़ोडाघाट येथील नालंदा बुद्ध विहारात सदर दोन दिवशीय जयंती महोत्सव आयोजित करण्यात आला आहे. यात 22 मे रोजी स. 10  वा. डॉ. शामिता बिरमोळे यांचे 'स्रियांचे आजार व त्याबाबत घ्यावयाची काळ्जी यावर व्याख्यान होईल. याच दरम्यान सकाळी 11.30 ते दुपारी १ या कालावधीत आरोग्य शिबिराचे आयोजन करण्यात आले असून फ़ोडाघाट प्रा. आ. केंद्राच...

नांदगाव ओटव फाटा ब्रिज वरील बंद पथदिवे संदर्भातील उद्याचे आंदोलन तात्पुरते स्थगित.  उप अभियंता श्री अतुल शिवनिवार यांनी ५ दिवसांत सुरळीत करण्याचे दिले लेखी आश्वासन  ऋषिकेश मोरजकर यांनी दिला होता आंदोलनाचा इशारा  कणकवली (प्रतिनिधी)  कणकवली तालुक्यातील नांदगाव ओटव फाटा ब्रिज वरील पथदिवे अर्धे बंदच असून याबाबत हायवे प्राधिकरण यांचेकडे वारंवार सुचना करुन ही कंपनी कडून दखल घेतली नसल्याने नांदगाव येथील श्री ऋषिकेश मोरजकर यांनी  उद्या सोमवार दिनांक २० मे रोजी याच ब्रिज खाली ठिय्या आंदोलन करण्याचा इशारा हायवे प्राधिकरण ला लेखी स्वरूपात दिला होता .  दरम्यान या आंदोलनाची दखल घेऊन सार्वजनिक बांधकाम विभागाचे उप अभियंता श्री अतुल शिवनिवार यांनी सदर बंद स्थितीत असलेले पथदिवे येत्या ४ ते ५ दिवसांत सुरळीत करण्याचे लेखी आश्वासन सामाजिक कार्यकर्ते ऋषिकेश मोरजकर यांना दिले असल्याने ऋषिकेश मोरजकर यांनी उद्याचे ठिय्या आंदोलन तात्पुरते स्थगित करण्यात आले असल्याचे जाहीर केले आहे. मात्र दिलेल्या आश्वासनानुसार कार्यवाही न झाल्यास आंदोलन पुकारले जाईल व त्यावेळेस माघार घेतली जाणार ना...

पहिल्याच पावसात वीज वितरण कंपनीचा उडाला बोजवारा  नांदगाव येथे वारंवार विज पुरवठा होतो खंडीत  नळ पाणी पुरवठ्यासाठी होतेय दमछाक  कणकवली (ऋषिकेश मोरजकर) कणकवली तालुक्यातील नांदगाव विभागातील वीजपुरवठा पहिल्याच पावसात वारंवार खंडित होऊ लागला आहे याचा विपरीत परिणाम ग्रामपंचायतच्या नळ पाणीपुरवठ्यावर होत असल्याने नागरिक हैराण झाले आहेत.       अजून खरा पावसाळा सुरू झालेला नसतानाच वळीवाच्या पावसातच वीज वितरण कंपनीचा पूर्णता बोजवारा उडाल्याचे पहावयास मिळत आहे. नांदगाव परिसरात आज मध्यरात्री ही बरेच  तास वीज पुरवठा खंडित होता त्यानंतर काही वेळ चालू झाल्यानंतर पुन्हा वीजपुरवठा खंडित झालेला आहे खंडित झालेला वीजपुरवठा बर्याच तासानंतर  सुरू झाल्याने नागरिक हैराण झालेले आहेत. आधीच उष्णतेमुळे हैराण झालेले नागरिक वीज पुरवठा खंडित मुळे अनियमित्त पाणीपुरवठा यामुळे नागरिक हैराण झालेले दिसत आहेत.विद्युत अभियंता नांदगाव यांचा मोबाईल बंद कणकवली विद्युत अभियंता फोन स्वीकारत नाहीत यामुळे स्थानिक प्रशासन तसेच ग्रामस्थांनी काय करावे?       दरम्यान नांदगाव येथील ...

  हरकुळ बुद्रुक येथील नुकसानग्रस्तांच्या मदतीसाठी धावले आमदार नितेश राणे  नुकसान ग्रस्त कुटुंबांना सिमेंट पत्रे आणि छताची कैले केली घरपोच वादळी वाऱ्यात हरकुळ बुद्रुक येथील १५ ते २० कुटुंबियांच्या घरांचे झाले होते मोठे नुकसान  कणकवली ( ऋषिकेश मोरजकर ) कणकवली तालुक्यातील हरकुळ बुद्रुक येथील शेखवाडी व खडक वाडी येथे वादळी वाऱ्यात नुकसान झालेल्या कुटुंबियांच्या मदतीसाठी भाजप आमदार नितेश राणे धावून गेले. या ठिकाणच्या पंधरा ते वीस घरांचे नुकसान या वादळी वाऱ्यात झालेले होते. घरांचे छत, छताचे पत्रे, कैले वाऱ्याने उडून गेली होती.तर काहींच्या घरावर झाडे पडून नुकसान झाले होते. या सर्वांना मदतीचा हात म्हणून सिमेंट पत्रे आणि छताची कैले आमदार नितेश राणे यांनी तातडीने घर पोच केली. यावेळी भाजप उपाध्यक्ष संदेश उर्फ गोट्या सावंत, तालुका अध्यक्ष मिलिंद मेस्त्री, माजी उपसभापती बुलंद पटेल, राजू पेडणेकर,चंद्रकांत परब,इम्रान शेख,अनिल खोचरे,आबा खोचरे, बडेमिया शेख  यांच्यासह   सरफराज शेख, बशीर शेख, सईश शेख, नुरमहंम्मद शेख, आबीदाबा शेख, सफराज शेख, सलाम शेख, हुसेनबी शेख, निमायत पटेल य...

नांदगाव सरस्वती हायस्कुलच्या दहावी 1999 – 2000 बॅचच्या  माजी विद्यार्थ्यांचा स्नेहमेळावा ठरला यादगार ..! तब्बल 24 वर्षानंतर मित्र-मैत्रिणी , संस्था पदाधिकारी , गुरुजन वर्ग , शिक्षकेत्तर कर्मचारी आले एकत्र ; गुरुजनांचा सत्कार सोहळा , संगीत खुर्ची , विविध गाण्यांवर माजी विद्यार्थ्यांनी धरला ठेका   कणकवली दि. प्रतिनिधी  सरस्वती हायस्कुल नांदगाव 1999 – 2000 बॅचच्या  माजी विद्यार्थ्यांनी पुढाकार घेत त्या काळात ज्यांनी विद्येचे दान केलं , तसेच ज्या शिक्षकेत्तर कर्मचा-यांनी शिक्षणात हातभार लावला , ज्या संस्था चालकांनी शिक्षणाचे दालन उभं केलं , त्या सर्वांचा मानपत्र , सन्मानचिन्ह , शाल , श्रीफळ , पुष्पगुच्छ देवून यथोचित सन्मान केला. तब्बल 24 वर्षानंतर मित्र-मैत्रिणी , संस्था पदाधिकारी , गुरुजन वर्ग , शिक्षकेत्तर कर्मचारी एकत्र आल्याने वेगळाच स्नेहभाव सर्वांमध्ये निर्माण झाला . यावेळी  माजी विद्यार्थ्यांमध्ये रंगलेल्या रोमहर्षक संगीत खुर्ची स्पर्धेत भगवान लोके विजेते ठरले तर स्नेहमेळाव्याच्या समारोपाला  विविध गाण्यांवर माजी विद्यार्थ्यांनी ठेका धरत एक अनोखा " ए...

नांदगाव येथील विद्युत पुरवठा खंडित झाल्यावर जिओ नेटवर्क  गायब  ग्राहक हैराण  कणकवली ( प्रतिनिधी)  कणकवली तालुक्यातील नांदगाव हे मुंबई गोवा महामार्गावर दुतर्फा वसलेल्या गावात मोबाईल नेटवर्क वारंवार गायब होते आणि ते ही विद्युत पुरवठा खंडीत झाला की मोबाईल कव्हरेज क्षेत्राबाहेर लागतो यामुळे नांदगाव विभागात जीओ ग्राहक हैराण झाले आहेत.  नांदगाव येथे सुरुवातीला बी.एस.एन.एल ‌.व एअरटेल अशी नेटवर्क असायची यातील बी.एस.एन.एल नेटवर्क असेच गायब होत असल्याने काही वर्षांपूर्वी जीओ कंपनी ने  मोबाईल टॉवर उभारून चांगली सेवा देण्याचा प्रयत्न केला.व लोकांनी सिमकार्ड पोर्ट करुन अथवा नव्याने जीओ नेटवर्क साठी रुपांतर केले. आता तर गेल्या दोन महिन्यांपासून नांदगाव परिसरातील विद्युत पुरवठा खंडित झाला की जीओ मोबाईल नेटवर्क गायब होते. यामुळे ग्राहक हैराण झाले असून दुसऱ्या नेटवर्क च्या शोध घेत आहेत.

पालघर लोकसभा मतदार संघाचे सह निरीक्षक म्हणून आमदार नितेश राणे यांची नियुक्ती प्रदेशाध्यक्ष चंद्रशेखर बावनकुळे आणि बांधकाम मंत्री रवींद्र चव्हाण यांच्या सूचनेनुसार नियुक्ती कणकवली (ऋषिकेश मोरजकर)   कणकवली,देवगड, वैभववाडी चे आमदार नितेश राणे यांची पालघर लोकसभा मतदार संघाचे भाजप पक्षाचे सह निरीक्षक म्हणून नियुक्ती देण्यात आलेली आहे. भाजपा प्रदेशाध्यक्ष चंद्रशेखर बावनकुळे आणि बांधकाम मंत्री रवींद्र चव्हाण यांच्या सूचनेनुसार ही नियुक्ती झालेली आहे.आमदार नितेश राणे याची यापूर्वी मध्य प्रदेश विधानसभा निवडणुकीत सुद्धा अशाच पद्धतीने भाजप पक्षाने जबाबदारी दिली होती.

केंद्रीय मंत्री ना. नारायण राणे यांनी वरवडे या गावी मतदानाचा हक्क बजावला कणकवली : (ऋषिकेश मोरजकर) रत्नागिरी-सिंधुदुर्ग लोकसभेसाठी आज मतदान झाले असून महायुतीचे उमेदवार केंद्रीय मंत्री ना. नारायण राणे यांनी आज त्यांच्या वरवडे या गावी मतदानाचा हक्क बजावला.  यावेळी ना. नारायण राणे पत्रकारांशी बोलताना म्हणाले की, सर्वांनी मतदानाचा हक्क बजावावा. मी देवाला नमस्कार करून मतदानासाठी आलो आहे. मला यश प्राप्त करून द्यावे, अशी देवाजवळ प्रार्थना! मी नेहमीच पेपरला बसतो, त्यावेळी अभ्यास करून बसतो. मी हुशार विद्यार्थी आहे. जे अभ्यास करीत नाहीत, त्यांना पेपर कठीण जातो. मी माझ्या रत्नागिरी सिंधुदुर्गातील मतदार बंधू भगिनी आणि वडीलधारी मंडळींना विनंती करेन की, लोकसभेच्या निवडणुकीसाठी उभा आहे. आज मतदान आहे, मोदींनी घोषणा केली आहे की, अब की बार ४०० पार. आमचे ४०० खासदार निवडून येणार. त्यामध्ये आपल्या कोकणचा, हक्काचा आणि तुम्ही अनेक वर्षे प्रेम दिले, त्याप्रमाणे याही वेळेला लोकसभेच्या निवडणुकीसाठी या सर्वांनी मतदान करावे अशी विनंती नारायण राणे यांनी केली.

नांदगाव येथे चुरशीने 74 टक्के मतदान. २६०८ पैकी १९३४ मतदारांनी बजावला मतदानाचा हक्क  ग्रामपंचायत निवडणुक तुलनेत ६५ मतांची वाढ  नांदगाव (ऋषिकेश मोरजकर) कणकवली तालुक्यातील नांदगाव म्हणजे राजकीय केंद्र बिंदू मानल्या जाणाऱ्या या मतदानाच्या तिनं केंद्र मिळून एकूण २६०८ पैकी १९३४ मतदारांनी मतदानाचा हक्क बजावला आहे. ग्रामपंचायत निवडणुकीत १८६८ मतदान झाले होते आता ६५ मतांची वाढ झाली असून एकूण १९३४ मतदारांनी मतदानाचा हक्क बजावला आहे. नांदगाव बुथ क्रमांक २२४ मध्ये ५२९ , २२५ मध्ये ७१५ तर २२६ मध्ये ६९० असे एकूण १९३४ मतदारांनी मतदानाचा हक्क बजावला आहे.      सायंकाळी मतदान संपताना पार्श्वभूमीवर कणकवली पोलीस निरीक्षक समशेर तडवी व पोलीस फौजफाटा तैनात करण्यात आला होता.     या संपूर्ण गर्दीवर नियंत्रण ठेवण्यासाठी पोलिसांची जादा कुमक येऊन या गर्दीवर नियंत्रण ठेवण्यात आले व सर्व हालचालींवर बारीक लक्ष ठेवण्यात येत आहे. यावेळी अतिरिक्त पोलिस फौजफाटा मध्ये पोलिस psi हाडळ, पोलिस कानस्टेबल जाधव , पोलीस हवालदार चव्हाण,इतर कर्मचारी उपस्थित होते.

नांदगाव येथे दुपारी १ वाजेपर्यंत ४६ टक्के मतदान  अजून ही मतदारांच्या रांगा  नांदगाव तिठा येथे ही बंदोबस्त तैनात  नांदगाव (ऋषिकेश मोरजकर) कणकवली तालुक्यातील नांदगाव म्हणजे राजकीय केंद्र बिंदू मानला जातोय या मतदानाच्या मतदान केंद्रावर सकाळी 10 नंतर उत्स्फूर्त असा प्रतिसाद मतदारांचा मिळून प्रचंड गर्दी मतदान केंद्राबाहेर पाहायला मिळाली दुपारी 1 वाजेपर्यंत  एकूण २६०८ पैकी १२२८ मतदारांनी मतदानाचा हक्क बजावला आहे.  यामुळे सरासरी १ वाजेपर्यंत ४६ टक्के नांदगाव येथे मतदान झाले असून अजूनही लांबच लांब रांगा मतदारांच्या लागलेल्या आहेत.   या संपूर्ण गर्दीवर नियंत्रण ठेवण्यासाठी पोलिसांची जादा कुमक येऊन या गर्दीवर नियंत्रण ठेवण्यात आले व सर्व हालचालींवर बारीक लक्ष ठेवण्यात येत आहे. यावेळी अतिरिक्त पोलिस फौजफाटा मध्ये पोलिस psi हाडळ, पोलिस कानस्टेबल जाधव , पोलीस हवालदार चव्हाण,इतर कर्मचारी उपस्थित होते. तसेच नांदगाव तिठा मुख्य चौकात दोन मोठ्या पोलीस तुकड्या तैनात करण्यात आलेल्या आहेत.

  तोंडवली - बावशी बोभाटेवाडीतील उबाठा सैनिकांनी केला भाजपात प्रवेश कणकवलीत प्रतिनिधी  कणकवलीत उबाठा सेनेचे प्रमुख उद्धव ठाकरे यांची जाहीर सभा सुरू असताना उबाठा सेनेच्या पदाधिकारी कार्यकर्त्यांनी ओम गणेश निवासस्थानी आमदार नितेश राणे यांच्या उपस्थितीत भारतीय जनता पार्टीत पक्ष प्रवेश केला. एकीकडे जाहीर सभा तर दुसरीकडे जाहीररीत्या पक्षप्रवेश असे चित्र आज कणकवलीत पहावयास मिळाले. तोंडवली बावशी बोभाटेवाडी येथील शिवसैनिकांनी हा पक्षप्रवेश केला.  भाजप मध्ये प्रवेश केलेल्या कार्यकर्त्यांमध्ये,ज्ञानेश्वर मोर्ये, सत्यवान मोर्ये, विठ्ठल मोर्ये , प्रमोद मोर्ये, चंद्रकांत बोभाटे, स्नेहा मर्ये, संजना मर्ये, मनिप्पा आवळे, सदानंद आवळे, पूर्वा मर्ये, सौरभ बोभाटे राजेश बोभाटे प्राजक्ता मर्ये समता मर्ये आदी शिवसैनिकांचा समावेश आहे.

नांदगाव येथील श्री देव कोळंबा जत्रोत्सव ५ मे रोजी.  तयारी अंतिम टप्प्यात.  ७०० ते ८०० किलो भाकरीचे पीठ नांदगाव पंचक्रोशीत वाटप. नांदगाव (ऋषिकेश मोरजकर) सिंधुदुर्ग जिल्ह्यातील कणकवली तालुक्यात मुंबई गोवा महामार्गावर नांदगाव येथे हाकेला धावणारा आणि नवसाला पावणाऱ्या अशी ख्याती असलेल्या श्री देव कोळंबा देवाची जत्रा अवघ्या दोन दिवसांवर येऊन ठेपलेली आहे .रविवार दिनांक 5 मे 2024 रोजी हा श्री देव कोळंबाचा वार्षिक जत्रोत्सव होत आहे.      यानिमित्त कार्यक्रम सकाळी 8ते 9 पूजा विधि ,9 ते 2 मागील नवसाची फेड करणे ,12 ते 4 नविन नवस बोलणे व 4 ते रात्री 8 पर्यंत महाप्रसाद होणार आहे.       या जत्रोत्सवाला विशेष म्हणजे कोंबडा व बकरा देण्याची प्रथा आहे आणि याचे सर्वांना सायंकाळी चार नंतर मटन व भाकरी असा महाप्रसाद सर्व भक्तांना दिला जातो. हजारो भाविकांच्या या महाप्रसादासाठी लागणारी भाकरीची व्यवस्था जवळपास 700 ते 800 किलो भाकरीच्या पिठाची श्रीदेव कळंबा उत्कर्ष मंडळाच्या वतीने व्यवस्था केली असून याचे नांदगाव पंचक्रोशीत आजूबाजूच्या गावातही घरोघरी भाकरीचे पीठ वाटप केले जा...

  तिथवलीतील बुथप्रमुख विजय काडगे यांचा उबाठा गटाला जय महाराष्ट्र आमदार नितेश राणे यांच्या उपस्थितीत घेतला भाजपाचा झेंडा हाती  वैभववाडी प्रतिनिधी      तिथवली गावातील विजय शंकर काडगे यांनी उबाठा गटाला  जय महाराष्ट्र करत भाजपात प्रवेश केला आहे. तिथवली गावात उबाठा गटात बुथप्रमुख पदावर काडगे अनेक वर्ष कार्यरत होते. लोकसभा निवडणुकीच्या पार्श्वभूमीवर त्यांनी भाजपात प्रवेश केला आहे. वैभववाडी भाजपा कार्यालयात आमदार नितेश राणे यांच्या उपस्थितीत श्री काडगे यांनी प्रवेश केला आहे.      विजय घाडगे गेली अनेक वर्ष कट्टर शिवसैनिक म्हणून परिचित होते. परंतु मोदी सरकारच्या माध्यमातून झालेली प्रगती व होणारा गतीमान विकास यावर विश्वास ठेवून त्यांनी भाजपाचा झेंडा हाती घेतला आहे.      यावेळी वैभववाडी भाजपा अध्यक्ष नासीर काझी, जिल्हा बँक संचालक दिलीप रावराणे , माजी सभापती अरविंद रावराणे भालचंद्र साठे व पदाधिकारी उपस्थित होते.

भाजप हा समाजातील सर्व घटकांना सोबत घेऊन जाणारा पक्ष ;भाजप राष्ट्रीय महामंत्री, खासदार अशोक नेते. इंदू मिलच्या जागेत डॉ. बाबासाहेब आंबेडकर  स्मारक उभारण्याचा निर्णय भाजप ने घेतला. राज्यात रत्नागिरी सिंधुदुर्ग लोकसभे सह ४० हून अधिक जागा भाजप जिंकणार आदिवासीचे दैवत बिरसा मुंडा  यांचा जन्म दिवस गौरव दिन म्हणून साजरा करण्याचा निर्णय मोदींनी घेतला काँग्रसने फक्त फसवेगिरी केली. कणकवली | प्रतिनिधी   भाजप हा समाजातील सर्व घटकांनासोबत घेऊन जाणारा पक्ष आहे.आदिवासी, दलित, मुस्लिम, ख्रिश्चन अशा सर्वांना सोबत घेवून चालतो.आणि म्हणूनच देशाच्या सर्वाच्चप असलेल्या राष्ट्रपतीपदी ए. पी. जे.अब्दूल कलाम ,रामनाथ कोविंद, द्रौपदी मुर्मू यांना विराजमान केले. मुंबईतील डॉ. बाबासाहेब आंबेडकर यांच्या स्मारकाचा प्रश्न काँग्रेसने खितपत ठेवला होता. मात्र, महाराष्ट्रात देवेंद्र फडवणीस यांच्या नेतृत्वाखाली महायुतीचे सरकार स्थापन झाल्यानंतर देवेंद्र फडणवीस यांनी इंदू मिलच्या जागेत डॉ. बाबासाहेब आंबेडकर यांचा स्मारक उभारण्याचा प्रश्न मार्गी लावला. आदिवासीचे दैवत बिरसा मुंडा यांचा जन्म दिवस १५ नोव्हेंबर हा गौ...

विरोधकांनी कितीही टीका केली तरी जनता  राणेंच्या पाठीशी  कासार्डे जिल्हा परिषद मतदारसंघाच्या निर्धार सभेत आमदार नितेश राणे यांनी विरोधकांना सुनावले कणकवली (ऋषिकेश मोरजकर) :  येथील जनतेशी राणे कुटुंबांचे जिव्हाळ्याचे नाते आहे.प्रत्येक जिल्हा परिषद मतदारसंघात  जनतेशी राणे साहेब संवाद साधत आहेत. कासार्डे जिल्हा परिषद मतदारसंघ हा आमचा हक्काचा मतदारसंघ आहे. या मतदारसंघातून 90 टक्के मतदान कमळ निशाणीला होईल असा विश्वास भाजपा आमदार नितेश राणे यांनी व्यक्त केला.  कासार्डे जिल्हा परिषद मतदारसंघाची निर्धार प्रचार सभा लोकसभेचे उमेदवार केंद्रीयमंत्री नारायण राणे यांच्या प्रमुख उपस्थितीत पार पडली. यावेळी आमदार नितेश राणे बोलत होते. यावेळी भाजपा तालुकाध्यक्ष संतोष कानडे, मिलिंद मेस्त्री, माजी जि प सदस्य संजय देसाई, पंढरी वायंगणकर, प्रकाश पारकर, भाजपा महिला तालुकाध्यक्ष हर्षदा वाळके, उपतालुकाध्यक्ष पूजा जाधव, माजी पं स सभापती भाग्यलक्ष्मी साटम, नांदगाव सरपंच भाई मोरजकर, ओटव सरपंच रुहिता तांबे, कासार्डे सरपंच निशा नकाशे, दारूम सरपंच तेजस्वी लिंगायत, तोंडवली बावशी सरपंच मनाली गुरव...

प्रत्येकाचे दरडोई उत्पन्न साडेतीन लाखा पेक्षा जास्त करणार;महायुतीचे उमेदवार नारायण राणे  दोडामार्ग सावंतवाडी कुडाळ आणि कणकवली सह वैभववाडी मध्ये 500 पेक्षा जास्त कारखाने आणणार मी आणलेल्या कोकण विकासाच्या प्रकल्पांना उध्दव ठाकरे यांनी कमिशन घेवून विरोध केला. उमेदवार नारायण राणे यांचा कासार्डे जिल्हा परिषद मतदारसंघाच्या प्रचार सभेत घणाघात कणकवली (सिंधुदुर्ग today न्यूज) :  उद्योजक घडवण्यासाठी,मोठ्या पगाराच्या नोकऱ्या मिळण्यासाठी युवकांना तांत्रिक प्रशिक्षण सिंधुदुर्ग जिल्ह्यात दिले जाणार आहे.त्यासाठी 200 कोटींचे टेक्निकल ट्रेनिंग सेंटर कुडाळ तालुक्यातील ओरोस मध्ये उभारत आहे. दोडामार्ग कुडाळ आणि कणकवली सह वैभववाडी मध्ये  500 पेक्षा जास्त कारखाने आणणार आहे. हॉस्पिटलमध्ये लागणाऱ्या उपकरणांचे कारखाने दोडामार्ग ला उभारणार आहे. फळप्रक्रिया उद्योग आणणार आणला जाणार आहे.२०२५ पर्यंत  येथील जनतेच्या जीवनात आमूलाग्र असा प्रगत विकास करून प्रत्येकाचे वार्षिक दरडोई उत्पन्न तीन ते साडेतीन लाखा पेक्षा जास्त असेल असा विकास करणार असे आश्वासन महायुतीचे उमेदवार नारायण राणे यांनी दिला. कोकणा...