सिंधुदुर्ग Today डिजिटल न्यूज चॅनेल

ओटव धरणातून प्रस्तावित कालव्याच्या मागणीची प्रशासनाने घेतली दखल ओटव धरणातून प्रस्तावित नांदगाव – असलदे कालव्याचे काम तातडीने करण्याचे आदेश  जनता दरबारातून असलदे सोसायटी चेअरमन भगवान लोके यांनी केली होती मागणी. सिंधुदुर्ग ( ऋषिकेश मोरजकर)  ओटव धरणातून प्रस्तावित कालव्याच्या कामाच्या मागणीची प्रशासनाने दखल घेतली असून ओटव धरणातून प्रस्तावित नांदगाव – असलदे कालव्याचे काम तातडीने करण्याचे आदेश जिल्हाधिकारी किशोर तावडे यांनी संबंधित विभागाला दिले आहेत. याबाबत ओरस येथे झालेल्या जनता दरबारातून असलदे सोसायटी चेअरमन भगवान लोके यांनी मागणी केली होती. त्या मागणी ला यश मिळाले आहे.               सिंधुदुर्ग जिल्ह्याचे पालकमंत्री रविंद्र चव्हाण यांनी जनता दरबार 12 ऑगस्ट 2024 रोजी ओरोस येथील जिल्हा नियोजनच्या सभागृहात आयोजित केला होता.  या जनता दरबारात ओटव धरणातून प्रस्तावित नांदगाव – असलदे कालव्याचे काम तातडीने करावे. त्या कालव्याचा असलदे गावातील शेतक-यांसाठी लाभ होईल. त्या कालव्याचे नियोजन करावे , अशी मागणी लेखी प्रत्राद्वारे केली होती. त्या अनुषंगाने जिल्हाधिकारी किशोर तावडे यांनी संबंधित कालव्याच्य

नांदगाव येथे उद्या रक्तदान शिबिर सर्पमित्र इंडिया सिंधुदुर्ग व सिंधू रक्त मित्र प्रतिष्ठान सिंधुदुर्ग तर्फे आयोजन  नांदगाव (ऋषिकेश मोरजकर ) सर्पमित्र इंडिया सिंधुदुर्ग व सिंधू रक्त मित्र प्रतिष्ठान सिंधुदुर्ग  यांच्या संयुक्त विद्यमाने भव्य रक्तदान शिबिर उद्या शनिवार दिनांक 31 ऑगस्ट 2024 रोजी सकाळी 9 ते 12 वाजेपर्यंत नांदगाव प्राथमिक आरोग्य केंद्र येथे आयोजित करण्यात आलेले आहे. तरी इच्छुक रक्तदात्यांनी रक्तदान शिबिराला उपस्थित राहून सहकार्य करावे असे आवाहन आयोजकांतर्फे करण्यात आलेले आहे. 

"शिवसेना नेते खासदार श्री.संजय राऊत उद्या सिंधुदुर्ग दौऱ्यावर" संदेश पारकर पारकर यांची माहिती कणकवली /प्रतिनिधी   शिवसेना नेते खासदार श्री.संजय राऊत हे मालवण राजकोट येथे छत्रपती शिवाजी महाराज यांच्या पुतळ्याची पाहणी करण्यासाठी उद्या शुक्रवार दिनांक 30 ऑगस्ट 2024 रोजी सिंधुदुर्ग जिल्ह्यामध्ये येणार असून त्यांचा नियोजित दौरा खालीलप्रमाणे आहे.सकाळी १०.०० वा.,चिपी विमानतळ येथे आगमन.सकाळी १०.३० वा.मालवण राजकोट येथे छत्रपती शिवाजी महाराज यांच्या पुतळ्याच्या जागेची पाहणी. सकाळी ११.०० वा.कोळंब ता. मालवण येथे समर्थ मंगल कार्यालय येथे शिवसैनिकांचा मेळावा. दुपारी २.०० वा.मालवण शासकीय विश्रामगृह येथे पत्रकार परिषद.तरी सिंधुदुर्ग जिल्ह्यातील तमाम शिवप्रेमी, शिवसेना, युवासेना, महिला, महाविकास आघाडीच्या सर्व पदाधिकारी व कार्यकर्त्यांनी मोठ्या संख्येने उपस्थित रहावे असे आवाहन उबाठा सेनेचे जिल्हाप्रमुख संदेश पारकर यांनी केले आहे..        

नांदगाव येथील व्यापारी वामन म्हसकर यांच्या दुकानावर भले मोठे वृक्ष पडून ७० हजारांचे नुकसान. नांदगाव (ऋषिकेश मोरजकर) कणकवली तालुक्यातील नांदगाव वाघाची वाडी येथे आज झालेल्या मुसळधार पावसाने नांदगाव वाघाची वाडी येथील व्यापारी  वामन धोंडू म्हसकर यांच्या असलेल्या दुकान घरावर  भले मोठे वृक्ष कोसळून मोठ्या प्रमाणात नुकसान झालेले आहे. ही घटना आज सायंकाळी ६.४५ च्या सुमारास घडली आहे.       सदर घटना सायंकाळी पाचच्या सुमारास घडली घटनेची माहिती मिळताच भाजपा माजी तालुकाध्यक्ष संतोष कानडे, तालुका सरचिटणीस पंढरी वायंगणकर,नांदगाव सरपंच भाई मोरजकर, व्यापारी संघटना अध्यक्ष पप्पी सापळे, , विठोबा कांदळकर राजु खोत, माजी सरपंच पंढरी पारकर,संजय पाटील, मंगेश परब , तलाठी सुदर्शन अलकुटे आदींनी भेट देत माहिती घेतली. या नुकसानीची पंचनामा तलाठी अलकुटे यांनी केला आहे. एकूण 70,000 हजार रुपये नुकसान झाले आहे.

सोशल मीडियामुळे मराठी कविता उथळ होत गेली नांदगाव मोरजकर चॅरिटेबल ट्रस्ट काव्य पुरस्कार सोहळ्यात कवी अजय कांडर यांचे प्रतिपादन साताऱ्याच्या कवयित्री मनीषा शिरटावले यांना कविवर्य नारायण सुर्वे काव्य पुरस्कार प्रदान कणकवली / प्रतिनिधी     आजच्या सोशल मीडियाच्या काळात मराठी कविता अधिक उथळ होत गेली असताना गंभीरपणे काव्य लेखन करणाऱ्या कवींना नांदगाव किशोर मोरजकर चॅरिटेबल ट्रस्टतर्फे कविवर्य नारायण सुर्वे आणि कविवर्य वसंत सावंत काव्य पुरस्कार देऊन गौरविण्यात येत आहे; ही महत्त्वाची सांस्कृतिक घटना आहे. आता साहित्यासह सर्वच कला संस्कृतीच सपाटीकरण वाढत जात असतना गंभीरपणे सांस्कृतिक काम करणाऱ्या माणसांच्या मागे चांगल्या रसिकांनी राहिले पाहिजे. असे प्रतिपादन नामवंत कवी आणि स्तंभलेखक अजय कांडर यांनी तोंडवली येथे केले.      नांदगाव किशोर मोरजकर चॅरिटेबल ट्रस्टतर्फे देण्यात येणारा कविवर्य नारायण सुर्वे आणि कविवर्य वसंत सावंत काव्य पुरस्कार सोहळा कवी कांडर यांच्या अध्यक्षतेखाली तोंडवली सिंधुदुर्ग एज्युकेशन सोसायटीच्या संकुलात आयोजित करण्यात आला. यावेळी बोलताना कांडर यांनी नांदगाव सारख्या छोट्या भागात

मोरजकर चॅरिटेबल ट्रस्टचा काव्य पुरस्कार वितरण सोहळा तोंडवली येथे २२ रोजी कवी अजय कांडर, कवी मधुकर मातोंडकर यांच्या हस्ते पुरस्काराचे वितरण ट्रस्टचे अध्यक्ष ऋषिकेश मोरजकर यांची माहिती कणकवली /प्रतिनिधी       नांदगाव किशोर मोरजकर चॅरिटेबल ट्रस्टतर्फे या वर्षीपासून कविवर्य नारायण सुर्वे आणि कविवर्य वसंत सावंत काव्य पुरस्काराचे आयोजन करण्यात आले आहे.यावर्षीच्या सदर काव्य पुरस्काराचा वितरण सोहळा नामवंत कवी तथा प्रसिद्ध स्तंभ लेखक अजय कांडर यांच्या अध्यक्षतेखाली गुरवारी २२ ऑगस्ट रोजी स. १०वा.सिंधुदुर्ग एज्युकेशन सोसायटी शिक्षण संकुल तोंडवली - बोभाटेवाडी येथे आयोजित करण्यात आला आहे.यावेळी प्रमुख पाहुणे म्हणून समाज साहित्य प्रतिष्ठान सिंधुदुर्गचे अध्यक्ष मधुकर मातोंडकर यांना निमंत्रित करण्यात आले असल्याची माहिती मोरजकर चॅरिटेबल ट्रस्टचे अध्यक्ष ऋषिकेश मोरजकर यांनी दिली.    यावेळी सातारा येथील कवयित्री मनीषा शिरटावले यांनाकविवर्य नारायण सुर्वे काव्य पुरस्कार तर वर्धा येथील कवी आशिष वरघणे यांना कविवर्य वसंत सावंत काव्य पुरस्कार प्रदान करण्यात येणार आहे. कार्यक्रमाला सिंधुदुर्ग एज्युकेशन सोसायटीच

कासार्डेत प्रमोद जठार मित्रमंडळाच्यावतीने १,११,१११ ची भव्य दहीहंडी  ऋषिकेश मोरजकर| कणकवली            सिंधुदुर्ग जिल्ह्यातील मानाची दहीहंडी समजल्या जाणाऱ्या  कणकवली तालुक्यातील कासार्डे येथील भाजपा प्रदेश चिटणीस   तथा माजी आमदार प्रमोद जठार मित्रमंडळाच्यावतीने मंगळवार   दि. २७ ऑगस्ट  २०२४ रोजी दुपारी २ ते रात्रौ १० या वेळेत गोपाळकाल्यानिमित्त कासार्डे तिठा येथील महामार्गनजीक  पटांगणामध्ये भव्य  दहीहंडीचे आयोजन करण्यात आले आहे या कार्यक्रम प्रसंगी  मा. केंद्रीय मंत्री  तथा  रत्नागिरी - सिंधुदुर्ग  लोकसभा मतदार संघाचे  खासदार  नारायणराव राणे, सार्व.बांधकाम मंत्री  तथा  पालकमंत्री  रवींद्र चव्हाण , भाजप  प्रदेश   सचिव निलेश राणे, आमदार नितेश राणे, भाजपा जिल्हाध्यक्ष प्रभाकर सावंत , रत्नागिरी जिल्हाध्यक्ष राजेश सावंत  आदी नेत्यांसह  भाजपा  प्रदेश चिटणीस  तथा माजी आमदार प्रमोद जठार व दोन्ही  जिल्हयातील  विविध भाजपचे मान्यवर नेते पदाधिकारी - कार्यकर्ते व गाव मानकऱ्यांच्या उपस्थितीत  रु १,११,१११ रकमेच्या  भव्य दहीहंडी उत्सवाचे आयोजन करण्यात आले आहे. या मंडळाचे हे नॉनस्टॉप  १२  वे वर्ष असून याव

कवी अजय कांडर यांच्या काव्यसंग्रहावरील 'ओल अनमोल आवानओल' समीक्षा ग्रंथ प्रकाशित ज्येष्ठ कवयित्री प्रा.डॉ. शरयू आसोलकर यांचे संपादन कणकवली/प्रतिनिधी          कवी अजय कांडर यांच्या शब्दालय प्रकाशनाने प्रकाशित केलेल्या बहुचर्चित 'आवानओल ' काव्यसंग्रहावरील 'ओल अनमोल आवानओल ' हा समीक्षा ग्रंथ अक्षयवाड:मय प्रकाशन पुणेतर्फे प्रकाशित करण्यात आल्या आहे. मराठी साहित्याच्या ज्येष्ठ अभ्यास प्रसिद्ध कवयित्री प्रा.डॉ.शरयू आसोलकर यांनी हा समीक्षा ग्रंथ संपादित केला असून कवी अजय कांडर यांच्या कवितेतीलवरील हा प्रसिद्ध झालेला तिसरा समीक्षा ग्रंथ आहे.       ज्येष्ठ लेखक मधू मंगेश कर्णिक, ज्येष्ठ समीक्षक प्रा वसंत पाटणकर, प्रा तारा भवाळकर, प्रा शोभा नाईक, प्रा नंदकुमार मोरे, अनंत मनोहर, प्रफुल शिलेदार, प्राचार्य गोविंद काजरेकर, वीरधवल परब, नामदेव गवळी, गणेश वसईकर, भालचंद्र दिवाडकर, संध्या तांबे, धम्मपाल रत्नकर,, डॉ विद्यालय करंदीकर, प्रा संजीवनी पाटील, प्रा देवानंद सोनटक्के, भालचंद्र दिवाडकर आधी 18 समीक्षकांनी लिहिलेल्या समीक्षा लेखनाचा या ग्रंथात समावेश आहे. तर ज्येष्ठ पत्रकार राज

असलदे गावाला स्वतंत्र तलाठी मिळाल्याने शेतकरी व नागरिकांना सोयीचे होईल – भगवान लोके  असलदे ग्रामस्थांच्यावतीने नुतन तलाठी माधुरी काबरे यांचा सत्कार ; असलदे ग्रामपंचायत मध्ये स्वातंत्र्य दिन उत्साहात  कणकवली दि. १५ ऑगस्ट - प्रतिनिधी  असलदे गावात स्वतंत्र निर्माण झालेल्या सजेवर तलाठी मिळावी या मागणीसाठी सातत्याने प्रांताधिकारी , तहसिलदार यांच्याकडे पाठपुरावा करत होतो. गेल्या १५ दिवसांपूर्वी गावातील शेतकरी व ग्रामस्थांनी प्रांताधिका-यांना निवेदन देत आंदोलनाचा इशारा दिला होता. प्रशासनाने त्याची दखल घेवून असलदे सजेसाठी नुतन तलाठी माधुरी काबरे यांना नियुक्ती दिली आहे. आपल्या गावात स्वातंत्र्य दिनादिवशी तलाठी हजर होत आहेत हा चांगला योगायोग आहे. तलाठी माधुरी काबरे या पुढील काळात गावात सेवा देणार असल्यामुळे  शेतकरी , नागरीकांना सोयीचे होणार असल्याचे मत असलदे सोसायटी चेअरमन भगवान लोके यांनी व्यक्त केला.  असलदे ग्रामपंचायत येथे स्वातंत्र्य दिनानिमित्त ध्वजारोहन , लहान मुलांचे गीत गायन कार्यक्रम पार पडला तसेच असलदे ग्रामस्थांच्यावतीने नुतन तलाठी माधुरी काबरे यांचा सत्कार सरपंच चंद्रकांत डामरे , सो

नांदगाव तिठा उर्दू प्रशालेची तिरंगा रॅली नांदगाव (ऋषिकेश मोरजकर) १५ ऑगस्ट भारत स्वतंत्र्याच्या पूर्वसंध्येला कणकवली तालुक्यातील नांदगाव येथील उर्दू जिल्हा परिषद प्राथमिक शाळा नांदगाव तिठा प्रशालेच्या विद्यार्थ्यांनी तिरंगा रॅली नांदगाव तिठा उर्दू शाळा ते नांदगाव बाजारपेठ मधून पुन्हा शाळा अशी तिरंगा रॅली संपन्न झाली.        भारत माता की जय, वंदे मातरम्,जय जवान जय किसान आदी घोषणा दिल्या .यावेळी नांदगाव सरपंच रविराज मोरजकर, उपसरपंच इरफान साटविलकर,शाळा व्यवस्थापन समिती अध्यक्ष अल्लाउद्दीन बोबडे, फकरुद्दीन साटविलकर, ग्रामविकास अधिकारी आर.डी. सावंत , रज्जाक बटवाले, निरज मोरये,ताजुद्दीन पाटणकर ,बाळा मोरये ,प्रणय तांबे, इक्बाल नावलेकर, आदी पालक, शाळा व्यवस्थापन समिती उपाध्यक्ष व सर्व सदस्य,शिक्षक वृंद तसेच पालक सहभागी झाले होते.

आमदार नितेश राणे याचे मतदारसंघातील काम अतिशय चांगले,शिक्षण मंत्री केसरकर यांचेकडून कौतुक विजयदुर्ग किल्ल्याजवळ आमदार नितेश राणे  आणत आहेत अतिशय सुंदर प्रकल्प शिक्षण मंत्री दीपक केसरकर यांनी दिली माहिती ऋषिकेश मोरजकर |कणकवली छत्रपती शिवाजी महाराजांचं नेवल हेडकॉटर म्हणजे नाविक दलाची राजधानी ही विजयदुर्ग होती. त्या विजयदुर्ग किल्ल्याजवळ लवकरात लवकर अतिशय सुंदर प्रकल्प होणार आहे. त्याच सर्व श्रेय कणकवली - देवगड - वैभववाडी चे आमदार नितेश राणे यांना जातं. त्या ठिकाणी छत्रपती शिवाजी महाराजांचे स्मारक होणार आहे. तसेच नवदल प्रमुख कान्होजी आंग्रे यांचे स्मारक होणार आहे पर्यटकांसाठी ज्या सुविधा पाहिजेत त्या विजयदुर्ग किल्ल्यावर त्या ठिकाणी निर्माण होत आहेत.अशी माहिती शिक्षण मंत्री दीपक भाई केसरकर यांनी दिली. ते म्हणाले,आमदार नितेश राणे आपल्या मतदारसंघात अतिशय चांगल्या प्रकारे काम करत आहेत. त्यांचं काम हे कौतुकास्पद असल्याचे उद्गार शिक्षण मंत्री दीपक केसरकर यांनी काढले. कणकवली येथे आयोजित एका कार्यक्रमावेळी ते  माध्यमांशी बोलत होते.     पुढे म्हणाले, मच्छीमारांसाठी अतिशय चांगलं काम सुरू आहे. पर्यट

  संविधान जागर यात्रेनिमित्त कणकवलीत उद्या ११ ऑगस्टला सभा संविधार जागर समितीच्यावतीने नामदेव जाधव यांची माहीती   संविधान प्रबोधनासाठी होणार छत्रपती शिवाजी महाराज चौक येथे सभा कणकवली प्रतिनिधी  संविधान बदलणार असा अपप्रचार करून दिशाभूल करणाऱ्या व्यवस्थेला उघडे पाडण्यासाठी आणि संविधानाचे प्रबोधन करण्यासाठी कणकवलीत ११ ऑगस्टला रोजी  १० वाजता छत्रपती शिवाजी महाराज चौक येथे संविधान जागर सभेचे आयोजन करण्यात आले आहे.अशी माहिती संविधार जागर समितीच्यावतीने नामदेव जाधव यांनी दिली.    महाराष्ट्र राज्यातील फुले-शाहू-आंबेडकरी व अण्णा भाऊ साठे यांच्या विचारांवर कार्यरत सुमारे २५०संघटना, संस्था व मंडळे यांनी एकत्र येऊन अनेक बैठकाद्वारे चिंतन करून "संविधान जागर समिती, महाराष्ट्र" ची स्थापना केली आहे. भारतीय संविधानाच्या अमृत महोत्सवानिमित्त "सत्याग्रही भूमी महाड ते चैत्यभूमी - दादर मुंबई" अशी "संविधान जागर यात्रा २०२४" शुक्रवार दि. ९ ऑगस्ट २०२४ रोजी ऑगस्ट क्रांती दिनी सुरु झाली आहे. ही यात्रा कणकवलीत ११ ऑगस्ट ला येणार असून छत्रपती शिवाजी महाराज चौक येथे संविधान प्रबोधन सभा

सामाजिक कार्यकर्ते, ज्येष्ठ पत्रकार सुरेश कराळे यांचे निधन कणकवली/प्रतिनिधी        कासार्डे येथील ज्येष्ठ ग्रामस्थ आणि साने गुरुजी स्मारक अनुवाद सुविधा केंद्राचे संचालक तसेच स्मारकाचे माजी कार्याध्यक्ष, ज्येष्ठ पत्रकार सुरेश कराळे (६६) यांचे अल्पशा आजाराने निधन झाले.      कराळे कासार्डे गावी आणि मुंबई येथे राहून सामाजिक सांस्कृतिक कामात कार्यरत असत. सुमारे 45 वर्ष ते पत्रकार म्हणून त्यांनी विविध दैनिकांत काम केले. सध्या ते दैनिक गावकरीचे मुंबईचे प्रतिनिधी म्हणून कार्यरत होते. आपल्या पत्रकारितेच्या दीर्घ कालावधीमध्ये त्यांनी शोषित घटकांना सतत न्याय मिळवून दिला. सामाजिक प्रश्नांवर सडेतोडपणे लिहिणे आणि त्या प्रश्नांना वाचा फोडणे या दृष्टीने कराळे यांनी पत्रकारिता कायम केली. राष्ट्र सेवा दलाचे पहिल्या फळीतील ते कार्यकर्ते होते. राष्ट्र सेवा दलाची शिबिरे भरविणे, त्यासाठी संघटन उभे करणे आणि राष्ट्र सेवा दलामध्ये तरुणांना सहभागी करून घेणे यासाठी त्यांनी कायम अग्रेसर भूमिका घेतली. कोकणात साने गुरुजींचे स्मारक व्हाव यासाठी ते सतत प्रयत्नशील राहिले आणि माणगाव वडघर येथे साने गुरुजींचे स्मारक जे उ

" माझी लाडकी बहीण" योजनेत आमदार नितेश राणे यांचा मतदारसंघ पहिल्या नंबरवर जिल्ह्यात सर्वाधिक जास्त ४९ हजार ५९७ प्रकरणे कणकवली मतदारसंघातून मंजूर     ऋषिकेश मोरजकर (कणकवली) मुख्यमंत्री माझी लाडकी बहीण योजनेत सिंधुदुर्ग जिल्ह्यातून 1 लाख 36 हजार 527 प्रकरणे मजूर झाली आहेत. या मंजूर प्रकरणाच्या  संख्येत  आमदार नितेश राणे यांच्या कणकवली विधानसभा मतदार संघात  सर्वात जास्त म्हणजे ४९ हजार ५९७  प्रकरणे मंजूर झाली आहेत.या तुलनेत कुडाळ आणि सावंतवाडी विधानसभा मतदार संघातील  प्रकरणे कमी आहेत.आमदार नितेश राणे यांनी मतदार संघातील कणकवली, देवगड,वैभववाडी या तिन्ही तालुक्यांमध्ये अधिकारी,लोकप्रतिनिधी आणि सरपंच, ग्रामसेवक यांची संयुक्त बैठक घेऊन माझी लाडकी बहीण योजनेत जास्तीत जास्त पात्र महिला भगिनींना सहभागी करून घेण्यासाठी उद्दिष्ट दिले होते. त्याची पूर्तता झाल्याचे दिसून आले आहे.  मुख्यमंत्री माझी लाडकी बहीण योजनेत कुडाळ विधानसभा मतदार संघातून 43 हजार 989, प्रकरणे मंजूर झाले आहेत. तर सावंतवाडी विधानसभा मतदार संघातून 42 हजार 941 प्रकरणे मंजूर झालेले आहे. सिंधुदुर्ग जिल्ह्यात लोकसंख्येत सर्वाध

असलदे शिवाजीनगर येथील भाजी विक्रेती लक्ष्मी रेवडेकर यांचे निधन  कणकवली प्रतिनिधी  कणकवली तालुक्यातील असले शिवाजीनगर येथील भाजी विक्रेती व्यापारी लक्ष्मी यशवंत रेवडेकर वय 67 यांचे नुकतेच निधन झाले आहे. गेल्या पंधरा दिवसांपासून त्या आजारी होत्या.        लक्ष्मी रेवडेकर यांनी नांदगाव येथे कित्येक वर्षापासून आपल्या कुटुंबांचा उदरनिर्वाह केला होता. कित्येक वर्षापासून त्यांना भाजी व्यवसायीक म्हणून ओळख निर्माण झाली होती. एका हाताने अपंग असल्या तरी त्यांची व्यवसाय मध्ये चिकाटी होती. त्यांच्या पतीचेही अकाली निधन कमी वयात झाले होते ‌. तसेच त्यांच्या एकूलता एक मुलाचेही अपघाती निधन झाले होते. नांदगाव येथील स्टॉल गेल्यावरही त्यांनी आपला भाजी व्यवसाय असलदे शिवाजीनगर येथील घराशेजारीच सुरू केला होता. त्यांच्या व्यवसायात त्यांचा भाऊ यांनी त्यांना साथ दिली होती. त्यांच्या पश्चात विवाहित  मुलगी नातू ,भाऊ ,तिनं बहिणी असा परिवार आहे .तिच्या निधनाने सर्वत्र हळहळ व्यक्त करण्यात येत आहे.

"तुमचा लाडका आमदार तुमच्या दारी" कुणकेश्वर येथून श्रावण महिन्याच्या पहिल्या सोमवारी सुरू करणार अभियान.  कणकवली (ऋषिकेश मोरजकर) कणकवली देवगड व वैभववाडी मतदारसंघाचे लोकप्रिय आमदार श्री नितेश राणे हे श्रावण महिन्याच्या पहिल्या सोमवारच्या पवित्र दिवशी श्री देव कुणकेश्वराची पूजा करून  "तुमचा लाडका आमदार तुमच्या दारी" या आपल्या जनसंपर्क मोहिमेला सुरुवात करणार आहेत. आपल्या आमदारकीच्या दहा वर्षाच्या कालावधीत विकास कामांचा लेखाजोखा या निमित्ताने जनतेसमोर मांडला जाणार असून जनतेच्या समस्या व अपेक्षा जाणून घेतल्या जाणार आहेत या काळात तीन तालुक्यातील गावांना भेटी देण्याचे उद्दिष्ट ठेवण्यात आले असून कणकवली देवगड व वैभववाडी तालुक्यातील सर्व भारतीय जनता पार्टीच्या पदाधिकारी व कार्यकर्त्यां समवेत मतदारसंघातील जनतेशी संवाद साधून आशीर्वाद घेतले जाणार आहेत.

अखेर नांदगाव तिठा व ओटवफाटा ब्रिज खालून सर्व लोकल एसटी यायला सुरुवात. नांदगाव सरपंच भाई मोरजकर यांच्या सहीत शिष्टमंडळाला मिळाले यश  कणकवली प्रतिनिधी  कणकवली तालुक्यातील मुंबई गोवा मार्गावरील नांदगाव तिठा व ओटवफाटा ब्रिज खालून अखेर सर्व लोकल एसटी यायला सुरुवात  झाली असून नांदगाव सरपंच भाई मोरजकर यांच्या सहीत शिष्टमंडळाने विभाग वाहतूक नियंत्रक अभिजित पाटील यांची भेट घेत चर्चा केली होती.यानंतर लागलीच दुसऱ्या दिवशी पासूनच ब्रिज खालून यायला सुरुवात झाली असल्याने समाधान व्यक्त केले आहे.        याबाबत अधिक माहिती अशी की, नांदगाव ओटवफाटा ब्रिज खाली असलेल्या मध्यवर्ती प्राथमिक आरोग्य केंद्रात जवळपास 25 गावातील रुग्ण येत असतात अशा वेळी रुग्णांना   मुंबई गोवा हायवेचे चौपदरीकरण झाल्यानंतर नांदगाव तिठा व ओटव फाटा येथे उड्डाण पुल बांधण्यात आल्यामुळे ब-याच एसटी महामंडळाच्या बसेस प्रवासी असताना सुध्दा उड्डाण पुलावरुन जातात . त्यामुळे प्रवाशांची गैरसोय होत आहे. नांदगाव ओटव फाटा येथे 25 गावांचे प्राथमिक आरोग्य केंद्र असल्याने अनेक वयोवृध्द रुग्ण या बस ने येत असतात त्यांना विनाकारण पायपीट करावी लागते. या

उप मुख्यमंत्री फडणवीस यांचे नाव पुसण्यासाठी उद्धव ठाकरेना शंभर जन्म घ्यावे लागतील भाजप प्रवक्ते,आमदार नितेश राणे यांची घनाघाती टीका आमची कार्यकर्त्यांची भिंत आधी ओलांडा  मग फडणवीस यांचेवर बोलण्याची हिम्मत करा  मुलांना वेळेत सुधारले असते तर धमकी आणि टपोरी भाषा करण्याची वेळ उद्धव ठाकरे यांच्यावर आली नसती. राजपूत चा खून झाला त्याच सीसी फुटेज महाविकास आघाडीच्या एका मोठ्या नेत्याकडे   कणकवली प्रतिनिधी  भाजप नेते,उपमुख्यमंत्री देवेंद्र फडणवीस यांच्यापुढे आमच्यासारख्या कार्यकर्त्यांची एक भिंत उभी आहे. उद्धव ठाकरे यांच्यात खरंच हिम्मत असेल तर प्रथम आमची ही भिंत ओलांडून पुढे जावून दाखवावे. त्यानंतरच फडणवीस साहेबांवर बोलावे. "मी राहीन की तू राहीन.." असे इशारे देण्यापेक्षा पोलिसांच्या गराड्यातून बाहेर या. महाराष्ट्राच्या राजकारणातून देवेंद्र फडणवीस यांचे नाव पुसण्यासाठी उद्धव ठाकरे तुम्हाला शंभर जन्म घ्यावे लागतील असा इशारा भाजप प्रवक्ते आमदार नितेश राणे यांनी दिला.ते कणकवली येथे ओम गणेश निवासस्थानी पत्रकारांशी बोलत होते. यावेळी आमदार नितेश राणे म्हणाले, एका महिलेच्या हत्येतील आणि सामूह