सिंधुदुर्ग Today डिजिटल न्यूज चॅनेल

कोळोशी वरची वाडी येथील १०६ वर्षांचे पर्शुराम खरात यांचे निधन  नांदगाव/ वार्ताहर       कोळोशी वरची वाडी येथील पर्शुराम खरात (१०६) यांचे नुकतेच वृद्धापकाळाने निधन झाले. आजूबाजूच्या कमीत कमी १० ते १५ गावातील जंगलातील वाटा त्यांच्या पाया खालच्या होत्या.मात्र एवढी वर्षे जंगलात शेळ्या चरायला नेऊन सुद्धा कधी पायात चप्पल या व्यक्तिने वापरले नाही.तर येता जाताना ते पुढे लागले की शेळ्या एका ओळीत त्यांच्या मागून चालायच्या हि खासियत होती.त्यांना दोन मुलगे,पाच मुली, सुना,जावई, नातवंडे पंतवंडे असा परिवार आहे.

पालकमंत्री नितेश राणे रविवार ३० ऑगस्ट रोजी सिंधुदुर्ग दौऱ्यावर. कणकवली ओमगणेश निवासस्थानी सायंकाळी ४ वाजता घेणार जनतेच्या गाठीभेटी. कणकवली /प्रतिनिधी  राज्याचे मत्स्यव्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री नामदार नितेश राणे हे  रविवारी ३० ऑगस्ट रोजी सिंधुदुर्ग जिल्ह्याच्या दौऱ्यावर येत आहेत.यावेळी ते कणकवली येथील ओमगणेश निवासस्थानी सायंकाळी ४ वाजता  जनतेच्या गाठीभेटी घेणार आहेत. तसेच नियोजित असलेल्या विविध कार्यक्रमांना ते उपस्थित राहणार आहेत.

लेखन कार्यशाळेतून आलेले भान हे जीवनाचेही भान असते- डॉ. अनिल फराकटे. कणकवली महाविद्यालयाच्या लेखन कार्यशाळेला डॉ. सई लळीत यांचेही मार्गदर्शन. कणकवली/ प्रतिनिधी          वाङ्ममय लेखन कार्यशाळेसारख्या उपक्रमांची आज नितांत गरज आहे. अशा उपक्रमांमुळे संवेदनशील वयातील विद्यार्थी ललित साहित्याशी जोडले जातात. लेखन कार्यशाळेतून आलेले भान हे जीवनाचेही भान असते असे प्रतिपादन प्रसिद्ध स्तंभ लेखक आणि कथाकार प्रा. डॉ. अनिल फराकटे यांनी केले.         कणकवली कॉलेजमध्ये कनक नियतकालिक विभागातर्फे जिल्हास्तरीय वाङ्मय लेखन कार्यशाळा आयोजित करण्यात आली.यात ‘कथात्म वाङ्ममय’ या विषयावर प्रा. फारकटे यांनी मार्गदर्शन केले. वाङ्ममय लेखन सत्राच्या अध्यक्षस्थानी ‘कनक’चे संपादक डॉ. सोमनाथ कदम होते.तर याच वेळी ललित लेखन या विषयावर मार्गदर्शन ललित लेखिका डॉ. सई लळीत यांनी केले. यावेळी प्राचार्य युवराज महालिंगे, कविता लेखन सत्राचे मार्गदर्शक कवी अजय कांडर, माजी राजपत्रित अधिकारी सतीश लळीत,पर्यवेक्षक महादेव माने, डॉ.सुरेश पाटील,प्रा. सीमा हडकर, प्रा. स्वीटी जाधव, प्रा. दीपा त...

तोंडवली - बावशी तंटामुक्त गाव समिती अध्यक्ष पदी हेमंत कांडर. कणकवली प्रतिनिधी  कणकवली तालुक्यातील तोंडवली बावशी गृप ग्रामपंचायत महात्मा गांधी तंटामुक्त गाव समिती अध्यक्षपदी हेमंत सुरेश कांडर यांची बिनविरोध निवड झाली आहे.       यावेळी सरपंच सौ. मनाली गुरव,उप सरपंच दिनेश कांडर,  ग्रामपंचायत अधिकारी चव्हाण, बुवा संतोष मिराशी,तात्या निकम,आबू मेस्त्री, चंद्रकांत बोभाटे,प्रमोद शेटये, प्रल्हाद कुडतरकर पो पाटील- श्री समिर मयेकर ,कल्पना कांडर,श्री तेली ,संजय नाडकर्णी तसेच अंगणवाडी सेवीका व ग्रामस्थ उपस्थित होते.

श्री स्वामी समर्थ मठ हडपिड येथे श्रावण गुरुवार निमित्त १०१ स्वामी भक्तांचा सामूहिक महाअभिषेक. कणकवली /प्रतिनिधी  श्री स्वामी समर्थ मठ हडपिड येथे श्रावण गुरुवार निमित्त १०१ स्वामी भक्तांचा सामूहिक महाअभिषेक सोहळा आयोजित करण्यात आला होता. भक्तीमय वातावरणात अभिषेक करण्यात आला. यावेळी अध्यक्ष प्रभाकर राणे  विनोद आईर दिलीप आईर प्रदीप हरमलकर विजय राणे सचिन अदम अनिल नरे शिवलिंग जंगम व असंख्य स्वामी भक्त उपस्थित होते

चांगल्या साहित्याचा निकष पुरस्काराने ठरत नसतो - कवी अजय कांडर. कणकवली महाविद्यालयाच्या लेखन कार्यशाळेला उत्स्फूर्त प्रतिसाद. कणकवली/ प्रतिनिधी      चांगल्या कवितेसाठी कवितेचे तंत्र महत्त्वाचं नसून कवितेचा आशय महत्वाचा ठरतो.कवितेचे तंत्र शिकून चांगली कविता लिहिता येत नाही. त्याचप्रमाणे कोणत्याही चांगल्या साहित्याचा निकष साहित्यिकाला मिळालेल्या पुरस्काराने ठरत नाही. तर चांगला अभिजीत वाचक ज्या साहित्याला मिळतो ते लेखन उत्तम समजावे.यामुळे नव्या कवीनी कोणत्याही प्रकारचं साहित्य लेखन करताना लेखन ही आपल्या अभिव्यक्तीची गरज आहे, या जाणिवेतूनच लेखन करावे असे प्रतिपादन नामवंत कवी आणि प्रसिद्ध स्तंभ लेखक अजय कांडर यांनी येथे केले.      कणकवली महाविद्यालयाच्या कणक नियतकालिक विभागातर्फे कविता ललित आणि कथा साहित्य प्रकाराची कार्यशाळा महाविद्यालयाच्या एचपीसीएल सभागृहात आयोजित करण्यात आली. यावेळी बोलताना कांडर यांनी कवीचा किंवा लेखकाचा जेवढा व्यक्तिगत संघर्ष तेवढी त्याची उत्तम लेखन करण्याची शक्यता जास्त. सुखशांती जीवन जगून उत्तम लेखन करता येत नाही असेही आग्रहणे सांगितले. म...

कणकवली पंचायत समिती चा १ सप्टेंबरला जनता दरबार. सभापती हर्षदा वाळके, उपसभापती सोनू सावंत यांच्या नेतृत्वाखाली होणार जनता  दरबार. विविध खात्याचे अधिकारी राहणार उपस्थित. जनतेच्या समस्या निवारण्यासाठी पालकमंत्री नितेश राणे यांनी दिल्या आहेत जनतादरबार घेण्याच्या सूचना.  कणकवली  : (ऋषिकेश मोरजकर) सिंधुदुर्ग जिल्ह्याचे पालकमंत्री तथा मत्स्यव्यवसाय व बंदर विकास मंत्री नामदार नितेश राणे यांच्या सूचनेनुसार  नागरिकांच्या विविध समस्यांचे निराकरण करण्यासाठी कणकवली पंचायत समितीतर्फे १ सप्टेंबर २०२६ रोजी सकाळी १० वाजता जनता दरबाराचे आयोजन करण्यात आले आहे. हा जनता दरबार कणकवली पंचायत समितीच्या भालचंद्र महाराज सभागृहात सभापती हर्षदा वाळके, उपसभापती सोनू सावंत यांच्या नेतृत्वाखाली होणार  होणार आहे. यावेळी जनतेचे प्रश्न सोडविण्यासाठी  प्रमुख खात्याचे अधिकारी उपस्थित राहणार आहेत. गणेशोत्सवाच्या काळात नागरिकांना भेडसावणाऱ्या विविध समस्यांवर तत्काळ कार्यवाही व्हावी, या उद्देशाने आयोजित करण्यात आलेल्या या जनता दरबारात आरोग्य विभाग, एस.टी. महामंडळ, महावितरण , सार्वजनिक बांधकाम वि...